鉄人酒場

良晨吉日跟至愛撐檯腳，真心開心到不得了，吃什麼都是甜的 ﹗梵 Gold 純米大吟釀，飲過翻尋味，再一次梵高 ﹗連飲幾杯，清爽幼滑，輕甜食住飯飲最合適。梵吟撰特別純米，梵高已被我全部解決掉，挑選高一層次的梵 Born 啦。香醇順喉，味道濃郁清香，越飲越起勁。好事成雙，我真係有點碎喇。芥末鱆魚，真係非常鍾意食。鮮味中散發芥辣清新味道，又有著鱆魚天然咸香，涼浸浸肉質脆彈好好食，要叫兩個送酒先夠喉呢，如果大粒少少就更開心喇。日式凍豆腐，夠冰凍入口好舒服，質地比滑豆腐延身實淨，微滑中食得到的豆香，不加醬油淨食已經十分美妙。醬油調得太濃啊，跟冷烏冬情況一樣。換上胡麻醬、芥末醬可能效果更佳喎。日本蟹肉忌廉薯餅，剛剛炸起熱力迫人，新鮮送到，外觀跟我想像的完全不同，餅不是扁扁的嗎？圓碌碌好可愛，炸得乾爽金黃鬆脆，不會硬掘掘咯咯聲。薄薄的脆皮輕輕一咬爆開，飄出香煙，氣味誘惑非常。看不出是蟹肉忌廉，樣貌更似薯蓉。淡淡的蟹味泛出可口忌廉咸香，真的烹調得宜好味道。沙律醬無用武之地，原味已萬分滋味，連吞 3 隻濕濕碎。三文魚頭麵豉湯，滾熱辣送上，聞得到魚味麵豉味在舞動，殺呀﹗我真心堅鍾意飲湯，只要食肆有湯提供，幾乎必飲，仲越熱越好添呀﹗清酒煮蜆，活蜆新鮮、清酒香甜、火喉到加，一熟即起、肥美鮮味、彈牙水潤﹗每隻都充滿天然海水咸香，那有不好吃的理由。社長雞翼，皮脆肉嫩還散發焦香味道，肥美脹卜卜，鳳脂甘甜配白肉滑溜溜，高水準的演繹。煙肉荔枝串，到底這是什麼味道？燒煙肉撞上荔枝汁，非常熟識，但想不到是什麼，好煩惱好困擾啊﹗香口咸香煙肉捲著爆汁爽爽甜甜荔枝肉，擦出火花﹗奇妙的化學反應，產生出獨持而吸的味道。鉄人田樂豆腐燒，燒到豆腐方塊乾乾的香香的，滑溜感完全消去，而嚥嚥韌韌，沾上半咸半甜麵豉醬，夠醒胃醒神，助酒能力不錯啊。明太子釀雞翼，咸咸結實明太子塞得雞翼肥嘟嘟，連雞肉一口咬掉，讓她們在嘴裡完全融合，肉香甜搭明太子咸鮮，加埋香口脆皮，這個組合無得彈呀﹗鉄人一口豚，醬油甜甜配上洋蔥兜炒更是惹味。豚肉表面金黃微焦格外香噴噴，質地十分有趙頭，肉汁鎖在內，每口水潤食得過。自家製特濃魚湯，用新鮮海魚餚足 3 小時，工序繁複，所以每次只能少量供應。超濃郁超香甜，黏黏的厚厚的漿住您的嘴，無添加純天然奶白色湯汁，飲完暖笠笠渾身是勁，係愛呀﹗…查看更多

