影片
开饭介绍
「银杏馆」自2003年开始，一直致力策动长者就业，藉经营餐厅、餐饮到会、食品制造及零售等服务，为有经济或心理需要工作的长者，提供合适的就业机会，让长者能自食其力，自得其乐。
继续阅读
营业时间
今日营业
11:00 - 22:00
星期一至日
11:00 - 22:00
*午餐: 11:00-14:30
下午茶: 14:30-17:30
晚餐: 17:30-22:00
以上资料只供参考，请与餐厅确认详情
有关奖赏计划
【东区】【银杏时光】面对人口老化但同时又充满竞争嘅香港社会，「银杏馆」喺 2003 年开始就开辟咗「长者就业」呢条路，令好多长者或者有需要人士重拾自信同尊严。从来都觉得呢啲社企系劲需要大众支持，所以呢晚我同美女朋友食饭，就拣咗试呢间喺太古站附近嘅嚟试。餐厅系以半自助形式运营，只要每人都叫咗主菜，就可以免费任食半自助吧，有汤、糖水同沙律，环境卫生之余，味道都唔错，我都食完再食。而头先讲到佢哋促进长者就业，餐厅亦都专门聘请长者做嘢。放心，唔慢不特止，服务仲超好，而且非常细心呀。餐厅另一个特色，就系有歌曲表演，由长者歌手自弹自唱，晚市七点至九点就有得听。呢晚系一位叫 Emma 嘅长者表演，佢一个人又弹又唱足两个钟，我哋听足咁耐佢真系冇停过，好犀利。中间加插帮小朋友庆生嘅生日歌，仲有点歌环节，可以话系好丰富。好耐都未试过写成三段都未写啲嘢食，实在太多嘢想讲。而首先讲嘅食物系 $198 嘅「酸甜五柳松子鱼」，每枱都见到，我哋都叫。食落酥脆香口，酸甜酱汁又将油腻感减退，唔怪得系必点。之后试 $168 嘅「彩虹咕噜肉」，都唔错，香口得嚟热力十足。不过讲到热，都唔及 $138 嘅「红烧豆腐煲」，热辣辣咁上，个酱汁又好惹味，有惊喜。跟住试 $68 嘅「豉油王乳鸽」，就算本身对乳鸽麻麻哋嘅美女朋友，都话佢整得几好。而我就当然觉得好正。主要系佢呢个整法唔会烧到啲肉好实同缩晒咁，又索到汁。我胃口大开之下，接连试咗两款甜品。首先系 $88 嘅「法式心太软」，系做到软心朱古力效果嘅，而且朱古力味浓，几邪恶嘅。跟住系 $68 嘅「芝士饼」，唔知点解芝士嘅咸香会喺呢个饼度发挥得几出，特别嘅。餐饭加一后 $801，食多啲当支持社企嘛。。。（地址：太古基利路7号太吉楼地下4及5号舖）#1amfoodie #hkig #foodie #hk #hongkong #hongkongfoodie #hkfoodblogger #foodiehk #topcitybiteshk #hkeat #hkfoodstagram #thatfoodiething #instagood #love #hkigfood #hkfoodlove #hkfoodblog #globaleats #foodieman #1am东区 #太古 #太古城 #银杏时光 #酸甜五柳松子鱼 #彩虹咕噜肉 #红烧豆腐煲 #豉油王乳鸽 #法式心太软 #芝士饼 #1am1761 #1ambackup
继续阅读
银杏馆喺香港唔同地方都有社企食肆，今次同朋友们一齐去到位于港岛嘅银杏时光，门口有唔少售卖嘅食品都系餐厅员工亲手整嘅行到入面，餐厅布置好有氛围，而且每晚七点到九点都会有员工出嚟唱歌busking，一路食饭一路听歌几有feel出面嘅自助吧有唔少前菜，比如有机薯仔沙律、车厘茄、有机杂菜、凉拌大豆芽、青瓜，侧边仲有千岛酱、油醋可以淋上沙律嚟食。除咗沙律，自助吧仲有员工自家制嘅桃胶雪耳糖水同埋五指毛桃淮山粟米汤。用料十足，味道清甜酸甜五柳松子鱼 $198原条松子鱼上枱，表面铺满松子、三色椒等配料，并淋上浓稠嘅糖醋酱，鱼肉炸得酥脆，糖醋酱汁味道偏甜，送饭一流黄椒酱蒸珍珠斑 $188另外叫咗一条蒸珍珠斑，又系原条鱼上枱，表面铺满黄椒酱，呢款菜式食落就比较似平时酒楼会食到嘅蒸鱼，鱼肉软淋，加少少豉油就好鲜甜滋补羊腩煲 $288叫咗一个羊腩煲，羊腩煲份量唔细，足够二至三人食用，咗有羊腩仲有支竹同冬菇，羊腩主要用上瘦肉，口感结实，冬菇同支竹都煮得入味，确实美味
