釜山炸雞批薩

营业中

休息中

身為馬鞍山居民嘅我，終於搵到正宗嘅韓國口味好感動😍老闆同老闆娘都係韓國人，小店新開冇幾耐，裝修同埋環境都充滿韓國風味，一直播住韓文歌，氣氛超好👍🏻食物整體價錢親民，喺出邊平時食正宗嘅韓國菜都唔止呢個價錢❤️芝士紫菜卷❤️紫菜卷嘅餡料，非常豐富，口感滿滿，仲有淡淡芝士鹹香，一嚿接一嚿😆泡菜湯❤️有超多配料，味道辣度都剛剛好，味道正宗到，以為自己去咗韓國😂甜辣炸雞半份❤️2個人真係叫半份就好，份量超級多，有成十幾夠，如果一分嘅話應該食唔晒，炸得超級香脆，雞肉新鮮，冇雪藏味，甜辣將教得啱啱好，相信係配合返香港人嘅口味，整體都唔會太辣👍🏻👍🏻鐵板雞軟骨❤️呢一個菜送酒一流，炒得好香，雞軟骨爽口😍呢個價錢加埋環境食材回頭率100%🥰老闆同老闆娘都好親民，超nice !

店員都係韓國🇰🇷人 好nice 家庭式經營入到去真係好似睇劇集嗰啲餐廳咁🤣播住韓文歌 環境簡約 我叫完個外賣，店主叫我坐下等10分鐘好快就有得拎拎到返屋企 超級香噴噴 熱辣辣仲跟咗兩個可樂 膠手套 俾我哋方便啲食👍🏻附上埋芝士粉 茄汁 前菜有酸瓜同羅白 韓式烤牛肉pizza11吋 L size pizza😍😍底層鋪滿水牛芝士 大量牛肉火腿芝士青椒 🫑餅底唔會太厚 用料好豐富 加埋個燒汁好夾特色甜辣炸雞🍗1kg炸雞份量十足 見到個樣已經好想食🍗外脆內嫩 甜辣味真係好開胃同惹味

成日同阿囡係馬鞍山這個食物沙漠找甘泉，今晚就俾我哋搵到呢間韓國人主理的炸鷄批蕯店。店舖不是很大，但坐落不會有壓迫感，有兩部大電視不斷播放K-pop的影片，令你有如置身韓國當地小店舖的感覺！🐔前菜蘿蔔、粉絲 - 蘿蔔酸酸的可以解油膩，粉絲就很入味。🐔小食芝士脆條（5條）($45)外脆內軟，芝士控不容錯過。🐔特色韓食芝士蛋卷（$108）蛋卷好香滑，配埋半溶芝士真的好邪惡，把減肥大計又再拋諸於腦後！😜😜🐔人參鷄湯（$98）熱辣辣的人參鷄湯，仲有一碗白飯跟上，湯的人參味不是太濃，除咗鷄肉仲有冬菇片，湯很鮮味但略淡，不知是否因為其餘食品相對較濃味。🐔炸雞蜜糖芥末+雙重芝味（有骨）（$219）可以揀有骨或冇骨，我兩母女都喜歡食有骨的，覺得有「咬」口感，炸鷄外脆內軟，做到封住到肉汁，唔會太乾，炸醬夠薄，加上惹味的醬汁，仲有滿滿的芝士粉，真係食到舔舔👅，而炸鷄份量比起坊間算超多！唯一的缺點是店舖位置不太就腳，但仍然值得一去再去的！✌️✌️

韓國夫妻主理人情味炸雞小店｜釜山炸雞批薩放長假期，就想去下唔同區explore the city🌉心血來潮去咗馬鞍山新港城中心行街，就喺新港城中心大街搵地方食lunch。見到一間韓式炸雞店🍗仲要係韓國人開，一定係正宗韓國風味🇰🇷就食咗個好豐富嘅lunch。真心推薦‼️因為佢地理位置唔算好方便，唔係喺正新港城中心裡面，人流比較少，外賣生意較多，但相對上佢食物價錢係好相宜，CP值好高👍🏻而且我推薦大家去堂食🍽因為佢menu上嘅「特色韓食」(Featured Korean Food) 由於韓國老闆想保持食物高質素，特色韓食係只限堂食，例如我今次食嘅芝士蛋卷 (Cheese Egg Roll) 同串串魚糕湯(Fish Cake Bowl)都係堂食先至食到咋。外賣一般就只係做炸雞。所以如果大家去開新港城中心一定要去試吓堂食，真心推介💕假日午市正價餐牌🍽人均：$100-$200🕰時間：假日中午（⭕️walk in）🥚芝士蛋卷 $108大推👍🏻佢個芝士同蛋都好足料，相信水份成份勁低！件件都拉到絲😍大滿足‼️🧀芝士脆條（5條）$45同芝士蛋卷一樣，芝士又係拉絲😋$45仲要有5條，咁抵食一定要試‼️🍗炸雞二重奏

