鉄皇子小賣所 (已搬遷) 新店位置

餐廳係以外賣形式為主，不過絕對唔會因為外賣就求其做，即叫即做師傅會喺你面前用鐵板去做每一個菜，大飽眼福之餘又可以見到每一道食材都係熱辣辣即叫即做，呢個價錢嚟講竟然可以有咁樣嘅質素，令到我同朋友都非常驚喜，其實我哋住呢頭附近都見過呢一間舖頭幾次，今次就決定叫幾樣嘢返屋企外賣試吓，究竟係咪真係咁好食！鐵板牛肉炒飯🤟🏻，用鐵板去炒飯就可以令到每粒炒飯到粒粒分明，但係都非常考究廚師嘅功夫，呢一個炒飯嚟講絕對係喺出邊食鐵板燒之後嗰個炒飯嘅工架，每粒炒飯都收到好乾，而且再加埋牛肉做配料，令到口感上更加豐富，返到屋企仲係熱辣辣非常好食，餐廳利用圓滑嘅珍珠米，我同朋友都非常鍾意呢一個炒飯，認為絕對唔可以錯過，真係好好食！！！鐵板牛肉薄燒🤟🏻，另一個非常有驚喜嘅食材就係呢一個鐵板牛肉薄燒，價錢嚟講真係唔算好貴，完全唔係普通鐵板燒嘅價錢，牛肉加咗大量嘅蒜片，同埋蔥，令到成個口感非常好味，牛肉嘅質素亦都非常高絕對唔會好韌，餐廳喺控制燒牛肉嘅時候火候控制得好好，做到半生熟，同坐喺鐵板燒前面食冇分別，呢個真係冇誇張，呢個價錢真係可以一試，非常抵食！！！鐵板雞軟骨🤟🏻，我同朋友都非常鍾意雞軟骨做小食，因為可以用嚟

今次嚟到元朗雞地呢一間熱鐵板燒咗招徠嘅外賣店。鋪仔細細，一入到去就見到好大塊鐵板。師傅好有心問我哋想食啲乜，然後即場燒。第一味燒嘅係鰻魚丼，一邊燒熱、一邊加入唔同嘅調味料，食落非常軟熟，燒汁味好濃，冇咩骨。豚肉丼份量非常之多，數埋差唔多有9塊豚肉，配埋特製嘅沙律醬，相當惹味開胃。牛舌芯牛舌嘅口感煙韌，牛味濃郁，絕對係燒烤必吃一口牛大約係一粒骰仔咁大，油香充足，調味唔會太濃，食得出食材嘅鮮味，係鐵板燒一大亮點。雖然係外賣店，但睇師傅烹煮都幾有趣。

有朋友住喺元朗，因此得閒都會入元朗食下嘢，次次有新意，有時亦都有驚喜。今次係有段古嘅，朋友話帶我食鐵板燒，同一個位置，唔同嘅店名，以前聽講好貴㗎，通常行過你都唔會望一眼嘅，依家生意難做，都需要有變通，個店的營業時間由以前只做夜晚，到依家有午市加埋夜市，而啲價錢好貼地，好大眾化，同週圍啲舖頭都差不多。大家行過路過都可以入來試吓吖，喺間舖仲見到“愛回家”的朱ling同老闆的合照，會唔會下次來都可以見到佢呢？點咗“鐵板牛肉丼”、“鐵板雞軟骨”、“日本一口牛粒”和“鐵板牛肉炒飯”，跟住就可以坐喺度睇老闆表演，記住呀佢唔做堂食嘅只係做外賣，但你都可以喺度一邊傾偈一邊睇住老細表演嘅，鐵板輕輕炒啲肥牛片，再加D醬油同黑椒調味，同埋香蔥，蒜片，擺入碗中，掂晒；師傅將切或一粒粒的一口牛粒炒至焦香，少少燶，牛味甚濃，食落好入味；睇埋雞軟骨同牛肉炒飯，我都偷到少少師，但係屋企點做到？ 所以都係來幫襯喇。順便講句，門外的公仔都好吸引呢。

