鉄皇子小賣所

营业中

休息中

今日嚟到太安樓搵食就畀這間香氣四溢鐵板燒店舖吸引了過去鐵板牛肉丼58蚊仲有一啲牛牛小食落單之後可以企喺出面等雖然係好熱但係覺得好似睇緊師傅表演咁樣感覺鐵板燒嘅距離冇咁遙遠係食得起的高級菜雖然價錢係平但係絕對冇揸流灘厲害厲害鐵板燒牛肉丼飯面有很多薄切牛食過唔似平時嗰啲牛肉飯咁肥膩呢個飯係香口又重肉汁鐵板牛肉薄燒表面牛肉好似當飯嗰啲不過煮法有一啲唔同裏面有大量炸蒜同埋蔥睇住佢整真係唔使驚啲牛肉唔靚塊塊都色澤鮮嫩手法純熟得像表演，牛肉煎香放料再捲，一絲不苟覺得嗰個鑊鏟好神奇又可以做炒又可以用來切開牛肉卷見好多人都拎住一盒一口和牛粒，所以又跟叫一份牛肉粒好靚料， 肥瘦好均勻睇師傅整又唔覺得鐵板熱得咁緊要一落汁嗰個鑊氣，真係厲害遠遠都聞到和牛的香氣真係太鍾意鐵板嗰種吱吱聲除咗係色香味仲有視覺嘅享受和牛的香味係與眾不同店舖門口有枱仔可以立食餐廳街坊價錢食物質素高見到好多街坊都叫鐵板牛炒飯，下次會試一試這個

我好少嚟太安樓食嘢。有個friend話開咗間新嘅鐵板燒，所以就專程過嚟試。廚師動作灑脫， 身手敏捷，好似做show咁。 隻蝦好大隻，好鮮甜肥美，口感彈牙。蝦頭好多膏。羊架煮到岩岩好，調味適中，蒜香味濃郁。我平時少食羊都覺得接受到。鵝肝多士一定要點！廚師將鵝肝兩面煎得焦香， 外酥內粉嫩，配上多士，可以解膩。 牛肉薄燒為我這餐飯畫下完美句點。牛味濃， 加埋好多香蔥同蒜，有入口即溶的感覺，十分有驚喜。仲有好多野食仲未試， 下一次一定返來再食。

鉄皇子小賣所今次要介紹一間本來喺元朗搬到去太安樓嘅一間超抵食嘅小店叫「鉄皇子小賣所」，呢個主廚經驗好豐富，有鐵板燒超過28年經驗，之前已經喺元朗食開，搬咗嚟太安樓大半年，我都未得閒搵佢，咁啱探朋友就順便買外賣同朋友一齊食，太安樓實在太多美食，呢一間鐵板燒真係唔可以錯過！1.鐵板牛肉炒飯$78（10/10）呢個牛肉炒飯炒到飯粒粒粒分明，個飯係用咗日本珍珠米，入面食到牛肉碎之外，仲有好香濃嘅蛋、蔥等等，真係非常正！2.一口牛粒$75（10/10）呢碗一口牛粒真係唔可以錯過，每一口牛粒都好有肉汁，牛粒唔韌，一共有12粒牛粒。最好睇就係最後炒炒下點火，點火果下可能要鎖住肉汁，既好味又好睇，必叫之選！3.鐵板牛肉薄燒$88（10/10）呢個牛肉薄燒用咗三大片牛肉，牛肉包住蔥同蒜頭，仲有就係佢嘅特別醬汁，最後佢會切開變成一分為二，比人食得方便d，都係必叫之選！2人總共價錢$241個人口味總評分：10/10  @teppanyakiking @take_turn_to_do_kol 地址：西灣河筲箕灣道57-87號太安樓地下A54A號舖Please follow me🙆‍♂️ @wheelchaire

✨太安樓除咗魚蛋燒賣炸嘢，仲有高質鐵板燒🔥好似去咗日本鐵板燒舖頭坐喺Bar枱前面嘅食法👏👏嗌咗外賣之後就可以見到廚師表演煎牛肉🥩睇得出廚師嘅手勢都非常專業🧑‍🍳叫咗🍚鐵板牛肉丼，牛肉好入味👍先熟後就連同🧅洋蔥鋪喺白飯嘅面頭有啲汁令到飯好惹味👍👍👍🐄日本一口和牛粒 燒得好靚🥩和牛粒充滿油脂感 仲有好多蒜頭 加埋香濃嘅醬汁🟤🥩鐵板牛肉薄燒 係包住香蔥🍀同埋蒜頭🫶🏼薄薄嘅煎到半生熟啱啱好食得好好，有口感颯颯聲☄️☄️最重要係啲醬汁!!!

