長崎咖啡 (已結業)

本身住係天后, 我係呢間長崎咖啡gei長期顧客.成日去呢度食, 都未打過呢度一篇食評tim!今日係呢間咖啡店gei last day.幸好今日tea time 都有去到姐.呢度gei服務很不錯, 事頭婆同我都好投契.除左我之外, 我見事頭婆同好多人都好熟. 成日出黎同我地傾下計.我最愛食呢度gei 石頭窩烏冬. 熱辣辣之餘, 豬骨湯底味濃. 烏冬係較幼身的. 但係有時會煮得過霖.之後,係tea set gei 厚多士伴雪糕, 佢係用麥包的, 厚多士最重要係烘的時間同溫度~ 呢度烘得個多士金黃~ 外脆內軟~very nice!tea set 仲有個夾餅+焦糖布甸我都好中2order, 因為呢兩樣甜品我都好中2食, 不過無糖布甸gei水準其實一般~咖啡~我去左咁多次. 次次都會係加奶前淺嚐一口的. 都試過一次,我覺得味道淡了, 佢地都即刻幫我換過杯~^長崎咖啡close 左之後, weekend 個tea time 唔知去邊好喇~希望事頭婆快d搵過個鋪位開過一間la!

在這區還有很多東西未吃過，要找個有咖啡喝的地方午餐，就想起可以試試這兒，襯學生哥未放飯，吃一個Early Lunch。坐好後也點菜了，有午餐及學生餐，我沒有資格吃學生餐，但見午餐內已有自己來想試它的石鍋燒烏冬，也就不作他想了，另外包一杯茶或咖啡，當然是要咖啡，問阿姐有什麼選擇，包的是否一後Regular Coffee，她說我們沒有Regular Coffee的，全是自己的House Blend，那她根本不是在答我的問題，根本就叻唔切，現在很多咖啡店也會有自己Mix的House Blend，但看用什麼方法來煮嘛，連這問題也答不了，還在洒酷，我不受這一套呢！在等吃的時候，也四處拍餐廳內環境照，這是我的習慣，但突然一位阿姐以很不客氣的語氣說：「不要立亂影相。」其實我不是第一次遇到不讓食客拍環境照的情形，但也是第一次聽見無論語氣及措辭也是咁尖銳的警告，做乜要咁惡？話哂我都是客，而且為什麼說我是立亂呢？我拍的照從來沒有立亂，因為在店內沒有一句標語說，不讓食客拍照的，所以其實也真的很氣憤，但算！我尊重這店對其環境的處分權，但其語氣真的令人生厭。也不要說我針對這位阿姐，因為她的表現實在是太出位了，受

數星期前在長崎咖啡食過好味的一口蒜子牛肉+石鍋彈牙烏冬set dinner, 所以13/9/2009專誠帶同老公仔去enchour....見到的﹑食落的﹑服務態度已今非昔比.... 一口蒜子牛肉==> 十分亁 & 咸鐵鍋彈牙烏冬==> cheaper 不彈牙烏冬 with 色淡無味湯底!!食到大半, 好奇問下個侍應點解甘差, 是否老闆娘不在？她說拿出來時已覺得同平時不同, 她說幫我換, 但我已無興趣食, 而且老公點o左個雞肉意大利粉也十分難食, 重雪藏味的雞配無味汁意粉。 後來見到老闆娘 只是站在水吧處也不過來解釋, 因她在我上次光顧時我大讚好味, 她主動講解如何選烏冬,為何今次她只是眼超超 埋單也要加10% 服務費....何來值得! 連冷氣也不夠...... my hushand said, no next time.

晚飯。友人的甚麼牛定食我一口也沒吃過，友人的評價是：食味不俗但筋太多。小食煎豚肉餃子則非常不錯，餃子皮薄通透不會一夾就穿。我的主菜是和友人share綠茶雪糕窩夫，微脆而又內裡鬆軟的窩夫已塗上蜜糖，抹上綠茶雪糕，加上杏仁片，層次更豐富，那有不好吃之理，要挑剔就是，蜜糖不用這麼吝嗇罷，雪糕則甜了一點，點綴的巧克力醬味道很artificial，沒有甚麼作為。喜歡這兒樓底高，晚上八九時來，人客不多，用餐環境比午飯時間好。服務一般，價錢卻不便宜呢。

25-8-2009食完菜肉雲吞想食點甜嘢 / 飲杯嘢, 記得附近有間日式 (?) 咖啡店, 又嚟坐吓. 天氣咁熱, 唔要招牌 blend 了, 簡單要個 iced coffee ($28) 就算.Iced coffee 冰幾多, 夠晒凍, 乜都唔落就咁飲, 咖啡味唔突出, 唔算苦, 之後開始覺得酸, 跟住愈來愈酸, 唔太喜歡; 而落少量 cream 及少少少少少量 syrup, 就好滑, 咁樣好飲好多!可惜呢日趕住到跑馬地「下場」, 搞到要滾水淥腳 "chur" 晒成杯咖啡, 無得慢慢歎又無得靜靜哋睇吓書, 下次再嚟過吧.P.S. 兩位女店員態度實在麻麻哋, 細聲講大聲笑又實在太「明顯」, 服務要扣分...