突如其來的撐檯腳，果真受寵若驚 ﹗遲了多年的約會，奇蹟地發生。有部份菜色暫定供應，無緊要﹗食什麼都一樣高興開心。十幾二十道瘋味﹗燒雞皮、燒雞腎、燒雞肝、燒雞翼、燒和牛、燒茄子、燒三文魚頭、吉列炸蠔、冷烏冬、燒魷魚、牛油蜆、等等等等！唔係好多之麻。難得在亡亡人海裡相認，梗係要叫支酒慶一慶啦。梵 Gold 純米大吟釀，芳香醇厚不嗆喉，淡淡然甜味不濁，舒服杯杯清，暢快啊 ﹗梵高？我好鍾意依位畫家既作品呢，最出色當然係 Starring Night。雄町純米吟釀原酒，最初點濁酒，但賣沽清咯。比梵 Gold 純米大吟釀更濃郁更厚身，幼滑香醇依舊。芥辣八爪魚，碎碎的八爪魚肉漬混上青芥辣格外醒神醒腦，爽爽韌韌的肉碎入口涼浸浸，散發鮮味咸香，還有陣陣辛辣，越食越想食呢﹗開胃前菜唔少得，應該撈飯也蠻不錯。螢光魷魚，去到那裡我都必食的，怪您過份美味 ﹗滑嘟嘟整隻啪入口，一咬爆汁滲滿每顆味蕾，濃濃的味道，爽脆咸鮮，回味無窮。燒鱈魚片，微暖魚干助酒良伴。食得太開心忘記了其真身添，跳錯制諗左火炙魚片。唐揚炸雞膇，鬆軟帶微弱肉汁，啖啖肉。三文魚忌廉芝士燒牛油果，萬般驚喜的作品呀，非試不可。我都不知道原來牛油果可以烤的，學到唔少野喇。質地超級 creamy，撻埋忌廉芝士更是幼滑，其中還有清甜的三文魚肉，一啖連木魚絲塞入口，豐富而滾動的味道。汁煮 M5 和牛根肉，高潮疊疊起，又一令我驚嘆的出品。就連一向最討厭紅蘿蔔的我，都全部跟和牛清理掉，實在太過份喇。厚厚的醬汁黏黏的浸著根肉，湯汁濃郁甜美得宜，擁著根肉一齊食，鬆化軟綿牛味強烈。紅蘿蔔充滿牛肉的精華，軟腍腍甜甜的。整道菜真心好送飯，可以連汁一滴不漏地食晒，食一兩碗飯濕濕碎啦，好采無叫飯乍。清酒煮蜆，新鮮活珍珠蜆，新鮮即叫即煮，新鮮出爐，那有不好吃的可能呀？無得頂！清酒已化為甜味及香氣，嚐不到酒甘酒澀。急不及待捉隻蜆肉品嚐，蜆汁激射，肥美絕輪，海水天然咸味有著蜆肉鮮甜，彈滑細緻，好味到停不下來﹗燒元貝，巨大兩粒厚厚的軟軟的，燒得兩面焦香，霸道的照燒汁為元貝添上味道。汁燒唐辛子豬腸，微脆多肉又香口，辣粉惹味襯托重味醬汁，飲多兩杯清酒，爽呀﹗燒豚肉大葉卷，原來係紫蘇葉，即是韓國芝麻菜，有著獨特的野菜香草味道，清新得像薄菏的味道。跟強勁油脂的豚肉夾得天衣無縫，好一雙絕配。豬甜味出眾，大葉清香，醬油恰到好處，推介之選。燒免治雞肉雞軟骨串，好鬼得意的口感，趙著軟綿婂的免治豬肉，間中趙的脆卜卜油香雞軟骨碎，即刻聯想起爆炸糖呢﹗雞味濃，香噴噴，食過最好食的一次。燒雞肝，軟綿而羶香，跟食開硬實完全不同，心滿意足。燒墨魚嘴，清淡脆卜卜，洒點調味剛剛好。燒雞頸肉，咸到嚇死我，乾爭爭的頸肉絲，不吃也罷。燒牛舌心，超高質﹗厚身特別爽彈多汁，只甜不羶，實在太美味。蒜蓉辣醬燒日本室津蠔，原隻掃落口，腍腍的帶著一絲的蠔味。蒲燒鰻魚，燒功超卓，滾熱辣送上，油潤鬆軟，不乾不鞋，落醬得宜不過份，充滿生命力，好好食。一夜乾馬友，食得出的鮮味，不是死實派，不是冰鮮群。一夜乾後使到味道更濃縮，清香的醬油帶出馬友天生的芳香甜美，一啖肉一啖酒，爽乎。日本蕎麥冷麵，我這麵黐非麵不愛，冷又好、熱又好；湯也好、撈也好，全部歸我所有 ﹗只提供青芥辣及青蔥，如果有蘿蔔蓉、芝麻、生鵪鶉蛋就更開心啦。將鰹魚豉油跟青芥辣及青蔥撈勻，起動﹗大大注蕎麥麵沾上混醬狠狠地吸啜，清爽嚥韌彈滑令我非常陶醉，如果更冰涼一點就更暢快啦。香辣醬叉燒撈拉麵，我倆都是辣友，竟然敵不過這細細篤的自家特辣 XO 醬，堅有料到 ﹗好鬼辣啊，全身發熱冒汗，不過越刺激越舒服，正呀﹗牛油炒蜆，清酒煮又好，牛油炒都好，同樣絕頂神級美味無得頂﹗牛油炒多了份牛油咸香，增添了風味。一口和牛粒，原汁原汁無添加，亦無落鹽或胡椒，無任何調味。牛味濃搭上清香蔥花，原始的味道。燒雞皮、燒雞腎、燒雞肝、燒雞翼，全部都係雞，自創雞串盛。燒雞皮，燒得透徹，爽身香脆有質素。燒雞腎，外爽肉軟，腎味非凡有鮮味。燒雞翼，皮脆肉嫩，合格。吉列炸蠔，難得不是硬殼型，係罕見的鬆化型，不得不讚讚師傅。薄薄的麵包糠沒有將生蠔味道搶去，脆卜卜地包著嫩滑多汁蠔肚，做得好。燒茄子，非常日式的演繹，跟港式完全不同。爽爽的茄肉一梳梳地捲起，夾埋木魚絲、紫菜絲齊齊嘆，味道特濃可口。燒三文魚頭，啖啖肉包著脆卜卜的軟骨，還有黏黏的骨膠原，大愛。勁好食的魚眼，由細到大都掙住食，濕潤的啫喱狀，愛不釋手。鹽燒來的，用醬油燒會更好味。原隻日本魷魚筒，超水準的表現，爽爽、彈彈、滑滑、鮮味，加埋甜醬油，不用蛋黃醬啦﹗整條被我迅間消減，什麼都無得留低。冷烏冬，菜牌沒有的，多謝師傅肯幫我煮，不幸地強差人意，從來未試過浸住鰹魚豉油出場喎。…查看更多