最近經朋友介紹嚟試呢間位於太安樓內嘅小店，主打即叫即煮嘅鉄板飯系列，煮食香氣四溢，行過都會忍唔住望多眼。實試咗佢哋四款招牌菜，整體驚喜非常多，誠意推介！🍽 推介：🔸 鉄板牛肉薄燒— 牛肉切得夠薄，落鐵板一煎即香，表面焦香但內裡仍保留嫩滑，配埋醬汁唔會太濃，啱晒鍾意肉香原味嘅人。🔸 一口牛粒— 外層微脆、內裡保汁，火候掌握得好，調味偏日式風格，鹹香適中，非常惹味，幾粒一啖真係停唔到口！🔸 鉄板牛肉丼— 丼飯份量十足，鋪滿大片煎香牛肉，底下飯吸晒醬汁，成碗食落去好有滿足感，適合大胃王！🔸 鉄板鰻魚丼— 鰻魚片厚身，燒得剛剛好，有微微焦香，配上特調甜鹹醬汁，連飯一齊食味道層次好豐富。🔥 煮食現場感十足！成個煮食過程都係即叫即煮，可以睇到師傅喺你面前鐵板上快手炒煮，香味撲鼻，感覺就好似睇緊一場小型鐵板燒表演咁，睇得開心、聞得開胃！🥡 今次係外賣返屋企食，意外地食物保溫效果好，唔會變淋，仲保持到焦香感，呢點值得一讚！📌 總結感受：太安樓向來係街坊搵食天堂，競爭大，但鉄皇子小賣所算係近期見到最有誠意嘅新店，用料實在、價錢合理、份量足，而且香氣絕對係全場最出色，誠意十足。

Today, we go to Tai On Building for yummy food! There is a new Teppanyaki restaurant. We order lots of food. Teppanyaki beef thin roast, Japanese Beef grains, Teppanyaki beef don and Teppanyaki eel don. We can look at the chef performance, we can see fire show when he is stirring frying! Teppanyaki beef thin roast contains lots of fried garlic and chives, strong smell and tasty. Japanese beef grains is yummy and juicy, the meat is soft. We must immediately eat it in the restaurant, because it is

身為港島人買宵夜就梗係去太安樓啦，嗰度有數十間各種不同嘅小食店，平時食黎食去都係嗰幾間食到有啲悶悶地，今次就試下太安樓唯一嘅鐵板燒店「鉄皇子小賣所」，過咗晚飯時間都排晒隊，味道質素一定有保證👍🏻鐵板牛肉薄燒師傅先將牛肉輕輕辣一辣，再包住大量炸蒜同香蔥，特別香口😋牛肉軟腍腍再配上脆卜卜嘅炸蒜令口感更加豐富，一份有三大件，每件都用咗三片牛肉，勁抵食日本一口牛粒必點👍🏻除咗好食之餘仲可以睇到師傅功架十足，翻炒期間再點火，啱晒打卡又吸精😍和牛粒帶點脂肪，入口充滿肉汁，油脂香味充斥口腔，火候控制得啱啱好，一點都唔會韌，越嚼牛味越濃😋鐵板牛肉丼招牌丼飯👍🏻小店係用上日本珍珠米架👍🏻半肥瘦嘅牛肉鋪滿整碗飯上面，肉質特別軟滑，加上洋蔥同燒汁去翻炒，最後再加上芥末沙律醬，甜甜地嘅醬汁特別下飯鐵板鰻魚丼呢個丼飯係用上一整條鰻魚架🤤肉質比較爽脆彈牙，師傅先外皮嗰邊煎香，再放上鰻魚汁繼續香煎，最後放上珍珠米上面，加上紫菜碎，香甜嘅醬汁滲入米飯之中，份外美味📍鉄皇子小賣所 (西灣河)西灣河筲箕灣道57-87號太安樓地下A54A號舖人均消費：$50-100食物：⭐️⭐️⭐️⭐️⭐️環境：⭐️⭐️⭐️⭐️服務：⭐️⭐️⭐️⭐️⭐️回頭率：⭐️⭐️

