銀杏時光

营业中

休息中

銀杏時光鰂魚涌區少有的寧靜小店，又係下午茶時間，店內衛生情況十分良好，一入門口就已經有特別水清潔洗手，店內職員細心量度體溫，今日初一所以選擇食素，選擇卡幫里意粉素食，這個卡幫你意粉素食有些少驚喜，根平時的素食其實沒有兩樣，反而我覺得比一些西餐餐廳更加好味更加好食，雖然不是正宗的卡幫你，但係意大利粉的硬度適中，不會太軟，有咬口，醬汁也比較入味值得一讚，重點是餐廳內裝修比較舒服，不會太嘈吵，位置與位置之間有距離感，所以坐喺度輕鬆休息一個鐘，又可以繼續工作。

昨天放假， 到大潭水塘行山經大風坳 從康怡花園方向落山，落山後 見到一間叫銀杏館 外表好精美的餐廳 ，一看門口的menu好特別的下午茶價錢仲要三十幾蚊至40蚊左右馬上 行入餐廳。這餐廳我以前一直好想來，曾經經過知道是聘請退休老人家做員工，好想了解及支持一下。 估唔到第一次享用平靚正的下午茶 ，質素非常之好 ，特別要讚一讚個豬扒包，葡式豬扒包用嘅包好特別 同我哋喺澳門食嘅一樣質素亦不差與澳門的 大x來有得揮， 特別要讚一讚配菜的薯角使用原隻薯仔做的皮非常脆內的薯蓉好好味 ，下午茶餐還附送飲品。 我住香港東區， 近太古城康怡區的朋友相信是下午茶的首選了

個日咁啱係屋企人生日,一行五人去左銀杏餐廳食生日飯,一見到有live band表演就心心眼!播嘅歌都係比較懷舊風嘅歌,有英文有中文,有d懷舊到我都未聽過不過音樂略嫌有d太大聲,坐得太近個band會好難傾計食物方面有set dinner配salad bar,個bar都係一d好簡單嘅沙律同雜菜湯,都不錯又唔會好酸,set dinner亦有好多選擇佢d餐每個都好大份好足料!!我地叫左五個餐都食唔哂食量細嘅朋友叫少一個餐大家share都得

難得今日放假， 之前幫我哥哥在網上 購買自粘牆紙， 好厲害我老公同我哥哥今日在五個鐘頭內就貼好曬啲牆紙， 貼完我約我媽媽跟妹妹一起去基利路有間好有情調餐廳, 晚上7一9点仲有歌聽,全部用長者就業, 服務態度一流， 叫咗個夏威夷pizza， 味道唔錯好醒胃，一個西班牙黑毛豬肉眼， 豬扒好入味， 唔肥又唔硬， 法式柑桔啤燒春雞， 雞唔肥囉， 但係唔夠入味 ，黑松露雜菌扁麵， 扁麵硬咗啲味道都ok ，套餐有配自助沙律及湯，I1'一

呢間餐廳令我諗起宜家已經走得7788，果班鐘意食貴野既舊同事。仲記得當初第一餐welcome lunch就係黎銀杏館呢度食，果陣八個人食，七個都叫佢個煎豬排，連食開好野既同事都話係超乎預期既質素。所以雖然我好少黎食，但黎食得都會叫煎豬排。但係最傻既，之後黎左兩次，都好似叫錯左，叫唔番一開始食果個煎豬排。佢既lunch set 有跟餐，餐有湯同有自助沙律bar，食咩自己揀，份量自己畢。比起fix死左，湯黎左飲唔哂，或者調轉係沙律唔夠食，或者想揀沙律材料既，呢個自助既安排就flexible好多，而且半自助都係個唔錯既gimmick。餐廳係社企，請既侍應都係上左年紀既銀髮族，不過唔好覺得佢地會慢手慢腳咁。佢地唔止有禮貌，服務態度都係非常好。今次我叫左呢個豬排，都係同最開始黎食果個唔一樣，都已經唔知邊個餐先係或者仲有冇，哈哈。所以呢份豬排雖然都唔錯，份量都足，但都唔係回憶中既味道。我諗好食果個應該係厚切果款 630果個餐，真係做到厚切大塊得黎煎得外脆內嫩多汁唔會dry。另一個同事就咁岩要食素，叫左個南瓜risotto。佢話都幾好食，味道唔會好淡，都幾香。

