鐵板大師

营业中

休息中

沙田Master Pan主打玩味料理，今次試咗幾款人氣菜式，視覺先決但味道有得有失！ 火焰波士頓芝士龍蝦（半隻）上枱時淋酒點火，藍色火焰好IG-able！可惜龍蝦肉煮得過熟，肉質偏乾韌，芝士醬亦稍嫌厚重，遮蓋咗龍蝦鮮味，半隻份量啱啱好，否則會膩。 醬燒原隻魷魚套餐（升級旋風蛋飯）全場MVP！原隻魷魚燒得焦香，咬落爽口彈牙，秘製醬汁甜辣開胃。升級嘅旋風蛋飯有驚喜，蛋漿半熟滑溜，可惜略嫌淡左啲。 芝士煙肉大啡菇一咬爆漿！煙肉鹹香夾住拉絲芝士，大啡菇厚肉多汁，雖然熱量炸彈但值得點。 雜菜沙律＆南瓜湯沙律菜新鮮，柚子醋醒胃；南瓜湯濃稠天然甜，可惜跟餐只得半碗，飲完想encore～ 心太軟流心朱古力漿濃郁，平時好少食，呢到整得幾好，有流心感覺而且上菜仍然好熱。

沙田友又繼續去好運中心品嚐新餐廳，今次來到主打鐵板的〔鐵板大師〕西餐廳，看到餐廳門口的餐牌，鐵板菜式選擇真的很多，價錢平民，而且叫主餐牌鐵板系列，還可以任添飯或意粉，性價比高，份量一定會吃得飽。【香煎羊鞍】(套餐HK$130) 旋風蛋飯(+HK$10)叫了5成熟，羊扒煎得恰到好處，羊架有肥膏但羊羶味不算很重，入口不會太乾太硬，醬汁有3種薄荷啫喱，芥辣醬及黑椒汁，連同配菜吃味道剛剛好，沒有油膩感，配了旋風蛋飯，半熟蛋入口柔軟。【醬燒原隻魷魚】(套餐HK$110)原隻很爽口的魷魚，魷魚身切成圓環狀，醬燒味道惹味，配了意粉，意粉更可以無限任添食。【日本蟹肉忌廉餅（2件）】(HK$18)炸到金黃色，入口外脆內軟，咬下去有滿滿的薯仔忌廉蟹肉，惹味。【酥炸軟殼蟹】(HK$28)軟殼蟹炸得香口，蟹啖啖肉，炸得不油膩。【南瓜濃湯】(套餐)南瓜湯入口綿密順滑，味道香濃。【雜菜沙律】或【薯條】(套餐)雜菜沙律及薯條份量都不少，雜菜新鮮，薯條炸得香口， 正常發揮菜式。【道地鴨屎香檸檬茶】(套餐)【道地巨峰提子】(套餐)

很久都沒有吃鐵板餐，有日行經沙田，小朋友見到一個好特別的兒童餐而在加上有鐵板食，那我們就一起試試👍🏻。（5⭐️最高）傳統蜜餞叉燒（5⭐️）因為放在鐵板中，所以叉燒的汁比較乾身🙂而入口是甜甜的感覺👍🏻，蜜糖的味道恰到好處，而且又唔會太過多，😘配合飯或者意粉就最適合。 黑椒豬鞍（5⭐️）大大件豬肝放在鐵板中加入黑椒汁聽到渣渣的聲音份，令人開心興奮🥰。切開時肉質幼滑入口爽口😝，亦都超有鮮肉味道。兒童餐（5⭐️）份量一啲都不像兒童餐一般細細的，當中包括有雞蛋腸仔漢堡扒及素菜額外會有一杯鮮橙汁小朋友可以選擇麵或者意粉配上可愛趣緻的餐具。 非常吸引小朋友🥰

香煎牛柳牛柳外層微焦，內裡粉嫩多汁，肉質軟嫩得來帶點嚼勁，旁邊的薯條也炸得金黃酥脆，沾上茄汁簡直停不了口～ 燴原隻魷魚🦑燴得入味又彈牙，醬汁帶點微甜，完全不會過鹹，搭配清爽的雜菜沙律和洋蔥清湯，整個套餐搭配得宜，吃得滿足！ 酥炸廣島蠔和日本蟹肉忌廉餅炸物香脆不油膩～ 心太軟流心朱古力濃郁，作為飯後甜品滿足 總括來說，這頓晚餐性價比的確高，另外餐廳現在晚市食主餐牌鐵板系列，可任加飯或意粉，適合大食人士，服務態度良好👍

