鐵爺中東餐廳

I ate here with a free friends for dinner. Food was very nice and was served within seconds. I can especially recommend the chicken curry and chicken tikka masala.…查看更多

一向熱愛惹味的中東菜，前陣子經過油麻地，發現這間裝修頗有異國風情的中東餐廳，結果一試難忘！下午2點半左右光顧，餐廳內客人也不少，但外籍廚師亦笑容滿面地招呼我，服務態度很好點了一客雞肉中東卷（chicken tikka kebap）, 過了約15分鐘後，熱騰騰的雞肉卷 隨即上桌。雞肉卷份量不算大，但以$48連一杯飲料來說可謂合理。卷皮烘得脆口，且帶點煙韌，內裏包着滿滿的雞肉和蔬菜，醬汁不多，但調味恰到好處，不會予人過膩之感，而且雞肉幾乎沒有脂肪，所以整份雞肉卷確是輕盈之選然而份量應該不足夠一個男人當作正餐，建議可多點一份蔬菜雞肉滿瀉的希臘沙律$58（與green salad不同的是，greek salad有feta cheese）, 那就是一頓飽肚感十足的營養午餐了！…查看更多

Been here at least 10 times. Everything else is fine. Pizza a bit dry and not worth the money but the worst thing about this place is the samosas they serve. 7 out of 10 i have gotten stale samosa with the fillings (potato, peas etc) gone mushy and bad a bit slimy too. Couldnt have been made on that day. I reckon about minimum 2 days old. The peas also had a off smell to it. …查看更多

經過門口, 看見大個Pizza和一些印度食品, 無大興趣, 但想食咖哩, 看到是印度人開的店, 信心當堂大增.全店只有老闆和一位店員, 下午茶時段, 人少, 清閒.套餐包了罐裝汽水, 老闆多次提醒, 轉印度奶茶要加錢, 可能驚我們唔夠錢啩....哈哈... 奶茶專用糖, 非沙糖, 而是粗粒型白糖, 印度拉式奶茶, 無得睇拉來拉去的表演, 但味道也好, 些少香草味道, 唯茶味偏淡.午餐無包, 另外叫, 要了一款牛油品種的Naan, 上檯時才發現...原來只是塗些牛油在餅面, 我們還以為是加入了牛油烘的Naan添... 不過味道都可以, 即叫即做的薄餅, 無可能唔好味, 但煙韌度略低.咖哩雞飯, 米飯是用半長的long grain rice, 但水準不太好, 過淋, 飯身爛角, 不完整, 咖哩味道不錯, 香料味足, 只有三件小雞件, 收六十多元的午餐, 未交足功課囉....…查看更多

最近發現呢間位於文明里既中東小店啲野食好好味價錢又平民！係油麻地站一出就係好方便~~~呢日我地一家4口去食，大家都覺得好好味呀！店子小小，只有數張枱，呢日落住雨，又凍凍地，食客不多~卡巴同沙律即叫即做(當然肉是預先烤好的)串燒雞肉卡巴 $55雞肉烤得好香又有肉汁，卡巴入面啲醬汁又好味，下次一定會再食燒羊肉沙律 $52羊肉係薄薄一片片，so so 地，燒到脆脆地，好惹味，綠色果隻醬少少薄荷，成個沙律好清新！下次也會再吃！香濃咖哩羊配飯 $58呢個賣相麻麻，咖哩味香濃，口味頗辣~~印式咖哩雞炒飯 $55咖哩味好香又唔太辣，米飯炒至粒粒分明，都唔錯~~夏威夷薄餅 $135 (12吋)另外仲有24吋，切出來係超大塊，或者可order件裝，但係件裝唔係即製架，要order全個先會即做即烤~呢個又係好好味，個餅底脆卜卜帶點煙un, 芝士好香呀，又多到可以牽絲咖哩角 $24/3件因為係炸定，已經凍左又唔脆，入面係薯泥+雜菜，食半個已經好飽~芒果奶昔 $20酸酸甜甜，質地比較稀~最後食唔哂打包左三件pizza~4人食左咁多野先係4百幾蚊！抵…查看更多

近期鍾意黎呢度開餐，雖則店子細細，只係間小店，做慣街坊生意，但每次黎都會見到唔同國籍人士，亦有本地人，好多元丶好包容。呢晚食咗：1）咖喱雞炒飯：咖喱唔太辣，貼近返本地味，雞肉大大舊，炒飯唔係我哋食開嘅白米，粒粒分別，散發中東香料味，乾身唔油膩。伴碟沙律蔬菜好新鮮，水份充足，咬落short short聲，紅椒清甜，加埋個dressing，夾到呢！沙律balance返個咖喱雞炒飯。2）羊肉拼薯條：話超級好味，食肉獸至岩。3）春捲：每次必食，即炸，好脆，餡係素，食多幾條都唔「留」。另外，佢d Masala tea都幾好味㗎（好像香港奶茶咁）。唔趕客，好小店feel，食客都好體諒佢人手真係唔多，耐心等候。讓人感到好舒服嘅一個地方。*d相全部食左一半至記得影，食物份量其實幾足料。…查看更多

