銀龍粉麵茶餐廳

营业中

休息中

6-11-2016 (Sun)傍晚,同爸爸,老公探完大哥食晚飯,求祈o黎呢間,o岩o岩有張四人卡位,由於我同老公探大哥前食o左少少o野,所以唔太餓,而爸爸本身亦食唔多,話叫兩個飯三人分.咁o岩我又睇到有$156.00o既二人小菜套餐,o係A,B兩欄小菜中各揀一款,重有清炒時菜,明火例湯兩碗,白飯兩碗同中國茶兩杯.爸爸就話明要凍檸水.咁我同老公揀o好左後就落單,侍應交帶一聲,銀魚仔鹹魚蒸肉餅係即蒸,要等10分鐘.OK.之後爸爸o既凍檸水到o黎,然後係兩碗例湯,咩湯呢?舀吓先,有雪耳,爸爸唔飲得,就只可以由我同老公飲晒.個湯清甜同好熱,唔錯o既.然後B欄o既魚香茄子炆班腩到o黎,班腩外面仍脆,茄子夠腍,肉碎辣辣地,開頭覺得冇乜問題,但食到尾覺得幾鹹.然後清炒時菜,係蒜蓉白菜,好細碟,白菜甜,呢個唔太鹹,ok.最後兩碗白飯同A欄o既銀魚仔鹹魚蒸肉餅到o黎,白飯正常冇問題.銀魚仔鹹魚蒸肉餅有兩舊梅香鹹魚,好味.肉餅膍,銀魚仔韌,但呢個餸太鹹喇.真係最後係中國茶,係車仔香片茶包,由於個熱飲杯細,茶就繳得好濃,太濃,濃到唔想飲.我開頭冇仔細睇menu,原來轉冷熱飲品係加$10.00,我原本係想杯凍

2-10-2016(Sun)同老公由屯門返出o黎係1:40pm,佢話要食晏.我重係飽喎.咁去邊間食?行到落o黎,佢揀呢間,是但啦.去到,男侍應俾張4人卡位我o地坐,繁忙時間喎,我o地一陣坐埋一邊啦.睇完menu,老公要$48.00o既滷水金錢肚飯,加$10.00要凍檸茶.原本我想要吉列豬扒薯仔沙律(o衣o家睇真menu至知呢個有薯仔),食要$46.00,太貴啦,於是指住menu上,No.5幅相話要豬仔包,女侍應話豬扒包($25.00o既),我就答係.重要$15.00o既田園薯仔沙律.o衣o家又睇真啲,原來真係有豬仔包,不過張相唔係豬仔包,我以為豬仔包係張相咁吸引.落完單,女侍應好快話俾我o地知, 薯仔沙律冇晒,要唔要改第二啲?一時間我o地冇idea,答諗諗先.佢就話幫我o地取消先. Good,呢點值得加分呀,均均真真,以防上次o係真味咁,收多o左錢(o個個食評: http://www.openrice.com/zh/hongkong/review/%E6%9C%89%E5%BF%83%E5%AE%9A%E5%86%87%E6%84%8F-e2632658).咁我又睇menu啦,要$26

今早本來想帶著我家寶貝再去吃台灣麵的早餐，但怎知人滿為患，就此作罷。然後，轉入眾安街，見到在1010前的銀龍。侍應看見我們，馬上安排了一個卡位給我們，同時奉上開水。態度雖是一般，但很有效率。叫了一個早餐，腿通+煎蛋多士+凍檸茶，很基本的東西，三十餘元，不算便宜，但好像現時吃個不怎樣的早餐都要這個價。食物光速上桌。凍檸茶正常。腿通聲稱是用金妹火腿....其實吃不出甚麼差別，只要通粉夠熱，不會淥得過淋其實已經是合格有餘。通常見到的煎蛋都是太陽蛋，但今天可能侍應眼見帶著一個幼童，竟送上一隻脆邊的荷包蛋，看來還是煎的不錯，而且還有些流心，不會煎得過老。這是今天的亮點。對於銀龍的結論，還是那句，沒不合理期望就不會有失望。會否再訪﹖隨緣。

冇諗過係茶餐廳食野會有咁好的服務。今日路過銀龍，諗住食個下午茶歺，一入門侍應已很熱情和有禮地款待。每個侍應都很開心咁，很有禮，佢地個口頭禪就係冇問題。有個好似高級點的女部長仲好有心機同新請伙計的阿媽介紹新入職要注意的強職金。很久沒有見到人咁有heart。成個團隊好有passion, 食都食得開心。有時食野係其次，氣氛和和諧的茶歺廳是很緊要，不竟香港人有時太忙碌和大壓力，到充滿和詣有禮的歺廰是賞心樂事。