身為馬鞍山美食沙漠嘅居民，發現到新開咗一個韓國餐廳，當然要黎試吓佢，入到去播住好K-pop音樂，已經好有氣氛，等緊上菜聽到廚房裡面用韓語交談就知到間餐廳由韓國人主理。蒜香醬油炸雞(半份) $115半份炸雞，但份量一啲都唔少，應該3-4個人都夠食，炸雞即叫即炸，入口熱辣辣，小心辣親嘴，炸雞外皮炸到好香脆，但肉質仲好嫩滑，配上蒜味濃郁嘅蒜香醬更加惹味，好好食。芝士脆條(5條) $45芝人士脆條同樣炸到外層好香脆，咬開流心芝士慢慢流出黎，食落有好濃嘅芝士味。每條仲要又長又厚，相當抵食。芝士蛋卷 $108蛋卷整到一層一層，口感好滑中間夾住芝士，再加埋香濃嘅蛋香，味道好出色，再加上係蛋卷表面加上蜜糖芥末同茄醬，令到蛋卷味道更加有層次。串串魚糕湯 $138材料好多，除咗有串串魚糕，湯底仲有冬菇、白蘿蔔、紅蘿蔔、洋蔥、紅棗等等材料，飲落香甜，食完炸雞再飲番啖湯相當解膩。酸醃蘿蔔 $0前菜酸蘿蔔好開胃，酸酸辣辣，好醒胃。

之前食過一次炸雞，已經覺得好正，近排見愈來愈多人食，又見到啲熱食都好正咁，急不及待試下佢，堂食都不用加一，真心抵鐵板牛仔骨$158份量真係多，大大少少既牛仔骨加埋有8-10塊，再加啲洋蔥，好惹味，牛仔骨只有少量肥既部分，真係啖啖肉，好淋泡菜煎餅 $108睇人地啲相好靚又大塊，自己食都真係咁正，煎餅一定會落粉，但每一啖都有泡菜，真係好足料，絕對唔似好多餐廳粉漿為主，泡菜只得幾啖，亦因為咁足料，整塊煎餅都係泡菜味，正正正星期日晚無得訂枱….唔知平時有冇得訂，外賣只賣炸雞同pizza, 熱食就一定要堂食，店既枱唔多，6點幾已經有人排隊等入座，外賣又不斷出單，希望店家可以keep 住為馬鞍山街坊帶來美味韓式炸雞小菜😋😋

自從上次吃過一次炸雞後回味無窮，決定跟朋友再光顧，試試其他口味。**特色甜辣+雙重芝士 (有骨) ($219)炸雞$199，我們選擇了兩款口味要加$20。炸雞外皮酥脆加上肉質多汁。特色甜辣醬料帶來了一股微妙的甜辣口感，淋在炸雞上，使味道更加豐富。而雙重芝士口味則只是加上芝士粉，有點失望。**芝士年糕 ($118)芝士年糕的口感煙韌有勁，搭配上綿密的芝士，讓人一試難忘。年糕煮至恰到好處，不油膩，咬勁十足。芝士的濃郁味道與年糕的獨特口感相得益彰，讓整道菜品變得更加美味可口。**炸醬麵 ($68)炸醬麵條彈牙，不黏稠，炸醬醬料濃郁，豐富的味道搭配上新鮮的蔬菜，為炸醬麵增添了一絲清新的口感。

馬鞍山站對出新港城城2期地下正宗韓國人主理 識講小量廣東話溝通冇問題阿豬媽仲超熱情介紹各菜既特色牆上更有大部份韓國菜式既相片簡單亮眼既裝修坐落舒適兩部大電視輪流播放韓國kpop每張枱面都有手套及紙巾 旁邊更有自助既冷熱水櫃整體氣氛都好親民 仿佛真係去左韓國在地小店難怪平日晚市都接近坐滿人韓國特色甜辣＋雙重芝士無骨炸雞 $219甜辣醬就係正宗韓國風味既汁醬肉質厚實既炸雞沾上甜甜辣辣特別開胃雙重芝士粉都曬得特別多絕對不怕食炸雞而不夠汁或芝士粉雖然價錢同坊間差不多 但炸雞既份量算係超多鐵板牛仔骨 $158非常入味既牛仔骨 肉既份量多仲不肥來貨夠靚唔會食完成口油鐵板令牛肉有另類既焦香但不會過熟成碟有約8塊真係幾抵食泡菜煎餅 $108煙韌既餅皮加入大量有咬口既韓國泡菜每一啖都係好香既泡菜味又唔會太辣焦香既餅底加上彈牙既口感仲超飽肚

