鐵牛台灣牛肉麵 (希爾頓大廈)

营业中

休息中

行過見佢入面無乜人 望落去又好似坐得舒服就入左去🙈自己一個叫唔到太多就淨係叫左碗麵 (我覺得佢個menu都好多選擇 自己一個泥好多都叫唔到🤦🏻‍♀️)呢度係半自助形式 落單要去收銀個邊比錢先 然後野食會有服務員送上👍🏻其實對於一個正常女仔泥講真係好大份 佢肉嘅份量都好多 男仔一定夠哂飽🤤我就覺得個湯唔會太味精 不過上面啲醃菜我覺得可以多啲😂 碗野不過不失啦 如果諗唔到食咩 又咁岩係附近都係一個選擇👍🏻

香港台灣嘢食真太多但好味嘅大部分都係獨立運營的店鋪一般來說連鎖店相對地在人心中沒太重的地位但連鎖有連鎖的好，穩陣，價錢同一。口味大眾化今日紅館睇show前搵嘢食久違了的鐵牛牛肉麵湯頭很不錯有藥香但麵不是我喜歡的那種偏粗的麵筋很軟酸菜的話感覺如果可以分開放且味道再重一點就好了合格之作吧雞腿便當雞腿，有一點柴雖然皮煎得很香脆但還是掩蓋不了雞肉的失色香腸拼鹽酥雞最重點附上了蒜片難得搵到會附上蒜片的台灣小吃真的很感動總體來說不過不失香腸拼鹽酥雞大推

📍 鐵牛有一次喺尖沙咀食唔到想食嘅嘢，求求其其喺條街度搵嘢食～見到呢間野個招牌好似幾型咁樣就入咗去😂😂入到去發現好似嗰啲仙桃園咁樣🤣〰️唔緊要啦反正都入咗去就睇吓佢係唔係伏👌🏻所以今日就係介紹平民價錢嘅食物啦啦啦啦啦啦啦啦！———————————————————🍲 奮起湖燒雞腿排肉操乾拌麵 $70其實入到去見到呢間野好似頹頹地咁樣都冇咩希望，都係本持住一個食飽就得嘅心態食飯🤨但係食咗一啖雞腿扒之後竟然有一種刺激味蕾嘅味道！！佢個醬好惹味嘅感覺然後啲雞腿好滑🤤超正！個面就有啲乾，普通野～～靠個雞來取勝，重點係個雞雞皮唔係好厚成舊油嗰啲🤫呢一個餐CP值極高〰️😋🍲 逢甲鹽酥雞肉操乾拌麵 $64鹽酥雞比起頭先嗰個雞腿肉食落會有啲遜色～因為鹽酥雞會有少少乾，冇雞腿肉咁Juicy😭😭〰️不過髯鬚雞有調味鹹鹹地咁樣都幾送麵食嘅！不過都係果句啦個面撈勻左之後都係好乾。。如果俾少少汁就好啦咁樣好難入口㗎嘛😂😂同埋個面嘅肉操其實冇乜味道所以個面係淡而無味嘅👌🏻不過呢個價錢來講都算CP值還好😚😚做人唔好挑剔咁多🥶🥗 肉操拌青菜 $36做人嘅宗旨就係每日都一定要食菜！ ！ ！如果唔係會冇屎屙㗎🤫我本身就好鍾意食台

同朋友喺尖沙咀覓食，最後後左哩間餐廳。之前已經食過一次，但都冇試到佢嘅招牌牛肉麵，所以今次就特登嚟試一試佢！紅燒牛肉麵（ $63 ）一嚟到已經覺得碗野真係好細，一定唔夠飽，以呢個價錢來講有啲唔化算，試咗第一啖之後更加覺得唔值呢個價。牛肉好冧，同時帶有點爽口，亦帶到啲湯嘅味道，其實係幾好食，但得四舊🥲而麵質方面，麵係比較煙韌彈牙，但有少少煮唔熟嘅感覺🤣但個人來講都接受到，覺得幾好食。但份量仲細過一包出前一丁，食完好似冇食過咁😅（係我同我個friend都覺得唔夠飽）。湯方面，有啲鹹同濃味，食完之後飲咗幾杯水，都仲覺得好口渴！湯重味精，但其實食唔出台灣麵嘅味道，有啲失望。總括而言，碗麵不過不失，但冇乜台灣味道，性價比亦都好低。況且以哩一個價錢，我認為可以食到一碗更好嘅台灣牛肉麵。