店名: 鉄皇子小賣所地址: 西灣河筲箕灣道57-87號太安樓地下A54A號舖西灣河站A出口，行4分鐘環境: 外賣價錢: 4.5/5味道: 4.5/5鉄皇子小賣所之前係元朗已經試左一次，呢個價錢就可以食到鐵板燒好正，佢哋依家搬左去西灣河太安樓，當然要試下😝鐵板牛肉丼❤️❤️❤️❤️❤️$58呢個絕對係招牌之選，基本上人人都會叫，即叫即製，牛肉肉香同油香滿滿，令口感更佳，而且熟度啱啱好，好正😚鐵板鰻魚丼❤️❤️❤️❤️$78鰻魚同樣係面前即叫即製，肉質鮮嫩，魚香味好出，同樣超滿足😌日本一口牛粒❤️❤️❤️❤️❤️$75份量超級多，油香味好出，師傅整到熟到啱啱好，入口肥瘦相間，牛味香濃，輕轉調味已經好好食🤩鐵板牛肉薄燒❤️❤️❤️❤️❤️$88牛肉入面包住左巨量葱，作為葱嘅愛好者大愛，入口油香十足之外，又好惹味😍

鉄皇子小賣所 地址: 西灣河筲箕灣道57-87號太安樓地下A54A號舖太安樓地下底層是覓食天堂，集很多唔同架餐廳，價錢又平民。我好多時都會很一個圈，再決定食什麼。店都是外賣為主，今次試了鐵板，落完order 睇住師傅快手係鐵板上炒，發出asmr同香味！$58鐵板牛肉井飯，鐵板上熱炒再放上飯上面可能用鐵板熱力均勻，牛肉片有脂肪炒後特別芳香同調味都唔錯，係太安樓都是平民美食價！加餸要多個鐵板牛舌心，薄薄好食，牛肉片卷起蔥，香噴噴入口即溶化開

於元朗起家的鉄皇子小賣所，搬咗黎西灣河太安樓，港島區嘅朋友有口福啦，以親民價錢食到高質鐵板燒！知道老闆係某酒店做了1x年廚，店內菜式全都是老闆拿手菜，仲要即叫即整，絕對新鮮。於太安樓搵食嘅朋友，一定試呀！！✨熱賣主打「鉄板牛肉丼」，價錢只需$58，好鬼抵，仲要勁多牛肉，配埋老闆精湛廚藝、特製醬料及沙律醬，好好食，大推！✨鉄板燒鰻魚丼，老闆將成條鰻魚係你面前炮製，仲用火槍燒到外皮微脆，令鰻魚軟腍又帶小小脆；客人又可額外加配滑嘟嘟嘅炒蛋，兩者配搭，令成個飯增加更多層次感，正！✨日本一口牛，份量勁多，老闆控制火候控制得剛剛好，牛肉粒外微脆，肉質柔嫩，勁Juicy，配埋炸蒜，味道一流😋✨鉄板牛肉薄燒，鐵板燒必叫，於高溫鐵板迅速燒烤，令牛肉鮮嫩及多汁，牛肉片包了滿滿葱及蒜，食時滿口香氣，口感很豐富。

趁新年假期又來到太安樓覓食，今次試近期駐入的鉄皇子，路過的途人也被主廚吸引著，停下來欣賞其如表演的鐵板功夫鉄板牛肉丼 - 即點即板燒，牛肉除了燒汁外，還嚐到帶點芥末味的沙律醬，味道有層次，只售數十元的，親民價的鐵板燒美食，值得試試鉄板鰻魚丼 - 火炙過的鰻魚，微焦，魚油更香，塗上燒汁，灑上紫菜，不錯沙巴大虎蝦 - 是日主廚推介，虎蝦 大大隻有鮮味，蝦肉彈牙，不要錯過蝦頭内的蝦膏，真的！美味！高質！鉄板羊架 - 肉質軟嫩，孜然味帶點微辣，不覺得羊羶，經鉄板烹製後，還有點焦香感，喜歡！日本一口牛 - 眼見主廚以純熟手法處理，炒到差不多時，加了點酒，即有火焰效果，大家看得很開心！雖然是鐵板燒出來，但一點也不乾，每粒都有肉汁及牛脂香

