銀座二丁目咖喱 (已結業)

難得放假，這天到深水埗逛逛，先到西九Food Court醫肚，見銀座二丁目咖喱看似不錯，便試試看。本想試蛋包飯但2時後才有，所以要了一個招牌咖喱吉列豬扒飯($27)，幸好有帶學生證，可送飲品。店鋪聲明炸物是新鮮即炸的，所以等候時間也蠻長，職員細心地問要不要燒汁和酸蘿蔔，我只要了少許燒汁。咖喱其實沒有甚麼問題，只是不夠辣，以及薯仔太腍。但吉列豬扒就出事了，首先是炸得「唔透」，以致外皮脫落，而且豬扒很鞋，加上那些怪味的燒汁，實在不太好。友人的雞扒其實跟豬扒差不多，只是滑一點(只是一點)。整體不是好，但又未至於差，得過且過。

我同男友因為太累，只得i戚佢同donna hse中二選一，因為佢喉嚨痛，所以揀呢間~我地諗緊食乜好時，d staff好熱情咁企出黎問我地有d乜野唔明，有問必答，d service掂呀！咖哩吉列豬扒飯︰我地對d豬扒都好失望...好厚粉，凍，同埋應該唔係岩岩炸既~咖哩古列魚柳飯︰反而d 魚柳好食呀！佢真係熱兼脆架！d咖哩就真係過得去，不過咁平，又可以有乜要求？其實overall 算係咁~炸薯角︰好咸！唔脆，冇汁咁制，太乾食唔到~overall，我諗真係別無選擇先會再去~

鐵板海鮮咖哩飯：好明顯d海鮮係烚既, 唔係煎又唔係炒, 又無鐵板上, 點解要叫鐵板海鮮呢?? 芝士蛋包咖哩飯：又無芝士味又無蛋味, 求其煎隻蛋放係面又叫蛋包飯??總括黎講算係不過不失, 咖哩味唔覺太特別, 自己買包日本即食咖哩都係咁上下味道, 賣相又唔係特別討好, 只能夠算係一分錢一分貨既貨仔, 一試無妨

今日去西九龍中心行街加食野...見到8樓...得幾間食店..比起已前真少好多咁見到呢間..15蚊就有得食...就食呢間去到問個店員...係咪有學生證就有野飲送..點知9月前都有喎...咁我就叫左最平的咖喱飯....加可樂咖喱飯:有少少碎肉...幾舊薯仔....等等......味道極似超市買的刻食咖喱咁的味...只可以話一般...唔算好好食..不過真係好平

朋友請食飯, 閒逛到西九龍就問我試過依間咖哩未佢介紹得我都唔會推, 話晒對方都食得之人!!同時間見到附近有好受歡迎o既PIZZA吃...但最後都係決定食curryPizza下次再試^^由於朋友請所以我無睇到價錢咖哩飯由15蚊到33蚊都有...視乎你食d咩啦!!聽聞真係有個日本人坐陣, 不過我無留意到~點左餐就等嗌飛, 都唔會等好耐就有得吃喇!! 芝士蛋包吉列豬/雞扒飯第一時間吸引我試o既唔係咖哩, 而係果隻蛋雖則佢唔係日式o既蛋包飯, 但那種睇落平平無奇o既煎蛋....真係禾桿冚珍珠!!蛋好滑絕不鞋口, 帶有少少甜味....當食到包住芝士果一部份o~~~~~濃濃的芝士味滲入口中~~~此時再放一口咖哩飯入口....多滿足 =3=咖哩夠香, 配料亦豐富, 醮豬扒吃醮飯吃也一絕!!豬扒脆而不肥, 最怕吃到一口肥膏的質感脆漿也很有味道!!!!我很努力去吃盡每一樣東西未夠一半開始已出現「濟」意= ="日式咖哩特式係唔辣, 嗜辣的朋友可以加辣另外勁大食的可以免費加大...飯同咖哩都會大份左我自命平時絕不細食, 但普通份量已令我食到勁撐 Orz無計...芝士係唯一元兇 味道絕對唔錯~~~建議行開街o

某某日，我和媽咪行西九龍，因為之前行過8樓food court, 所以想試咖喱飯。於是就買咗份咖喱飯食 銀座二丁目咖喱飯 $15用學生證，仲有得送汽水，都幾抵吓! 咖喱甜甜哋 有D薯仔同紅蘿蔔粒，OK喎 附送嘅醃蘿蔔酸酸哋，醒胃! 白飯都OK! 服務都OK!

