長洲-志寶記

营业中

休息中

嚟到長洲緊係要食芒果糯米糍～ 呢間係我暫時係長洲食過最好食既芒果糯米糍🤍 不過佢鋪位唔顯眼，要專登搵先見到～ 我都係上網見到人話係長洲人先會識去呢度買，大家下次嚟長洲可以試下😋食物：✨✨✨✨價錢：✨✨✨長洲-志寶記 (長洲)長洲北社海傍路9D號地下後座

長洲必食嘅芒果糯米糍相信大家都聽過，但係係咁多間店舖入面最好食嘅都係呢一間。一開頭係朋友請我食，咬落去好軟身，又煙韌，夠彈性，仲要雪咗一晚，都仲保持到水準，令到我心郁郁想去親身食。趁着假期，當然去親身品嚐一番。去到店舖，老闆娘超好笑容，好有媽媽的感覺。芒果糯米糍一拎上手，勁有重量，咬一啖，勁甜勁軟熟，讚不絕口。現場食真係好正，完全同之前食嘅係另一個層次。呢到亦都唔似其他排晒長龍又或者好多花巧嘅舖頭，個皮超級厚，人又不親切。臨走時諗住買多幾個糯米糍返屋企比屋企人一齊食，估唔到老闆娘仲記得我，仲好細心咁樣樣教我點樣樣保存。用心的製作，細心的妳，令我有開心的心情。下次會再試埋佢的榴槤糯米糍，親切的老闆娘等我呀

長洲唔係得芒果糯米糍食，但芒果糯米糍係一定要食🤣以前會係大街出名嘅店買，但部分店舖真係唔憂做咁，服務態度取決於店員心情🙈今次就試下其他小店❤️去左北眺亭行完個短山落黎，就順道去左落山附近嘅志寶記買手信🔆芒果糯米糍1個$𝟙𝟜 差唔多係我一隻手掌咁大😍芒果好甜好厚果肉無渣🥭皮薄得黎有存在感，雖然我係雪到第日食但依然夠軟身，煙韌有彈性🥰無可挑剔🐰好開心搵到好食嘅糯米糍小店😆老闆娘好好笑容，見我買4個就主動教點樣保存令隔日食都咁好味

長洲糯米糍出名就係人都知，好多時做遊客只會喺大街道買，不過大街嗰啲都已經太commercial，芒果靚唔靚都係咁整，好唔好食係睇彩數因為有朋友係原居民，之前就介紹我去呢間志寶記，老闆娘好用心做甜品又笑容滿面，芒果唔靚就寧願唔製作，糯米糍個皮一啲都唔會太厚，芒果大大塊，次次都勁甜，每次帶朋友嚟買都讚不絕口，同其他大舖好唔同咁啱有朋友鐘意食榴槤，佢哋個個都話佢嘅榴槤糯米糍都同樣正到爆🤣 有機會大家不妨試吓。推薦！