食過好多次，因為真係好好味，所以嚟讚下坐低睇左陣餐牌，好多炒飯，例如咖哩雞，咖哩魚等，最後叫左個印式雞蛋炒飯加多杯奶茶，都係50幾蚊。見到其他食評話有識講廣東話店員，但我嚟左4次都撞唔到，唯有用英文，店員都係聽得明既印式雞蛋炒飯強烈推薦，米身係瘦長型，每一粒飯都沾到炒飯既醬汁，好入味，完全唔辣。另外會附上少量生菜同青瓜，其實全個飯最正係生菜隔離個醬，無論同飯定生菜一齊食都超級配合，一定要食。至於奶茶係採用印度香料沖，味道特別，唔會太鞋口，一定會再去食。…查看更多

近來因成日聽「當中東遇上綜」，忽發其想，想食中東餐，於是跟朋友找到這小店。其實這地方，如去電影中心看電影的人應該知道，但我就估不到原來是一家不錯的小店。//而這店應是家庭式經營，因他們有一港人女店員，和識廣東話的外籍男店員啦。所以不用擔心，可以輕鬆點菜。//點了chicken biryani(雞肉印度式飯）：佢用我長米軟硬適中，用香料炒過十分入味，份量夠而中間雞肉都滑而入味，而佢配上少少蔬菜，沒有很大負擔。其實這菜是她們家常小菜，每家做法或用香料可能不一樣，而這家對我這港人都覺得接受到。//lamb kebab (羊肉卷）：新鮮整，熱度十足，羊肉不錯，沒有羊羶味，餅皮厚而小小脆，真的不錯的卷餅。//這店是就算我再加了一小食和兩杯飲品，每人都是80元左右，係經濟的選擇。…查看更多

朋友介紹去食，total 4個人食，叫左咖哩角，沙律，其中羊肉卡巴好好食，羊肉烤得岩岩好，有肉汁又入味，個醬好fresh，最重要係羊肉份量非常足，完全無偷工減料。另外點左個炒飯，亦非常好食，夠正宗，個飯唔係平時食既米，係佢地巴基斯坦既米黎，長長地，口感唔錯！另外點左一個羊肉mix雞肉配薯條，都係好大份又好味。有杯特飲叫芒果“拉斯”（好似係咁讀）好特別，一定要試！最最最重要係：食完唔會發渴，真係令我好surprise，因為之前食其他餐廳既同類菜都係香，但就係食完會好渴，呢個完全唔會。總結係：羊肉必食！下次會去試埋個pizza！…查看更多

琴日約朋友食lunch 。咁岩經過鐵爺中東餐廳。就入去試試佢。朋友話好餓要食飲。所以點了咖哩雞飯。而我就點了一個素 法拉非卡巴(注意，應該不是vegan)朋友說咖哩雞好香！飯很熱。岩佢胃口。而我個卡巴入面不是肉。而係煎香左腐嘴豆餅！咬落好脆！好好口感。同時又好香。十分滿意價錢不算好貴！平均每人四十幾蚊 我覺得好抵食…查看更多

今日同朋友經開油麻地見到地鐵站附近有間中東餐廳幾吸引門口有24寸既大Pizza 於是就走左入去試下我地兩個人叫左一塊Hawaian Pizza 同 Pepperoni Pizza 再加一個羊肉卡巴 Pizza 太大塊最後都食唔哂 羊肉卡巴值得推介羊肉唔太膻 唔多食羊既朋友都接受到跟住再叫左杯芒果lassi 味道唔錯 但可以再凍少少老闆娘好好人 好好傾 最後仲主動同我地影相下次會再同朋友黎食…查看更多

