金鶴拉麵 (利民大廈)

营业中

休息中

響MK同男朋友睇完戲，就搵左呢間拉麵店醫肚，呢間人氣拉麵店湯底濃郁，野食幾足料，價錢合理，唔怪得咁受歡迎😄>龍蝦湯拉麵：餐廳好貼心咁附上鉸剪同濕紙巾，方便將龍蝦拆肉食，龍蝦食落啖啖肉，肉質彈牙，每碗麵都會附上一大塊叉燒，半肥瘦咁，食落會有少少油脂香。>蟹湯拉麵：花咲蟹湯湯底呈奶白色，飲落鮮甜又濃郁，面頭有一大舊蟹肉波波，好足料，撈住拉麵食好惹味，拉麵彈牙份量又多，食到超飽。>鹽燒雞中翼：雞中翼經過炙燒後，雞油出晒嚟，個皮變到卜卜脆，不過肉質依然鮮嫩。>波子汽水及Coke Zero：食拉麵當然要飲住汽水先至夠爽，同男朋友一人一枝😚

心血來潮想食碗熱辣辣嘅拉麵，係旺角鬧市揾到金鶴拉麵 。除咗做堂食，亦見有客人搶外賣拉麵。而呢間拉麵店以黑主做主調，無半開放式廚房欣賞到師傅為食客煮麵，平實簡單😎🔅極濃雞白湯拉麵 $138 餐牌提到湯底係用原隻🐥雞烹煮 8 個小時嘅白湯，天然精華充滿住骨膠原，係護膚補品👸白湯湯底味道清甜濃郁，附上牛蒡，乾身時脆口，用湯浸一浸就帶少少煙韌 ，另外重附有大大塊嘅豚肉，半隻半熟蛋，同埋兩塊軟嫩雞肉，份量十足👏🔅北海道蟹湯拉麵 $138湯底同樣濃郁，質感少少杰。白雪雪嘅🦀蟹肉份量唔少，令每口拉麵都可以有蟹肉伴住食，另外亦附有半熟蛋同大大塊嘅紫菜💕🔅鹽燒五花腩 $48/2 串外脆肉嫩，燒得惹味，如果再多少少厚度就更好😆食完兩碗拉麵之後，都唔太覺有膩或者口乾感覺，呢兩個湯底又的確唔錯👍

為解日本之思念，今日決定要食拉麵😳，途經旺角時見到有間主打白雞湯拉麵嘅鋪頭，比佢深深吸引，眨眼間我就入鋪坐低了🤣鋪頭拉麵都好多選擇，仲要播緊日本歌，勁有置身日本拉麵鋪嘅感覺！同行人數不多，叫左兩款拉麵😋極濃雞白湯拉麵🐔🍜未上枱時已聞到香濃嘅雞味😍，黎到仲更加比佢嘅炸牛蒡吸引🤩親碗麵熱辣辣當然要試佢啖湯啦！果然震撼我味蕾！白雞湯非常濃郁香醇😋，雞味可佈滿整個口腔🥳。佢個麵軟硬度處理得剛剛好！掛汁超強👍🏽，而且拉麵仲有雞肉同豬肉，超豐富呀！北海道蟹湯拉麵🦀🍜除左白雞湯拉麵，都試左另外一款特色嘅蟹湯拉麵😋，湯底用左鮮蟹熬製😋，而且湯上勁多蟹肉😍，撈埋麵一齊食勁有口感，食落口感覺到係用上新鮮蟹肉🥳，令碗麵大大加分！鋪頭除左拉麵，仲有好多特色串燒，不過食完兩碗麵都已經好滿足啦！唯有下次叫多幾個朋友黎可以試多d唔同款式啦🤣

終於有機會試金鶴拉麵，係拉麵店當中係數一數二出名，今次來到旺角分店試試佢，當然要點最signature既雞白湯既湯底拉麵，佢除左有得堂食之外，都有得叫外賣嫁。極濃雞白湯拉麵｜$138有分普通版同極濃版，叫左個極濃版本試，雖然係極濃但湯唔會太濃稠，而且掛汁唔唔錯，當中有炸到脆卜卜既牛蒡、雞肉、豚肉、溏心蛋。北海道蟹湯拉麵｜$138見到人氣No.1同埋日本直送當然要試下，好香蟹味，整個湯都好鮮甜，同埋蟹肉份量好足，食到啖啖蟹肉真係好滿足！

