鐵板大師

营业中

休息中

同事放工話去沙田食晚飯，沙田的美食地圖上，佢話不如試吓鐵板大師，大份量和平民價格吸引著眾多食客。絕對符合性價比高的標準，餐廳環境簡約舒適，感到輕鬆自在，適合與朋友或家人一起聚餐。餐廳的晚市主餐牌以鐵板系列為主，可以任意加飯或意粉，選擇非常靈活。特別推薦的菜式包括「鐵板巨型雞脾」和「特濃爆蒜牛仔骨」，讓人期待。特濃爆蒜牛仔骨~套餐鐵板特濃爆蒜牛仔骨，色香味俱全，鮮嫩多汁，在熱鐵板上滋滋作響，伴隨著香氣四溢的爆蒜，令人垂涎欲滴。特濃爆蒜牛仔骨是廚師的推介，熱鐵板上牛肉鮮香，爆蒜的香氣令人垂涎，彷彿在口中融化，讓人感受到肉的原汁原味。旋風蛋飯接著是旋風蛋飯，蛋香濃郁，搭配豐富的配料，感到滿足。薯條、磨菇忌廉湯、大杯咖啡此外，薯條的口感酥脆，搭配磨菇忌廉湯，南瓜濃湯湯汁濃郁，十分美味。而大杯凍咖啡則為整餐增添了一絲清新。司華力腸、日本蟹肉忌廉餅司華力腸酥香，品嚐日本蟹肉忌廉餅，外酥內嫩，蟹肉忌廉鮮美，一口接一口。脆香巨型雞脾-套餐脆香巨型雞脾，雞脾肉質鮮嫩多汁，搭配特製的醬汁，令人食指大動。雞脾在熱鐵板上香氣撲鼻而來，忍不住想立刻品嚐，增添口感層次，每一口都讓人享受。

這次來到鐵板大師，餐廳光猛舒適，座位不少，這裏的套餐非常抵食，今次叫咗兩款特色鐵板餐，套餐包括飲品，前菜和鐵板餐，高質美味，值得推介💗🥐 脆皮奶卷配玫瑰醬外層酥脆的奶卷，一咬下去就能感受到濃郁奶香，內餡柔軟綿密，搭配特製的玫瑰醬，花香與奶香交織，甜而不膩，層次感豐富👍🏻玫瑰醬的酸甜平衡了奶卷的濃郁🫶🏻🧄 特濃爆蒜牛仔骨蒜香愛好者絕對不能錯過！牛仔骨肉質軟嫩，蒜味極其濃郁，每一口都充滿蒜粒的香氣，醬汁鹹香帶點微甜🤤薯條炸得金黃酥脆，沾上牛仔骨的蒜香醬汁，更是絕配！ 🍄 磨菇忌廉湯濃郁的蘑菇湯，湯體順滑細膩，奶香與蘑菇的鮮味融合，喝起來溫暖又滿足😌🥩 香煎牛柳這個牛柳朋友叫左全熟，但都煎得好好食！外層微焦，內裡肉質不柴，簡單的黑胡椒調味就已足夠突出牛肉的鮮美💗雜菜沙律新鮮爽脆，淋上油醋汁，正好平衡了牛柳的厚重感👍🏻🎃 南瓜濃湯香甜濃郁，南瓜的自然甜味與奶油香氣結合，口感綿密滑順✨🥤 雪碧 & 道地鴨屎香檸檬茶雪碧清爽解膩，而道地的「鴨屎香檸檬茶」茶底帶有獨特的蘭花香氣，清新又解渴🫶🏻💬 必點菜式：脆皮奶卷、爆蒜牛仔骨、南瓜濃湯

沙田有間街坊價鋸到扒嘅餐廳，仲有好多款式揀，都幾多街坊會嚟食大胃點都要食牛扒補充鐵質，呢間仲有火焰版選擇，等牛扒上檯後會有專人開動點火儀式，熄火之後淋上香草蒜蓉醬，燒香加醬香，鋸開五成熟嘅扒，果然唔會太熟，食起嚟原汁原味跟餐有埋雜菜沙律、蘑菇忌廉湯、飯同嘢飲跟，沙律有埋柚子肉好清甜蘑菇湯blend得幾濃，菇味十足加$10有旋風蛋飯，飯有醬汁調味，旋風蛋幾夠味，食晒可以加飯𠻹加十幾蚊就有杯Moscato，好抵就有得升級享受另外一份扒就嗌羊鞍，羊鞍煎得金脆焦香，淋野菌燒汁上去，切開啲肉勁juicy跟餐有意粉、薯條，南瓜濃湯同Zero，夠晒豐富薯條另上，唔會俾扒汁浸腍，一讚南瓜湯亦好香濃，又好creamy意粉好大碗，食完又係可以再添想豐富啲都唔使忍手，小食都幾平，鮮奶卷$8條脆卜卜又夠綿榴槤炸彈都係$8粒，質感煙韌，餡料流心勁濃榴槤蓉