個南瓜濃湯幾好飲但係牛肉唔太好，比較靭都係啲素質比較普通嘅食材不過呢個價錢要求就唔好太高啦個南瓜濃湯幾好飲但係牛肉唔太好，比較靭都係啲素質比較普通嘅食材不過呢個價錢要求就唔好太高啦

呢間餐廳之前岩開張食已經幫親左一次😉今次媽媽同我講好想食羊鞍就即刻唸起呢間餐廳，d野食係好夠水平，性價比又好高👍🏻入到去服務態度好好，裝修簡約，分量都好足夠，超推薦🌟香煎羊鞍d羊鞍一望落去就已經好juicy，淋上黑椒汁滋左聲，加上係鐵板燒更加會將佢既香味帶出，撲鼻而來既係羊肉既香味🥩一啖落去肉質係勁緊實，好有油香味，羊騷味吾洗好重，成口都係羊肉既香味，仲有甘筍同粟米做配菜，中意食羊肉既人真係必食🌟火焰波士頓芝士龍蝦上面既龍蝦係比芝士鋪滿曬，之後有火焰去燒隻龍蝦，燒完係有少少焦黃色，食落去有少少焦香味，d龍蝦肉係好彈牙🦞鮮甜，加上芝士既點綴真係好好食🌟薯條係即叫即炸🍟食落去好香好脆🌟南瓜濃湯D湯係勁濃郁，南瓜味好重🎃好絲滑，仲加左忌廉佢點綴，好鮮甜🌟酥炸廣島蠔D生蠔都幾大隻下，又吾會有好多炸粉，一啖落去係勁juicy，爆曬d生蠔既精華🦪好香，外脆內軟🌟C.C檸檬🌟道地鮮茶

🔥【沙田$48鐵板餐震撼回歸！穿越時空價鋸扒仲有火焰龍蝦🦞】 ⠀⠀⠀⠀⠀⠀⠀⠀⠀ 🇭🇰 香港嘅「豉油西餐」係一代人嘅集體回憶！鐵板滋滋聲、黑椒汁煙霧瀰漫，配埋白飯或意粉，呢種「港式扒房」文化，由老字號波士頓餐廳、花園餐廳到街坊「第尾牛扒」，都係用平民價錢將西餐「本地化」——牛扒用豉油醃、鐵板配叉燒，中西fusion嘅魔幻組合，正正係香港獨有嘅飲食DNA。⠀⠀⠀⠀⠀⠀⠀⠀⠀ ⠀⠀⠀⠀⠀⠀⠀⠀⠀ 💸 時移世易，而家出街食個鐵板餐動輒過百，估唔到沙田「鐵板大師」竟然時光倒流！午市/下午茶$48起，升級套餐$60有找食到捧住個肚！我今次試咗👇 🐟 鐵板煎焗三文魚套餐 ($110) 帝王級厚切三文魚，魚皮煎到金蟬翼咁脆，肉質嫩滑到識發光✨！配忌廉汁+沙律，性價比高過酒店自助餐～ 🦞 火焰波士頓龍蝦套餐 新登場「火焰系列」超浮誇！店員即場點火🔥，龍蝦肉彈牙鮮甜，鐵板熱力鎖住蒜蓉牛油香，視覺味覺雙重暴擊！百零蚊食到高級餐廳質素，真心癲～ 🥣 南瓜濃湯 vs 清燉洋蔥湯 南瓜湯綿密creamy帶甜；洋蔥湯清甜解膩，兩款都係誠意之作！ 🌭 小食$1X起掃街價 ▪️司華力腸 脆皮爆汁▪️

