長洲地道糯米糍

营业中

休息中

本身想買芒果糯米池啊姐不斷推銷貓山皇＄23/件最後我話禁要一件佢拎左兩件入袋 都算 番到去 感覺都晤係貓山皇黎 🥲🥲🥲不過味道係真係晤錯既 芒果幾甜 係個榴槤蓉都幾小下

葵廣出名多嘢食，係地下報紙檔附近有間專賣長洲糯米糍嘅鋪頭，但係佢嘅糖不甩係真係超好食，夜小小收工去到都賣灑🥲🦥花生糖不甩可以選細/大盒，大嘅會抵食啲，通常我都係買大盒裝，之後就會望住佢即刻整，剪開細細粒然後撈埋一齊😍一般建議最好儘快食，之前試過擺太耐會融咗啲糖影響口感，即刻食就暖暖地，外面啲花生又夠香脆😆味道差好遠！🌲🌲🌲🌲🌲🌲🌲🌲🌴只想懶住食、懶住玩、歡迎餵食🌴💤🦥得閒就Follow吓，不過懶得Follow翻你🦥💤 長洲地道糯米糍 (葵芳)葵芳葵富路7號葵涌廣場地下A21B號舖

第一次發現食糖不甩會係咁油，望住佢新鮮整嘅時候本身係好乾爽，好正常嘅糖不甩。估唔到拎到返屋企打開食嘅時候（講緊係30分鐘嘅時間），啲油多到流晒落個袋度，一打開個蓋，啲油流出嚟，我諗應該係嗰個糯米粉團，落咗海量嘅油，搞到食咗兩粒都唔想再食！佢大盒糯米糍嘅價錢係$27，細盒呢就係$22，如果你係鍾意食比較油嘅糖不甩，可以一試，不過我自己就極度唔鍾意囉個店員仲不斷sales人買大盒，咁嘅質素連細盒我都唔想再食。

夏天係芒果當造既時間，諗起好耐冇食芒果糯米糍，咁岩經過見到，價錢又唔貴就買黎試下。店內除左出名人氣糯米糍之外，仲有芒果布甸同埋糖不甩。糖不甩仲要係即場剪既，唔怕放耐左！▪️芒果糯米糍芒果糯米糍有兩款，一款係一大個入面包住半舊芒果，另一款係一盒入面有六粒細size。我就揀左六粒裝，方便同朋友share黎食。糯米糍煙煙韌韌有趙口，唔會太淋又唔會太硬，食得出係新鮮搓嘅。芒果香甜一啲酸味都冇，而且細size芒果既份量都唔會偷工減料，唔錯！▪️芒果布甸試咗另一款係芒果布甸。布甸帶有香濃牛奶味，質感挺身唔會好稀，略嫌芒果有啲少，份量明顯冇芒果糯米糍咁多。總結味道非常唔錯，性價比亦高。下次經過會試埋糖不甩，希望有驚喜！📍長洲地道糯米糍葵芳葵富路7號葵涌廣場地下A21B號舖

呢間長洲地道糯米糍係葵廣都開左好耐，身邊舖頭執下一間執下又另一間，得佢地堅持到咁耐，不過每次去個價錢都好似會貴左，抵唔抵食真係見人見致除左出名芒果糯米糍之外，仲有花生、榴槤、紅豆、芝麻、麥提沙等等，連布旬都有賣，不過價錢都唔平，一盒都要20幾蚊，旁邊仲有懷舊小食花生糖不甩，即叫即做，有大盒或小盒裝，不多地方有得賣，真係買少見少中芒果糯米糍糯米糍的皮偏厚少少，夠煙靭有咬口，有點黏牙，而芒果幾甜，不過放耐左會出水，所以都要盡快食