行去沙田終於食到響網絡上見到嘅抵食鐵板餐廳 鐵板大師 叫所有鐵板白飯同埋意粉都係無限添加嘅一定食得飽 加$22仲可以轉埋套餐添 有湯薯條或者沙律飲品一罐 或一杯 我哋叫咗人氣嘅鐵板羊扒同埋鐵板牛柳 再叫多客小食炸雞翼添 叫左少少擺滿全枱好豐富呀 仲加咗$10食旋轉蛋包飯添 羊扒都好有肉味唔會show 牛柳都好腍 白菌忌廉湯同埋南瓜忌廉湯都好香滑仲有香香脆脆嘅炸薯條添 唔使+1服務費性價比高當晚都好多人啊好彩早啲入去坐 喺食肆林立嘅好運中心呢間鐵板都咁多客一定有佢嘅地位 鐵板大師 (沙田)沙田橫壆街1-15號好運中心3樓3107-3108號舖

沙田市中心美食包羅萬有，有些更別具特色，這間餐廳以鐵板為主打，以平民價錢就可以用餐，而且份量十足，所以性價比高。主食可以加費升級為套餐，附有餐湯和餐飲，相當抵食。點選了幾款套餐，體驗特色美食。餐湯是南瓜濃湯和忌廉蘑菇湯，南瓜濃湯順滑清甜，忌廉蘑菇湯濃郁幼滑。香煎玉米香菇鴨胸套餐鴨胸煎得脆香，肉質滑嫩，加上玉米香菇，增加層次感，搭配白飯好合適。黑椒牛肉套餐牛肉嫩滑，黑椒汁濃郁惹味，整體味道調配得宜，非常下飯。芝士和牛漢堡漢堡的牛肉多汁，夾著新鮮生菜蕃茄，芝士融化恰到好處，口感豐富。香煎雜扒伴煎蛋套餐雜扒煎得香口，煎蛋脆滑有蛋香。

經過見到鐵板牛扒就即管試吓，點左份牛仔骨同牛扒要5成熟！牛扒來到，係超過全熟，完全係食柴皮！之後上牛仔骨，侍應話幫得淋啲蒜蓉汁，我未答好佢已經一野車落去，啲油彈到我成大髀好痛，成件衫係油，我大叫話好痛呀，佢轉頭就走左去，sorry 都無講，唔緊要係啲平民餐廳都無預佢有咩服務⋯食佢果塊牛仔骨完全係梳打粉味既牛仔骨，食左一啖就無再食，真係果一啖都想嘔返出嚟，之後走左過隔離餐廳叫外賣返屋企食，真係想講粗口🤬 狗都唔食既程度，有心開餐廳就整好小小啦⋯⋯起碼係人食既

沙田好運中心有間平民鐵板餐廳，主打多款海鮮同肉類，晚市食主餐牌鐵板仲可任加飯或意粉，價格親民，地點尚算方便，性價比高，大胃王切勿錯過！私心推介傳統蜜餞叉燒，即叫即整需要等候20分鐘，叉燒啖啖肉，搭配靈魂醬汁更好味。招牌菜有芝士和牛漢堡，將芝士淋上去，咋咋聲，牛肉軟嫩，層次感豐富。脆香巨型雞脾果然好巨！外層炸至金黃酥脆，唔嚡口，可選擇搭配不同醬汁，令到味道更加豐富。而清炒時蔬反而有驚喜，爽脆，無渣，蒜蓉夠多，又香又惹味。全部主食可以轉套餐，包薯條、磨菇忌廉湯同飲品，另可升級大杯香水檸檬鴨屎茶等飲料，薯條脆身唔油膩，蘑菇湯飲落暖胃，飲品就正常發揮，解渴一流。

