銘興酸菜魚 (黃埔新邨)

营业中

休息中

已經食上癮既酸菜魚味道香 ，魚新鮮完全冇腥味 ，係公司附近 每星期都食😋 有時放工都會去食 全部小吃 都好味價錢平 cp值高👍🏻重點係食完唔口渴！食得出食物有心機整 唔知係咪因為係女大廚關係👩🏽‍🍳值得推介👍🏻👍🏻👍🏻👍🏻👍🏻👍🏻💯

午餐去開黃埔又搵食，天氣凍又想食熱辣辣酸菜魚暖暖胃🤤喺OpenRice見到呢間性價比極高，近近哋就過嚟試吓啦😬酸菜魚紅薯粉$60酸菜魚份量都好多，魚都幾滑無骨👍🏻一睇個顏色就知唔係雞粉味精，不過個味好似有少少腥荔枝蝦球$45 估唔到$45有八粒，出邊食過$1x～$2都有，熱辣辣脆卜卜裏面好彈牙，雖然知道係急凍來貨放落去炸，但係都覺得好好味🤭👍🏻👍🏻👍🏻爽脆魚皮$58魚皮又係好爽脆彈牙👍🏻不過都幾辣👍🏻👍🏻真係好好食👍🏻送酒小食一流🍻紅糖鴛鴦糯米糍$45見到黑白鴛鴦糯米糍好似幾特別叫嚟試吓，嘩！呢個真係要食！熱辣辣口感超級軟落糯超，小人食嘅話係有啲滯😆食咁多嘢，埋單都只係$208，冇收加一，性價比真係極高👍🏻一定會再嚟食😄兩三個姨姨服務態度都好好👍🏻感覺隨意好有人情味❤️

中午食咗呢一間抵食酸菜魚，舖頭細細位置唔多，中午食飯時間仍然好多人。酸菜魚配白飯$60 可轉米線/紅薯粉/拉麵/川粉 跟餐亦會贈送熱飲品/紙包飲品🥤小辣味道惹味，魚片夠大，無骨酸菜及配料份量都足夠，值得一試！

今日晚餐同太太一起嚟到呢間餐廳試左佢嘅酸菜魚薯粉和紫蘇牛蛙配白飯，最令我驚喜係呢間餐廳真係意外地好味！！！首先，太太點了酸菜魚薯粉，而我先試咗佢嘅湯底見佢加咗蒜蓉， 唔係誇大加咗蒜蓉之後嘅酸辣湯底真係有另一種新體驗，好好味，而佢魚肉嘅份量亦都非常之多，太太試完之後都覺得魚肉非常之彈牙十分合乎他的口味之後我就點了這份紫蘇牛蛙，搭配左紫蘇葉的香氣，讓整道菜有種特別的香味。香辣的調味使牛蛙更加美味，本身係香港好少嘗試到牛蛙，通常都大陸先試到，所以今次點了這份菜式令我十分滿意

久違既酸菜魚～～～😽好耐冇食喇～今日黎到左黃埔呢間小店食其實我覺得黃埔都幾好😙多小店多選擇價錢都唔貴附近又多野行🥳🥳🥳Lunch 時段都幾多人🌼招牌酸菜魚 2-3人份 $188勁大份呀！比佢既份量驚艷到魚肉好多 鮮嫩又冇骨😋 配菜都非常豐富有芽菜 豆皮木耳紅薯粉 等等湯底唔會好油 調味都唔會太重😙減肥友好✅ 蛋白質滿滿✅🥳🌼涼拌黑木耳 $35醬汁酸酸辣辣 非常開胃黑木耳口感爽脆 纖維都非常高 健康之選✅🌼流心紅糖糍粑 $45外皮香脆 內餡軟糯 仲要係流心紅糖😍😍😍唔會過甜 作為飯後甜品 滿足感🆙🆙Polyu 學生同教職員都有優惠就連alumni 都有😳😳有9折 下次拎返張alumni 卡出黎先😙😙😙📍銘興酸菜魚 (黃埔新邨) (紅磡)紅磡黃埔新邨德民街36號地下C號舖

