銀座藏人

*** Note: This shop stil surivive and I went there today! ***After the lengthy morning meeting, I had my lunch here. I got the lunch set at about HK$60. It came with 煮茄子（前菜）、滑旦豬排飯 and a small size of udon. The deep fried pork chop was crispy and juicy but the meat's favor was not strong. The udon and eggplate were nothing special. I think its attractive pricing offset its location problem. …查看更多

捐完血, 同好友一起來食被門口的餐牌吸引, 但原來是午餐晚餐的定食 全都是80元以上點了一個定食$86 : 滑蛋 豬扒飯+冷烏冬+ 麵豉湯+ 刺身+ 蒸蛋再點多一個$55 牛肉鳥冬 定食份量都很多, 蒸蛋最好食, 豬扒飯同冷烏冬都不過不失麵豉湯跟牛肉烏冬都太重味, 牛肉烏冬頗甜兩個女仔食到好飽 不用等位, 又可以任坐, 侍應服務都不錯 …查看更多

與同在中環上班的朋友相約看演唱會，放工後、出發前到此店醫肚。這裡中午時份可是長龍店呢，但平日晚上原來人不太多，反而坐得舒服。我們發現晚餐的價格與午餐差不多，都是百餘元，而所有套餐分量十足，絕對是抵食夾大件。當晚吃了很豐盛的一餐，食物質素其實是可以的，但對於日本菜，我的要求比較高，這裡算是中規中矩。我選了那個牛肉麵/壽司/天婦羅定食，真的一次過滿足三個願望。壽司尚算新鮮，但魚生片薄了點，飯多了點，比例不太協調。牛肉麵有點油，味道偏鹹。天婦羅不錯，漿粉很脆。由於食物實在太多，最後我吃剩半碗麵，有點浪費。朋友好像很餓，故選了那個飯x3組合- 魚生飯/牛肉tataki飯/鰻魚飯，最後好像也吃剩了些。…查看更多

今日一行7個人去食LUNCH~~揀左[銀座藏人]…LUNCH 都好FULL,好采我地預左BOOK左位~入到去唔洗等…已經留左張大台比我地~今日我試左個豬頸肉拉麵配天婦羅蝦手卷定食~$68另加一呢個價錢算係咁啦~個湯底OK,唔係好油,又唔係好咸,味道適中~D豬頸肉都好大塊, 口感都幾好~仲會加D三色椒落去….幾鐘意~個手卷都幾好食…D飯真係日本飯,食落去都唔覺會好散,值得一讚~仲有隻蝦好大隻…仲係熱辣辣的!今餐都覺得好滿意~不過如果送埋飲品會更好….最衰冇啦~…查看更多

好耐前,黎過食tea time cake set。今日來食lunch,原本係食日式定食,唔係fusion。新春好多人出街,幸好book左位,如果唔係真係勁等。天氣凍,選擇食飯─滑蛋雞肉飯$55。蛋真的很滑,一貫日式甜滑蛋味,好食!但雞肉無乜味,沒起皮,而且肉已蒸過火。飯雖是珍珠米,我嫌它不夠黏度。烏冬腍的,唔好食。其他同事食湯熱鍋跟飯、燒魚飯。我試了同事的燒鯖魚,很驚喜!因為不是一味酸鯖魚味,有點魚油香,而且燒得啱啱好,薄薄地一朕脆面,唔錯。魚生、壽司,望去似乎麻麻。lunch around $55-$80,咁既價錢食日式野,ok噃!…查看更多

Lunch time 好多人排隊，我哋等咗半個鐘才有位，環境同Service 都OK，我 order 滑蛋豬扒飯($65)，而朋友就要八件壽司加烏冬($7x)。滑蛋豬扒飯加烏冬 -但豬扒稔Pat Pat，好似炸咗好耐咁，味道很普通，好在滑蛋飯OK，烏冬都係稔果種，味道麻麻哋。七件壽司加烏冬 - 壽司有三文魚、吞拿魚、帶子、赤貝、魷魚、鰻魚和唔知乜魚，十分之薄又唔肥美，味道又一般。價錢OK，但質素麻麻哋，心諗點解咁多人排隊呢?…查看更多

AUG 20,2009 (THUR) LUNCH $206.8好耐無嚟呢度食野，去到發覺餐牌唔同哂！無咗西餐食，而家只係有日本嘢食！特選三色飯定食 $118分別有一碗鰻魚飯、一碗魚生飯、一碗燒牛肉飯 & 一碗麵豉湯厚身鰻魚一件，但舖滿一個碗面！魚生飯分別有三文魚、吞拿魚、油甘魚、鮮魷魚 & 青瓜、甘筍絕不稀場！燒牛肉4件，燒成半生熟，不錯嘅選擇！雖然飯只係三小碗，但份量絕對係唔少！麵豉湯味濃！鰻魚飯定食 $70鰻魚肉兩塊好厚身，啲鰻魚汁甜甜哋、杰杰哋好夾！仲有個手打烏冬細細碗，幾滑身仲有少少彈牙！一細小碗茄子，水汪汪好鹹腍過頭，唔係太欣賞！另加一服務費…查看更多