人生，十年光陰，雙十年華，（女人三十爛茶渣，男人四十on居居）我就話一D都唔係，其實好多長者仲係超級好魄力，而且又勤力且有禮貌，就好似呢間銀杏時光入面既員工，就反映到長者既工作一——係絕對認同他們的能力😊我和家人和親戚的感情不錯，所以當我放假，或者下班時都會出外吃飯，有時上班前也會一起吃早餐或午餐，真是吃也忙個不了。約了我親朋戚友其中的一家（我的家人）😊這家餐廳是屋企人推薦我去吃晚餐，吃完後感到真的很好，有氣氛，有舒適環境，有好質素食物和服務👍下班去了這家餐廳晚飯，喝喝紅酒，又可輕鬆，又可減輕工作壓力，完全是輕鬆又舒適的感覺，這裡的長者侍應，可能他們的様子很年青，但我想他們應該全部超過六旬或七旬以上，隨了工作效率了得，又有澧貌。這裡的食物又好食，價格又不貴，紅酒🍷也不錯，紅酒🍷又夠厚身又夠濃郁，還有set dinner和（自助沙律巴任食）羊扒大大件又軟熟，味道亦不錯—-168元包埋自助沙律巴（抵食）黑毛豬扒——肉質也嫩滑，味道✌️什扒——-呢個一般，但也不太錯，可能什扒裡內的羊扒和牛扒熟了一點，但味道也算合格😊每個set lunch都包埋自助沙律吧任食👍👏甜品———紅酒🍷雪🍐👏👏仲有人唱

平日放工 約了 一班朋友到期待已久的 社企餐廳@ 銀杏時光. 一進入餐廳已聽到駐場歌手唱出懷舊英文歌，氣氛很好👍🏻. 侍應全是長者，見到我們很熱情推介餐廳食物。餐廳有顧及素食人士，特別設有一版全素食嘅Menu。讚👍🏻晚市是semi buffet， 打算等齊朋友才點餐，待應伯伯不單沒有催促，還叫我們先到semi buffet corner 取點沙拉🥗 及 湯 吃😊。價錢公度，食物美味。長者侍應熱情招呼，令我和朋友們也渡過一個溫馨又愉快嘅晚上。有下次主菜

都有一段時間未有過嚟銀杏時光啦！喜歡這裏是因為老闆喜歡請充滿活力嘅退休族! 佢哋都非常健談, 增添親切感! 而且每晚7點左右都有個別駐場歌手自彈自唱好多中英文懷舊金曲, 仲可點唱添! 樂韻悠揚令心情更加舒暢今日星期三, 是日推廣羊架, 只係$168加一。 我honey最like! 份量亦超級足夠! 晚餐包自助沙律吧同餐湯任飲我就揀咗鱸魚, 都煎得啱啱好! 肉質唔錯呀！今日嘅開心大發現係法式紅酒燴啤梨 跟餐只係再加$8就可以!色香味俱全, 認真扺食! 但每晚只限量發售! 優惠只做到10月尾!下次再帶朋友嚟幫襯

Though we initially made a reservation at Gingko for their vegetarian menu and expected just an ordinary night, our meal soon turned into a nostalgic party with live music and a salad buffet.Since it’s a mid-range restaurant (slightly on the pricey side of things), it helps to know that you’re paying for the entire experience and also supporting a social enterprise. It’s so rare to find a proper vegetarian menu in HK, so I was really glad to have found this place ❤️

今日lunch去咗銀杏時光 ，餐廳有訂枱服務 lunch時間比較多人，想試嘅朋友就應該預先訂枱。 lunch set方面， 主要以西餐為主 有牛扒豬扒 意粉 ，卡邦尼意粉 食物質素不錯， 而且份量非常大 前菜方面湯沙律是任食的 ，是半自助形式的lunch set。價錢亦不算太貴大概60蚊至100蚊。

美好時光暑假和朋友到太古吃飯，但一想到人很多便想改地點，於是朋友便說銀杏時光在太古附近，而且人又不會太多。到達的時候竟然座無虛席，幸好剛過了繁忙時間，很快便有座位。這裏服務的全是伯伯和婆婆，他們的服務非常細心，而且待我們十分有禮，但始終我們是晚輩，感覺有點怪怪的。餐廳食物以半自助餐的形式，今天有的是雜菜湯，非常清甜，沒有味精。沙律菜十分新鮮，令我愛不釋手！美國田園厚豬柳配薯菜蘋果燒汁🍖豬柳份量大過我的手掌🖐，咬下去的時候非常多肉汁，配搭相當清甜的蘋果燒汁，真的很美味！下次都想Encore！侍應告訴我們下次可先致電訂枱，因為凡透過電話訂枱，可享用免費的餐飲呢！