🍴極限火辣無骨炸雞（半份） HK$115炸雞分有骨、無骨兩種，叫咗堂食先有嘅半份無骨，多到四個人食都夠，即叫即炸熱辣辣，脆皮厚薄適中，炸得夠乾身，咬落去唔會碎到周圍都係，雞肉嫩滑多汁，配辣醬夠晒惹味，一舊炸雞，一粒酸蘿蔔，爽。🍴辣肉狂迷Handmade 11” Pizza HK$149成個Pizza鋪滿水牛芝士，表面有特色甜醬調味，咬開見到大量辣肉腸，餅底唔會太厚，外圍香脆，中間軟熟。本身已經好足料，如果都係唔夠喉，仲可以30蚊另加蝦肉或水牛芝士。🍴芝士蛋卷 HK$108除咗炸雞、Pizza，仲有多款只限堂食嘅特色韓食。蛋卷可以話係重量級，又厚又富蛋香，水牛芝士亦落到足，表面亦加咗茄汁同蜜糖芥末醬，食落無咁寡。🍴水蜜桃氣泡酒 HK$38、樂天Milkis HK$15酒味唔明顯，水蜜桃味香甜自然，加上適量氣泡，叫人飲得暢快。📍釜山炸雞批薩馬鞍山鞍祿街18號MOSTown Street 新港城中心大街（2期）地下23-26號舖

今日居然係美食沙漠馬鞍山裡面搵到呢間韓式餐廳裝修擺設都係韓風，仲播埋K-pop🎶🔊隱約聽到店員之間係用韓文溝通，似係家庭式經營直頭好似置身韓國落完order，率先送上餐前小食醃蘿蔔同青瓜，俾足態度分先兩款都好醒胃，酸甜度岩岩好去韓式餐廳邊有可能唔嗌炸雞🍗🤩🤩呢度既炸雞有得簡一份半份，有骨無骨，口味都有幾款簡🍽️特式甜辣拼蜜糖芥末(無骨)叫佢就係為左啖啖肉，可以大大啖咁咬🤤即叫即炸絕對新鮮，上台仲熱度十足，唔厚粉，外皮酥脆，肉質嫩滑，夠哂juicy😝🌶️甜辣醬：香辣味道充足之餘唔攻喉，滋味醒胃🍯蜜糖芥末：同上面既甜辣醬融合之後真係無得輸，香氣濃郁🍽️韓式烤肉pizza🍕既然間野主打炸雞同pizza叫完炸雞，我地都順便嗌埋pizza黎食Pizza足足11吋咁長，完全無吝嗇過醬料同材料，燒烤醬同水牛芝士多到出晒黎每一啖都食到大量牛肉同火腿超級足料!!!!🍽️芝士蛋卷蛋卷滑到好似流體咁滑溜程度與半溶芝士好夾食得出濃郁芝士同蛋香混合既味道仲拉埋絲添🤤好邪惡呀

呢間位於馬鞍山嘅小店，店舖嘅位置確係人流比較少，但竟然全晚大部份時間都座無虛席，證明佢有一定嘅實力！店面嘅侍應只係識韓文加少少廣東話同英文，點餐時都有少少雞同鴨講嘅感覺😂最終都係喺餐牌度「指指吓」先可以完成點餐，彷彿真係去咗韓國嘅感覺🤣你睇返餐牌嘅價錢，雖然感覺有點小貴，但當見到餐點上枱有幾大份，就知道其實好抵食！提供多種飲料，韓式飲品同啤酒、燒酒都一應俱全👍🏻前菜非常開胃，如果冇估錯應該用咗檸檬+七喜浸，白蘿蔔口味非常清新芝士蛋卷～蛋卷口感綿密，配上拉絲芝士及醬汁，幸福感滿滿🫶🏻泡菜煎餅～煎餅厚薄適中，兩面都煎到非常香口，沾上傳統醬汁，令人回味無窮😋特色甜辣無骨炸雞～分量遠遠比想像中大，大概係四至五位女士既份量，甜辣將非常開胃，炸雞外脆內嫰同時可以保留肉汁👍🏻