西灣河太安樓有好多好嘢食，放工之後唔想煮飯嘅話嚟呢度一定搵到你鍾意嘅嘢食👏 最近開咗間新嘅鐵板小店，佢之前喺元朗係好出名嘅，出名嘅小食一定包括佢嘅和牛粒，落單之後見主廚即刻你哋面前鐵板燒，整得好出色 💯 一定要試佢嘅「日本一口和牛粒」，咬落入口即溶🥳 好香口嘅牛肉味，加咗鹽同埋蒜調味超好食👏 另外佢嘅「鐵板牛舌芯」 都一定要試😋 牛舌好有口感😍除咗小食之外，佢仲有「鐵板鰻魚丼」同「鐵板牛肉丼」，兩款都好好食，份量好適中，食完丼同小食之後好滿足😌

平時都鍾意放工去吓太安樓，睇吓有冇啲新嘢食，經過見到原來新開有一間鐵板燒，陣味好香，估唔到鐵板燒都會有外賣，忍唔住買嚟試吓😙1️⃣ 🐄 鐵板牛肉丼師傳話呢個係餐廳招牌😙 菜式名聽落好簡單，但食落feel倒係心機之作，啲牛肉夠晒嫩，仲加咗鐵板香氣同濃郁嘅醬汁，啲飯吸晒醬汁味，食落惹味，值得一提呢度嘅飯一啲都唔馬虎，質感有咬口，帶有飯香👍🏻2️⃣ 🎏鐵板鰻魚丼鰻魚外表燒到微微焦脆，而且有成大條，食落淡淡肉，配菜仲有個炒滑蛋，師傳兜兩兜兩下手勢就炒完，好似睇緊表演咁🤣 食落都非常嫩滑，加埋甜甜地嘅醬汁，同飯一齊食好滿足3️⃣鐵板牛肉肉薄燒啲牛肉切得勻薄，燒到啱啱熟，滑溜又入味，入面包住啲蒜頭同蔥，配埋個醬汁，香氣十足😛4️⃣ 👅 鐵板牛舌芯牛舌芯食落好煙韌帶嚼勁，但又唔會太韌，薄薄一片入口即化，炒嘅火喉啱啱好，完全凸顯咗牛舌嘅香味😉5️⃣日本一口牛粒每粒牛粒都燒得外脆內嫩，肉汁鎖得好好，一咬落去，牛嘅油脂就口入面爆曬出嚟☺️總結一下，呢間鐵板燒外賣真係值得推介，無論食牛肉定鰻魚，質素都好穩定，以後掃街又多個選擇🥰

元朗鐵板燒始祖而家搬咗去太安樓啦，唔使山長水遠入元朗都可以食到Ken師傅嘅手勢🫶🏻 Ken師傅嘅招牌菜係鐵板牛肉丼，用咗秘製牛肉汁炮製，珍珠米粒粒都吸滿咗醬汁，非常惹味🤤 牛肉上面淋咗芥末沙律醬，有少少辣辣地，食落多咗個層次🥰 鰻魚丼都好吸引，火炙之後特別香口，魚肉幾彈牙👍🏻 小食我就最鍾意牛肉薄燒，裡面包住葱花同炸蒜片，越食越滋味🫶🏻 新店開張快啲去試下啦，可以欣賞Ken師傅煮食嘅英姿🤣🔸鐵板牛肉丼🔸鐵板鰻魚丼🔸鐵板牛肉薄燒🔸鐵板羊架🔸日本一口牛粒🔸鐵板牛舌芯📍#鉄皇子小賣所 (#西灣河美食)#西灣河 筲箕灣道57-87號 #太安樓 地下A54A號舖

在太安樓的「鐵王子小賣所」，我最近試咗幾道鐵板料理，真係好值得推介！首先係佢哋的「鐵板牛肉丼」，肉質鮮嫩，配合香噴噴的米飯，每一口都令人滿足。牛肉嘅調味非常到位，醬汁唔會掩蓋肉本身的鮮味，反而令整道菜更加出色。接住嚟，佢哋的「日本一口牛粒」實在令人驚艷。每一口都充滿了肉汁，口感滑嫩，配合少許的鹽和胡椒，簡單卻又非常美味。這道菜適合喜歡牛肉的朋友，一定要試！再講講「鐵板牛舌芯」，這道菜的牛舌切得剛好，不會太厚也不會太薄，煎至金黃，外脆內嫩。牛舌的味道獨特，口感上有嚼勁，真係一試成主顧。最後係「鐵板羊架」，這道菜色香味俱全，羊肉的香氣撲鼻而來，無論係肉質定係調味都做得相當好。羊架煎至外焦內嫩，讓人回味無窮。