鉄皇鐵板燒原來已經開左好多年不過最近先轉型 欣賞老闆會改變去適應環境既能力轉型後 只做外賣,qr code落單 同埋好抵食平民價錢食到高質素嘅鐵板燒真係認真咁係鐵板整出黎 但價錢比出面平好多而且都好好食好香有火氣等既時候已經聞到好香同睇到師傅煮既過程開頭仲以為係咁以燒下煮下 原來係咁認真煮仲見到佢地可以整到會添鐵板牛肉薄燒 $78鐵板燒必點 薄薄既牛肉加上大量蒜片同蔥卷係入面再有d汁同黑椒係牛肉上面 鐵板燒起黎好滿足既口感同juicy鉄板豚肉沙律 $68鐵板烤過既豚肉再鋪上沙律醬好味到停唔到口律用嘅係生菜 加d醋汁好開胃鐵板魷魚鬚 $58好好味既醬汁令到魷魚更突出魷魚新鮮而且有香烤味 非常熱辣辣出晒煙 份量多好好食鐵板鰻魚丼 $88鰻魚好嫰滑又煎得香 好正師傅即場調製鰻魚醬汁珍珠飯大大碗 夠晒飽低糖石榴汁💰HK$15石榴汁味道清香，好襯依一餐飯低糖桔仔水💰HK$15有d似青檸汁 酸酸甜甜 夠fresh同解渴貴精不貴多已經好飽夠食了2個人合共只係食左$322炸

元朗一間隱世日式鉄板食肆，以往經過都想去試下，但常因滿座或需預先訂座未有機會幫襯。最近轉營做平民生意，以親民價錢，大師傅手藝處理日式鉄板，一於要試下啦！餐牌簡單列明各項目，真係好抵食喎！一座正式鉄板燒烤爐，師傅戴上廚師帽，手藝純熟，處理食物令等外賣既我望著食物涶延欲滴。牛肉沙律，味道唔錯，有沙律漿調味，菜與肥牛一齊吃，可以消膩。調味的濃淡度得宜，推薦！一口牛只有輕輕調味，加上鹽，黑椒，油，目擊在鉄板上燒烤，過程好吸引, 食物樣貌都新鮮，略賺熟了一點。魷魚香味濃郁，新鮮，燒烤後加分，分量適中全日最愛鰻魚鰻魚輕燒後，帶點焦香，脆口！味道即時提昇，似在日本吃的炭爐燒烤鰻魚，CP值高！由於座位有限，只供外賣，有點可惜，若能於煮後即品嚐會更加分。重點是要盡快食用，才能感受鉄板魅力！整體食物質素不錯，調味較輕手，主要吃食物的原汁原味，希望這所餐廳會更多人認識，讓普羅大眾可以吃到高CP值高質鉄板

鉄皇子小賣所今次要介紹鐵板燒外賣店，呢間外賣店之前係有得坐喺度食，鉄皇子話依家好難捱，熟客好多去咗移民，香港人有d一到假日就北上消費，所以最近就轉陣專做鐵板燒外賣，「密食當三番」薄利多燒。介紹一下鉄皇子，佢以前喺某酒店做過十幾年廚，之後就喺呢間餐廳開咗14年，係元朗鐵板燒始祖。呢間餐廳中間位置有張好大張嘅橢圓形枱，中間就有一大塊鐵板，佢就喺中間即場燒比大家睇，樣又靚仔，燒得又好型，$50幾至$80幾一個丼飯真係唔貴，而且仲有得睇佢燒，食材又靚又新鮮，性價比真係好高！呢間外賣店門口係有一級，不過果日我無入到去，喺門口同佢講想食咩，佢就好快手即場鐵板燒比我睇，本身諗住拎個外賣去附近公園食，最後都係諗住襯熱食好食d，見到佢門口有幾張椅就決定坐喺佢門口旁邊食！1. 鉄板牛肉丼$58（9/10）一路睇佢喺鐵板上面炒，一路流哂口水，即場炒比我睇，幾十秒炒完就食得，牛肉肉質軟嫩，牛肉大約有10片，份量超多，飯用咗珍珠米，呢個價錢真係唔算貴！3. 鉄板羊肉丼$68（9/10）一路睇佢喺鐵板上面炒，一路流哂口水，即場炒比我睇，幾十秒炒完就食得，羊肉唔羶唔韌，羊肉大約有10片，份量超多，飯用咗珍珠米，呢個

