鐵行食坊 (已結業)

22-7-2010是日 lunch「柄」埋後巷碰運氣, 見呢間疑似新開, 又試試. 原來 lunch hour 唔供應公仔麵, 只有又湯 (亦可選飲品) 又飯的自選小菜套餐 ($28), 不過既然工作繁重, 長期無機會返屋企食飯, 唔理飯氣攻心了, 即管試試吧.小菜 #1 三色蒸蛋: 好耐無食! 蒸得唔算滑, 食落質地似玉子豆腐多 d , 不過皮蛋 / 鹹蛋份量適宜, 夠味又唔會太鹹, 送飯不錯的.小菜 #2 蠔油雙菇扒生菜: 芡汁好淺色, 質地亦較杰, 唉 「雙菇」係草菇及冬菇, 兩者都無乜特別; 生菜新鮮度一般, 不過食落尚算清爽無澀味, 算係咁吧. Lunch 食到咁大碟菜, 感覺真好. 熱奶茶: 對是日「南瓜排骨眉豆湯」興趣不大, 所以要了奶茶, 點知呢度的勁澀, 奶味又怪怪的, 飲完個口又「嚡烚烚」, 打冷震! 放低 $28, 好平, 雖然唔算好好食, 不過感覺住家又食得好飽, 而且由頭到尾完全無「MSG 效應」ie 口渴 / 舌頭痕, 可以一試的.

朋友話中環鐵行里開左間新嘢幾好味, 所以去試吓, 試過之後, 兩星期我已經去左5-6次.佢lunch有兩餸飯, 味道好家庭小菜feel, 先$28, 仲送個老火湯, d食物無味精, 個湯仲好正tim, 佢仲有隻蕃茄湯底嘅天使麵, 味道同其他茶餐廳嘅唔同, 一定唔係罐頭湯, 連埋個drink先 $25, 抵啦. 服務態度都唔錯, 個個都好好笑容!