買了團購優惠, 1 slice大pizza + 汽水仲平過正價單件pizza一截(價錢無謂寫),小弟很喜歡吃pizza,見有事出開旺角買兩張黎試下.因團購卷並沒有店名,去到我都唔太sure係咪果間.問一問中東男店員佢都唔知乜頭乜路,男店員再搵路邊一個挨住欄杆我仲以為係街坊或者路人既本地女店員黎確認至知無黎錯.公眾假期 6點3到門外,食完埋單走人都只得我一個客.確實有些少需要搞團購拉少少知名度.女店員非常有禮,服務我認為很ok的,亦應該是該店唯一能以粵語溝通的店員.第一次幫襯,兩樣都加錢試下佢d睇落招牌菜feel既野.pizza轉至尊,飲品轉芒果奶昔.pizza賣相只是普通.可能需要花點心思吸引路人眼球.先講餅底.外面例如連鎖店多數係多油到咬落有少少油炸feel,或薄脆係餅乾feel.或者較厚身麵包質地,再唔係薄身煙靭類似蔥油餅/酒樓薄撐果類.唔係勁多油,就係乾硬化.呢度最特別既係: 佢非常少油,但竟然並無乾硬化,可能勝在夠薄身.薄得黎亦似番pizza餅底,唔會餅乾或者酒樓薄撐.同某p字頭大pizza名店比,呢間餅底軟身些少,無咁硬/脆,但少油勁多.厚薄同果便最薄個位差唔多,但內外厚度更加一致.當然最外面渣手位另計.少油有好有壞,好處當然健康得多,壞處是較容易口乾.幸好餅底本身夠薄,而且全體夠平均而不會外面較厚,除左最外側渣手位之外基本上唔飲野都無問題.餅底芝士充足,有d位甚至可以用豐富黎形容.但蕃咖醬我喜歡可以再厚一點點.topping比較特別.好多鋪頭都鐘意切細碎d,均云咁分佈全餅睇落靚仔d,睇相明顯見到好多都係大大塊,然後有d位吉左無餡料.(其實有其他味睇落比較平均的)食落如賣相所想,一口啖啖肉,一口齋食餅底.或者你好心機用刀叉自己割細佢再分配...  orz因為芝士同餅底合格,無餡都不會有很大問題.但如果喜歡啖啖都有餡料的話建議還是挑選其他口味.另外外賣左一片番屋企做宵夜,因為旺角仲有野搞,隔左一個鐘至番到屋企,個紙袋只有pizza本來的中心位稍有少少油印,其他位大致上都好乾爽,非常少見.買過幾間大pizza外賣,通常三個字左右個袋已經一大片油印.紙袋就廢事咁無聊影相了.另外杯芒果奶昔,夏日炎炎叫果陣當然充滿幻想係雪到冰凍,類似半溶雪糕feel咁既野消暑,雖然見到佢寫lassi而唔係milkshake都知多數係另一樣野,但上到枱果陣見到總會有少少失落.事前無查過lassi係乜,即場飲落,當然唔係milkshake咁味,而近似有少少...許留山既感覺?  orz濃厚既芒果味,溝左d有奶質感但唔重奶味既野,有可能係芒果味太搶至無乜奶味.d奶質感既野,查資料似乎係乳酪?飲品黎講偏向杰身,質地似鮮奶.芒果味幾足夠,但尾段有少少偏酸,相信係用真芒果至出現到既效果,而唔係用糖漿.味道方面其實ok,當外國特色野試下係唔錯,下次有機會試佢唔係pizza既中東菜可能會試下其他口味既lassi.但pizza既話,始終pizza同汽水呢對最唔健康既組合先係絕配.總括黎講, pizza非常推薦.同時做薄+勁少油+唔口乾實在少見.突然想食唔健康既pizza但又懶健康唔想食咁油肯定會諗起佢.芒果lassi本身不差,一試無妨.再光顧的機會是很大的.…查看更多

同屋企人去旺角行街, 見肚餓想搵間唔係好貴ge 餐廳食飯。見油麻地站椰汁大王架嚟開左間中東餐廳, 就諗住去試下。(點解知間餐廳係中東餐廳? 因為個招牌大大隻字寫住"鐵爺中東餐廳")可能去果陣仲早, 7pm 左右, 間餐廳仲有好多位。雖然餐廳唔算大間, 但d 座位放得幾好, 唔會同架嚟枱迫埋一齊。而且餐廳環境都好乾淨。嚟到中東餐廳就一定要試咖哩同Kebab。餐廳用 open kitchen ge 形式, 可以見到d 廚師起到煮野。餐廳ge 員工主要係南亞籍, 唯一有一個香港女仔, 所以唔洗用英文點菜。個女員工好nice, 會主動介紹餐廳招牌菜, 又會因應你食唔食得辣ge 程度去介紹菜式比你。5個人一坐低就叫左 咖哩炒飯, 咖哩雞飯, 兩個 Kabab, 一個Pizza 同野飲。d 野食好快就上枱, 唔會等好耐。我自己好鐘意個沙津, d菜同醬好夾。如果下次嚟食, 可能會叫個大沙津。Pizza 真係大件夾抵食 (我記得好似 $30 幾蚊), 個女員工會主動焗熱個Pizza, 而且d芝士真係勁多!!  媽咪最鐘意依個咖哩雞飯。佢話隻米同平時食ge唔同, 好香好好食。我自己唔算係食得辣ge人, 我覺得依個咖哩ge 辣剛剛好, 應該好多人都可以食得到。叫左兩個Kebab, 個女員工好貼心, 幫我地分開4份。我自己最鐘意就係 Kebab 個醬, 真係好香, 同其他配料好夾, 但又唔會搶哂其他配料ge 味道。而且個 Kebba 菜同肉ge 分配都好平均, 唔會食落太油。依間中東餐廳ge 食物真係唔錯, 下次應該會帶朋友嚟食。 …查看更多

