우리 (已結業)

今日(16/Dec)夜晚約左朋友去打波，就諗住係長沙灣搵下野食，之後見倒呢間cafe新開就去試下。等左10分鐘倒就有位，我地4個人，侍應帶左我地坐底之後就比左2 set menu我地揀嘢食同嘢飲。因為第一次食，就問下待應有咩推介，佢都好耐心咁介紹左幾款比較受歡迎嘅野食比我地。我自己就點左蜜糖鬆餅同煙三文魚牛油果Bagel，兩樣都唔洗等好耐，大概15分鐘倒就有得食😋蜜糖鬆餅因為每日有限，所以得番一個。食落外脆內軟，價錢唔貴，值得一試！！😋😋煙三文魚牛油果Bagel都唔錯，本人好鍾意牛油果，如果牛油果份量可以多啲就更好🤣野飲方面本身對咖啡唔太熟悉，所以叫左咖啡師介紹下邊杯好飲，最後就點左最近限定嘅海鹽焦糖肉桂latte肉桂同咖啡比例啱啱好，唔會話太濃而遮左咖啡味，表面再有一層焦糖，飲落甜度適中。另外朋友點左個韓式辣醬魚榚雞肉扁意粉都值得試下，唔係死辣，味道唔錯！😍結尾就梗係叫番個甜品啦😆但因為已經飽飽地，所以就4個人share左個南瓜忌廉芝士慕斯。賣相唔錯，南瓜味唔算太突出，但芝士味十足，加上海鹽芝士奶蓋，食落唔好太滯，啱啱好😋總結一下，Cafe裝修好靚，好適合情侶打卡，最好就早少少黎，夜

咁岩黎開長沙灣探朋友，周圍行下先發現新開左一間打卡cafe，見有位就即刻入去幫襯啦😌一入到去店員已經好快俾左水，menu同print左張落單既QR code俾我，咁我即刻睇下有咩食先，飽肚既意粉，bagel，all day breakfast都有，而且最特別既係全部都有加入左韓國元素，韓式all day breakfast真係未見過，一定要叫，另外仲叫左個煙三文魚牛油果莎莎醬bagel，甜品方面就叫左南瓜忌廉芝士慕絲同阿華田波波鬆餅🤤個all day breakfast一黎到已經好吸引，不過咁特別當然都要打卡先啦！打完卡就開動啦，個年糕係我地影左一段時間都仲係又熱又煙韌架，好好食！午餐肉好香口，蛋卷都重蛋香，好好食，不知不覺就食晒成碟！之後就食bagel，本來覺得呢個都係普通bagel，但一食先知果個牛油果莎莎醬係好特別架，食得出用心調味，唔係凈係想俾hea野人食，係一間用心既小店呀！然後就到我期待既甜品環節，波波鬆餅好特別呀，一口一粒容易食，入面仲有阿華田醬，一啲都唔會乾，好好食😋呢個南瓜芝士慕絲又係好好打卡呀，成舊芝士咁既樣🤣上面係海鹽芝士奶蓋，如果單食南瓜芝士慕絲會好易覺得漏，但

見到哩類靚靚cafe，以為都係打卡為主，估唔到長沙灣新開嘅呢間韓式Cafe，唔止有外貌，嘢食仲好好食！加上老闆娘年紀輕輕、熱情招待，員工們都係年輕人為主，仲幫我地影相，好好服務👍🏻👍🏻值得翻頭嘅一間小店！韓國辣醬魚糕雞肉意粉🍝用韓國辣醬做醬汁，好有特色！雞肉用酒醃過好夠味！辣味適中，啱哂我，鍾意食辣但又食唔到太辣😋韓式All Day Breakfast🥐年糕煙靭，辣度適中。平時唔太鍾意食午餐肉，但呢個午餐肉必食🤤有泡菜味嘅蛋捲，有特色Crazy Chocolate 😍叫左少cream但都仍然好rich。Topping比較甜但朱古力底唔算太甜，飲哂成杯都唔太漏💓💓臨近聖誕黎，佈置好晒，好有節日氣氛

咁啱同朋友經過長沙灣，見到新開嘅呢一間韓式餐廳，當時仲係試業中，叫咗一個長通粉及一個Egg Benedict ，然後一人一杯咖啡，雖然店舖好新，但一樣有驚喜。長通粉超級好食，大蝦非常新鮮，味道鮮美。因為我本身超級鐘意食Egg Benedict，每次去唔同餐廳， Egg Benedict定一定係我嘅首選，呢間質素非常之好絕對唔會令我失望。第一次去試業中，然後我就第二次再去，已經加咗好多唔同聖誕飾物， 即刻有一個好新鮮嘅感覺。

