釜之魂釜飯專門店 (淘大商場) (已結業)

話說可以返家鄉日本的心已經動不起來，所以留港尋訪日系美食就是呢兩三年嘅常識，要搵間食左當去左的真係唔容易，呢晚來到九龍灣淘大附近，就搵到間啦!無論店鋪外觀、餐牌選擇到釜飯的傳統，都算係一個滿意嘅短時間訪日體驗~= ̶金魂 (最厚肉)=̶ $138推介:⭐️⭐️⭐️⭐️⭐️超特大肉厚蒲燒鰻魚飯，配搭特製鰻魚醬汁，流入釜飯層次提升。密密芝麻加上鰻魚之上，遊走於間隙之間，鰻魚下有粟米條、荷蘭豆、紅蘿蔔、蛋絲等配料，整塊厚肉鰻魚有如手掌咁大件，CP值絕對驚人理想，因為已經好耐無ENJOY咁大件鰻魚啦!ORDER時記得記得記得加$18 茶漬飯變成三食呀~想當年在名古屋的三食鰻魚飯一試愛上，一食是原汁原味食鰻魚飯, 二食是加入飯素及紫菜，食到咁上下就可以問店員加入上湯，先分開鰻魚，後蓋好釜飯蓋等一等，就可以嘆到三食的茶漬飯。(小編事後先發現飯素及紫菜落遲左~哈哈)但亦有三食的另一層次風味，正呀!= ̶焦糖蕃薯 =̶ $28店員推介堅有驚喜，焦糖下熱辣辣嘅蕃薯睇片就知香噴噴，在焦糖之下再加上本身的甜蕃薯，雙重歡欣滋味。👅美味: 9/10 😮驚喜: 8/10✨環境: 8/10 💆‍♂️服務: 8/10💡性價: 8/10

今日同朋友嚟到九龍灣既釜之魂食晚飯。之前有朋友叫過外賣，對佢既釜飯評價非常唔錯，令我地對堂食既質素更加期待！我地叫左汁燒牛肉釜、鐵板燒雞魂同練梅凍蕃茄，釜飯只要加$18就可以升級做套餐，有前菜（泡菜味芽菜）、麵鼓湯同一杯野飲，係咪好抵食呢！先講吓鐵板燒雞魂。一到餐既時候，大大塊既雞扒就映入眼簾，雞皮燒到金黃色，咬落去口感嫩滑，肉汁豐富，加上燒汁既襯托，水準十足！至於汁燒牛肉釜呢，牛肉同配菜既擺盤非常精美，而我最鐘意既係燒牛肉同溏心蛋，牛肉大大粒，燒得岩岩好，牛味十足！而呢個餐呢我朋友就加左$18既茶漬飯。店主非常貼心，預先將茶漬飯既食法教學貼左係每一張台到，令未食過既朋友一目了然。茶漬飯既食法係，首先店員叫我朋友夾起飯上既配菜，之後佢會將煲熱既湯倒入飯內，最後冚蓋焗佢1-2分鐘就食得啦！除左熱湯，茶漬飯亦配有紫菜碎、秋葵同飯素（海苔、鰹魚及芝麻)，咁多種食材混合埋一齊，口感層次豐富，令人一吃回味！最後係練梅凍蕃茄，佢既做法十分特別，將蕃茄去皮，並將佢浸係梅汁入面一段時間，令到成個蕃茄都吸收哂梅香。爽口多汁既蕃茄配上酸酸甜甜既梅汁，非常開胃。初夏來臨，食佢就最適合不過！

呢頭既人對呢間黄店都唔陌生💛一直都好欣賞佢啲珍珠米粒粒分明🍚鐘意食飯🍚既話呢到好啱你🤣食過幾次lunch set都幾抵食不過晚市係單叫😗想變set(湯、泡菜芽菜、飲品)就要+$18Btw估唔到晚市限定既牛舌咁出色😻🎃古味塩麴牛舌盛釜 $98😋：9/10一上呢個飯真係驚艷到我😻總共有成5塊牛舌😛啲牛舌又大塊大厚！！估唔到長到凸埋出黎🤪仲要食落好爽口 燒得好香🤤個飯係有啲燒汁同其他配料蛋絲、蟲草花、粟米仔、荷蘭豆、冬菇...真係好滿足🥴佢會成為我再幫襯晚市既理由😏🎃汁煮豬軟骨釜 $78😋：8/10雖然比牛舌搶左風頭！但其實豬軟骨都唔錯～好入味～同埋煮到淋晒啲骨係真係變左骨膠原咁☺️仲有粒溏心蛋 都入味的！🎃髒髒炸香蕉(2舊) $18😋：8/10次次黎我都會叫呢個🥴一上枱啲可可粉已經好香包住入面係煎炸過既香蕉糕入面個心係好似麻糬咁好煙韌😚仲好濃既香蕉味🍌🍌🍌雖然佢個樣好似💩🎃吉列牛舌(一串2塊) $18😋：7/10呢個第一次食都炸得幾香口😚不過佢個牛舌同飯果種唔同唔係爽口既口感而係厚實炸物同沙律醬真係完美配搭🥴順帶一提～味僧湯就普通既咸咸地咁配料得幾條昆布😂而個泡菜味芽菜係唔錯的都入晒味同埋幾