前天，和老公看到元朗一間鐵板燒小店，門外也說只供外賣不設堂食，我們見到有好些人也排隊等候外賣、看到價錢也是非常平民抵食，我們決定一試。這家店嘅菜單上有好多令人垂涎三尺嘅選擇，而我地今次就叫左鉄板羊肉丼、鉄板牛肉沙律、鉄板魷魚鬚同埋日本一口牛粒。下單後、師傅便立刻預備材料、即叫即燒，看著自己的心水菜在你面前煮起、真的馬上食慾大增！ 這個鉄板羊肉丼，看到師傅熟練地兩三下把羊肉燒起、放在熱騰騰的丼飯上，羊肉經過精心烹調，咬落去鮮嫩多汁。師傅在煮食最後會把不同的配料放在丼飯上、如紫菜、芝麻、紅椒絲等，令味道更加豐富。羊肉嘅香氣同鐵板嘅煙燻味道相互融合，唔會太騷，令人回味無窮。跟住看到師傅整鉄板牛肉沙律，份量也是很充足，師傅以精選嘅牛肉搭配新鮮嘅蔬菜同特製嘅醬汁，色彩鮮豔，牛肉經過快炒，表面留有微妙嘅焦糖色，非常香口，沙律嘅蔬菜清新爽口，有洋蔥、沙律菜、小蕃茄等，加上日本的沙律醬及醋汁、配搭起來一起吃有很清新的口感、也不會太膩。跟住看到師傅整鉄板牛肉沙律，份量也是很充足，師傅以精選嘅牛肉搭配新鮮嘅蔬菜同特製嘅醬汁，色彩鮮豔，牛肉經過快炒，表面留有微妙嘅焦糖色，非常香口，沙律嘅蔬菜清新爽口，有洋蔥

店名: 鉄皇子小賣所地址: 元朗鳳攸北街11-15號益發大廈地下1號舖元朗站A出口，行7分鐘今日去左元朗一日遊，發現咗一間日式鐵板燒小店🇯🇵，入面只可以外賣🍽。用平民價錢就可以食到高質素日式鐵板燒料理👍🏻。仲可以望住師傅係你面前燒😽！視覺同味覺嘅享受，千祈唔可以錯過! 師傅有講到原本係有做堂食之後轉左型外賣小店🫶🏻環境: 4/5價錢: 4.5/5味道: 4.5/5鉄板牛肉沙律❤️❤️❤️❤️❤️$58鐵板燒炒熟牛肉🥓，而底層有新鮮沙律菜🥗，沙律醬汁酸酸甜甜。牛肉嘅油脂可以用沙律菜中和👍🏻，如果你想冇咩負擔就可以嗌呢一道菜😻鉄板鰻魚丼❤️❤️❤️❤️$88鰻魚煎到乾身，外皮香脆⭐️。而且最重要係冇咩骨，食落去啖啖肉。再加上即場調味嘅醬汁，唔會過鹹味道適中👍🏻日本一口牛粒❤️❤️❤️❤️❤️$58一口牛肉質細嫩，咬落去唔會靭😽，牛味香濃🐂，味道惹味！呢個個人認爲必點❗️鉄板魷魚鬚❤️❤️❤️❤️❤️$58魷魚鬚最驚咬唔開，但係呢但絕對冇呢個問題🚫！而且咬落去亦都有汁😍，彈牙爽口，調味亦都唔會太鹹🧂，大推‼️

日日放工總係諗唔到食乜嘢，經常都要買頹飯食，今日發現元朗原來有一間可以外賣到嘅鐵板燒🤣今日少少哋外賣左一個沙律同埋鰻魚飯試吓質素。鐵板鰻魚丼鰻魚丼既價錢唔貴只係$88，師傅收到order馬上將鰻魚放喺鐵板上面燒，有龍龍嘅燒烤香味，鰻魚本身嘅照燒汁好香魚肉亦都夠厚身對得住價錢，有兩大舊，送飯一流☺️鐵板牛肉沙律鐵板牛肉沙律用嘅係生菜，牛肉一樣係師傅，收到order嘅時候馬上落鐵板到炒，油香四溢，加埋沙律剛好有一種清新嘅感覺作為前菜食幾好餐廳雖然地方不大，不過鋪面細細有少少似日本嗰種小店，喱種立食店都算係香港比較少有嘅餐廳，亦係外賣頹食以外嘅好選擇。

