影片
以上资料只供参考，请与餐厅确认详情
食家推介
相关文章
牛头角街市顶楼有几档熟食店～有粥面档、茶餐厅、小炒店、点心舖～款式多～可以各自叫喜欢嘅嘢食～落完单坐低等食一睇个厨房就知有岁月痕迹生滚粥底一大煲～即叫即加料滚热～肠粉即叫即蒸～厚粉够滑份量足艇仔粥足料有鱿鱼须、肉碎、猪皮～粥底好棉食完唔口渴～加胡椒粉～味道刚刚好油炸鬼脆～肠粉即整～炸两厚身～加芝麻酱、甜酱～少许豉油味道啱啱好唔介意卫生情况嘅话～可以一试～毕竟老字号小店真系买少见少～儿时味道应该支持下
继续阅读
是日牙痛，所以lunch 过咗街市买粥。牛头角街市2楼嘅熟食中心，呢间粥舖由细食到大，平时会食艇仔粥（劲多料㗎），今日要下吓火所以食皮蛋瘦肉粥。等外卖时见住阿姐落咗足一只皮蛋，绝对无悭住俾，瘦肉唔系肉松呢啲柴口瘦肉丝，系切粗条嘅瘦肉，粥底绵绵好味道，再加脆脆花生同葱花，食完顺晒好舒服。另外加咗一份炒米粉，份米粉基本上无乜𩠌，有少少豆菜同芝麻，但胜在大大份都只系10蚊好饱肚，食晒碗粥再食咗1／3份米粉已经够晒，剩返嘅米粉可以留下一餐，几悭家🤣
继续阅读
由于之前食得太多炸鸡, 喉咙有O的唔舒服, 所以谂住食下皮蛋瘦肉粥下吓火.呢间卫生环境真系有O的惊恐, 但粥就真心好食, 而且瘦肉份量真系坚多.另外加左个齍肠, 不过呢个就麻麻O地, 只系份量唔少.价钱方面真系非常平, $16 粥 + $10 肠粉. 如果顶得顺个环境, 呢度系非常之抵食.
继续阅读
【鉴记粥品】街市觅食!今次去左牛头角街市揾食吖，呢间粥店长时间都好似好多人咁，今次拣左都好多人点既炸两($8)、牛肉粥($12)同艇仔粥($12)，先加入配料，再倒入热粥将配料滚熟🤣。粥底够绵系基本，牛肉好细嫩，而且每羮都毕到牛肉碎，好足料！同样艇仔粥都系，一毕起就系满满既配料，鱿鱼、牛肉、鱼片等，仲可以叫多花生添😝不过讲定先～环境呢就系一般街市熟食档既环境，要视乎大家接唔接受到啦😝
继续阅读
近来的持续低温，香港实在少见。不必强势进补，其实一碗正粥已可使人窝心暖胃。一碗猪红艇仔粥，既补血又热心，绝绝对对是对抗寒冬的一大佳品。粥底够绵，不会捞两捞便起水；况且料多过粥，鱿鱼丝、猪皮、花生、葱等等越吃越有，每一口都是料！鱿鱼及猪皮极之腍滑，店方落得豪迈，客人食得开心。猪红更是大大砖的，不似坊间某些粥舖碎湿湿的上，爽滑而有咬口，过足猪红瘾！本来还想叫炸两，结果都是免了，皆因吃过了粥，已甚满粥之至。
继续阅读