話說尋晚同朋友食完晚飯，想搵間咖啡店坐下傾下計啦，係天后行行下，見之前未試過，就去左長崎咖啡試下。咁我就叫左一個鮮果雪榚新地，點知我見到果2個女侍應捧我個新地出黎之前，係廚房窗口前細聲講大聲笑，比我聽到佢地講左一句「係唔係呢個ga？我都未見過。」之後其中一個女仔就跑左出黎睇下個menu, 然後就講「差唔多掛，唔係佢會出聲ga啦。」跟住佢就捧左個新地黎比我，咁我就多口講笑式咁問佢：「其實呢個係唔係我個鮮果新地黎ga？頭先聽到你地好猶豫喎。」(其實我果已經好友善, 諗住講下笑)跟住佢就好求其咁答我「係呀」之後就行開左。到佢返埋去另一個侍應身邊時，聽到佢地兩左兩句野，另外果個侍應就講(都幾大聲，至少我聽到)：「唔信咪叫佢自己對下個餐牌lor！」嘩，有無攪錯呀？我又唔係怪你，我語氣又唔係差，你地洗唔洗咁講野先...其實d野食就不過不失，都係咁啦，但服務就真係麻麻地。

是日weekend大約下午三時正是tea time,再來長崎咖啡一趟,因為是日有我喜愛吃的肉醬意粉肉醬意粉的用料都頗為新鮮,很喜歡有很多鮮打蕃茄不過意粉煮得120%熟,所以缺乏了咬口~~最後再來一杯咖啡很濃滑,上面還有一層薄薄的咖啡油,,,好味都暈~~~

本人今晚叫了個2人套餐 $238 仲要加一, 價錢不算便宜, 但最慘是味道非常難食套餐包括:日式餃子一客 (餃子超硬)麵豉湯 (無味)吉列猪柳 (猪柳重雪味)日式牛排2小件 (超硬)蟹子魚生飯 (沒有魚生, 只有極少蟹子+沙律醬+白飯, 非常難食)日式湯烏東 (是整個套餐可以入口的一味, 不個不算好味) 整個餐不知所謂, 仲有D sofa 都破爛

在天后區lunch time找吃的一點不易, 需求永遠比供應多。而這家長崎咖啡基本上每次一定要排隊等位, 但眾同事仍不時心思思想來光顧。本人捱餓等位全為這裏的手打烏冬。近月不少餐廳以手打烏冬作招徠, 卻不及這一家以咖啡做主打的cafe來得好吃。每天的lunch set總會有一個烏冬選擇, 而這烏冬是以一個石鍋熱騰騰地端出來, 放在客人面前時, 湯還在滾, 氣泡噗噗噗噗地跑上來。冬天吃固然一身溫暖, 夏天也會忍不住點來吃。說到味道, 湯底應記一功, 不知加了甚麼, 但甜得來不會很濃濁, 烏冬吸盡湯汁, 吃起來又滑又有嚼勁, 讚!如此精彩的烏冬, 暫時我還未找到可以匹敵的一家店。老闆娘Manlanie大大聲, 新客人可能未能習慣。實情Manlanie只是作風豪邁, 實則人很不錯。只要聽慣她的語氣, 就會發現一份親切感。餐後再加杯招牌的靚咖啡, 即時重新振作繼續工作。

從巴士上見到心儀的cake2就在不遠,馬上下車到餅店了解一番,店內那條以糖製造的婚紗真的很漂亮!順道在天后一帶走走玩玩, 也找個地方消磨一下時間。走到熟悉的琉璃街,這間名字極有日本風味的咖啡店人客稀少,而且還有下午茶供應,GOGOGO! 由於客人不多,加上樓底很高,咖啡店環境可算清靜。經過店員小妹細心介紹,月巴人點了一客CAKE SET享受一下。店員小妹說是店方特配的凍咖啡首先送上;咖啡味道算是香濃,喝後也有點餘香在口腔停留,也沒有怪怪的酸味,以咖啡香來說可以收貨,不過再香濃一點更佳。店方所用的糖水非常濃甜,只加少量已經很甜,幸好加了鮮奶後情況就好一些。還以為朱古力蛋糕是CUT CAKE模樣,原來外型像一件BROWNIE多一點。蛋糕朱古力味很濃, 質感鬆軟, 本身甜度不高,甜味都是來自面層的流漿朱古力。上桌時的叮叮聲應是叮溶朱古力所致,要是溫度再熱一點再配一球雪糕會更更更好吃!!伴碟所用鮮果本身都很甜美,但吃完蛋糕之後就相對沒甜味了,用作清清味蕾還是不俗的! 水果下面還有cream,打得幼滑味道清香,加進咖啡中更為香滑!其餐牌有點像pokka, 雪糕甜品也很漂亮,連疑似蜜嘜多士也有!鄰

