影片
开边虾煲仔饭 (5.5/10)($72)系冻冻地既天气食个煲仔饭真系暖到入心啊喂！但可惜呢到既#煲仔饭 真系好一般😂😂😂😂，#虾 有虾味☺，饭有饭味☺，煲仔饭有煲仔味☺，foodki都有foodki味，总知试唔试都罢😂，仲要#无乜饭焦 tim😭😭😭。唯一可取系虾下面既粉丝😍，入晒饭味同埋虾味，加少少鼓油，几好食！地址：尖沙咀漆咸道南71号地下C舖
继续阅读
一行四人去到尖咀沙想食中餐，饮啖汤，黎左呢间煲仔饭尊门店，一order完就野食就一人黎一大煲例汤先，个例汤好好味，似落左味精咁，但饮完又唔系好觉有味精果种令喉咙好干既感觉，个汤仲有d渣食下，有青红罗白，而d猪肉煲完都仲有d味，饮完个汤都饱左一半，而煲仔饭d料都好足,中虾几大只同埋新鲜，唔似死虾，但个饭一定要加甜豉油先够，我地一共order 左带子，中虾，大鳝同蜡肠排骨，平均每个饭加汤80蚊到，又有得用门口派既10蚊coupon，响尖沙咀黎讲算系几抵食个汤好鲜甜好好味系带子食落去冇咩味，冇左带子应有既鲜味排骨几入味，而蜡肠唔会太大阵胶味
继续阅读
背景故事：原来旺角分店下昼冇煲仔饭，得尖沙咀先有。不过煲仔饭师傅要12点先返，阿老板本身喺门口拉紧客，但系佢见到我一副失望嘅样（因为都赶时间，等唔切个师傅返嚟），就二话不说冲入厨房帮我整煲仔饭，感动感动～食物：有好多款煲仔饭，由最基本嘅窝蛋牛肉饭至海鲜都有，例如圣子、开边虾、象拔蚌等。我个黄鳝饭＄73送个煲仔汤，今日系合掌瓜红萝卜汤，一饮就知佢冇味精，又唔算咸，very good！跟住等咗大概20分钟我个黄鳝饭就到～啲staff好体贴咁帮我开饭盖落豉油，攞埋筷子俾我，闩返个盖叫我等多阵先。佢并冇忘记我，几分钟后就返嚟帮我拎走个盖。哗～蒜蓉粉丝黄鳝饭？！原来系老板揾唔到木耳，所以放粉丝。心谂仲好啦，最爱蒜蓉粉丝！个饭好干身，一刮煲底就成层饭焦出晒嚟，正呀！！！仲有送一碟菜，＄73抵食啊！员工：全部员工态度非常良好，满脸笑容，我等紧煲仔饭嘅时候会定期update我 "个饭整紧架喇"，"等多一阵啊，就嚟煲完㗎喇，饮住个汤先啦"，好有被照顾嘅感觉！最buy佢为咗满足个客好想好想食煲仔饭但唔够时间等嘅愿望，个老板会亲自入厨房煮，超级诚意可加！佢仲温馨提示我，如果多人食饭可以订台，连煲仔饭都可以外卖添～环境：原来只系开咗半年咋，所以咁干净啦！钟意食蒜蓉粉丝嘅朋友，下次落单嘅时候可以要求加粉丝呀！
继续阅读
打1号风有啲凉所以想到在旺角的铨满记在尖沙咀也有分店。水准跟旺角差不多。叫了豉汁大鳝煲仔饭及红烧豆腐锅，大鳝肉鲜嫩汁甜，豆腐锅也不错。套餐大慨一百元已有无味精老火汤及油菜，加上可反过来吃的饭焦，难以想像是尖沙嘴的价钱，值得推介的良心餐厅。
继续阅读
行到攰揾野食，是但揾间茶记就入去坐低，环境普普通通，不过不失。至于食物，我地就叫左几个小菜同一个海鲜煲仔饭，煲仔饭就食得多，海鲜煲仔饭真系第一次食，感觉都几新鲜，食落d饭吸晒海鲜既鲜甜味，再加少少饭焦味，估唔到都几好味，再加上有专人帮我地起饭焦，起左出黎成个盖咁，相当过瘾 ，食落脆卜卜都唔错。
继续阅读