金鶴拉麵〖旺角〗══位於旺角先達廣場附近的人氣拉麵店。這間拉麵店在網絡上很多人推薦，最近我才知道原來旺角也開了分店，剛好這天和朋友相約在旺角看電影，便趕來試試這間的人氣拉麵了!! 餐廳裝潢簡約，地方挺寬敞明亮，拉麵店來說算坐得舒服呢.ᐟ …•…•…▫…•…•▫▪✨ 極濃雞白湯拉麵  ★ $138這個拉麵是店長推介款式! 湯底用上原隻雞慢煮8小時，煮至奶白色，香氣撲鼻，味道非常濃郁。雞白湯另一賣點是會配上炸牛蒡，與我平時認知的牛蒡有所不同；原條牛蒡刨成薄片，炸至香脆可口脆卜卜的，浸湯後便會變得煙韌，口感十分特別，而且沒有牛蒡的苦澀味，原來牛蒡也可以很好吃的，絕對是誠意之作 .ᐟ 拉麵麵質入口爽口彈牙，軟硬程度剛好，非常掛湯，每一口都能品嘗到湯的清甜，口感十分綿滑滋味ᐟ  拉麵除了有雞肉及豚肉🥩，亦會配上溏心蛋、筍條及紫菜等等，用料豐富! 雞胸肉質頗嫩滑且頗為厚實，比我想像中好吃，而且完全不柴，比我想像中的雞胸肉更好吃；而豚肉叉燒大大塊，肉質爽口，難怪這個拉麵是店舖招牌!  ⋆  ⋆✨ 極濃龍蝦湯拉麵🦞期間限定 ★ $198這是期間限定款! 龍蝦湯呈深褐棕色，湯底非常濃郁鮮甜，麵條掛滿了濃

之前去過天后分店 今次嚟到旺角分店地點比較方便 係先達廣場附近今次帶埋男朋友一齊去推薦左佢食我上次食過既🤭🤭.👅極濃龍蝦湯拉麵 加龍蝦尾 $198湯底一樣係咁濃郁 充滿龍蝦味拉麵口感軟硬適中 非常掛湯叉燒軟林林 唔會感到肥膩龍蝦尾多肉 一分為二 口感彈牙糖心蛋做得出色 流心得黎又滑溜 正👍🏻.👅極濃雞白湯拉麵 $138用完隻雞烹煮8hrs以上嘅雞白湯果然名不虛傳 超級濃郁 有豐富嘅骨膠原每飲一啖都覺得非常美顏又健康仲有2片雞胸肉 煮得剛好 非常滑溜最出色既係炸牛蒡 口感酥脆 超級香口.👅明太子手羽先 $48雞翼部份已去骨 讓入明太子有一點點辣味 香口得黎又開胃仲有少少肉汁流出 冇得彈👍🏻👍🏻👍🏻.呢間拉麵店除左堂食之外 仲有外賣架岩晒唔同需要嘅朋友🫶🏻

金鶴拉麵 (旺角)旺角通菜街110號利民大廈地舖..$138 極濃雞白湯拉麵好味道：🌕🌕🌕🌖🌑雞湯係煮到奶白色濃厚程度係feel到滿滿的骨膠原🤪湯底飲落個質地濃得黎，又唔會太重口味👍🏻👍🏻餸菜方面，每碗麵麵有2塊雞胸肉同2塊豚肉相較之下，雞胸肉食落肉質軟稔，略勝一籌😆另外，拉麵附上的炸牛蒡亦係特色之一店員送餐時更提醒要襯熱食左先牛蒡刨成簿簿的一片再拎去炸所以食落夠哂脆口，絕對係誠意之作😋.$138 龍蝦湯拉麵 + $60 龍蝦尾好味道：🌕🌕🌕🌕🌘今日的MVP🎉🎉🎊🎊湯底係由龍蝦熬製而成，呈橙色狀一入口係好濃郁的龍蝦味想像一下係好似西餐的龍蝦意粉變左湯底咁🤤調味亦岩岩好，唔會話係過份的重口味食個時每條麵條都沾滿濃濃的湯底，夠哂滿足🙆🏻‍♂️🙆🏻‍♀️另外，龍蝦尾份量估唔到係比哂兩邊，岩哂兩個人share蝦肉食落肉質好彈牙，龍蝦味十足🤪