依度專系食釜飯😎😎😎😎所以今日就過嚟試吓啦😇😇😇😇😇我哋首先叫咗個金魂，極，油份最高☺️☺️☺️☺️☺️大大啖鰻魚，真係好鬼死好食嘅啫♥️♥️♥️♥️銀魂，特，最焦香，係鹽燒㗎😚😚😚😚我仔最鍾意食😚😚因為可以食到魚嘅香味😊😊😊😊加埋魚尾嘅部份係趣卜卜㗎🥰🥰🥰🥰🥰我哋仲叫咗一杯1L嘅大檸樂，一啖鰻魚一啖可樂正🤣🥰🤣🤣仲有黑松露玉子燒😀😀😀

近兩年比較少黎九龍灣食飯緊係上網搵間好食少少 睇落性價比高少少嘅1）髒髒炸香蕉 因為menu食係朱古力 所以叫黎試試以為係脆皮朱古力包住香蕉上碟見到呢個size都太搞笑喇吧 笑笑下真係好似💩 差啲擺唔落口但咬左一啖 好好味記得趁熱食呀！2）鹽燒三文魚頭 好脆味道岩岩好3）金菇肥牛卷 好食但唔記得影相🥴4）和牛釜魂 牛肉粒好juicy 加埋蕃薯一齊撈飯食 好飽5）海之幸釜 上枱時店員提醒要撈勻撈埋式嘅飯食 但因為太乾而且本身三樣「海鮮」都冇汁伴送 唔太推介6）松露玉子燒 可以試下 個醬剛剛好 唔會好重黑松露味店員好有禮貌 好多枱都有問menu上嘅金魂同銀魂有咩分別 佢地都好有耐性用心解答

甘岩經過淘大幫襯下d街坊小店，見到有間日式專門釜飯店就入左黎試試。金魂鰻魚釜飯所有釜飯都係用金屬鍋奉上，確保每啖飯都係熱辣辣。鰻魚有我手掌甘大，都幾夠厚肉，咬落好鬆較，唔洗lur骨真係好爽。佢個鰻魚汁偏咸，重口味人至愛。配菜仲有少量蔬菜同厚蛋燒，食落好滿足。汁燒牛肉釜牛肉好大粒蓋好蓋滿，好欣賞老闆甘大方！汁燒牛肉咸香十足，牛肉有趙頭，愈趙愈入味。配菜有我至愛的流心温泉蛋！鹽燒牛舌牛舌都夠厚切，唔會燒過龍，能鎖住肉汁。滿意！博多餃子餃子size適中，猪肉餡有肉汁，煎到外皮夠脆，熱辣辣甘食好正。凍蘋果蜜不過不失，味道清甜，解膩一流。總括而言，餐廳裝修靚地方闊落，食品份量大味道好，價錢合理，CP值高。推介！