又再次黎呢度喇, 今次同同事慶祝生日, 自己叫左蝦天婦羅綠茶冷麵同5件壽司, 壽司應該係手造既, 因為個形握出黎唔唔係正正方方, 個頂有少少凸上黎, 而且飯團細細, 唔會話食完d壽司就食唔落個冷麵, 有三文魚, 鰻魚, 帶子, 魷魚同吞拿魚, d料都算新鮮, 不過唔係話超好食果隻, 過得去喇, 而個蝦天婦羅仲暖暖地, 個冷麵幾清, o岩哂夏天食…查看更多

不久前經過這間餐廳，好像也不錯，決定今天來看看。我們倆1:30pm到達，沒有人排隊，很快就座下了。食物款式有很多，份量又大，價錢十分大眾化，還要在中環區呢! Set lunch的份量實在太大了，食量那麼小的我們是沒可能吃清光的，我們只好叫一個來share吧。我們最後選了三文魚生飯。三文魚生飯($72) 這個set有個小碗烏東，一碗三文魚生飯及一些酸蘿蔔。我負責吃烏東。烏東有一片日本魚片、一些海帶及天婦羅的那些碎，湯應該是木魚湯。烏東不過不失，畢竟這時一樣很普通的食物，也很難會不好吃的吧。我沒吃三文魚飯，應該也可以的。這個set一個人吃的話就一定飽，但只吃了一小碗烏東的我不覺飽啊，也不能真正品嚐這裡的食物，仍未滿足到我的好奇心呀!…查看更多

lunch時間起中環好似無咩好食, 都係黎番呢度, 對上一次應該係半年前既事lu, 今日黎番, 見到個menu, 已經無哂西餐, lunch set都係日式, 通常都係一麵一飯, 非常抵食, o岩哂大食既打工仔黎到呢度, 我成日都會揸唔定主意, 三心兩意, 呢樣又想食, 果樣又想食, 最後選左豬頸肉拉麵+細魚生飯, 其實我又想食綠茶冷麵+壽司, 但因為想食d熱少少既野, 所以都係食番拉麵可能lunch time人多, order完等食, 都等左5-10mins, 個拉麵ok呀, 湯料仲有青,紅椒, 菇類同洋蔥, 而個壽司飯有少少蟹籽, 三文魚, 吞拿魚, 鰻魚同埋一片不知名的魚生各一片, 壽司飯好味成個set都食唔哂, 如果3個女仔去, 叫2個set lunch就夠喇, 佢d set $55-$8x, 都算抵食…查看更多

星期二晚到中環銀座藏人晚膳。店子唔係好大，但人客頗多。座位亦算寬敞。晚市提供的定食由數十元到百餘元不等。雖價錢和其他大眾化的日本餐廳差不多，不過此店的定食份量頗大，一個定食相信已能滿足兩個普通食量的女仔了。雜錦烏冬窩天婦羅壽司御膳：雜錦烏冬窩配料有蝦、蜆、帶子、肥牛、冬菇、菜等等，味道質素OK，尤其是肥牛，幾有肉味。烏冬本身略為腍咗DD。或許有海鮮及肥牛的緣固，湯底鮮甜幾好味。天婦羅拼盤有蝦、茄子、冬菇、南瓜等等，數量不少。雖然工夫質素未算突出，但因天婦羅剛炸起，味道口感亦不會有大問題。最後是壽司，有鰻魚、魷魚、三文魚、帶子及吞拿魚五款。個人最愛帶子壽司，幾爽甜美味，其他味道亦不俗。海鮮粥天婦羅御膳：前菜有醃製豬頸肉，幾腍幾好食。天婦羅和上述的差不多，只係這碟老火了少少。刺生有三文魚、魚及甜蝦。三文魚及魚都OK，但甜蝦麻麻，腥味較甜味更濃，no good。主食海鮮粥其實似泡飯多D，海鮮配料和雜錦烏冬窩差不多，好像只是多了一兩雙蠔吧。整體味道普通，都係雜錦烏冬窩好食D。…查看更多