同老婆撐枱腳一向鐘意食日本野既我地就簡左依間居酒屋叫左d前菜芥末章魚正常味道啦但份量可以多d唐揭炸雞槌正常味但滑墨魚咀好大粒好有咬口豚肉大葉卷超香好好味軟㝅蟹沙律係新鮮既店員推薦既炸串超級驚喜真心有我地係大板食既感覺雞肉軟骨串同三文魚串都好好味個汁正正係日本個隻👍🏻真心推薦鰻魚炒面唔太甜好大塊鰻魚好抵仲叫左兩串雞頸肉同雞皮都幾好食仲叫左明古屋雞翼咸左小小但送酒應該好正下次唔揸車可以飲下酒叫多d野送下酒…查看更多

本身book左對面間日本餐廳，但因佢地搞錯左book左下星期，又因當時晚飯時間7:00幾，間間餐廳都full曬，同父母一齊唔想四圍搵，見到呢間無人係出面排隊，又有位，於是就試下啦！就係咁，將我地一家推向劣食之門！我可以講呢間係我近年來食過最唔好食既餐廳！跟餐冷豆腐，個汁好似豉油溝水，汁同豆腐都淡而無味！收$98既黑松露芝士玉子燒，我去港島區既居酒屋食，未必要呢個價錢。如果整得正宗，好食你收我過百蚊我都ok!但咩叫玉子燒，唔該佢地上youtube睇下點整！呢舊野只能叫煎蛋卷！ 無玉子燒既湯湯汁同甜味，芝士同蛋卷唔夾，黑松露醬求其了兩滴係蛋卷上！佢話跟餐既昆布湯烏冬，但個湯好似上面冷豆腐個汁差唔多，只係煮熱左。烏冬又淋又無彈性，唔似係巑岐烏冬！So call M5和牛筋肉，份量細碗到就係平時日本餐廳飲麵豉湯果隻碗。係咪和牛我食唔出，但d肉細塊到肉碎咁，好似人地賣到最後一碗牛腩麵得返d碎肉咁！豚肉炒麵，麵似係烚到淋曬，再加大阪燒果隻汁係獲兜兩兜，唔多似有炒過。再係面落一堆木魚碎，係呀，又係木魚碎，豚肉少到唔知有冇三塊！真心既，我食個杯麵都好過食呢碟野！$48炒什菜，我想問佢係咪有客食剩比我既？$48得幾塊椰菜同一堆芽菜！疊起埋都唔夠手掌厚～少到離譜!仲有呢間野主打串燒，但食完以上既野，我真係失望到唔想再影相！d串燒唔係日本串燒級數但收日本餐廳價錢，似係任食港式重慶燒果D質素。同埋好多野食都好咸，咸到個嘴唇都乾埋！我父母同屋企人一致都覺得好難食，同部份食物份量過少，真係無下次!!…查看更多