每隔幾個月經過葵涌廣場就會買返屋企食，都知每次姐姐會sell買多個抵啲咁，有幾次計反先發現買多個平得一蚊咁大把。今次諗住買2個花生加1個芒果糯米糍，姐姐話35蚊有3個花生，咁我都話ok要埋。比完錢朋友話點解咁貴，計反個數貴左成廿蚊，問反姐姐 佢話:咩呀點計呀你 睇反袋野先發現姐姐塞多左個芒果糯米糍入去，我就話我只係要一個，叫佢拎反走找反錢比我。佢就口upup又背住我去整其他糯米糍唔理我，嗌佢過黎找反錢先態度惡劣咁話點啊即係要找幾多呀 你比幾多我呀 你要我找反幾多比你呀⋯⋯好似我呃佢咁，到走重攞住我個膠袋數左幾次糯米糍，話叫我唔好攞多佢。我從來未試過遇到小食鋪態度係可以無良到咁，明明佢側側膊都呃顧客，反而重要比佢凶反轉頭 真係比錢買難受。講反糯米糍質素，花生糯米糍都算過得去，但要$13，講真士但係街買可能重平。而芒果糯米糍就真係唔推薦，芒果無論冬天食定夏天食都係無味甚至乎帶酸。今次太受氣所以無影低，下面張相係幾個月前買既一口糯米糍，都係麻麻地。

今日咁啱嚟到葵芳，梗係要去葵廣睇吓有咩嘢食掃下街先啦～喺地下個層見到呢一間賣長洲糯米糍嘅舖頭，發現隔離竟然仲有一個盤仔係專門整糖不甩，好耐冇見過糖不甩嘅我哋即時買返一盒試吓先價錢分咗大盒同埋細盒，因為我哋兩個人食，所以就叫咗大盒share，都只係$25，好抵食個姐姐即刻整嗰陣，我哋都忍唔住話好香，姐姐望到之後笑住俾多咗啲我哋，而且比花生糖都好慷慨，畢多差唔多有四至五匙俾我哋，最後塞爆晒成個盒，味道方面，由於糖不甩仲係熱辣辣，所以黐住啲糖真係好好食😋之後去開葵廣都要再買嚟食呀～

以前唔多相信點解d人會因為好滿意或者不滿而開個a/c黎寫食評, 我終於都明白, 實在唔呻下唔得。黎間既糖不甩原本係好食既, 我亦光顧左好幾年, 加上我有食物敏感, 出街可以選擇的小食不多, 不時會專程路經買盒糖不甩解饞。一個人食，次次都食唔晒, 試過叫個姐姐唔使比咁多我，唔好浪費。但自從疫情開始, 長駐個位姐姐甚少見, 轉為另外兩位姨姨, d糖不甩既味道都差左。起初我仲諗個個整都差唔多既，自己心理作用吧～再食多幾次, 一個就超多糖, 食到甜味外，花生芝麻都食唔到味, 凍左仲會變成糖膠包糖不甩咁樣🤦‍♀️點知, 低處未算低, 另一個可以姨姨可以令到盒糖不甩變難食, 先會另我“讚嘆”到要黎寫食評一黎佢好慢, 個個客都要反sell一輪, 但完全無視後面條人龍疫情下生意難做我明, 但也真心等得太耐, 我要糖不甩, 佢skip我, 做後面個幾個買糯米滋既客人先, 我都明, 我唔介意等一陣。但佢sell勁耐, d客都話唔使買咁多, 仲狂sell, 我就繼續係度等佢, 好似skip我, 我係度等佢應份咁, 但其實明明排隊輪到我。銷售技巧差, 手腳慢都算, 當我心急,但佢兜糖不甩真係少糖少花生到一個點我