去開親戚屋企先知鉄皇鐵板燒最近轉左型亦改左名只做外賣不設堂食😳睇menu價錢方面就相當吸引於是入去叫左幾樣野出面鐵板燒想簡簡單單食個飯或者叫個小食都好貴,而呢度大多只係$100內,丼飯價錢相當吸引~當初都以為食嗰幾十蚊野都係喺廚房整完出黎就比我地拎走,點知👇🏻大廚就開始拎架撐出黎😱😂原來仲可以望住師傅親自烹調!先係小食魷魚鬚,魷魚鬚好彈牙爽口!調味得宜仲有少少焦香味,份量都幾多~睇住師傅將一粒粒粉紅色嘅牛粒炒至焦香,差啲流口水!😍一口牛油脂平均咬落好腍,冇筋亦冇肥膏👍🏻牛味幾濃,好入味🩷牛薄片輕輕煎出牛脂後拎嚟做沙律原來係咁好味😋牛味重,沙律好夠味,洋蔥再帶啲刺激感,好好食!而且沙律菜都好新鮮!最後鰻魚飯有驚喜!鰻魚煎到乾身冚蓋焗一焗再燒一燒,然後師傅就開始即場調製鰻魚醬汁,醬汁唔會好甜好好食👍🏻珍珠飯亦都好大碗好夠味👍🏻相當抵食最後真係大推呢兩隻野飲!師傅話試左好多隻呢隻馬來西亞嘅最正!桔仔水酸酸甜甜,石榴水味道好真,唔會好甜!兩隻都係少甜,好解渴而且仲清熱氣添😍

元朗雞地最近新開咗呢間日式鐵板燒小店，原來呢到之前係元朗鐵板燒嘅始祖，而家轉型變咗只做外賣自取嘅小店，主打用平民價錢食到高質素嘅鐵板燒日式丼飯同埋日式小食！唔想等拎外賣嘅客人，仲可以預先用手機掃QR code或者whatsapp order定野食添，好方便！Order 完食物之後，師傅會喺你面前即刻用鐵板煮熟啲食物，等緊果陣已經聞到陣陣嘅食物香氣，睇見都令人流哂口水啊！真係忍唔住幫啲食物打晒卡先拎返屋企開餐～鐵板牛肉沙律💰HK$58牛肉沙律係用鐵板炒熟啲肥牛之後，面頭再淋上秘製芥末味沙律醬，配埋底層酸酸甜甜嘅沙律菜，令人好開胃～沙巴大虎蝦(1隻)💰HK$138大虎蝦勁大隻，蝦頭裡面有勁多蝦膏，蝦肉淨係簡單用香草牛油去調味，已經品嚐到大蝦嘅鮮甜味，不愧為小店嘅鎮店之寶～鐵板牛肉薄燒💰HK$78輕輕用鐵板炒過蒜蓉片同埋香蔥碎，再卷喺燒過嘅肥牛片入面，然後再簡單用醬油同黑椒調味，牛肉生熟程度適中勁juicy，加埋蒜蓉片同香蔥，口感相當之豐富～鐵板牛肉包💰HK$42呢到嘅新產品，師傅特登揀選咗呢款軟硬適中嘅意大利包去整，先用牛油將麵包裡面喺鐵板烤至金黃鬆脆，然後再炒熟肥牛同埋洋蔥，最後淋上芥末