好耐無黎呢度食lunch呢度既裝修好似唔同左，空間感大左下單要出去門口收銀先叫野食+比錢，然後就會有專人送過黎最好既係唔洗加一！紅燒牛肉麵湯底味道濃郁！感覺有少少中藥味咁，幾特別！牛肉方面比較嫩滑！可惜分量太少鹽酥雞滷肉便當鹽酥雞夠哂脆卜卜，炸粉唔會好厚，咬到嫩嫩既肉架！ 前菜三小酥分別為滷水蛋，豆，菜，又係變形滷水蛋😂肉燥白飯份量都幾多啊！卡位貼牆有反光牆，咁樣影都幾靚 哈哈一定要叫檸水檸茶！因為唔洗額外加錢呀！

去到尖東好肚餓又諗唔到想食啲咩，見到附近有間台灣麵店就直接入左去左。除左台式湯麵外，餐廳仲有便當可以選擇，不過夏天熱辣辣無咩飯癮，最後揀左食麵。.✨紅燒牛肉麵湯底都幾濃郁，紅燒牛肉肉質軟腍好易咬開，麵質有咬口，不過牛既份量就少啲。✨魚酥滷肉乾拌麵除左湯麵之外，餐廳仲有提供台式拌麵。魚酥即喺用魚整成既肉鬆，之前都未試過呢種加肉鬆既撈麵食法，但撈埋之後魚酥味就變左唔突出，完全比滷肉蓋過左。✨逢甲鹽酥雞剛剛炸起既鹽酥雞好脆口，記得放涼一啲先好食，以免燙到嘴。跟炸雞附有一小碟醬汁，味道類似泰式酸辣醬，酸酸地幾開胃。✨芋香珍珠奶茶芋頭味本身都唔夠香濃，飲到尾到啲冰溶左之後味道仲更加淡。珍珠口感Q彈但食落無味，$28蚊一杯個人覺得唔太值得飲。

今日同6個同事去咗尖沙咀鐵牛食午餐，大耐冇去，雖然要四人一張枱，冇影響到大家開心食午餐，每次都叫湯底麵，今次試吓叫個香蔥麻辣擔擔豬軟骨伴麵，麻辣味唔冇太重，麵夠彈牙，豬軟骨夠淋入味😋值得推介👍🏼

香港大家食開偽台灣野就慣噶啦，但系功課都要交足，唔係hea做！呢間所謂台灣牛肉麪，lunch去食個滷肉飯得個3舊滷肉，都好意思上碗，問個侍應點解滷肉飯無滷肉得肉渣，係咪來錯肉燥飯？個侍應好串甘話呢度係甘樣，隔離個d都係甘樣，個飯重點係肉汁！真係多謝距甘厚面皮既解釋，想慳皮偷工減料都算了，做服務行業甘串就真係表表者，最後附上所謂滷肉飯近照一張，大家尖沙咀食野睇路！😤😤😤

.📍鐵牛台灣牛肉麵📍香港尖沙咀加連威老道96號希爾頓大廈LG樓28號舖點了中辣的麻辣牛筋牛腩麵(69hkd)，牛肉有一點難咬😂牛筋燉的也不夠軟爛，但湯頭跟麵是入味而且好吃的，但好像可以點個大辣試試看，因為中辣是完全不需要飲料的程度，我個人比較推薦肉燥雞腿飯，雞腿很嫩，配餐還有滷蛋、醃青瓜跟青菜，整體比較豐富，最後鹽酥雞(38hkd)的炸皮裹的不會過厚，而且剛炸起絕對是好吃的！#foodiblum台式

好像有點勞過頭？整天由早到下午都在跑去了這裡再去那裡又回這裡再去那邊在烈焰下不斷的來來回回身體就突然發出了警告所以 連忙地躲進了這家店裡隨便點了些食物便坐下來讓自己休息一陣子大概真的是忙到頭也暈飲品到時才意識到是奶茶是在下不能飲的奶茶☕️一杯熱的芋香珍珠奶茶 $18 就這樣呆站在在下眼前我怎麼了.. 怎會點奶茶思緒再一次極亂😶算吧 只能不飲..主食 洛神甜醋雞肉便當 $65酸酸甜甜的 應該會比較易吞進肚子吧紫紅色的 粘粘的 還有一朵朵的洛神花（？）😶涼砵有三 滷蛋 娃娃 四李豆和菇菇放一起清清淡淡的 跟甜醋雞形成了大大的反差白飯上灑上了白芝麻 不過沒有芝麻香🤔椒麻牛肚絲 $38來到鐵牛怎樣也要點碟牛吃吧看到辣椒🌶️標誌就選了牛肚口感比較韌 灰過因為被切成絲所以在咬它和吞它方面都不會有大問題辣度在在下的口裡 理所當是0的不過它其實是油而不膩香 麻 而不辣某程度上是可說是好吃的 誰叫在下是個愛辣的小辣椒🤪吃到最後有點渴想再次試試奶茶的同時也是失守阻不住自己的嘴饞偷偷吃了一匙珍珠和喝一口奶茶嗯..好淡..不過.......不能再喝了 😅