有日同班朋友路過呢間餐廳，係門口都索到勁香pizza味😍有個女仔好年輕，但應該係老闆娘黎！佢好熱情咁歡迎我地入去試下，好啦！俾佢份熱情吸引我地入左去試⋯當時都夜晚8點嚕，店內有幾張枱都坐左客！職員好好咁自動幫我地拍埋幾張枱！服務態度好好😊我地就開始睇下食咩⋯⋯老闆娘不繼向我地介紹食物，最後我地6個人嗌左幾樣食物👍食物好快就上菜，一見到個12寸大pizza我地都嘩嘩聲，真係好難想像如果我地揀24寸會係幾大😳啲cheese好正可以拉到好長！ 咖哩好黎又吾太辣！岩哂女仔食！啲飯好長好得意！最後推介炸魚薯條👍👍塊魚大過手掌！真係值得一試！老闆娘話係沙津醬好受歡迎，果然真係好特別好好味！總括黎講，呢間餐廳俾我感覺好warm，令我食得好暢快！重要係價錢好親民，老闆同老闆娘又sweet😳我同班朋友都食得好開心滿足👍真係要推介俾朋友，支持小商舖👍繼續努力，期待再去…查看更多

有位去了澳洲留學的朋友難得回港，提出突然想要吃中東菜，我們一群朋友當然要想辦法找一家好的中東菜餐廳。聽說油麻地附近開了一家新的中東菜餐廳，位量鄰近地鐵站，地方整潔，食物味道又好像不錯，所以就去試一下。我們一行七個人，大概夜晚七點多到了那裏，看到餐廳空間不大，只有十多個座位。幸運的我們剛好碰上有空位，不用等位就可以準備開餐！我們見到店裏除了中東男廚師外，舖面還有一個較白的外國人，聽說是餐廳經理，還有一個看起來很年輕的香港女店員在店裏幫忙。難得遇上香港人，我們當然有請她推介店裏的中東美食，我們最後點了燒羊肉、12吋夏威夷簿餅、印式串燒雞肉炒飯、雞肉卡巴、薯條魚、希臘沙律，還有幾杯印度香料奶茶。跟那個香港女店員聊了一會，原來她就是這餐廳的老闆娘！！！年紀輕輕就打理一家餐廳，好利害！ 說回食物，先上的是希臘沙律，新鮮沙律菜和蕃茄，上面加上超大粒的芝士，淋上醬汁，朋友們早就吃光了，我連拍照的時間都沒有…利申本人是食肉獸，沙律不是我的菜，嘻嘻。頭盤過後，先來的是印式串燒雞肉炒飯。難得這餐廳不計成本，串燒雞肉份量超級多，好滿足！香濃不太辣的咖喱，配印式長形的米飯，一流惹味！之後雞肉卡巴到了，一碟有兩條，廚師有細心的幫忙切開了一半才上枱。這個Kebab在外國很普遍，香港卻不算常見。烘得微焦的餅皮裏包著雞肉生菜蕃茄，配上清新的醬汁，味道不錯。只是不太合我這個肉食者的口味。老闆娘在我們下單時提醒我們要先點Pizza，因為即叫即焗。吃到一半，12吋的夏威夷Pizza就焗好出爐啦。薄餅即叫即焗，一上枱熱得燙手，火腿菠蘿加滿滿的芝士，好食！連接薯條魚也登場了！只是這個在其他食物的對比下相對失色，味道只是一般。雖說是即叫即炸，熱辣辣的，但魚的味道較淡，魚肉跟炸的外皮有點易分離。食得差不多了，我們想要喝點什麼，老闆娘推介她有份特別調製過的印度香料奶茶。個人超級喜歡這個奶茶！跟港式奶茶有點不一樣，加入了印度香料，入口有點特別的香味，奶和茶的份量剛剛好。…查看更多