是日黑色暴雨意外多咗日假期．無阻我四出覓食沙田呢間主打鐵板餐嘅餐廳黑雨下風雨不改繼續營業鐵板款式真係好多選擇套餐只係幾十蚊．平民價錢就享受到豐富嘅份量旋風蛋飯好香滑性價比高．好抵食呀我地揀咗兩個套餐．附送飲品同餐湯✨鐵板羊鞍五成熟嘅羊鞍．肉質軟腍完全無羊羶味．朋友平日唔食羊都話好正淋上香濃黑椒汁．非常惹味✨香煎雜扒半煎蛋套餐肉食朋友一定不能錯過一次過品嚐豬．牛．煎蛋$68 超抵食．好有份量另外追加三款小食都係鐵板熱辣辣▫️芝士煙肉大啡菇 ▫️德州雞鎚▫️酥炸軟殼蟹埋單發現免加一超抵食．一定有下次

今日我同屋企人去咗沙田食晚餐。呢度嘅晚市食主餐牌鐵板系列，真係好有性價比，平民價錢，仲可以任加飯或意粉～服務員好快就幫我哋安排咗座位。我哋一開始就點咗「磨菇忌廉湯」，湯濃郁香滑，我哋又點咗「酥炸軟殼蟹」同「燒河豚干」，軟殼蟹炸得金黃酥脆，好好味；而河豚干則係鹹香適中，作為小食都幾唔錯～主菜方面，我哋點咗「黑椒豬鞍」同「香煎牛柳」。黑椒豬鞍架外層煎得啱啱好，肉質嫩滑，配上濃郁嘅黑椒醬，味道一流！香煎牛柳就更加唔使講，牛肉煎得恰到好處，外脆內嫩～飲品方面，我哋仲點咗一大杯「香水檸檬鴨屎茶」，呢杯飲品清新又解渴，特別適合夏天～份量又足，價格亦非常合理，全晚加埋都只係298蚊，真係幾抵食～

Grilled Boston lobster with cheese set 火焰波士頓芝士龍蝦半隻套餐 🦞 $150半隻嘅火焰波士頓龍蝦嚟到用火燒🔥，影相打卡好靚，龍蝦面頭有濃厚拉絲芝士🫕，配上清新又開胃嘅柚子雜菜沙律🥗🍊、磨菇忌廉湯🥣，確實幾正！🤍➌ ➍ Deep fried drumstick set 脆香巨型雞脾套餐 🍗 $90餐廳嘅脆香巨型雞脾相當受食客歡迎✨，可以揀飯或者意粉🍝做主食，另外有得揀多款醬汁配搭雞髀，配埋即叫即炸嘅熱辣辣脆薯條🍟、濃郁嘅磨菇🍄‍🟫忌廉湯，抵食又豐富👍🏻🤍➎ Fried vegetables 清炒時蔬 🥦 $38簡簡單單嘅清炒時蔬係用左白菜仔，食落去好清甜，用蒜蓉🧄炒特別香，值得推介👍🏻🤍➏ Mashed potatoes 香滑薯蓉 🥔 $22呢個薯蓉牛油🧈味好重，食起上嚟口感幼滑，夠哂creamy 😍，係一款性價比高嘅小食

今晚同朋友放工後去咗Master Pan 食飯，平民價錢又大份量，真係好chill！😊 $300幾蚊食到好飽，性價比高得驚！✨ 晚市主餐牌仲可以任加飯或意粉，超方便！🍽️ 酥炸軟殼蟹 - $28.0
 外皮脆卜卜，蟹肉鮮甜，份量足，食完好滿足！😋🍔 芝士煙肉大咀菇 - $28.0
 芝士同煙肉味濃，菇類軟嫩，份量大到食唔哂！✨🍗 泰式豬頸肉-套餐 - $96.0
 豬頸肉juicy，配飯同湯，份量超抵，泰式醬汁開胃又唔辣！😋配菜揀咗沙律菜，估唔到勁大份🤣就咁食完個前菜都飽晒！價錢真係好抵食🥺🥩 香煎牛柳-套餐 - $120.0
 牛柳軟嫩，煎得啱啱好，配菜同飯份量夠，性價比高！😍套餐仲可以揀薯條或者沙律菜！牛柳配咗薯條，份量都好多，仲要炸到脆卜卜添😍🥩 心太軟 (件) - $28.0
冇諗過咁嘅價錢都有咁靚嘅擺盤😗送到過嚟外脆內軟！切開入邊有微微流心嘅效果😆性價比：8.5/10
 好食程度😋：8/10
 回頭指數💗：8/10