真係唔講唔知以家沙田「好運中心」多咗間隱世鐵板餐廳！位置隱蔽，冇朋友帶路真係會走寶㗎，而且份量十足，價錢親民，性價比超高。 脆香雞扒套餐 外皮炸到金黃色，咬落去好脆，但入面啲肉竟然仲好juicy，冇乾爭爭。個醬汁用上燒汁，好夾！跟餐嘅薯條係粗身波浪紋，新鮮炸起夠脆，仲有餐湯洋蔥湯和汽水，$22加配抵食！煎焗三文魚套餐 三文魚皮煎到脆卜卜，魚肉好厚身，魚肉一啲都唔鞋口，仲有啲魚油香湧出嚟，再加配$22 洋蔥湯、薯條、汽水，真係好飽。朱古力炸彈爆餡程度💯！一咬開個脆皮，熱辣辣嘅流心朱古力漿湧出嚟，甜度剛好。香滑薯蓉入口即化，奶香味濃，食到停唔下來。脆炸花士蝦球蝦球彈牙，點埋酸辣醬好開胃～ 日本蟹肉忌廉餅蟹肉鮮甜，忌廉餅外脆內軟，食完真係好滿足！

首先個香煎鵝肝厚到呢～外皮煎到脆卜卜，一咬落去油香爆棚，入口即溶，完全唔似呢個價錢嘅質素！跟住個脆炸芝士蝦球仲誇張，外層炸得金黃酥脆，一啖咬開啲芝士多到湧出嚟，香滑濃郁，邪惡到極！ 主食試咗蒜香辣椒橄欖油炒意粉，辣辣哋夠晒鑊氣，蒜香味超突出，仲有啲鳳尾蝦彈牙爽口，黑椒味濃得嚟唔會搶戲。另外個香煎雞扒套餐都抵讚，雞皮煎到脆香，肉質嫩滑多汁，配埋珍珠飯同埋日式醬汁，飽到捧住個肚！ 最後甜品係心太軟，一切開啲朱古力漿好似火山熔岩咁湧出嚟，熱辣辣配凍冰冰雲呢拿雪糕，冰火兩重天～成餐三百蚊有找，CP值爆燈，一定會再encore！

呢間餐廳主打鐵板料理，除咗傳統嘅豬牛羊雞同海鮮外，仲有蜜餞叉燒、惹味牛雜、薑蔥爆田雞腿等🥩跟配嘅珍珠飯或意粉可以任添，而且仲要免收加一，性價比極高😱💗香煎羊鞍（$98）一共有兩件香煎羊鞍，本身叫咗五成熟，但上到枱已經係全熟😓好在d肉唔算好嚡，而且羊臊味唔重🐑可以按自己喜好加燒汁同薄荷醬🌿 伴菜方法有燒粟米、西蘭花、甘筍仔同車厘茄🍅💗泰式豬頸肉（$68）豬頸肉夠哂厚切，肉質爽滑彈牙🐖加埋泰式酸辣汁一齊食可以中和油膩感🌶️除咗跟配意粉外，仲有幾款蔬菜作伴菜🥕💗鹽燒厚切牛舌（$78）一共有五塊厚牛舌，牛舌肉質有彈性，今次就揀咗同牛比較夾嘅黑椒汁🐂💗南瓜海鮮濃湯（$28）南瓜忌廉湯Creamy帶香濃南瓜甜味，入面仲有蜆等少量海鮮🎃💗心太軟（$28/ 件）心太軟就完全稱唔上㗎啦，完全唔流心😂當一舊普通朱古力蛋糕咁食，味道都唔差嘅🍫

今日帶埋家姐個小朋友出去沙田玩，期間想搵啲啱小朋友食又啱大人食嘅嘢！上OP見到呢間鐵板大師，有好多嘅選擇，所以就揀咗黎試！試吓佢地推介嘅香煎牛柳套餐（五成熟），佢屬於偏熟，但係都係啖啖肉，食落牛味都好重，唔錯！套餐有埋南瓜湯最啱小朋友飲啦！叫咗鴨屎綠檸檬茶飲，解下油膩！另外嗌咗個羊鞍套餐，都有幾驚喜喎，估唔到一啲都冇蘇味，小朋友同大人都啱食！呢個價錢呢都令我哋覺得性價比幾高！兩個餐夠我哋三個人食！會有少量嘅蔬菜，唔會食到好滯！然後我哋再嗌咗一碟炒菜，都係唔錯嘅！如果下次去沙田想搵啲性價比高嘅餐廳，呢個都係一個好嘅選擇！🍽 鐵板大師（沙田）📌 沙田橫壆街1-15號好運中心3樓3107-3108號舖☎️ 2667 8823⏰ 星期一至日 11:00 - 22:00