幾個星期前一天晚上，凍凍地唔知食咩好，經過見到依間新開既居酒屋，就入咗去食 。因為實在太抵食，今晚同老公又再嚟食多次。我哋又係再叫返個二人海鮮套餐，$399有八樣嘢食同埋兩杯不含酒精嘅飲品，真係好抵食。前菜我哋揀咗芥末八爪魚，冷盤小食份量算多，八爪魚同芥末嘅味道好夾。軟殼蟹沙律既軟殼蟹係即炸熱辣辣好好味，沙律菜好新鮮。原隻日本魷魚筒燒得啱啱好唔會咬好耐都咬唔開。最驚喜係日本室津生蠔，好清甜好新鮮。個海鮮辣汁好辣，其實就咁吱檸檬食已經好好味。燒三文魚頭、燒元貝、燒原條牛油粟米都燒得好香。食埋個鉄人豚肉炒麵已經好飽，但見到餐牌上廚師推介煙肉荔枝串，所以叫咗一客試下，煙肉鹹鹹地加埋荔枝嘅甜味唔知點解好夾。黎居酒屋梗係要飲酒啦，上次飲咗draft beer, 今晚就飲熱sake, 非常滿足。今晚全場滿座，店內只有兩位服務員，佢哋態度非常好，就算好忙都會即刻應你。總結: 真係好抵食，如果逐碟單叫，加埋要五六百蚊，推介!!!…查看更多

小妹我家住附近，又見係新開0既居酒屋，當然要試下佢。用料十足，食材質素高，環境乾淨整齊，服務好。其實價錢真係唔算貴，我呢餐最貴都係份M5和牛，平均$250每人 (2個人)…查看更多

心血來潮放工想食宵夜～本身想食嗰間餐廳竟然話準備閂門～明明話收11點～但宜家10點未到喎？唯有行下睇下OpenRice 下有咩好野食啦～點知就發現哩間串燒喇！10點左右冇乜人～唔洗等～裝修都幾靚～好多日本poster望下menu～其實種類唔算多～價錢都唔平～不過難得試下乜都唔理lu～叫咗個清酒煮蜆～蜆好鮮甜！好好食！但係唔太食到有酒味就遜色咗啲～其貌不揚嘅炸雞～同想像中嘅完全唔到～不過意外好食！😳冇咗層厚厚嘅炸衣～食落啖啖肉～而且配嗰個明太子醬同芥末醬真係有驚喜😋不過wasabi可以再攻鼻d會再正d😌鉄人M5和牛腹肌肉～見識小～第一次食腹肌肉～真係好好食！咬落去唔會韌～啖啖肉汁！如果冇禁貴可以encore多串！❤️免治雞肉雞軟骨串～因爲我第一次食～淨係覺得咸咗d～可能放得耐咗～啲汁索曬入去？🤔因爲個fd話唔覺得咸喎～而且佢之前有食過其他舖頭嘅～話哩間係食到有雞軟骨仲脆嘅～好難得～仲好好食喎！😲哩個明太子釀雞翼就冇乜特別喇～食唔出有明太子味～當普通釀雞翼都唔錯嘅～😌總括嚟講都值得一試～如果可以有多d款式會想再試😋😋😋…查看更多

環境同食物都唔錯既日式居酒屋大埔一向唔多呢款食店。 我同女友見入面人少少又新開既就入去試下，結果都幾驚喜性價比都算ok ，因為都預左唔會太平。首先，我地叫左個Carbonara 烏冬幾正有蟹肉又足料仲有香濃芝士味，值得一試。之後再黎個牛舌心，又原又入味。不錯啊！我地另外仲叫左個汁煮牛同明太子雞翼，真係唔差的。最後，我認為個黑松露玉子真係好足料，因為上面真係鋪住一粒粒黑松露入面仲要有芝士！呢個玉子係必食！好過好多個啲得味既黑松露蛋…查看更多

今日同三個朋友決定試新野 經朋友介紹來左大埔食串燒 一開始兩個朋友未到 因為太肚餓 已經叫左兩串牛同拿破崙蟹肉烏冬 好正！ 個人最鐘意係燒牛舌 牛舌絕對要夠厚先有口感！ 我足足再叫左兩轉牛舌😼之後燒肉串～唔記得左叫咩名 味濃～送酒一流👍汁煮牛根 我食完又再叫一碗 個汁真係好食 推介！👍炒雜菜 因為食完一堆濃味野 會覺得味道偏淡～但都不過不失～三文魚頭湯～好大碗 好入味👍😍但個時已經好飽 都要繼續...非常特別既店長推介！ pizza茄子 🍆明顯唔係大角茄子 係好野 口感好正！ 炸豪夠曬脆！羊扒個汁都好味👍 我地仲叫左隻松葉蟹連蟹蓋 好多蟹膏🤤食到最後 仲有和牛同半熟toro已經食唔落...但大家坐下飲下再清埋佢！ 仲有叫左支酒唔記得影💀我地最鐘意搵新店食野 總係覺得各樣野都會係高水準一點～我地好滿意今餐！ 希望好既食材可以繼續保持！ 影左餐單比大家參考！ 有時間我地都會再去～❤️❤️好既餐廳值得推介！ …查看更多