前幾日去左天后找東西吃,因為之前睇過呢間野既食評,之後bookmark左呢度,開著個nanonavi地圖定位,行下行下就搵到呢間餐廳 = )入到去發現是日式+西式的門口有日本雜誌,感覺上蠻是relax的order了個窩夫+焦糖布甸下午茶,整緊果陣窩夫的香味已經除除滲出了焦糖布甸也很好吃,雖然我感覺到好肥haha我朋友order了個雪糕厚多士,我試了少許,都覺得因為雪糕不夠令到整個厚多士感覺好乾,我Suggest可以加d朱古力topping0係上面就冇咁乾啦~~最後的餐茶 -- 咖啡,很香的燒咖啡味 = )

我兩年前來過食芭菲, 都是這種味道----香蕉朱古力芭菲$35,下面是cornflake,上面有cream 有chocolate sauce, 兩球朱古力雪糕, 賣相好迷人, 我今天和我妹妹一起share 食,雪糕食出的味道一般, 但將一粒香蕉加一啖的雪糕,好match...正在半溶的雪糕加上cornflake ,好像平時食朱古力鮮奶+cornflake, 但是每一啖都凍凍地, 好cute....環境都好幽靜, 這裡都舒適, 都有7,8 個客,有啲是約朋友, 有些是情侶,服務生都好好禮貌, 都勤力斟水...這裡最出名是coffee , 有好多choices, 不過下次才來try...

是日專程過海帶朋友拜訪拿破侖名店，之後來此撐檯腳。 朋友叫了個豚肉生薑燒定食，據聞十分不錯。 我這個甜牙齒揭下揭下 menu 看到一個甚麼咖啡芭菲，膽粗粗叫了一個（見圖），是意想不到的大堆頭，一大 pat cream 加一球雪糕加萍果草莓再加涼粉，味道卻不是很突出。因為拿破侖未 "落膈"，本人吃剩了大部份涼粉。再加一個冰東京咖啡，又是時候四處奔走作赴英前最後準備！ 此店有一位姐姐服務超班，她真的很認真地就著我們已吃過甚麼來 advise 我們應點甚麼，又多多笑容，真是此行最 impressive 的。店比想像中大，menu 選擇也很有 variety，是有得返轉頭的。謝朋友請客！

「背叛」o左原本的目的地，享受清靜悠閒的一刻。要o左黑白冰咖啡同長崎厚多士：黑白冰咖啡變身只係見到白色點子，但「加色」之後原來黑（咖啡o者喱）白（牛奶o者喱）雙煞- 味道唔錯，清清甜甜，「飛沙」仲好飲；長崎厚多士其實係烘一個15cm x 15cm x ~8.5cm 既厚麥包cube - 刀切的所有位子都溶入o左牛油，牛油味香濃之餘仲外脆內軟，唔錯...最緊要係比其他巨型多士大同平，仲有「麥」。可惜，眼闊肚窄得很，吃了1/4 個已舉手投降。

重返天后天氣熱熱但又不想吃壽司試試這間搭車時從英皇道瞥見的小店吧二人餐看來幾抵元貝凱撒沙律係沙律入面拌有幾粒小元貝幾有創意但沙律醬唔多夠龍蝦忌廉湯好少做到唔太咸今次呢個幾好日式串燒雞翼就好咸似乎鹽落重手左牛油焗鮮百合什菌細細碟加埋百合幾開胃但都係咸左少少網燒安格斯肉眼明明問左要七成熟又係熟晒切開晒一件件一個長碟咁上檯都幾特別意式鮮蝦意粉合格啦甜品蘋果批加茶啡食左先知原來唔食蘋果批可以轉布丁不過呢個蘋果批細細件都幾好食喎而且蘋果又無咩藥水味呢一年間自己食返好多廿幾年來死都唔肯食既野茄子、津白、豆卜、苦瓜、杏仁茶、蘋果批仲有咩係唔食?宜家仲有咩哽唔落丫何況係好食既是日的一件消息不禁令人傷感和困惑如果一個人因為自己的作為而要受囹圄之苦自己卻獨善其身相信怎樣說來也不是好受的但故事的兩個結局說穿了還是為了自己著想所學的理論原來真的只是理論有說我被你利用了我還要守道義麼但當初是自己甘心給人利用的到頭來被人一壓迫便反轉豬肚合理嗎?請不要自欺欺人搭車和等車原來都是一門藝術任何抉擇都是極需要勇氣的