沙田好運中心經過改造之後，多咗好多唔同類型嘅餐廳，我哋揀嗰陣留意鐵板大師坐滿食客，氣氛熱鬧，見啱啱有食客食完出嚟，我哋即刻攝咗佢個位。我哋叫咗牛扒同虎蝦，牛扒好厚，五成熟啱啱好，冇血水，牛味十足，口感味道有驚喜。虎蝦同樣唔錯，大隻爽口，加$22轉套餐有餐湯、沙律或者薯條同埋飲品，性價比高！而家晚市嘅鐵板系列，仲可以任加飯或意粉，但我覺得份量已經夠足，唔需要再加。值得一讚嘅係餐廳好重視客人嘅意見，我見有一個服務員，每一台都會去關心食客嘅反應，我諗呢個係佢哋成功嘅其中一個原因，食物質素唔錯，價錢合理，真係值得一試。

夏日將至，身邊的好朋友都積極keep fit 約食飯簡餐廳的時候都更加講究，挑選健康的食物，先可以keep到一個靚身形減肥健身最好就係食多啲蛋白質，鐵板餐走澱粉真係不失為一個好選擇香煎珍寶虎蝦$116虎蝦肉質非常之鮮嫩，絕對唔係平時急凍蝦嘅味道鐵板跟左好多美味嘅雜菜，跟餐仲可以跟沙律，吸收優質嘅蛋白質之外，仲有滿滿嘅纖維香煎牛柳$126牛柳厚切有牛味，跟餐薯條會另上，唔使同啲汁溝埋一齊冧晒芝士煙肉大啡菇$28大啡菇加芝士同煙肉烘烤，健康又美味

在好運中心發現了這家鐵板大師，性價比很高，晚市時間幾乎滿座，與朋友立刻入座了。這裡的鐵板食物選擇多得令人有選擇困難，就選兩款招牌菜吧！加$22配套餐還有沙律、餐湯、飲品。磨菇忌廉湯口感滑順，磨菇粒粒很多，口感順滑之餘味道也香濃。南瓜湯非常濃郁，是把南瓜打成蓉，不是稀稀的，用料十足，每一口都吃到南瓜清甜味，有驚喜呢！雜菜沙律份量很多，沙律菜、生菜、蕃茄仔都很新鮮，配搭輕型的沙律醋恰到好處，清爽開胃。鐵板田雞腿$118，用薑蔥汁煮，外焦內嫩，肉質鮮美。薑蔥汁真的很香濃，在熱騰騰的鐵板上，滋滋作響，增添了用餐的樂趣。鐵板黑椒豬鞍架$126，豬鞍架頗大件，肉質鮮嫩而爽口，黑椒汁濃而不咸，帶有微微的辛辣感，非常好吃！還有少許蔬菜伴碟，平衡口感與味道，這個價錢超值！司華力腸$18，喜歡脆皮咬下卜卜脆的口感，份量大可以和朋友分享，配酸甜的醬汁一起吃更滋味。日本蟹肉忌廉餅$18有兩件，吉列炸粉脆脆的，包著忌廉蟹肉餡料，微微甜味與忌廉的香滑，口感層次豐富。朱古力心太軟$28，外層焗得酥脆，內餡流心，巧克力的香濃撲面而來，味道不會太甜，小小一件其實很飽肚，與朋友一起當飯後甜品吃，非常滋味！整體來說，這裏食

小朋友開始放暑假了平時又早煮到晚，我都想出去食多D今次呢就嚟到位於好抵食嘅沙田鐵板西餐廳MASTER PLAN 鐵板大師餐廳環境簡約，坐得又舒服午/晚市如點鐵板餐，可任加意粉或珍珠飯仲不設加一服務😍餐廳主打鐵板芝士豬肉、牛肉漢堡、巨型雞脾，鐵板羊鞍等我就睇中左芝士和牛漢堡套餐 $110包忌廉蘑菇湯、可樂、薯條及意粉原來除咗黑椒汁之外，仲可以點芝士係好獨特的帶甜味，又濃厚嘅芝士醬我身為芝士控，將芝士醬倒曬落個漢堡及洋蔥片上，我最鍾意食鐵板吱吱喳喳聲真係好惹味又滿足!😋😋😋😋😋第二款係香煎牛柳套餐$126包忌廉蘑菇湯、飲品及意粉大大件嘅鐵板牛肉，肉質唔錯可另加$28心太軟甜品佢朱古力醬都好好味!另外餐廳提供兒童餐才$58