銘興酸菜魚真係好正架!今次我哋一家人來到呢間老字號粵菜館,食咗好多好正嘅菜式。首先就係佢哋出名嘅招牌銘興酸菜魚,嗰個湯頭夠濃郁,又有酸甜嘅味道,令人忍唔住一啖接一啖咁飲。而且魚肉特別鮮嫩,配埋酸脆嘅酸菜,真係好下飯!之後我地仲試咗一道牛蛙飯,超好味㗎!蛙肉又鮮又彈牙,配埋拖底嘅蛋餅,個口感層次好豐富,我不斷嘔嘔咁食到完晒個碗。最後附上一道滕椒魚皮,魚皮好薄,外面又有蔥花蒜泥,又香又脆,而且帶少少辣,真係好開胃。整體來講,佢哋嘅餸菜真係好足料,而且價格幾實在。好彩我哋有個靚女老闆娘和熱情友好嘅服務生,令我哋呢次用餐體驗好滿意。如果你鍾意食正宗嘅粵菜,我真係要推介你嚟銘興酒樓睇睇。呢度嘅菜式保留咗傳統嘅精髓,又配合咗現代嘅烹調元素,好值得一試!

朋友之前食過 lunch 話大碗好食夾抵食，帶隊一齊再去食多幾款美食😋黃埔站一出2分鐘就到好十分方便，店鋪簡潔，小店坐位不多，地方狹窄咗少少，但勝大碗抵食，湯底可選擇多有：酸菜/麻辣/藤椒/蕃茄/金湯。材料可選魚片/牛肉/雞/牛蛙。。還有前菜，小食，甜品：糍粑等😋 選擇都幾多，樣樣都想食，下次再試埋其他😋2-3人份酸菜魚小辣$188一大盤酸菜魚上枱😱 勁多魚片蓋滿面層🤩2個人淨食都夠飽😝 大大塊無骨魚片用是用黑魚片，好嫩滑唔會好腍有少少咬口👍湯底好味除了有酸菜，仲有大豆芽，豆皮，木耳，金菇，豆腐串用嚟吸湯最正😋 粗薯粉有嚼勁，唔會一夾就斷開👍 荔枝蝦球$45賣相勁似一粒粒嘅荔枝🤩幾可亂真😝 外層沾滿似米通粒粒炸得脆卜卜，蝦肉餡彈牙可口😋 呢 d菜式似酒樓才會有，估唔到小店都食到🤩香脆黃米糍 $40本來叫了紅糖駌鴦糯米糍，可惜買晒🤷‍♀️改點了香脆黃米糍，用健康的小米做餡料，煎香外層少少脆，煙煙韌韌甜度合適😋

唔知大家有無試過想食酸菜魚不過得2個人又食唔到幾多既情況呢個時候我都會諗起呢間銘興酸菜魚一人一碗揀自己要既麵底同湯底過到口癮之餘價錢又經濟蕃茄檸檬魚配肥牛 米線肥牛同魚既份量都係極多湯底唔辣,味道酸酸甜甜好開胃招牌魚拼肥牛配紅薯粉, 小小辣可以揀配飯/米線/ 紅薯粉紅薯粉有嚼勁但同時又滑LUR LUR辣到可以揀小辣, 小小辣度差唔多十小辣. 輕鬆食到!湯底本身有大量配菜,超級豐富豆卜, 雲耳, 芽菜, 金菇同埋萵筍套餐仲可以加$8 配有得解系列清熱解毒系列有仙草清涼爽/冬瓜茶/甘蔗馬蹄汁/菊花茶揀海蜇小食海量咁多, 味道偏辛口每啖又辣又爽脆,好正!包漿豆腐外脆內嫩, 件數非常之多欣賞餐廳無係表面加重調味, 因為本身食酸菜魚口味已經比較重炸豆腐反而變了小清新之選