好耐都冇過去淘大個邊覓食，沿路見到好多餐廳已經轉過好幾次，跟住咁岩比我見到一間專食釜飯嘅餐廳，好奇上網search，點知係OpenRice熱店，當然即刻入去食啦！基本上佢叫飯就可以加$18轉套餐，包一款前菜、麵豉湯同一杯飲品。佢嘅前菜係我出乎意料嘅，酸青瓜配上凍鰻魚，出奇地好食。唔好以為佢係前菜所以舊鰻魚會偏細，點知嗰幾粒鰻魚都好厚好好食金魂鰻魚釜飯 （厚）($138)：佢基本有金魂同銀魂兩種鰻魚飯俾你揀，而每種鰻魚飯都可以再選擇鰻魚嘅厚度或油膩程度等等。你可以根據自己嘅口味去選擇，由於我好怕食太油膩嘅鰻魚所以就揀咗厚既鰻魚。佢塊鰻魚真係非常之厚肉，食落口都好甘香，雖然係好厚肉但仍然保持到鰻魚嗰種油膩感😋鰻魚芝士玉子燒（ $68 ）：呢份玉子燒比起另一款價錢較貴，但係真係好食好多，玉子燒煎得好嫩啱啱好，而且夾埋芝士鰻魚甜甜地，好夾😍黑松露玉子燒（$18）：呢個玉子燒講真有少少失望，個蛋好老😅梅干手羽先（$28）：隻雞翼食落去有淡淡的梅味 ，而且佢炸得啱啱好，啲肉唔會太老，層皮亦都唔太厚焦糖番薯（$28）：我好鍾意食番薯，所以當店員推介嗰陣我就叫咗啦，講真佢舊番薯本身唔甜，但好在佢面頭加

作為鰻魚控嘅小金，竟然之前都未食過呢間🤦🏻‍♀️呢到嘅剩係鰻魚飯都有6款，原來唔同部分燒岀來嘅鰻魚可以差咁遠，真係’蔣志光’了😲金魂(蒲燒鰻魚釜飯)🍚贊沢$138🐠-最厚肉😍CLS我從未食過燒鰻魚係咁有魚柳嘅質感，個種蒸魚嘅軟稔口感，外面就少少焦香-係令人有驚喜嘅蒲燒鰻魚飯🤤極$108🐟-油份最高😋呢個係餐廳嘅鰻魚飯人氣王，因為每一啖都充滿魚油香，每一啖都係夢寐以求燒鰻魚嘅完美質感~唔乾，啖啖肉，外焦內軟🤤塩燒牛舌$38🍢呢個就韌左啲，同埋我諗燒耐少少會香啲*加$18就有茶漬飯或前菜，麵䜴湯同飲品

見黃店諗住黎支持下， 中午食飯時間， 門口無職員係度派飛／登記，大門無人，於是諗住行入去入面搵職員話2位諗住拎飛，點知行到入去話2位，個侍應黑面話：2位？同事有無叫你地入黎？跟住我地已經呆左心諗咁嘅態度串返個客，我地只係想入黎搵個職員講2位拎飛......跟住個侍應話要喺出面拎飛， 結果行到出門口，繼續無人黎寫飛俾我地， 等左一陣終於有個女職員出黎， 又係黑住面問：幾位？ 跟住用張黃紙寫完飛俾我地繼續黑面話未入得。我知午市好忙，但我覺得都應該俾返正常禮貌對答返客人，而唔係咁嘅態度，未入座都要受你氣， 咁就算黃店都唔會幫襯。無下次。

今日係第四波疫情放寬嘅第一日，毒氣22:00後先出嚟，咁18:00後可以出外聚餐，所以幾日前已經book 定呢間釜之魂飯店！呢度位置唔難揾、喺淘大商場最開面位置。我哋準時到達，門口有位靚姐姐負責帶客，佢叫我哋先填紙仔、然後量體溫！店內都有唔少客人、地方都十分寬敞，安排咗我哋坐四人枱（兩位），嚟呢度就梗係要食釜飯啦！Order 咗一個金魂（極）鰻魚釜飯（魚腩位置），😋另一個係古味鹽麴牛舌盛釜，😋加咗客少食：黑松露玉子燒👍只係等咗一少段時間香噴噴嘅鰻魚釜飯就到喇！侍應放低飯後就對我哋講：唔夠汁可以隨時叫佢哋加。鰻魚十分大份、夠厚、啖啖肉，配埋日本米、無得輸跟住牛舌釜飯嚟到，厚切嘅牛舌、非常有咬口、十分入味，最重要係無蘇味，黑松露玉子燒都好正㗎最後我要讚吓佢哋嘅服務態度