继续阅读
母亲节前夕带咗阿妈去银杏时光（银杏馆太古分店）食饭。平日lunch time食过佢哋啲嘢食觉得几好食，今次第一次嚟食晚餐。餐厅主打支持长者就业，成间铺头啲员工同歌手都系长者，而且每晚7点到8点都有长者歌手表演，好有气氛～ 当晚有位80几岁嘅歌手唱歌，把声温柔得嚟又好有力，啲客人都听到好投入，仲起身跳舞，成个气氛都好温馨同，服务员都好人情味，同客人打成一片。因为系母亲节，仲送咗一枝小花俾每台嘅妈妈，妈咪攞住花笑到好开心，成个心情都靓晒～呢啲细节位好加分。 - 酸甜五柳松子鱼（$198）：外脆内嫩，配埋多酸少甜嘅酱汁，几开胃。- 霸王鸡（一只，$278）：招牌菜式黎，平时下昼都有叫开。鸡肉好滑好嫩，咬落去有啲胶质感，味道够入味，咸度恰到好处，而且鸡味重，必点。 - 酸菜鱼（$188）：汤底酸辣度啱啱好，鱼片好滑唔会散开，而且呢个价钱黎讲，鱼嘅份量比坊间好多餐厅都多，几抵食。- 虾酱虾干海鲜有机菜煲（$148）：一端上嚟就闻到𠮶阵虾酱香味，配埋啲新鲜有机蔬菜同海鲜，食落咸香有镬气。 佢哋仲有个自助沙律吧，有糖水、汤、沙律菜、粟米、苹果沙律、薯仔沙律、蕃茄等等（沙律部份会keep住更换），当中最令我印象深刻就系粉粉绵绵嘅薯仔沙律，同埋低甜带少许菊花清香，而且好多豆嘅绿豆沙。
继续阅读
前排屋企人话有人介绍呢间餐厅，所以就一齐去试吓系一间社企，除咗会聘请银发一族，去到门口发现原来佢哋仲会派饭嫁餐厅比我想像中嘅大，有卡位，坐得都几舒服主餐牌嘅食物已经包含咗自助沙律吧、汤同糖水，可以无限任食，当日汤嘅款式系海底椰无花果雪耳腰果汤，糖水系红豆沙流沙黄金虾 $168系满满嘅咸蛋黄酱汁，金黄色好吸引，炸酱唔算太厚，虾肉弹牙，美中不足嘅系要自己搣壳，哈哈酸菜鱼 $188简直系色香味俱全，完全超出预期，鱼嘅份量都算多，肉质几嫩滑，好多酸菜川香辣鸡煲 $158虽然鸡件嘅份量比较细，但可能因为系咁所以煮得好入味，好够获气由于呢三款𩠌太啱送饭，所以加多咗个白饭$15 每晚七点仲有live Band，店舖职员介绍都系佢哋嘅银发族职员，以为一定系听啲旧式广东话歌，竟然九成都系英文歌，有惊喜见OpenRice有啲comment话唔好嫌弃佢哋动作慢，但根本佢哋动作一啲都唔慢，仲比现时餐厅年轻人多一份细心虽然佢价钱唔算好平，但毕竟系一间会回馈社会嘅社企，又会派饭，一餐饭嘅价钱又有得食，又可以帮到人，我觉得好值得
继续阅读
银杏时光系银发社企，店员服务亲切有礼；环境亦十分舒适，好适合朋友聚餐🥰晚餐每位低消$130 包自助沙津吧，🥗全部有机！！仲包汤同埋糖水🥰💫 红酒烩牛尾 $188牛尾好腍💞劲易咬🐮啱晒我呢啲懒人，一咬就骨肉分离😇💫 彩虹咕噜肉 $168系冇骨㗎✨仲要系店嘅推荐款嚟🌈果然名不虚传🥸酸酸甜甜好开胃💫 酸甜五柳松子鱼 $198好开胃！酸味比较重🐟食咗咁多旧好似都冇乜骨咁🥳鱼肉又细致💫 吹水干锅鹿耳菌鸡柳 $188呢个系完全唔辣😋想食有镬气啲嘅话就可以叫呢个🔥啲鹿耳菌好脆口🍄🟫鸡柳细嫩💫 法式心太软(蛋奶素) $88呢个虽然系蛋奶素嘅心太软🍼但有香浓嘅朱古力味🍫完全无减到佢本身应有嘅甜度😍✨每晚都有live show!!!✨
继续阅读
您可能会有兴趣的...