想快脆食碗麵，依間小店係唔錯嘅選擇，可以選擇酸菜魚，麻辣水煮魚、蕃茄牛肉等等，仲有好款小食夏日炎炎，有清涼飲品可以跟餐2-3人份酸菜魚，個碗都超級巨型！份量超級多！除咗冇骨嘅魚片之外，仲有好多配料！兩個人真係食到超飽🤓🤓魚係冇骨嘅，唔錯豆皮、薯粉、萵筍、金菇等等配料，份量好多！成碗酸菜魚係非常豐富，超抵食，唔係好似出面咁，唔使每樣配料逐樣加錢👍🏼👍🏼薑蔥牛肉估唔到賣相又幾靚仔喎👍🏼牛肉好多，最正嘅係面頭嘅新鮮蒜頭🧄本身牛肉味都唔算太鹹，配埋蒜頭，同埋醬汁，清涼簡單又好食🤤

外賣自取，其中一碗拎到返屋企發現俾錯，打電話去同佢地講聲整過岩既俾我。聽電話個位A呀姐話當時唔係佢出餐，要問番清楚，結果係點？佢地都唔知有無出錯餐。我話出面落緊大雨，你地整好送過黎啦。A呀姐話舖頭唔夠人，送唔到過嚟，一係你自己落嚟攞返啦，我話我要喺屋企照顧小朋友真係唔方便過嚟。A呀姐就同另一位職員B呀姐講返我既情況。B呀姐諗都唔使諗就話「唔會送架，一係直接退返錢俾你，你第二日得閒過嚟攞返啲錢。一係就等佢哋得閒先整返一碗俾我。」我就指明，而家係你哋出錯餐俾我，我要求俾返一碗啱嘅麵俾我，呢個要求唔過分。仲要話等你哋得閒，幾時先得閒？B呀姐臨收線嗰陣仲要話「要就要唔要就罷就」 然後就cut咗我線呢位B阿姐，相信係尼間舖頭老闆有關係人士「灰白色頭髮，著住紅色員工衫，上左年紀既老女人」

今日嚟同朋友食呢间号称理工大学内地生嘅饭堂，性价比真係好高呀！一人餐仲有饮品送😆酸菜鱼🐟 两人份嘅酸菜鱼，我哋加咗宽粉入去，好食好食😋！唔记得讲辣度，老板直接畀咗BB辣，觉得自己而家已经进步成中辣选手啦～但係！咁啱有机会试佢哋嘅辣椒酱！係嗰种香辣嘅酱，好食！红糖糍粑🍮 我觉得每次食酸菜鱼，係一定要点红糖糍粑嚟收尾嘅，糯叽叽，软软嘅，好好食～锺意💕香煎墨鱼饼🥞 呢个係阿姨极力推荐要点嘅～本来觉得会有啲上火，但係完全唔会！墨鱼肉QQ弹弹，好好食～沾蒜蓉辣椒酱更加好食！豆浆🥤 好醇厚嘅豆浆～感觉非常下火，饮完等于呢顿食得好健康！

好耐冇同朋友玩撐枱腳，所以約佢放工去食佢鍾意食嘅酸菜魚😋呢間舖頭好多人食，好在等咗一陣就有位👍🏻🌟招牌酸菜魚（$188）2-3人份量難怪佢係招牌😋雖然魚肉應該唔係桂花魚，但係魚質好嫩滑，我哋叫小辣，加埋個酸菜好開胃👍🏻最難得係佢都係好多配料，例如腐皮、金菇、紅薯粉、雲耳、芽菜、酸菜等等，2個人食真係夠晒飽😃🌟荔枝蝦球（$45）俾佢張相吸引，造型幾特別。食落都OK，外面類似係米通嘅脆脆，蝦肉都好食，有少少爽嘅脆粒，唔知係咪馬啼呢？🤣🌟手撕雞涼皮（$45）就是我喜歡的水煮口味😁雞絲份量都多，粉皮都幾薄身，好味😋🌟跟餐價支裝可樂$5 x2酸菜魚呢個價錢同埋呢個質素真係好抵食。其實佢其他嘅一人餐都好抵，不過我和朋友都唔想食咁多澱粉質就冇嗌😂#香港美食 #銘興酸菜魚 #酸菜魚 #川菜 #紅磡 #紅磡美食 #黃埔新邨