見到朋友話呢間鐵板好抵食，上OpenRice又見到comment好好，梗係即刻走過來食啦，Service無可否認超級好，真係要俾10分，但嘢食真係難食到爆。爸爸叫咗個雜扒餐，啲牛係可以韌到完全咬唔開，當然唔會有牛味啦。豬扒硬到飛起，用刀切根本切唔開。而我叫咗個牛舌鐵板，牛舌「so」到爆炸，根本入唔到口。至於我個牛舌，我叫咗配意粉相，我爸爸話個意粉白過我塊面😑睇見都唔慌好食。我爸爸一向對食都冇乜要求，但係呢間嘢，就彈到飛起。唔知道係我咁啱遇到平時大家都話好食嗰個廚房放左假定係lunch係咁差呢？呢間嘢，永不回頭。

1️⃣ **鐵板芝士豬肉**：芝士控嘅你絕對唔可以錯過！濃郁嘅芝士配上嫩滑嘅豬肉，每一啖都係幸福嘅味道！2️⃣ **鐵板牛肉漢堡**：漢堡肉厚實多汁，鐵板煎香後外脆內嫩，食落超滿足！3️⃣ **鐵板巨型雞脾**：真係巨型！雞脾肉嫩滑多汁，鐵板煎得香脆，啖啖肉超抵食！4️⃣ **鐵板羊鞍**：羊肉愛好者必點！羊鞍肉質鮮嫩，鐵板煎香後帶點焦香，風味十足！🍚 晚市主餐牌鐵板系列仲可以任加飯或意粉，食到飽飽都得！最近餐廳新推出嘅**火焰系列**都好吸引，有興趣嘅朋友可以試下，視覺效果同味道都一流！🔥

📍#鐵板大師 (沙田)沙田橫壆街1-15號好運中心3樓3107-3108號舖▪️▪️▪️▪️▪️▪️▪️▪️▪️▪️▪️▪️▪️▪️✨# 香煎牛柳 我叫咗五成熟嘅香煎牛柳，配咗黑椒汁同旋風蛋，仲有薯條。牛柳煎得非常好，外層焦香，裡面保持咗啲肉汁，口感相當軟嫩。外面嘅焦脆同裡面嘅粉紅色肉質形成咗對比，建議搭配少少海鹽，味道會更加突出！仲有碗南瓜濃湯，滑滑糯糯，味道香濃。✨# 香煎羊鞍 仲有五成熟嘅香煎羊鞍，搭配忌廉蘑菇汁同意粉，仲有雜菜沙律同洋蔥清湯。羊鞍煎得唔錯，肉質嫩滑，配嘅忌廉蘑菇汁仲有少少香味，整體味道豐富 ✨# 榴槤炸彈 榴槤炸彈外脆內軟，裏面充滿濃濃嘅榴槤味，榴槤愛好者一定會鍾意！▪️▪️▪️▪️▪️▪️▪️▪️▪️▪️▪️▪️▪️▪️

今日同friend喺沙田搵食，行到好運中心見到呢間 📍鐵板大師睇佢哋門口menu價錢好似幾抵食，就即刻決定入去試下水😋主打鐵板套餐，可以加錢升級配 意粉/飯/薯條+飲品或餐湯，啱晒大胃王啦～🤣【香煎美國牛柳🥩】一上枱就聽到鐵板滋滋聲，牛柳就叫咗五成熟嘅，一刀落去滴肉汁biu曬出嚟！！😱外層煎到微焦脆口入邊仲係粉紅色嘅，蘸少少海鹽已經鮮味十足！再加埋黑椒汁簡直就係雙重暴擊，鹹香惹味~😍洋蔥清湯🧅 胡椒味超濃郁，洋蔥絲多到瀉晒出嚟飲完成個人都暖笠笠☀ 開胃到想encore！【香煎羊鞍🐑 】朋友嗌嘅 香煎羊鞍 一份就有兩件，羊架表面煎到金黃，肉質嫩滑又多汁完全冇羶味👅搭埋薄荷醬同芥末醬，少少就可以帶出羊肉鮮甜，尤其薄荷醬清新解膩中和咗油脂感，正啊！👍意粉就正常發揮，但勝在夠熱同有牛油香，撈埋鐵板剩低嘅肉汁食邪惡但好滿足~👌即炸嘅 粗薯條🍟熱辣辣上枱仲有少少鹽提味，蘸茄汁或黑椒汁都掂💯