鐵牛台灣牛肉麵 (翡翠中心)

营业中

休息中

番工成日經過想試，一入到去好有去左台北的感覺。環境簡潔，座位舒適，係放工之後好好放鬆嘅好地方。飲住冰凍嘅啤酒，望住繁華嘅街景，真係別有一番風味一場黎到，當然必定要試佢地個牛肉麵，同男友一個叫湯一個拌麵。叫左主廚私房牛肉麵。有晒牛肉同牛筋。湯底好濃郁而且偏甜，麵質較粗，有咬口。牛肉好夠味，又吾會好淋身，好有口感及juicy 的肉質，牛筋超彈牙且夠入味。果然係牛肉麵既靈魂。面拌有青瓜絲同酸菜。重點我愛食辣，佢地有台式辣椒油同辣醬配番個面超正再配埋個酸菜真係食過返尋味。另外佢個面質彈力有咬口。見佢有小食拼盤即叫，有晒台灣想食既小食，花之丸，脆薯，仲有鹽酥雞添，新鮮炸起，上到枱仲熱辣辣，花枝丸充滿鮮味，鹽酥雞肉質好鮮嫩，脆薯就一般啦，但勝在夠味。宜個滷水小食拼盤一次過滿足哂唔同人口味，三樣都好入味，豬耳爽口彈牙，豬腸又唔會好油膩，宜種滷水味要整得好食唔易，三種小食有三種口感，特別係個滷水蛋，連蛋黃都入哂味，真係肥都唔理！不得不讚佢個炸豆腐，外脆內滑。新鮮炸起，又夠曬味肉燥茄子，肉燥好多呀，份量又多好醒胃。呢杯冬瓜茶唔會好甜，而且又夠冰凍，消暑一流

因為雪櫃壞左，今晚無買餸，收工後同老婆喺中環兜下睇下有咩食行行下去到閣鄰街，見到有台灣野食 - 鐵牛，就諗住上去試試餐廳頗大，好多位，但人唔多，都坐得幾舒服我地叫左個招牌紅燒牛肉麵，香酥排骨肉燥麵，逢甲鹽酥雞，仲有杯焦糖珍珠奶茶呢度係自助形式，要先自行到收銀處付款起菜好快，約五分鐘左右就到兩個麵味道晤太濃，彈牙酥炸排骨同鹽酥雞都唔油膩，不過雞就無乜鹽味，但都好，無雪藏味，醬汁味道還可以杯珍珠奶茶唔太甜，幾好飲，平時好怕d珍珠太大粒又唔軟熟，不過呢度珍珠軟身，口感好

韓風減退又到吹台風，最近真係開咗好多台灣麵店，既然吹到香港，點到要試一兩間，睇下台風威力有幾大。今晚去了中環一間樓上鋪，環境比一般麵店更舒適，坐位寛大，空間感夠。餐牌圖文並茂，決定要食的，然後去前枱付款，數分鐘後，所點食物己在眼前，效率認真快。蔥焼牛筋麵 （$62）如要轉新竹粉只加三元。湯底濃郁帶牛香。新竹粉幼細爽口，吸盡湯底精華，格外滋味，份量頗多。牛筋稍為過腍，欠缺口感。鹽酥小拼盤 （$48）鹽酥雞粒，即叫即炸熱呼呼，外層脆口，一口size，方便食。黃金梅子脆薯好好味，薄薄的漿粉脆，內裡軟糯，灑上了少許梅子粉，梅子香氣清新，鹹鹹地，好夾味。酥炸花枝丸勝在夠彈牙。整體食物水準不錯，服務快而盡，價錢合理，可再次來試一下其他。

今日午餐唔知食乜好，路過見到呢間餐廳嘅餐牌有我鐘意食既牛肉麵，試下無妨。餐牌設計好得意，成本故事書咁。首先係紙上選擇好自己想食嘅餐同飲品，然後就去收銀處俾錢。店員好細心，係你行出去俾錢期間，會有一個寫住留座嘅牌仔放喺枱，咁就唔使擔心有人坐左自己個位。紅燒牛肉麵($59)賣相不錯，牛肉份量有三至四舊，啲麵係多到我食唔晒。味道方面，牛肉湯底冇乜特別，不過不失。麵條比較硬，煮淋啲口感會比較好。而牛肉就相當唔錯，口感軟稔，牛味香濃。加左錢要再杯洛神花茶，微甜帶點酸，好開胃。

