影片
港铁朗屏站 E 出口, 步行约6分钟
继续阅读
营业时间
*星期五六日，公眾假期及前夕分以下時段：
A時段:17:30-20:15
B時段:20:15-23:00
星期一至日
17:30 - 23:00
以上资料只供参考，请与餐厅确认详情
隨心之下試食左一間唔錯ge海鮮粥底火鍋，一直都知元朗多野食，基本上想食咩菜都會有，講到打邊爐就更加多選擇。咁岩今日約左去朋友屋企，而佢就住係附近，所以我地就揀左呢間海鮮粥底火鍋試。今次呢個海鮮粥底火鍋我地一行8人食，大家都好滿意，我地個餐包左唔同既海鮮，有蟹，有鮑魚，有蝦，有青口，有蛤蜊等等，今次D海鮮，我地都覺得係高質既水平，無死無臭左既，見到既都重覺得好FRESH!呢個係有Dsurprise既。另外，丸類我地覺得又係好出色既，唔係普通既丸，係真係用鮮肉整既丸，d肉汁好夠，又好咬口。D湯同埋d配料都夠多，今餐真係有驚喜，有機會，都想去店食次先，可以encore!
继续阅读
今晚家人突然想食海鮮粥底火鍋，並指明想幫襯位於朗屏站附近的鍋心粥底火鍋。既然已經有目標，咁就打電話去確認是否需要訂位，好彩訂到位，同埋原來星期五係分兩輪，第二輪由8:15pm, 我地到達的時間啱啱好。餐廳根據人數提供套餐 (並非放題) ，叫咗二人套餐，肉蟹 + 沙白蜆 (是日龍蝦賣晒)，再選擇5款海鮮。另外，再每人各選擇4款火鍋配料。海鮮方面，肉蟹，鮑魚，海蝦，帶子，元貝，蟶子各樣都新鮮而且鮮甜，其中沙白蜆有3隻唔開，職員都主動同我地換過，而且專登揾3隻較大及新鮮的。8款火鍋配料，整體水準都達到合格以上。尤其以手打雞軟骨丸，，台灣芋頭丸，潮汕牛丸，手打雞滑等較有驚喜。其中一款配料我地加錢要牛小排，份量雖然並唔算多，但咬落都夠牛味。品嘗完所有火鍋後，職員就幫我地準備潮州粥，粥完全吸收各海鮮及其他食材的精華，幾好味。職員整體服務滿意，樂於幫忙及解答問題，而且服務十分有禮！餐廳環境舒適，冷氣夠，最重要係唔會太嘈吵，可以慢慢享用美食。埋單二人共500元，整體食物新鮮，價錢十分合理！
继续阅读
基本上我比較少食粥底火鍋，喺網上都見到呢間食店嘅介紹所以同女朋友2人行過嚟食,今次特登提前預約過嚟食，因為預約咗食店會提中新鮮食材日日清牛肉，同出邊嘅肥牛差唔多質素正常佢主要係海鮮火鍋蟹嘅質素都非常好新鮮嘅，應該即日開沙白：新鮮無沙,同埋佢每個食材都會有建議住嘅時間所以非常準確其他配料例如蝦滑墨魚丸芝士腸分量比較多，而家蝦滑整體質素唔錯到最後重頭戲我哋係第一次食粥底火鍋，最後剩返個粥底嘅味道非常濃郁,因為吸收曬海鮮嘅味道所以都係第一次體驗到，有機會都會再次體驗粥底火鍋
继续阅读
天氣凍就成日心思思想打邊爐但兩個人都好難叫餸😵💫呢排見好多朋友食粥底火鍋就揾到呢間都幾出名嘅鍋心我地兩個人 每人揀一個set就揀左呢兩個肉蟹+沙白蜆 $218 龍蝦+沙白蜆 $238 （免加一）-湯底揀咗粥水 -每set仲包5款是日海鮮 當日有鮑魚、貴妃蚌、花甲、大尾魷、海蝦-自選4款配料（可重覆）揀左自家製雞軟骨丸、鴨血、蒿荀、蜂巢豆腐、豬梅頭片、王芽白、蘿蔔片-海鮮粥店員首先會上海鮮先 沙白好大隻 花甲就鮮甜為主鮑魚 龍蝦 肉質都好彈牙整體都好新鮮 推介粥水底食到原汁原味之後就上配菜 (個人覺得可以提早上🤣豬梅頭片食得出唔係平時雪左好耐果D手打雞軟骨丸口感好豐富仲叫左近年好hit嘅鴨血 蒿荀 蜂巢豆腐 👍🏻最後就係重頭戲海鮮粥店員幫手落粟米、芋頭同南瓜粒滾一滾就會開始成粥 再將配料冬菜、 大頭菜、 芫茜、豬油渣粒混入粥底口感好綿又滑 充滿海鮮嘅精華勁鮮甜惹味！！呢個價錢同平時放題差唔多但海鮮種類同新鮮度就高質好多仲係明碼實價好抵讚
继续阅读
又黎到世宙搵嘢食，好似已經比我食到7788，記得朋友以前一直話鍋心幾抵食而且唔差，因為好近所以就的起心肝試試佢第一次食粥底火鍋嘅我有啲失禮，完全同蒸氣火鍋撈亂咗！粥底火鍋分咗五個步驟：粥水或者豬骨湯，揀蟹/龍蝦，揀海鮮，三款海鮮粥嘅蔬菜，最後就係每人揀四款配料第一階段揀咗粥水，話明粥底火鍋咁梗係揀粥水啦不過店員話豬骨湯就會比較鮮甜，但我個人比較傳統，所以都係揀返粥水第二階段我哋揀咗有龍蝦肉蟹，在配搭佢一定有嘅沙白蜆。肉蟹餐$218一份，而龍蝦餐一份就$238。肉蟹既蟹膏好正，而龍蝦食落啖啖肉第三階段7款自選5款，叫咗鮑魚，海蝦，花甲，貴妃蚌，刀貝。冇要大尾魷同多寶魚因為第四階段係海鮮粥嘅蔬菜，已經set定左係三款，包括係南瓜粒，芋頭粒，粟米粒店員話可以唔食住，等佢煲林啲到粥底嘅時候先食最後第五階段每人揀四款，我地揀咗手打淮山雞軟骨丸，台灣芋頭丸，竹笙，花膠仔，芝心獅子狗，肥牛，萵筍，芝士豆腐開頭揀呢個階段嘅時候一直都理解唔到到底佢點樣加落粥，原來係先食呢個，最後再變粥超級鍾意食芝心獅子狗，佢自家製手打既丸都好出色其實食完呢個步驟已經好飽，但係覺得打俾粥底火鍋一定要試吓，點知一食愛上了，好濃郁嘅海鮮味，好飽然後我食咗兩碗😂枱面會有張紙指示唔同嘅海鮮分別放落去幾多分鐘，海鮮我建議先落貝殼類。啲海鮮好新鮮，鮑魚仲識郁，海蝦仲係咁跳，我好勇敢咁樣諗住放佢落去點知佢偷走，所以加海蝦嘅時候要小心啲整體環境都好舒服，而且記得一定要留肚食佢個粥，店員風趣幽默，餐飯食得好開心埋單發現免加一👍👍👍👍
继续阅读