平時係淘大真係會直行直過完美地skip左依間，因為門面唔算特別吸引好blingbling。但原來佢入遲咗openrice熱店大賞，店內環境空間比想像中大好多，而且裝修最加分！又揮春又poster又大頭公仔吊飾🐸🐷釜飯係日本人嘅煲仔飯，但比較味淡因為用高湯而唔係我哋甘加醬油，menu仲有其他款式例如花魚豬扒牛肉雞脾扒釜飯。🐷小提示：午市1200-1430 下午茶1430-1630下午茶價錢平好多但份量同樣好大，香港食鰻魚飯本身吾平但依度算貼地，如果再嫌鬼可以考慮食下午茶😳一坐低就會奉上每人一碗麵豉湯同一小碟大豆芽，似唔辣泡菜汁撈大豆芽、唔太鹹熱辣辣好舒服嘅麵豉湯🥰，仲會附送埋飲品！👓金魂 午市$98 下午茶$78餐廳招牌嘅鰻魚飯！加入鰹魚湯底以高壓蒸煮，所以個飯底有清香味而唔係齋白飯，而且用咗日本米愛知縣越光米，圓粒粒咬口分明。飯底其實都幾大兜，應該有一碗半份量。鰻魚真係有手掌咁大塊，同埋魚肉好厚身，都彈牙，唔太多骨冇腥味。鰻魚唔太明顯炭燒香味，反而比較重燒汁甜味，似汁燒鰻魚，鰻魚來自店主自設鰻魚養殖場，所以肥大肉厚👓串燒玉子 $28/2件誤會咗係玉子燒，因為佢係冇餡料嘅甜蛋，味道偏甜，

We ordered 2 sets and a snack.While the grilled fish was ok, the katsudon was among the most disgusting ones I have ever had.The tonkatsu was mushy and soggy with barely any feeling of meat, and the sauce was so bland that it felt like water.Both dishes were served with overcooked mushy rice which only further emphasised the bad feeling we got.The deep fried banana felt more like deep fried mochi coated with an excessive amount of chocolate powder which prevented me from tasting anything else.Se

金魂鰻魚釜飯🍚招牌飯一定要試😇有3個鰻魚部位揀😀我揀左最肥美既中間部分🤲🏻真係超濃郁同肥美😋見到佢勁多鰻魚汁就知好易送飯🍚同埋個碗係鐵碗所以食左一陣個飯仲係熱🤩仲有飯焦既感覺👍🏻👍🏻汁燒原條豬軟骨釜飯🐷哇～個豬肉骨燘到超軟😊😊真.豬軟骨🤣🤣好似啫喱咁入口即溶🤩個汁燒個d汁都好match 個飯底🍚超易送飯😆可能因為個豬太好食🤣食曬d豬唔記得食飯🤣🤣-🚽(5🌟滿分)餐廳入面居然沒🚽要到附近商場先有🤣都要行一小段路🤨

今晚和老公來這間人氣熱爆的釜之魂，每次經過總是大排長龍，今次8:30去到，只需等一會就可以了。見到店內的推介,鰻魚有幾款可以選擇,有魚腩和魚尾的位置,任君選擇。鰻魚金魂（最後選了厚肉🤣）蒲燒鰻魚飯最得我心，濃稠的鰻魚醬汁，配上金黃色的鰻魚，燒得卜卜脆，提升了整個釜飯的味覺層次。用北海道羅臼布以及鹿兒島鰹節熬製成高湯,難怪煮出來的飯粒飽滿，又有淡淡的香味。軟林林的白飯 x 外脆內軟的厚燒鰻魚肉，超正的啦❤️🙈汁煮豬軟骨稻庭湯烏冬豬軟骨是滿滿的骨膠原，勁多豬軟骨😆😆豬肉都非常軟林林，配上特製的醬汁，烏冬沾上了醬汁，吃起來香氣十足。還有海量的海帶和蘿蔔片，感覺非常健康。蘋果蜜我們加了$18 ，轉了升級套餐，有前菜、麵豉湯和飲品，蘋果蜜的配搭比較新鮮，清新😉有淡淡的蘋果香。

餐廳幾大 不過晚飯時間都幾逼下🥵 好大機會要同人搭枱 同埋餐廳分兩個區域 有一個區域要上樓梯 所以輪友凈係可以用下層😔 不過餐廳好貼心既係有兩個入口 輪友可以用下層斜路門口直接進入👍🏽 食物方面 餐廳有多款釜飯 有人氣既鰻魚飯 亦有和牛🥩 牛舌 海鮮🦞釜飯 今次就叫左 金魂 油份最高🤫 銀魂 最厚肉+茶漬飯🤤 仲有髒髒香蕉🍌 金魂係平時既蒲燒鰻魚 味道濃郁 而銀魂就直接白燒 味道偏淡 加左茶漬飯會好少少☺️ 最驚喜係髒髒香蕉 朱古力粉包住外脆內軟既香蕉糕 兩種味超級夾🍫🍌