中環魚米家搬走後數月, 原址開了間食台灣牛肉麵的餐廳。經常於午飯後搭半山自動電梯都會見到餐廳於玻璃外牆的展示, 貌似十分吸引。終於有一天lunch就選擇了這間鐵牛台灣牛肉麵試試。這間餐廳點餐的方式有點特別, 先會帶你入座, 職員會放下餐牌和點餐紙, 然後要連同填好的點餐紙到入口附近的收銀台付錢。不同於其他類先付款, 後入座的餐廳。我當然點了餐廳的招牌"鐵牛招牌紅燒牛肉麵"，另加了杯熱珍珠奶茶。湯底味道濃郁牛肉應該煮了一段時間, 軟軟的, 肉和脂肪比例不錯. 雖然有肥肉, 但不會覺得油膩整體滿意 至於飲品方面(忘記照相), 我點了熱珍珠奶茶。奶茶是台灣奶茶, 不是港式奶茶. 有一點欣賞的是送來時應該是未加糖的, 可以自己加糖。但...... 珍珠就有點硬, 下次可以的話, 我會選擇淨奶茶或者試試奶茶.

魚米家搬左位一段時間，原來已經開左衣間台灣麵，同事唔講都唔知，咁有一日得兩個人食，人少少一點鐘都上去碰下運氣有無位。上到去都要拎飛等位，地方唔大啲𨋢口位都有約10人等緊，可能大家都唔想坐吧台，所以侍應出來叫吧台兩位有無人坐時，無人應不過我就即刻沖去應（得一個鐘食飯，唔應都唔知等幾耐），入到去其實都幾大，侍應帶我地去牆邊高身吧枱坐，衣度係自己剔完食物再拎去cashier 落單，侍應會再將食物送過來。睇下落單紙都好多選擇，有肉燥飯、鹽酥雞、牛肉麵⋯而價錢都係中環價喇 飲埋嘢都要70-80咁我同同事都好辣，都叫左麻辣牛肉/牛筋麵，佢就叫左珍珠奶茶，我就不嬲好茶，就試下佢個冷泡茶（15都算平）要轉新竹米粉要加3蚊，我地兩個都轉左，因為新竹米粉好索味，配麻辣一流同事個牛筋米粉，牛筋大大夠，同事話米粉食極都有🤣我個牛肉麵大大件，啲牛肉淋幾好味，麻辣有，大中小辣揀，叫左小辣剛剛好，睇來佢中辣都應該幾辣佢話珍珠奶茶好甜，佢係平時飲檸茶都落3匙糖嘅人，大家諗下自己叫洗唔洗少甜，珍珠佢話就硬左啲我個冷泡茶好好味有淡淡桂花香👍🏻可以再叫總結鐵牛可以再食呢，下次試肉燥飯先呀⋯坐角落吧台有點熱⋯

好台灣! 好台灣! 好台灣!(重要的事情先說三遍)不知為啥看到餐牌令我覺得好台灣身邊有很多人覺得我特愛台灣但其實我是沒啥偏好不過台灣美食好像真的特別多令人不時懷念所以今天午膳癮起時忽然想起公司附近新開的店──鐵牛台灣牛肉麵鐵牛採半自助式經營帶位入座後自行填好點餐紙再去付款然後就可以回坐位等服務員送上美食整體感覺較明快很適合香港人既然開宗名義賣點是牛肉麵我首嚐又怎會放過紅燒牛肉麵但最先送上的是飲品我點的是檸檬冬瓜茶單看顏色也知道味道很淡、超淡、極淡飲到中段完全飲不到冬瓜茶的味道似飲檸檬什飲不過同事的珍珠奶茶還可以而鄰桌點的洛神花茶更像樣下次可以一試主角牛肉麵接著登場湯底算很清，只有少量(以紅燒牛肉麵計)油浮面幸好味道還算濃，有些許藥材味搭上很香的牛骨味算是在配合港人口味和保留台灣風味之間取得一個平衡麵條是帶點微曲的幼麵麵質酷似韓國的即食麵麵芯有少少硬亦欠彈牙的QQ感不過所有不足在牛肉身上找安慰因為牛肉是筋、肉兼有的牛腱又軟又腍又入味算是彌補到其他的不足中環上班日的午膳時間要搭枱就無可避免的了不過環境也不算太擠迫算是舒適而且午餐其實還有其他選擇未來應該還有機會再來

Greeting is style is ok kind of like Japanese styleIf you wanna order your food, you have to walk to the counter and pay.Noodles portion is HK portion which means just ok not fill you up.I ordered beef and tender noodles that is quite standard. I believe it was hot when it arrived on my table but the soup temp cooling off so rapidly because the opening of the bowl is too big.The cucumbers are crunchy and little bit spicy but like a touch which is cute.The only thing I dislike is the glass handl

本來今日諗住去茶木食，點知見樓上開左間新野，見唔使點排隊就同同事去試試。點知真係好失望，同事話佢叫既牛肉麵還可以，我就連杯珍珠奶茶都唔好飲，拼盤隻蛋乾過我銀包，唔知以為食緊鐵蛋，瀂肉飯成碗得五粒肉，真係無下次喇😩