那天晚上,系荃灣練完波同隊友經過眾安街。因為聽日要測驗,心諗隨隨便便食個飯 快D返屋企溫書。入到E間銀龍茶餐廳,見到麵攤個好似好掂咁，見到餐牌個魚蛋河，再望入去個師傅好似好有功架咁,應該冇問題喇。再嗌左杯叫好有氣勢既銀龍凍奶茶🐉🐲，隊友就嗌左碟星洲炒米。等左十幾分鐘,D野食先黎。個魚蛋河D魚蛋不但只冇口感 D河粉重要係散既。心諗個師傅係咪流架。杯奶茶先係過份,D茶苦到呢😖😖。最後嗌多左個菠蘿油,E個菠蘿油應該係我食過最凍最細既一個。唉！食左$70幾蚊都唔知食左D垃圾落肚。最後見到隔離有間新既茶餐廳就快開，下次食隔離果間九龍餐室好過😊😊

同一班朋友去左荃灣行街咁岩有D肚餓就決定是但食啦叫左一份好普通既雞翼公仔面+凍檸茶雖然睇落好普通但味道係出人意面咁好食D面食落好有味顯得出個湯底整得唔錯雖然我食唔出係咩味 但令到成碗普通既公仔面好香好入味面條就好冧 唔好話乾同埋難咬雞翼都好香 唔錯最後杯檸茶 有檸檬味之餘又唔會太酸同埋太甜沖得唔錯成份餐都唔洗40蚊 雖然比以前貴好多不過一份好味既下午茶都值呢個價既

最近吃羅白糕也吃到悶，附近會開的餐廳亦不多，隋便找間茶餐廳醫肚算了。呢間銀龍的焗豬扒飯已吃過很多次味道不錯亦很穩陣，比大家樂的焗豬扒飯還要好一點。雖然當晚已是11點多但都人山人海，比起翠華空空如也差別頗大。熱ＯTEA 比較澀茄汁與少許芝士汁配搭的味道適中，大家樂焗豬太甜而這個不太甜不太酸剛剛好，豬扒夠"林"。焗豬扒飯最重要在於它的焗汁適中與否。

尋日(21-2-2015 Sat大年初三)同男友離開港島區返荃灣,我o地都唔太肚餓,只係想食啲o野,免得半夜瞓瞓吓覺餓醒.我o地諗去邊o度食,男友話車仔麵,但冇開,翠苑,sorry,我記得上次男友要轉枱,個侍應喝佢唔俾坐o既經驗.睇吓銀龍,銀龍有開,於是走入去.我要$32.00o既汕頭魚餃河,男友要$50.00o既鮮茄濃湯稻庭麵(正宗日本烏冬)配日式雜菜餅拼吉列豬扒,包奶茶/菜蜜/柚子蜜(轉凍飲加$3.00),如果要其他飲品,熱o既加$3.00,凍o既加$6.00.咁我o地要加$3.00o既凍菜蜜.冇耐,我o既汕頭魚餃河到o黎,侍應亦即問男友要唔要辣油?男友答要.咁我食先,魚餃有5粒啦咁多,但有兩粒係爆開o左,食落,口感唔掂,完全冇正常魚皮餃o既口感,但內裡o既豬肉味道唔錯,河粉正常冇問題.而湯底,好清,冇乜味.食o左半碗俾男友食,佢加辣油食,話好彩有辣油,因為個湯冇味.我都話其實我都想加,但驚辣油好辣,佢答辣油幾辣o架,好彩我冇加.之後到佢o既鮮茄濃湯稻庭麵(正宗日本烏冬),男友話感覺好似幾好,同menu相中o既菇o既份量冇咁多.到我食,我覺得烏冬都係差唔多,而鮮茄濃湯變o左羅宋湯,

起床時已日上三竿，在無心插柳下隨意進入了「銀龍」。 生炸雞脾沙律HKD30所謂「生炸」，就是把雞脾由「生」炸到「熟」，所以過程十分需時。等了約十多分鐘，剛從炸窩炸起的雞脾，熱騰騰的端上，撕下雞皮來吃，甘香皮脆，而且十分燙口。雞脾，是要用手拿著來吃才是滋味，大口的咬下雞腿，肉汁豐盈而且肉質嫩滑，所謂的「熱氣」，通通拋諸腦後了！反觀沙律較為失色，因為薯仔入口帶雪，令口感扣減分數！凍奶茶奶味較重，茶味較輕，入口很香滑，對於追求多奶的我，很合我意！

呢度曾經係我飯堂，但自從我調左office就無幫襯勒，今朝重遊舊地，就決定點趕都食個早餐。我鍾意呢度嘅原因，係因為荃灣區好多餐廳已經漲價得好緊要，唔係講笑，係斜對面翠華同正對面太興都要成33~35個早餐時，你就好自然想係呢度食個平平地2x元嘅早餐。先講每朝必飲嘅凍檸茶，其實呢度係甜嘅，令到個茶味又無，檸味又無乜，不過都總算係一杯檸茶等左成10分鐘先嚟嘅簡單火腿通粉，佢個湯唔似翠華好濃雞湯味，但都叫清湯，火腿有3塊，唔係好嫩，但都唔老。通粉唔淋，都彈牙，廿幾蚊還求什麼？