周末同先生想找個可以悠閑舒適的地方吃早餐,被特別的門面吸引,門口已是很好的打卡位。點了煙肉磨菇忌廉汁年糕、煙三文魚牛油果莎莎醬Bagel和Cappuccino, 食物水準不錯, Cappuccino非常香濃。店子舒適,環境和服務也很好,殷勤但沒壓迫感,吃完已相約同事下週再來,想試埋韓式早餐和花茶啊。

我唔係第一次入Wuli Cafe食野，但每次都會比左我好多驚喜！好似由十二月份開始，鋪頭已經擺放左好多關於聖誕既裝修，再加上呢幾日都幾凍，著住厚既外套係門口打卡，唔講唔知真係以為自己去左韓國🤣點解我會話每次都比唔同既驚喜我，先講講沙律，兩款我都試過，都好好食，特別係無花果，好甘香。😋再講意粉先，每次去試唔同既意粉，但我最中意食佢個韓式辣醬魚糕雞肉意粉，少少辣又好惹味，魚糕同雞肉既份量都岩岩好，唔會太多又唔會太少，一句講哂 好味！其次最中意既係卡邦尼年糕，簡直去左韓國咁。🤩仲有咖啡、茶類都唔錯，亦都見到同場既人都有叫crazy chocolate ，打卡一流！自己就未試過啦，不過黎緊都會再同其他朋友去打卡，都會試下個crazy chocolate。😎

比呢間coffee shop門口張沙發吸引左😍（好可惜有人喺張沙發食緊野影唔到相😣），入到去，其實成間cafe 都好girly , 好靚，好舒服，我係平日下午4:00 去，雖然唔洗等位，不過都full full 地，呢度出奇地有我最中意飲既Dirty coffee,因為老公唔飲得牛奶所以轉左oat milk, 又幾好飲wow , 第一啖係暖暖地，好香咖啡味，飲到中間係好香滑，呢杯coffee 我比好高分，因為唔係好多地方有得飲，而且好少地方有好飲既Dirty 👍🏻，我地再叫左個朱古力鬆餅，中間有流心朱古力，都幾好食😋好可惜我今日食左個late lunch , 下次會再黎飲Dirty 同試吓佢其他嘢食❤️

行過見到裝修好吸引，望入去坐滿人，門外已有人等位，我同爸、媽3人，等了10分鐘左右入座，已經見到好多聖誕裝飾，好有氣氛。點餐用QR code掃，在手機落單，操作簡單好方便。叫左杯mocha 同期間限定的海鹽焦糖玉桂咖啡，兩杯都好味😋食物方面有蜜糖鬆餅～好脆；藍莓流心芝士鬆餅～嫌未夠流心但味道唔錯；雞肉無花果沙律～醋汁配搭不錯，無花果甜，雞肉嫩；韓式辣醬魚糕雞肉扁意粉～我喜歡少辣配魚糕；肉醬芝士長通粉～濃濃的肉醬汁好好味；南瓜芝士慕絲（大概是這個名，不太記得全名)～一定要試！有驚喜！餐廳都坐滿人，很多人都拍照打咭。見店員走來走去，非常忙碌，結帳時店員會問食物質素如何，可以反映意見，這點我覺得很窩心。有機會會再試其他食物。

上ig見到呢間係長沙灣新開試業中嘅韓式cafe, 見今日放假得閒就去試下, 一去到佢個歐洲復古風設計嘅門口已經好吸引. 有張長bench嘅打卡位. 去嘅時間大約2點半, 全間餐廳已經坐滿左人, 等左大約三張枱左右先入到. 不過都ok. 叫左份韓國早餐,都幾有特色,有午餐肉,蛋捲,泡菜等韓國元素, 味道都非常不錯, 睇得出佢哋嘅創意同用心, 而咖啡方便就偏nutty, 正合我嘅口味.特別一讚職員態度有善,會行埋黎問覺得食物飲品點樣. 整體高分,值得再黎！

尋日經開長沙灣，見到呢間咁特別既cafe就忍唔住入左去食野，個門面真係好靚！！雖然佢仲係試業中😙亦都好多打卡位😍服務好好，野飲同野食都好岩我口味，會再繼續去食下其他野🤩🤩

11:49 分落order叫咗兩杯咖啡加一份ADV 同pancake份pancake等咗半個鐘都未有得食跟住見到waitress 張我份食物（Pancake)俾咗兩個youtuber另一個waitress 發現唔對路但照俾個兩個youtuber跟住waitress 同我講而家整我個份好快有跟住再等多10-15分鐘先有前後等咗45分鐘垃圾服務真金白銀俾錢食嘢仲要等九個字先有一份pancake 不如只係open 俾youtuber!一定唔會再去！