聽朋友介紹呢間韓國餐廳由韓國人主理，咁食物水準應該有返咁上下，於是過黎食下先得😉今次叫左人蔘雞湯($98)、辣炒豬軟骨($118)、炸雞二重奏($219)、樂天桃味果汁($15)、水蜜桃氣泡酒($38)內裡座位唔算好多，但空間寬敞，仲有電視KEEP住播韓國MV有歌聽下，唔錯😄前菜：蘿蔔、泡菜醃得入味，酸酸辣辣地幾醒胃😄炸雞二重奏：見MENU分別想食特色甜辣同蜜糖芥末口味，但見佢預設組合係冇，於是問下老闆得唔得，好彩老闆易話為肯安排俾我地😝一上碟見成份炸雞份量十足，真係見到都覺得飽，超級抵食🤩炸雞外層香脆而唔會太厚粉，食落啖啖肉夠JUICY，加埋惹味嘅醬汁調味，我特別推介蜜糖芥末口味，勁正🤤人蔘雞湯：夠晒熱辣辣，碗湯嘅人蔘味甘口回味，雞肉煲得非常軟腍又入味，加埋冬菇片令個湯更鮮😍😋辣炒豬軟骨：同樣地大大碟，豬軟骨切絲連埋洋蔥絲一齊炒，調味均勻，辣得過癮，啱晒中意食辣嘅朋友😋樂天桃味果汁：桃味唔會過濃，味道清新水蜜桃氣泡酒：呢個桃味香甜D，酒精濃度唔高，易入口😍大合照🤩由於食物即叫即製，所以要稍微等一下，不過都絕對值得，食物水準出色😋用心小店值得再ENCORE，下次一於再黎食佢個PIZZA

馬鞍山呢間韓國食店應該係由韓國人打理因為落單時佢發音同打扮似叫左一個炸雞要等30分鐘佢分左2盒返到屋企先知原來細盒係酸薯白同可樂大盒係炸雞由外賣走至返到屋企太約20分鐘打開仲熱辣辣

🐎韓風席捲馬鞍山🥘人哋成日話馬鞍山係美食沙漠搞到我都唔係好敢入去覓食⋯⋯但今日地膽話有間好authentic嘅韓國餐廳一定要帶我試吓咁話喎😆!!咁好啦秉持住愛吃做fatfat嘅精神就去一探究竟^o^🌟雖然我同朋友都唔係特別鍾意食炸物但一場嚟到 韓式炸雞少不了🤘🏻仲有串串魚高湯 非常足料又溫飽同埋炸年糕 經典又不失美味🤭配埋士多啤梨味真露真係無咩可以挑剔有時飲兩杯傾吓偈真係可以好暢快好自在😌✨📍釜山炸雞批薩（馬鞍山）馬鞍山鞍祿街18號MOS Town Street新港城中心大街（2期）地下23-26號鋪#釜山炸雞批蕯 #韓国 #hongkong #hkfoodie #hkfoodblogger #koreanfood

係馬鞍山呢個美食沙漠裡面竟然俾我發現到間好野食😍(嚴格黎講係一個住馬鞍山嘅朋友介紹😂) 呢間係一間「真」韓國人開既餐廳，主打炸雞+Pizza，平時做超多外賣生意！全部即叫即整，超有heart! 重點！抵食！.✅ 有骨炸雞🍗超掂！有多款口味選擇，質感嫩滑，炸雞外皮炸粉溝入三四種炸粉，保證炸雞炸起後放一排都會好脆！仲爆汁架真係好juicy ! ✅真韓國人主理既小店，店員識講英文同韓文，見到佢地個樣就知係韓國人個種，好有親和力呀✅ 炸醬麵麵體本身好有咬勁，粗細合宜，而且仲會掛醬！口感勁好✅ 泡菜湯超足料呀！但有啲辣，仲有埋牛肉同豆腐一齊煮，好濃味.❌地點超難搵！新港城有3期，佢係第2期地下，即係問人譚仔三哥係邊，見到三哥仲要兜另一邊(向馬鞍山路)既地面❌無廁所呀，要去返商場廁所..🍽️Order左既菜式：炸雞二重奏「經典原味+特色甜辣（有骨） $219」炸醬麵 $68泡菜湯 $78真露燒酒 復刻版 $60可樂$15