尋日(24-8-2014 Sun)朝同男友起身後去食o野,去兆和街o既茶餐廳搵食,但唔係人多就係唔掂,於是行返出o黎,見到銀龍就行去啦.去到o岩o岩有一班人走,又咁o岩有張卡位得一個人坐,我o地就坐低揀lunch食,我要$44.00o既墨西哥汁西冷牛扒配意粉,湯要中湯,加$3.00要凍柚子蜜.男友要$41.00o既麵醬青瓜雲耳炒鮮魷飯,亦係要中湯,加$3.00要凍奶茶.冇耐,中湯先到,係合掌瓜湯,顏色唔深唔淺,味道係鹹淡適中,幾好味,亦唔覺有味精.之後飲品到o黎,我冇試男友o既奶茶,只飲自己o既凍柚子蜜,柚子澀澀地o既味道係避唔到.然後我o既墨西哥汁西冷牛扒意粉到o黎,睇到份量幾夠,撥開啲汁睇睇牛扒,超黑,而且係炸o左o既.食落,由於係炸,所以牛扒硬硬地,而佢本身仍冇乜牛肉味,意粉煮出港式意粉,不過唔緊要啦,習慣o左,但可以讚o既係墨西哥汁,又多又惹味,正.而男友o既麵醬青瓜雲耳炒鮮魷飯,青瓜有好有好, 鮮魷味道唔太濃,成個清淡啲,不過都OK.味道: 3.75分, 抵食2.5分

今日工作太忙至深宵, 天氣又熱又焗, 需要搵個地方抖抖氣不想吃太多, 深宵時份選擇亦少, 多數會選擇坐得較舒服的銀龍以往都會點法蘭西多士, 即叫即做, 外脆內軟, 花生醬足, 不過今晚想減低些少罪惡感, 試一試其他輕怡一點, 來一個 松露炒蛋厚多士 + 凍柚子蜜松露當然是松露醬, 配炒蛋不會差到那裡去 松露醬一點都不吝嗇, 份量足, 靠近就可以聞到其獨特香味 炒蛋稍嫌太熟, 乾身欠滑, 不過絕對可以接受 厚多士可以再烘脆些, 圍邊仍有淋淋的口感我沒有特別對松露偏愛, 只想試個新款式, 那陣"幽香"不是人人會接受, 不過簡單地去配搭特別食材是最穩當的處理方法, 這個厚多士算不過不失, 不過始終西多士最好

下午熱辣辣同個老友在呢度食下午茶我叫咗個餐蛋公仔麵同凍咖啡朋友叫咗碗雜錦麵亦飲凍咖啡我個餐蛋麵餐肉煎得真係香口蛋雖然不是太陽蛋但是內裡蛋黃仍然保持蛋汁麵就稍微過林，味精粉不足我估計落吾夠半包味精雖然食得多味精無益但是食公仔麵月中只一次半次無所謂個人喜歡公仔麵用哂成包味精朋友的麵見到同我差不多料就多我好多，睇到色水都知道煎得夠身，應該好香口總結野食就普通的港式，無咩特別但是食完一路傾計同舒舒服服噗吓冷氣地方算大伙記忙於做野唔會趕你走確實悠閒的下午茶

尋日(19-7-2014 Sat)晏晝,男友同友人NT睇完戲後,佢過o黎我o度,時值lunch時間,佢問我想食咩o野?我答麥當勞,都係唔好,我想食雞髀沙律,但下午茶時間至有,不過佢返到o黎都差唔多,就咁決定.好耐,佢終於o黎到,當然,佢自己都要買o野食,咁就有兩個餐,打開睇,一個係我o既雞髀沙律,一個係佢o既排骨墨魚片蒸飯,飲品有凍檸茶同凍檸水.我o地開餐喇,我o既炸雞髀size唔大,炸得外脆內嫩,又夠鹹,但佢俾埋茄汁我蘸,就格外惹味.而沙律就菠蘿偏多,亦有青瓜同粟米粒,算可以.而男友o既蒸飯呢,排骨有好多,但o個兩片,我覺得唔似係墨魚片,食吓先,係飽片,佢o既排骨全部夠腍,味道又唔太鹹.而凍檸茶同凍檸水呢,我就飲後者,大熱天時,男友拎住外賣等車等o左好耐,但啲冰只溶剩細半杯,可想而知佢o地係俾成半杯冰.而佢仍然係凍,因為我o地係開餐前將佢o地放入雪櫃.呢個味道都冇乜o野,不過飲到最後卻飲到澀味.味道係3.75分,抵食係1.75分價錢: 男友唔記得兩個餐幾錢,只記得全部加埋係$70.00.原來上次幫趁,已經係4年前o既事,o個個食評: http://www.openrice.com/r

我踢完波求其食呢間,小弟係呢間鋪頭既常客揀左豬扒腸意粉,豬扒煎得夠香保留到一D肉汁.夠腍夠入味唯一佢d醬汁,感覺到比較假D,但勝在味精唔多,幾好!條腸不是太特別,層外皮唔錯,都彈牙,都幾好食而且意粉大大碟夠晒飽天氣熱騰騰勞動完,飲杯凍檸樂, 好甜好舒服呢檸樂加$6連飲品$44....店員很忙碌，是沒有什麼服務可言最緊價錢要夠平一間味道不錯的茶餐廳可以一試呀~