六月十一日 (星期四)今天和老公仔到聽聞已久的藏人試試想預早打電話訂枱,不過已滿了,唯有早點出發我未試過吃藏人,老公仔話以前這裡有西式和fusion菜的不過如今看看餐牌,發覺只有日式的套餐莫非他們決定專注老本行?經過一翻討論,我們點了兩個日式套餐:特選日本壽司套餐(八件)吞拿魚壽司很新鮮而且富油份雖不是拖羅,但已算很有水準三文魚壽司不過不失,油份充足,很鮮甜可口甜蝦壽司鮮蝦味甜甘香,略縑細隻了一點赤貝壽司較為失望的,不算太新鮮而且味道欠奉,不知在吃什麼帆立貝壽司與赤貝剛相反,味道極其新鮮而且size頗大,厚肉,入口爽口彈牙很美味!鰻魚壽司這個平平,鰻魚肉質較粗糙而且沒有燒汁,有點摸不著頭腦蟹子軍艦每粒蟹子都晶瑩剔透,很有口感是不錯的選擇海胆軍艦這個倒有點苦...是變壞了嗎?不吃也罷....三文魚生飯套餐是用特選的三文魚腩,每塊都充滿油份而且賣相很精緻,色香味俱全飯粒亦晶瑩剔透,很有口感之餘又香甜...值得一試!!!每個套餐還包括了烏冬,很煙韌,入口彈牙!至於其他配菜就是一般水準罷...…查看更多

呢一日係我同bb o既周年紀念日, 但礙於上班o既關係, 我地離唔開中環不過中環係有好野食架! 最初以為kurado d野好昂貴, 淨係食個日本feel 點知望住個menu我已經唔知揀咩啦!! 多野食又好似好好味!我叫左個三文魚加魚子既親子飯~~ bb就叫左個黑椒雞扒定食!我個飯上面佈滿了新鮮o既三文魚, 一大大粒o既魚子晶瑩剔透~~ 實在令人食指大動呢!我數過好似有7至8塊三文魚架, 個飯又係酸酸地既珍珠米, 愈食愈開胃呢!最愛的三文魚子一咬入去就"必"晒d汁出黎, 勁勁勁好味喔!!!!!!!!!!黠知bb個餐一黎, 我即刻啞掉~ 只係$108蚊, 有黑椒雞扒飯, 個盒同普通定食盒一樣咁大架, 冇縮水的! 上面有紅黃綠椒, 好鮮艷架!! 而且d雞仲好好味添!除左飯仲有面豉湯, 有幾塊刺身, 新鮮且鮮甜的甜蝦和鱆紅魚, 有日式碗蛋同冷烏冬!!果度d冷烏冬份量都好多的!! 放o係竹蔗上, 好靚架!!!個滑蛋仲滑luet luet, 除左好吃想不到其他的形容詞!! 我地掛住食食到唔捨得講野呢夜晚人少少環境舒適! very good!!!!!再加上這是我們的紀念日, 是完美的一天!滿分滿分滿分滿分滿分!…查看更多

訂枱指明要卡位，只因以藏人的 price range 來說，它的卡位真是太物超所值了；是那種可以坐到東歪西倒旁邊另放四大袋 shoppings 然後開懷大嚼加論古述今兩小時也不會感覺侷促的卡位。藏人的 set dinner 亦是另一個物超所值，是次叫了一個 $78 有飯有冷烏冬有刺身有麵鼓湯還有蒸蛋的 dinnr set，嘩！冷鳥冬是整整的一碗，不是鼓油碟大小的！刺身有四片而且有甜蝦，不是敷衍的！星期日檔案裡面的兩個港女 share 一個 set 一定有餘！可幸我們三人即使真的是港女的話亦必定是最大食的一批，所以我們再點了一個海鮮摩登燒、四串燒牛舌、四串燒雞膝軟骨、兩串燒元貝、鹽燒鯖魚和蟹籽沙律。除了没有嚐過沙律外，其他所有菜式都挺不錯。冷烏冬既有煙韌的口感亦保持滑溜的質感，上上之選 摩登燒味道可以但有點散亂的感覺；鯖魚偏乾，再鹹一點乾一點就變鹹魚了。各類串燒尚算出色，牛舌薄切而不是呈舌狀的一整大片，配上香濃燒汁令人回味；元貝和軟骨亦討人歡喜。很愉快滿足的一頓晚餐 …查看更多

前後試過幾次，因為呢度黎開 office 都有 d 遠，要好趕先食到，所以我一定 book 位。不過 book 位我都試過要等多 20 mins 先有得坐....最難忘係有一次佢忽然改 menu 將 d 野幾晒自助 salad bar，有菜、飽任食，menu 係吉列牛扒，無錯，唔係吉列豬扒，所以我先想試。口感係好奇怪，所以隔左好耐都無再去。之後聽講佢又變番正常，姑且再去啦。點都會叫番我至愛既烏冬。叫過天婦羅飯餐配烏冬和魚生烏冬。得次次都感覺個烏冬 portion 真係有 d 少，不過唔緊要啦，仲有個飯幫手頂頂肚。唔係太感受到佢 fusion 菜既魅力，除左個次吉列牛扒既奇怪經歷.....呢到既服務都算幾好既。…查看更多