錦麗 (創紀之城五期(apm))

营业中

休息中

係apm睇完電器，見到好多人話好食既錦麗，當然要試下啦，難得apm有分店，充滿期待Apm都不算多人等位，不用15分鐘就有位了一坐到見到有2杯野，芽菜，九層塔，辣椒仔，青檸好像台面上有教如何進食不過面的種類好少😑根本無得選，只好都叫綜合試先飲一淡湯，甜加咸，加點青檸好像無甘咸，對比其他店的越南河好像無甘咸，不會食完勁口渴，料都十足，牛腩都夠軟，牛丸都有牛味，生牛肉最好食下次黎只食生牛肉有點失望的🦐餅，沒有蝦味，還要沒有汁點😑整體還可以，但好像大家誇張了，不是超好吃的感覺，座位超不舒服，椅子細，座位迫😑水還要自己倒😴😴

之前聽朋友講起呢間越南粉好食，即刻心郁郁想去試，點知一直都冇乜機會，結果咁啱有日收工喺apm, 出面又落雨，就黎咗呢到試。雖然餐廳啲位唔好坐，但係依然有好多人排隊，心諗應該都真係幾正。排左20分鐘左右就有位，算係咁。諗都唔諗就叫咗個生牛肉河再加一個蝦卷。蝦卷普普通通唔係話特別出色，至於個生牛河味道真係OK，湯底濃郁，牛肉都夠味。不過以佢嘅價錢我覺得佢可以再好食啲

今日到Apm Shopping，走到四樓，心血來潮想吃越南菜，錦麗是頭选，人流不錯，我地等左不用十分鐘就有位，鋪面環境企理干淨我地點左2⃣️個錦麗熟牛肉粉，出餐都好迅速話甘快就來了，分量好足有成六件牛肉有厚度和闊度牛肉同平時吃的牛腩不一樣，平時的牛腩有好濃郁的八角花椒味錦麗的牛肉沒有其它的淹制調味，是原味，是牛肉原本的鮮味，做到D牛肉清爽不油膩，河粉好滑又煙韌，煮都恰好，小小的葱和紅辣，小角的青檸更突出清湯的鮮甜，這碗牛肉粉吃到好滿足

錦麗綜合粉($62)法式牛油雞翼四件 ($34)炸手作蝦餅兩件($38).今日好早食晚飯所以唔使排隊就有位一坐低就會有一個配料杯 無限量供應香葉芽菜等配料可以自己根據口味加落個面度然後枱頭有張貼紙介紹牛肉湯粉嘅食法我今次食嘅係綜合河粉綜合河粉有齊生熟牛肉牛腩牛丸等材料加上個湯底好正 味道濃郁我最鍾意食反而係個牛丸 非常彈牙而且牛味好重牛腩反而有點兒失色 好鞋而且好難咬牛油雞翼炸得香脆可口不過唯一缺點係真係好膩一人食一隻其實已經好夠至於蝦餅好足料 入面有馬蹄同芫荽不過我由於唔鍾意食芫荽 所以覺得一般

今日行行下apm見到呢間野有勁多人排隊，然後見有時間我又去排下試試佢，第一次食唔識叫就叫左佢個綜合粉，有生牛牛肉同牛丸，碗野一黎到勁香，個湯都超好飲超濃，配菜既話牛丸真係最好食，其他兩樣都不過不失，但下次黎食可能會淨要牛丸。

今日同女友係觀塘食午餐，由於朝早食完野有啲飽，所以決定食碗冇咁飽既pho.第一樣要介紹既係佢地主角pho. 但呢一碗其實係自製雙拼黎，我地兩個人叫一碗牛丸一碗生牛肉之後分返餸做出黎既。所以價錢寫左平均價59蚊。同前幾次黎最大分別有三點，牛骨湯比之前濃左同咸左，第二點係粉少左，而最好既係第三點牛丸味香濃左好多，頭兩點對本人黎講係唔鍾意既，因為我覺得之前湯底比我感覺清香啲，而家有少少太重口味啦，而我食得pho都係想食啲粉，加上我胃口比較大，所以多啲粉對我開心啲。最後既改變係我今次最大既驚喜，佢牛丸油香味濃左，係我最近食過最好既牛丸！下一樣要講既係牛油雞翼，其實黎食咁多次我都覺得佢雞翼一直保持到水準，每次都係皮脆肉嫩，好香牛油同蒜香，係我地每次既必點次選。跟住到佢地既熱玫瑰龍眼茶，有唔少既龍眼肉但今次好似有啲甜，冇左之前飲個種清香。凍鹹檸檬青檸梳打，由於係走甜既，所以青檸既酸味突出，咸檸要桔碎啲，我覺得係濃味既菜式下佢起到中和作用。總結我相信一間咁出名既越南過江龍應該大家都會抱住期望黎到，我除左覺得飲品冇餐跟比較貴外，其實佢食物質素一直都保持一個幾好水平，值得一試

阿哥話銅鑼灣錦麗嘅綜合粉世界級好食。既然觀塘有分店，我梗係唔可以錯過啦。一黎到就見到排晒長龍，唔通真係好食得咁緊要？ 排左廿幾分鐘，終於有位。一坐底，侍應隊左兩杯芽菜、辣椒、一堆葉咁嘅野。佢無講底係乜，我仲以為生芽菜係前菜 😅 好彩bar枱前有提示食法。然後好快手咁剔左綜合粉同熟牛粉，加小食春卷。唔使五分鐘，即刻有得食。嗰賣相無銅鑼灣嗰個咁靚，然後飲左啖湯。湯鮮甜，但偏咸。加返杯芽菜、九層塔同青檸等，味道差唔多，無多左香味，仍然咸。可能係因為香葉份量唔夠。河粉質感軟滑，好食，但份量偏少。牛肉、牛坑腩炆到好腍，好好食。牛丸亦好有牛味。整體而言係好食，不過偏咸又未夠香葉，未去到世界級好食。熟牛粉嘅賣相同綜合粉差唔多。春卷即炸好熱好脆，外皮係米紙更鬆化，餡料調味又夠香惹。怕熱氣包塊靚生菜，再沾酸甜汁一齊食 😋 好味。觀塘呢間唔會再黎，唔值得要排隊。但我會想去銅鑼灣錦麗食一次。