銘興除左刀削麵店 原來仲有賣酸菜魚架～ 喺紅磡原舖位改左做賣酸菜魚 水煮魚呢啲菜式～ 真心唔錯 有學生證好似仲有折！.🐷酸菜魚
酸菜魚係呢度嘅招牌菜 魚肉滑嫩 湯底酸香帶勁 酸菜嘅爽口正好中和魚肉嘅油脂仲要份量夠大 大家好中意食魚嘅話 可以好似小編咁跟人頭叫個底仲有啲薯粉架～ 所以就好飽肚～如果大家傾食唔到咁都可以嗌細份嘅（都好大碗）仲包埋飯～ 一定夠飽～ 重點係好抵～！！！.🐷荔枝蝦球
荔枝蝦球呢個菜式真係創意十足 估唔到呢到都有得食蝦球外脆內嫩 口感層次豐富 蝦肉勁彈牙.🐷涼拌雞絲粉皮
雞絲粉皮涼拌得剛剛好 雞絲爽滑 粉皮Q彈 調味清新唔膩小編覺得有啲辣 但接受到 ～ 飲番啖豆漿就OK.銘興酸菜魚
📍紅磡黃埔新邨德民街36號地下C號舖.#吃貨日常#香港#茶餐廳#Cafe#麵包#西餐#中餐#日本菜#韓國菜#泰國菜#堂食#好西#食#香港美食 #hkfoodie #foodiehk #紅磡 #紅磡好去處 #紅磡美食

星期六日兩日都落雨，天氣又好潮濕，食碗 辣麵去濕就最正。今日去紅磡黃埔，地鐵站一出就開始搵嘢食。十二點入座，餐廳已經坐滿一半人，可能落雨關係，外賣訂單好多。但係都冇影響上菜速度，好快有得食。水煮魚米線$60 ，大大碗亦都有非常多魚肉完全無骨，啖啖肉。每碗麵都會送一盒紙包飲品。另一碗蕃茄肥牛米線 $60 肥牛有好多塊，夠足料，，好味。好耐無食泡椒蓮藕帶$40，有 青瓜底，爽爽脆脆辣得好過癮 。小酥肉 $40 ，真係好酥脆。食個甜品好滿足，黃金糯米糍 ，煎香左外面有少少脆，煙煙靭靭。

😌 有時食酸菜魚好大盤 要夾好多朋友食呢度嘅一人份酸菜魚就啱晒我份量少啲又可以點多啲款式嘅小食招鮮金湯酸菜魚拼牛肉配紅薯粉金湯香得嚟感覺上比較mild最開心就係可以簡要滑牛/肥牛大大碗有魚、牛、萵筍、豆卜、芽菜、金菇配埋薯粉係勁滿足嘅感覺紅糖糍粑 出面炸到好香脆內層就好軟糯 中間仲夾住好養生嘅黑糖做飯後甜品一流爽脆魚皮 本身對呢味冇咩好感好驚會腥 點知一試便愛上 魚皮好爽脆而且夠厚身 真係有膠原彈彈嘅感覺個麻辣醬好惹味 撈飯啱晒墨魚餅 一份有六大件墨魚好鮮味 口感又好彈牙辣子雞 其實配咗飯 不過唔記得影有別於坊間嘅辣子雞會炸到好乾呢到嘅雞丁偏向濕潤 配埋啲花椒同芹菜碎好開胃呢度嘅座位唔算好多～不過就見一路好多外賣單