「銀杏時光」是一間社企餐廳，提供就業機會予一眾銀杏一族。晚上店內有現場民歌表演，增進了用餐的氣氛。餐廳設有自助沙律吧，提供數款沙律前菜，例如鮮果沙律、薯仔沙律、田園雜蔬等等。另有一款雜菜湯供應。大大粒的鮮果沙律及清淡帶甜的雜菜湯勻屬小編的心頭好。主菜大盤方面，小編首推「美國安格斯肉眼牛扒」。五成熟的肉眼切面呈酒紅色，口感軟嫩。USDA Prime 級的牛肉味道亦沒有令人失望，肉味濃香。隨牛扒伴上的薯蓉做工綿密，香滑可口。「威靈頓三文魚配牛油烤龍蝦」的亮點不在龍蝦，而是經過細心製作烤焗的威靈頓三文魚。酥化外層，香草芳香，能帶起三文魚菜式少有的風味。「法式有機柑桔手工啤酒烤無激素春雞」、「卡邦尼扭粉配香煎地中海帶子及海蝦球」，以及「夏威夷薄餅」水準只屬平平。晚市造訪，每位食客皆要點上大盤一份，或至少享用自助沙律吧。小朋友亦不例外，除有享用沙律吧的選項外，另多了兒童餐的選擇。單計食品，小編給予餐廳中等評價。計及餐廳的社企原素，則值得多加支持，可以試試。

久違嘅休息日，去填飽一下空虛嘅胃，一如以往自助沙律吧，沙律菜新鮮！樓面的長者侍應一樣親切無比，在紛紛擾擾下喘一口氣，然後繼續努力！點了香煎黑毛豬配燒蒜汁($98)，超厚身！煎得剛剛好，入口即溶！法式紅酒梨是今次想特別一提的！睇相就紅卜卜一個～上枱個顏色Soft d～紅寶石咁好鬼靚！一切開最驚喜~啤梨芯保留到d原梨肉顏色！甜味適中～個人覺得其實係keep左梨本身嘅清甜，加埋紅酒酒味點綴～更上一層樓！肉質就軟硬適中，有D咬口，食完有齒頰留香感覺！　哩個紅酒梨真係心機甜品～介紹話要蒸成兩個鐘，不過我諗女仔會特別興奮～哈哈！大家去食飯不妨一試～做緊限量優惠，跟餐+$8就可以食到甜品！

朋友今天帶我到銀杏時光共膳，令我對這間餐廳另眼相看。因為這裏為公公婆婆提供了就業機會，真的很有意義。由於前一天透過電話訂枱，所以餐廳預留了位置給我們。朋友說有時餐廳會被包場，舉辦一些特別活動，因此訂了枱就不會白走一趟。餐廳提供自助沙律吧，可自取餐湯及沙律菜。是日餐湯是椰菜花忌廉湯，有淡淡的椰菜花香味，口感幼滑。另外，我揀了部分我喜歡吃的沙律菜，如果有水果會更加好。龍蝦汁蝦仁意大利飯🍤蝦仁新鮮，飯汁creamy ，意大利飯有嚼勁，煮得剛剛好，我認為味道可以濃一些。美國田園厚豬柳配薯菜蘋果燒汁🍎豬柳肉軟多汁，好有驚喜，我覺得超級好味道！😍由於我們透過電話訂座，所以可享用免費的餐飲，真的是太高興了！

鰂魚涌返工午餐選擇唔多，因為12點至2點太古鰂魚涌每間餐廳都超級多人! 好彩同事book左銀杏時光，8個人一入去唔使等位，同平時一樣都係全間餐廳都係Full左。午餐Menu有Semi-lunch buffet，一個主菜加自助湯同沙律吧。我揀左$68嘅香茅雞飯，然後出去自助湯同沙律吧畢湯同拎沙律，湯得一款係忌廉湯，沙律有生菜、青瓜、粟米、紅腰豆、車厘茄等等都多選擇同埋新鮮乾淨。拎完湯同沙律後，香茅雞飯好快到左，香茅雞冇香茅味，只淋上芝麻醬，蔥油另上，老實講雞唔夠爽滑，只係夠軟腍入味。香茅雞飯＋湯＋沙律＋凍檸茶加一後$71.5,以鰂魚涌區物價而言係抵食。而且長者侍應服務好好，好友善，支持長者就業既餐廳好有意思！