重申一提，本人對於咖哩並不特別喜愛，但又頗喜歡吃吉列豬扒的！這兒的Food Court真的是很有空間感，但擺設太疏，真的不像個Food Court呢！未知西九龍的人流是太差還是其他原因，要搞起這個Food Court看來是很有難度的了。就點一個日式咖哩炸豬扒飯和薯角。先說薯角，是傳統的冷冰冰難食的味道...由於放了很久，外皮都淋淋的...日式咖哩炸豬扒飯的賣相普普通通，味道也恰如其外表，普普通通。但咖哩中混有少少肉碎，味道隨即提升了，也比一般即食咖哩好吧？但那塊日式炸豬扒還真是太乾身，炸漿也和豬扒的厚道一樣....就算那塊豬扒是新炸起，也完全談不上好吃...更遑論是有水準的炸豬扒。總括來說，這不是值得再Encore的日式咖哩豬扒飯。

我今次食既系吉列海鮮薯餅咖喱飯 + 百事可樂...第一次食呢間野....系分開買單同拎野食既counter...中間有個男人負責招倈生意...佢好nice......唔會比壓力比客人...見我地企響度望住menu諗左好耐...仲話比我地知第1次食最好就試下我呢個餐同埋另一個類似吉列魚柳咁既餐..好有禮貌, 就算冇其他客人刀唔會有壓力, 好舒服.即叫即炸佢話要等耐d, 可能一個字多d..不過我又唔系幾覺太耐...之後拎野食既職員刀系好好服務...所以其實我覺得呢間野既服務真系唔錯!!!終於講野食!XD個薯餅真系好好味!!!即叫即炸夠新鮮夠晒脆XD入面系薯蓉同埋海鮮, 我食到最多系章魚,好似刀有見到蟹柳...其他就冇乜點留意喇..好香好好味呀個薯餅..可能加上熱食又特別好食!!側邊既醃蘿蔔刀幾好食嫁.不過我覺得呢間野以咖喱做名,D咖喱汁又唔系咁突出....好似除左條脷食到有少少辣之外就冇乜味亦冇乜香味...不過總括而言呢間店比我既印象刀好好!! =]

佢唔係真係好好食，有d 似city super 即食咖哩開削少少既感覺不過唔可以忘記既係，city super 既即食咖哩都要賣20蚊la家陣22蚊有飯有汽水仲有餸，其實真係算係咁............至於佢d 餸，有魷魚有蝦有薯仔又有蟹柳，其實就真係似足全部超市買回來既野溝埋一齊但必須再講一次.....22蚊包埋野飲..... 想點o者......至於服務員非常有禮，唔該前唔該後，等耐左dd 又唔好意思前又唔好意思後......比佢講到我都唔係太好意思，但感覺又非常良好。食快餐既話，我會揀呢間多過揀大 x x 果d.......因為佢真係平靚正

雖然整個food court只有3間食店, 但樓下還有不少食店呀, 競爭不少!由於剛過午飯時段, 人不多, 但店長亦很努力叫賣要了一個海鮮薯餅咖哩($24),有學生證送飲品.日式咖哩不用多說, 與超市買到的10多元一包即食咖哩味道不相上下, 飯不夠熱且有小小乾硬, 配上咖哩汁還可以吧,薯餅是即炸的, 表皮香脆,除了薯蓉外還有碎魚塊, 章魚之類, 使味道更豐富, 好味點餐後才發現飯可以免費加大, 不過對我份量是剛剛好啦

26.3.2009為左去黃金買電腦野而來到了深水埗一場黎到又去西九行下係forum度見到話有間日式咖哩開左係度就走上去8樓睇下唔知係咪閒日既關係, 真係好少人下而且成層foodcourt先得3間餐廳由於唔係好肚餓, 純粹想坐下叫左個二丁目咖哩(即係冇餸淨咖哩)飯用學生証送左個汽水d飯好多, 不過好硬, 同埋唔熱d咖哩食第一啖好普通, 又係唔熱既??不過食食下都有少少辣店員"不"左少少日式蘿白我食, 幾脆既都15蚊食到咁大個飯仲有汽水送, 唔好預會好好味啦ps: 西九foodcourt裝修完其實幾靚但比我地聽到d "食蕉"話樓上有細路隨地痾尿...即刻呆左佢講細路痾尿既位仲要係我地食野張枱既附近...咁大聲係我地面前講, 有點反胃

食左咖哩魚柳...諗住+錢跟餐多杯野飲&沙拉!!! 佢話野飲就送左! 冇餐ga la....另加沙拉錢 咁都得???個咖哩&魚柳都係普普通通啦! 薯角就唔建議係呢度食啦...都唔熱嘰又冇味!!!

睇雜誌見有新店開張....仲要係喜歡的日式咖喱....即黎試....兩個人...食左:咖喱吉列豬扒飯...... 咖喱吉列炸蝦飯豬扒好鬆好好味....炸蝦就一般貨色....但係都OK....咖喱唔錯....飯太多...根本食唔哂....$2X一碟...仲要新開張送汽水....去邊樹搵呀???最強勁既係.....呢度雖然叫 food court...但係只係得兩間舖....冇乜人之餘...仲要檯與檯之間勁疏...樓底又高....新裝修完全白色....空間感超強..令食物自動加分....(不過唔知可以維持幾耐...唉)....

發現西九龍中心8樓food court新開左間咖哩，咪試下點。價錢都幾平，由$15既咖哩飯至$27既咖哩吉列豬扒飯，可以免費加大個飯，份量十足，新開張優惠仲免費送汽水添。D咖哩都算唔錯，唔辣(應該係甜咖哩)，豬扒幾鬆，唔會死實實。原本諗住當tea食，食完之後，到晚餐都未消化得晒....仲有咖哩薯餅、咖哩漢堡扒煎蛋等唔同既選擇。