影片
22-7-2010是日 lunch「柄」埋后巷碰运气, 见呢间疑似新开, 又试试. 原来 lunch hour 唔供应公仔面, 只有又汤 (亦可选饮品) 又饭的自选小菜套餐 ($28), 不过既然工作繁重, 长期无机会返屋企食饭, 唔理饭气攻心了, 即管试试吧.小菜 #1 三色蒸蛋: 好耐无食! 蒸得唔算滑, 食落质地似玉子豆腐多 d , 不过皮蛋 / 咸蛋份量适宜, 够味又唔会太咸, 送饭不错的.小菜 #2 蚝油双菇扒生菜: 芡汁好浅色, 质地亦较杰, 唉 「双菇」系草菇及冬菇, 两者都无乜特别; 生菜新鲜度一般, 不过食落尚算清爽无涩味, 算系咁吧. Lunch 食到咁大碟菜, 感觉真好. 热奶茶: 对是日「南瓜排骨眉豆汤」兴趣不大, 所以要了奶茶, 点知呢度的劲涩, 奶味又怪怪的, 饮完个口又「嚡烚烚」, 打冷震! 放低 $28, 好平, 虽然唔算好好食, 不过感觉住家又食得好饱, 而且由头到尾完全无「MSG 效应」ie 口渴 / 舌头痕, 可以一试的.
继续阅读
朋友话中环铁行里开左间新嘢几好味, 所以去试吓, 试过之后, 两星期我已经去左5-6次.佢lunch有两𩠌饭, 味道好家庭小菜feel, 先$28, 仲送个老火汤, d食物无味精, 个汤仲好正tim, 佢仲有只蕃茄汤底嘅天使面, 味道同其他茶餐厅嘅唔同, 一定唔系罐头汤, 连埋个drink先 $25, 抵啦. 服务态度都唔错, 个个都好好笑容!
继续阅读