一直想試呢間嘅芒果糯米糍，咁岩今日放工見到仲有得賣，就諗住買4件番屋企食。個阿姐同我講話買多2件夠6件就可以送多件糯米糍，咁我話ok啦。之後佢執緊俾我果時，我話果2件都要芒果味，但阿姐話要夾幾他口味，問我榴槤味好唔好，我見D24榴槤同芒果同價（$16）就話好，諗住送果件就要埋芒果味。點知阿姐執好晒果6件之後叫我揀送果件要咩口味，有花生、芝麻、紅豆、芋頭果堆口味，我果下已經震驚咗，因為佢一開始淨係話買6送1，我之後已經焗住揀左2件榴槤味，佢仲要最後先講送嘅係平啲$13件嘅款，仲要我唔中意食嘅口味🤬果下已經覺得俾阿姐昆咗，但人地都執好晒就諗住是但啦⋯⋯到收錢，盛惠$108，我俾完錢覺得唔對路，點解好似貴咗嘅，唔係$96咩？咪行番去問佢點解$108囉！個阿姐話佢俾我果2件係貓山皇嚟，$22一件！我話我係想要同價嘅D24榴槤味，佢就一邊話可以換番但另一邊係個雪櫃拎左件糯米糍出黎係度長篇大論講貓山皇大件d，同埋只係貴幾蚊！完全無意思去幫我換！大姐，你岩先問我果時無提過係貓山皇！！咁嘅時勢仲見佢係度捽果件糯米糍，見到都驚！果下嬲到哦一聲就轉頭走咗，呢間野永久黑名單！全程淨係覺得自己俾人搵笨！

#花生糖不甩 $21店員喺一個保溫箱到拎一大舊糯米糍出嚟放入花生碎再剪😍糯米糍痴滿花生碎放入盒 店員仲會再加啲花生碎 多到成個盒都滿曬😆糯米糍煙煙韌韌 而啲花生好香夾埋食真係一流🤤食完一盒仲想繼續食呀🤣🤣評分:9/10

今日先生係葵芳買左長洲糯米糍比我食，一共買左三粒，兩粒芒果，一粒榴槤。$18粒其實都幾貴，不過粒芒果肉真係好甜同埋好大粒，所以都算值既。至於榴槤我唔鍾意食，因為好臭，但我先生就話咁臭先好味😅

當見到嚥嚥韌韌既食物既時候豪無抵抗力呢種既似糯米糍又似糖不甩既野 平時都係襯年宵 美食節先有機會食到 估唔到比我係葵廣發現到佢！仲係即叫即製望住佢從保溫箱拎舊糯米糍出黎 係啲花生粉上面剪下又碌下 好療癒啊滿滿既花生粉 夾雜著芝麻同花生粒包住舊白雪雪既糯米糍 食落口舊糯米糍仲係暖架質感好嚥韌又軟腍 加埋啲花生粒增加口感 一個一啖 勁滿足

今日經過諗住買盒麥提沙糯米糍食下，個女店員話「今日特價$40/2盒」（本身$22/盒），係咁叫我試呢樣嗰樣，又話可以放四日，好彩我都驚啲水果唔新鮮，所以淨係買咗一盒麥提沙試吓.....出咗商場睇都冇睇就放咗一粒入口，咬咗一啖即刻頂唔住吐返出嚟！麥提沙唔脆不特止，成粒糯米糍硬到乜咁，食落去感覺已經好似放左唔知幾多日咁，再望一望盒野，發霉嘅！好彩行唔遠，拎返俾佢退錢，佢仲要死撐唔係發霉，以後唔敢再幫襯....

😍葵廣掃街 ：新鮮即製「懷舊花生🥜糯米糍」，但不是龍鬚糖伯伯出品！👉🏻 煙韌控無法抗拒mochi 😘搵唔到龍鬚糖伯伯都照買黎食 👉整既時候重係熱辣辣係個盒到拎出黎剪剪剪👉出面撈滿粗幼粒花生碎加芝麻，完全係懷舊風味，而家已經好小見，姐姐臨尾重加多下😈👉糯米糍煙韌得黎又軟熟，真係要趁熱食💓好正😋話咁快就食左半盒，不過真心都係要SHARE，一個人一盒都幾滯🙈都好多舊！----------💰 $15/盒(S)，$20(大)， $28/2盒(細)

黎葵廣掃街推介呢間糯米糍🙌🏻呢個🍠紫薯糯米糍($12)，糯米皮厚度適中，又夠煙靭有咬口👍🏻👍🏻👍🏻而且糯米皮同紫薯蓉嘅甜度配合得剛剛好，唔怕過甜😛，最重要係紫薯味夠濃😻😻😻紫薯控不能錯過‼️/不過呢，一次食一粒就夠了🙈皆因佢大大粒都幾飽肚仲有些小濟😹😹