影片
位于汇景广场内，整体食物质素还算可以，环境卫生，地方整洁，招呼有礼，坐得舒服，地点方便，价钱质素正常，提供早、午、晚餐算是不错的茶餐厅，可以再试。叫左2set下午茶，脆香炸鸡髀伴沙律和吉列鱼柳伴沙律，冻饮加$3（冻柠檬茶），再加多个蛋挞和鸡批，食左咁多煎炸野饮番杯冻柠茶会系解腻的好选择，饮完清新爽口。
继续阅读
今日谂住一个人黎食个快早餐，一入去同收银讲「一位」，无反应，我当佢听唔到，咁咪再大声啲「一位呀唔该」收银呀姐呼喝我「直行入去啦…」我行到入去，第一；无位。第二；侍应睇到扮睇唔到，完全无人理！我行返出去，问收银呀姐「无位㖞，你意思叫我坐边？」呀姐大声兼夹呼喝态度：「见到有位你就坐啦」…..我听完真系火都泥，问返佢咩态度，佢仲一副不耐烦嘴脸🤷🏻♀️🤷🏻♀️我真心觉得食完都惊背脊骨落，直接走人！其实平时都觉得呢间餐厅啲侍应同收银态度好差，今日直头叹为观止👍🏻呢世都唔会再帮衬，野又唔系特别好食，仲要咁态度👎🏾blacklist
继续阅读
而家揾食艰难，冇乜特别事都唔想写负评，不过今次实在太嬲，要不吐不快。我同老公都系街坊，平时都会喺汇景揾嘢食，之前间唔中都有帮衬锡兰，但系佢哋一直有个问题，就系冻饮要加$3都唔紧要，不过超过一半都系冰，我地同其中一个staff反映过，想要冻柠茶走冰，不过佢哋话唔走得，咁冇问题，我地可以少冰，但系杯冻饮嚟到之后，啲冰都系超过一半…然后其中一个短头发嘅女侍应话，原本杯柠茶系热嘅，所以要放好多冰落去令佢变冻…又唔见其他茶餐厅系咁样，成本都唔系咁样悭，我哋决定以后都唔会再嚟呢间食，啲嘢又唔系特别好食，特别系个海南鸡，劲鞋，应该系我食过最难食嘅海南鸡饭。
继续阅读
侍应服务态度极差，行入去无人理都唔紧要 就当无爆场所以任坐 大把空位，不过得一两张系执好咗枱嘅。坐低之后举咗5分钟都扮睇唔到叫落单，等到个白头发侍应嬲爆爆咁走埋嚟问「你想做咩架？」，即刻打咗个突答佢「落单唔该」，个侍应「好心你一个人坐第二度啦，又要帮你执枱又要剩」，起身转去第二张枱想话叫佢落单先，个白头发侍应眼尾都唔望手指去第二张枱，示意叫我行开先唔得闲招呼人。再之后见佢都系态度好差咁闹啲厨房同唔理啲客。
继续阅读
因为当时没有侍应在门口，我就自己企在餐厅中间看那里有位，我前面是没有人找位。 正当我想坐下一个空位。跟著个收银走出来叫我行去，因为该男士等先。 这个恶霸收银，竟然如此不说理! 这已是第二次情况我遇到收银用同一态度欺凌！今天，同桌不认识男士坐下，佢是迟来的。佢叫了牛面。 侍应却给了他另外餐的帐单。我叫的通粉等了18分钟仍未到，叫侍应跟又不跟，该收银说我改单系咁迟，等18多分钟都系咁啦！佢不查清洁就判断我改单！ 我从头到尾根本都没有改过单。收银态度差到骂人🤬到付款时，佢又骂男客人快得滞嘟八达通，话我太慢付款，叫我比返钱给该男客人，真是不知所谓的野蛮行为！ 我帐单是$36-，该男士帐单$39-他已付八达通予锡兰，干嘛叫我付钱该男士？！ 乱晒笼！锡兰完本是我喜欢的茶餐厅，但现在已blacklist 此店！ 因为收银其差的态度！
继续阅读
您可能会有兴趣的...