日式鐵板係餐廳就食得多，主打外賣嘅店鋪就真係第一次試。位於元朗鳳攸北街嘅「鉄皇子小賣所」主打外賣鐵板，由於係小店，款式選擇唔多，但對於貪新鮮嘅我黎講，又點會唔試下呀。雖然係外賣店，但係我地都可以好似係餐廳咁欣賞廚師製作食物嘅過程，一樣可以打卡，等候過程中，廚師仲播住輕快嘅音樂，非常chill。鐵板牛肉沙律：牛肉有3大塊，肥瘦適中，煎過後表面金黃香脆，食落唔會太韌，配埋新鮮沙律菜以和風醬汁，非常開胃。鐵板鰻魚丼：原條鰻魚煎熟，接近全熟時再用火槍輕輕炙過表面，然後烹調醬汁，再淋上鰻魚上。鰻魚表皮香脆，魚肉嫩滑，配埋自家製醬汁以及粒粒分明嘅珍珠米，味道非常夾，相當充滿日式風味。日本一口牛粒：一口牛粒牛味香濃，肉質鮮嫩，配上特製燒汁，非常惹味。桔仔水：馬來西亞桔仔水唔係好多地方有，有番石榴同青檸味，雪凍後，用嚟配味道較濃嘅食物，入口非常清爽。

一間餐廳需要轉型都需要好大勇氣，之前經過鉄皇佢只係開夜晚，同埋圍哂布根本唔會睇到入面咩境況，宜家轉左做外賣型式十分開揚，更加吸引人去留意👀🔸鐵板牛肉沙律有5塊牛肉，雖唔係高價野，但肥瘦比例好好，食落有肉味同埋唔會un ，沙律菜配左日式油醋汁同牛肉夾埋相當和諧😌🔸鐵板鰻魚丼一整塊鰻魚會先係鐵板煎番乾d水份同加熱，同埋老闆會即刻烹調埋個汁，望見都超有食慾💕🔸馬來西亞桔仔水馬拉桔仔水好少地方有得賣，老闆話佢嚴選過先入貨，酸酸甜甜，雪凍左飲就更加爽👍🏻

醬汁絕對係呢間鋪既秘密武器！！醬汁調製得恰到好處，呢個牛肉飯的味道與眾不同，其他地方係品嚐唔到相同的口感。既濃郁又不過於重口味，我真係未試過咁快食完一碗飯🤣回味無窮。除左口感和味道之外，呢間轉型鐵板燒外賣店服務同價格都令人覺得好高質，即叫即煮，又可以欣賞到主廚既表演，而價錢方面都唔洗多講，之前係比較中高檔價錢既鐵板燒，依家變得經濟實惠，但品質方面絕對冇渣漏攤！！真係物超所值，食到高質食物既同時，又唔會對銀包造成太大負擔🤣🤣話說成個裝修都唔同左，依家感覺年輕活力左好多可以打卡既位都多左，如果唔介意立食既都可以叫下其他餐牌既野，會有7折優惠

經過元朗雞地見到有間裝修好新嘅鐵板燒，就同屋企人試下。呢度係一間平民鐵板燒小店，以提供日式鐵板燒為主。餐廳只有立食，冇堂食座位，所以多數都係做外賣。但就算做外賣，廚師都會喺你面前即席表現比你睇。.首先試咗羊肉飯。呢碗羊肉飯係鉄王子小賣所嘅招牌之一。佢哋用嫩滑嘅羊肉片煮得恰到好處，肉質鮮嫩多汁。飯都好香好滑口，汁超好食，令人食得好開心。如果你鍾意羊肉有少少騷味，重d 羊味，呢碗羊肉飯絕對不能錯過！.屋企人想食健康d,揀咗牛肉沙律。呢款沙律以新鮮嘅牛肉薄片同新鮮蔬菜拼湊而成。牛肉煮得剛剛好，保持住嫩滑嘅口感。蔬菜爽脆新鮮，配上特製嘅醬汁，味道更加出色。沙律吸收埋牛肉汁超正。如果你鍾意清爽嘅沙律，呢碗牛肉沙律絕對係一個不錯嘅選擇！.最後，試咗佢哋嘅鰻魚飯。呢款鰻魚飯有著香脆嘅表皮同嫩滑嘅魚肉。鰻魚燒得香口，肉質鮮嫩，配上醬汁，味道更加濃郁。每一口都帶有鰻魚嘅獨特風味，絕對係一道令人回味的美食！.總括而言，無論係羊肉飯、牛肉沙律，定係鰻魚飯，每一款食品都有獨特嘅味道同口感。呢個價錢有咁好嘅味道，真係超值，就算立食都ok, 住附近嘅可以外賣。