好味既話款式真係唔駛多，呢間野雖然冇咩野揀，第一次去果陣叫左個綜合，同牛丸邂逅左就一發不可收拾生熟牛肉唔係差，不過牛丸實在sharp!!!從此之後每次去都只係叫牛丸河 ，呢個牛丸唔同人既評價會有啲極端，鍾意佢係因為佢果種油脂既香係我未搵到其他可以媲美到佢既，但唔鍾意佢既人亦都就係因為呢個原因，所以好睇你本身偏唔偏好肥美既野仲要一讚係佢個湯夠熱夠濃，食越南河個湯底真係好重要!!!每次都係飲半碗後再加辣椒粒飲埋剩返果半碗就超級滿足!!唯一唔好係金不換同芽菜呢啲配料一早準備晒，有時擺得耐會又乾又黑出唔到陣味……如果有得淨牛丸真係好想加碼黎多碗

『錦麗Pho Le』呢間越南湯河係過江龍，喺越南開到香港都非常出名，可能佢係專注煮河粉的關係，其實菜式選擇唔多，而我選擇就係呢個綜合牛肉湯河。呢個湯河都只係＄6x，已經有齊生熟牛肉、牛腩、牛丸等等，而且個湯底真係一流，真係非飲不可。另外大家可以留意下想中右上角嗰支醬汁，用來點河粉入邊嘅牛肉、肉丸等，可以提升食物嘅鮮味，大家不妨一試。

一試人氣牛肉粉叫左綜合牛肉粉湯頭望落去好似好清淡 但一飲完全兩會事 濃郁牛肉味 有深度既湯頭 飲多兩啖就可以將d香料倒落去 成碗粉既味道即刻變到好清新 最推薦係牛丸 彈牙牛味重 生熟牛肉都比較普通

平，靚，正香港食過最好既phor, 味道又正宗，湯底味道濃美中不足係份量有啲少，平時都要食2碗😂😂😂😂😂呢間香港分店多，必食，未食過既朋友記得試下啦👍🏻👍🏻👍🏻👍🏻👍🏻

FIF早前聽蔡x食評家新開張，上網睇左唔少食評都話普通，反而呢一間質素更高。所以FIF決定lunch跑過黎試下。 總共有3款越南牛河可以揀，包括綜合（牛丸、牛腩同生牛）、牛丸及生牛、純生牛三個不同組合，叫完牛河仲可以加配小食。因為FIF今次自己一個黎，所以叫個綜合就算！ 一試，真係嘩左一聲出黎！湯底顏色唔算最濃，但味道真係超濃，一飲就知係熬製左超耐時間同勁有心機。牛丸方面，一食落就知係手打，唔似坊間既急凍牛丸。牛腩方面就有點失色，唔算太入口即溶，但牛味唔算突出，希望下次食會有改善！另外，生牛方面亦都係極度嫩滑。如果FIF下次再揀，應該會揀牛丸、生牛組合！FIF愈食愈惹味，所以再加少少辣醬令味道更有層次。所有配醬都可以自行拎，非常方便。而配送既芽菜同香草都非常新鮮，加配落越南牛河非常之夾。 如果要再食越南牛河，錦麗應該會係我首選，好味之餘，cp值亦高！下次有機會要試埋小食！

成日路過, 都會見到人龍, 但係咪真係咁好味呢?入座前已經放咗一杯配料起度, 有青檸, 芽菜, 九層塔同辣椒, 見隻杯唔太乾淨, 擺起出面嘅又差唔多, 所以無要求換, 又唔敢加落碗粉度。唔知係咪咁, 碗粉嘅味道或多或少都扣咗分。湯頭雖清澈但偏鹹, 生牛肉又嚡又靭, 熟牛肉(即牛腩)同牛丸都好一般。還好個粉比較滑, 算係一點安慰。餐廳坐位偏密, 被安排坐近走廊位置, 店員走過時, 心理上感覺需要閃避, 以防意外生。以呢個質素而言, 真係唔值呢個價錢, 試過一次就夠。

APM呢間錦麗成日大排長龍.. 今日排咗二十分鐘終於入到去，試下呢間越南河粉！入到去要同人搭枱，啲位都有啲逼。叫咗一個生熟牛肉湯河粉，同埋牛油炸雞翼，兩野樣都係幾分鐘就黎到應該係一早整定😰😰河粉味道都尚算ok, 亦有齊香草等配料，牛肉味道都不錯，牛油雞翼就油咗少少，可能整定所以都有啲油「鯨」咗係隻碟度，但牛油味都幾香嘅！咁樣埋單要成100蚊，香港真係邊度消費都係交租但喺香港掛住越南嘅味道就冇辦法喇

錦麗連所店的vietnam口味 好不錯價錢大眾化 平均六十幾蚊更重要係芽菜任食生牛河個湯底好濃 好香牛肉都好滑仲有個雜錦 多左牛丸 牛丸好爽口彈牙跟住仲叫左杯玫瑰龍眼茶 呢杯本人好like , 龍眼係制過 所以好甜好入味！下次可以試埋小食😋