鹽酥雞唔夠味 炸得幾酥脆唔會鯨晒油滷蛋好味 榨菜都好味中間嗰格炒菜略嫌有啲油最後嗰格醃菜幾惹味滷肉飯正常 唔算好食唔算難食要讚一讚佢個洛神花茶 可以特製叫3分甜少冰非常好飲 酸酸甜甜 甜到啱啱好 幾開胃員工態度都幾好 環境算係幾靚樓底高唔會專登入去食 但係未難食到要投訴

週一下午兩點半同兩個朋友約左尖東嘆個快速下午茶短聚，可能因為大家都太耐無去旅行。所以揀左呢間台灣餐廳醫下台灣美食既心癮。我地分別一人點左一個餐跟杯野飲，加埋都只係$141埋單！男友人點左小碗滷肉飯拼鹽酥雞加小香腸同甘梅脆薯，飲台灣珍珠胚芽奶茶。女友人點左小碗麻辣擔擔麵加涼拌小黃瓜加豬爽耳同椒麻牛肚絲，飲冬瓜茶。我就點左小碗麻醬乾拌麵加椒麻牛肚絲加木魚炸豆腐同滷蛋，飲百香椰果茶。雖然餐廳環境欠奉打卡位，但尚算坐得舒服。而且價錢與食物質素係合理！如果同朋友黎快閃午餐或下午茶絕對值得一試！

好耐冇食過鐵牛，好食嘅當然要回味一下，之前食飯，今次試下食麵。紅燒牛筋腩麵牛筋同牛腩份量唔少，且均勻有筋有腩。牛筋煮得淋，唔會硬實實，不過反而過淋左d。牛腩肉質也算ok，有幾塊，其中兩塊煮得軟硬適中恰到好處， 當中有一塊更帶有少少筋膜質感更好。惟另一塊有點韌。湯底只算是普普通通。麵質也算軟硬適中。2.鮮蕃茄大塊牛肉麵都有大塊蕃茄，湯汁偏甜。麵質軟滑。牛肉都係大大塊，煮得幾淋質感唔錯算好食。份量來說也真不少。3.熱珍珠奶茶珍珠奶茶也算香滑。上茶時是給一包白砂糖你自己加，同想像中珍珠奶茶調好晒有d唔同一。不過跟麵價都要加$18就有d貴。根本唔算係有set lunch。餐牌：

正值午餐時間，本來諗住同媽咪食樓上間燒肉，點知walk-in無位，唯有周圍遊逛睇吓有咩啱食啦，咁啱響街望到餐廳廚窗幾多人，諗住一定係幾好味，咁啱媽咪又好肚餓，見有卡位就即刻入去坐，務求盡快有嘢食。🥢紅燒牛筋腩麵 $63⭐️見到碗麵真係有啲失望，牛腩又肥又乾，咬落仲會食到黐晒牙，幸好牛筋ok夠腍，麵算彈牙，不過湯底唔夠香同濃郁，完全唔覺食緊台灣麵，失敗🥢奮起湖燒雞排腿便當 $62⭐️⭐️⭐️雞排腿同樣有啲乾身同鞋，而鹵肉飯味道唔錯，但鹵肉肥瘦參差，反而前菜鹵水蛋夠入味較出色，整體不過不失二人共消費：$125後記：我坐低揭本menu覺得有啲熟悉，先醒起上次去中環分店嘅曱甴經歴，係有好幾隻響牆爬嚟爬去，當時係差唔多食完先發現，所以我諗食完呢次，以後都唔會再幫襯鐵牛，環境同食物都唔太ok！

係呢個人流湧湧既尖沙咀，今日有幸尋到一處安靜既台灣餐廳。牛肉有彈性，簡直係食材界既啞鈴，可以鍛鍊牙力。湯係淡而不咸不甜，絕無味精鹽糖，十分健康。我可以感受到，呢一間係新現代健康主義餐廳。可以問侍應拿鹽，所有食品味道可以自己調較，絕對唔駛擔心太咸太甜。我相信每個減肥既人可以唔駛擔心，絕對可以放心大膽食。極度推薦店內明星食材 - 台灣腸。 我建議店主可以推出紅燒台灣腸麵，肉燥燒台灣腸，老水台灣腸，鹽酥台灣腸，生意絕對會biubiu直上。