未有時間去日本食拉麵，唯有喺香港食住先！極濃雞白湯拉麵 $138一直想試呢個極濃雞白湯，一試果然冇令我失望！奶白色嘅雞湯有滿滿嘅骨膠原，飲落好順滑好濃郁，有香濃嘅雞味。側邊仲配有炸牛蒡，好香脆呀！香辣豚骨湯拉麵 $98呢個香辣豚骨湯拉麵真係名副其實又「香」又「辣」！豚骨湯底同雞白湯底一樣香濃，辣度恰到好處，令到人忍唔住想飲多幾啖個湯！照燒黑豚肉腸 $48黑豚肉腸味道好似台灣腸～黑豚肉腸香烤過後嘅外皮好脆，照燒醬甜甜地，一齊食好滋味。

金鶴拉麵-旺角 今次去到旺角一間拉麵店，店舖位於先達廣場附近，距離地鐵站很近很方便。一入餐廳裝修以黑色為主調，燈光暗暗地好有格調。坐位都非常空曠，坐得都幾舒適。今次叫左一個拉麵，一個蒲燒鰻魚飯及一個鹽燒五花腩。🍯金鶴雞白湯拉麵 $98🍯活燒蒲燒鰻魚飯 $238🍯鹽燒五花腩 $48首先講講雞白湯拉麵份量都幾多幾大碗，有兩塊大大舊的低溫慢煮的雞肉及一塊極大塊的豚肉叉燒。湯底味道非常濃烈帶有陣陣的雞香味，拉麵硬度適中口感都很彈牙，掛上雞湯非常香口。拉麵上有一堆炸牛蒡，店員上餐時都有特別推介試試碗上的炸牛蒡，的確非常香脆香口，放碗中貌相相當吸引，拉麵中亦有糖心蛋、筍條及紫菜等等。碗中的慢煮雞肉很嫩滑，豚肉叉燒肉質很彈牙的感覺另外叫了鰻魚飯，由於燒烤鰻魚是即燒的所以而要等多5-10分鐘時間。鰻魚口感肉質非常飽滿及肥美，配上粒粒的珍珠米，非常出色值得一推，果然係店主推介。鰻魚飯附上餐湯及餐前小食（芥辣八爪魚）味道都不錯鹽燒五花腩非常香口，鹽味亦很足夠，肉汁都很豐富

人氣熱爆💯網評排名No.1️⃣拉麵店🍜旺角都開咗新店啦🥳金鶴拉麵進駐旺角，一於帶埋肥仔一齊去食先🤤✨ 北海道・花咲カニ濃厚ラーメン（1A社-人気No.！）Hokkaido Supreme Creamy Crab Soup Ramen北海道-蟹湯拉麵蟹肉份量十足🦀湯底濃郁🫶🏻好好味✨ 極濃.鶏白湯ラーメン（店長推介）Creamy Supreme Chicken White Soup Ramen (Chef's Recommendation)極濃雞白湯拉麵奶白色湯底好吸引😙入口好Creamy😙雞肉嫩滑🐓幾正啊✨ ギョーザ（4pcs)（人気と浅）Japanese Dumplings日式餃子肉汁飽滿，餡料滿滿🤤大滿足✨ 若鶏の唐揚げ（3pcs）Fried Chicken日式唐揚炸雞炸雞炸得好香口，一啲都唔油膩😚

講到拉麵，湯底真係好重要，而「金鶴拉麵」嘅雞湯真係好啱我心水，最開心係旺角都開咗分店呀！餐廳裝潢非常簡約，色調以黑色及金色為主，整體座位闊落，坐得幾舒服。極濃龍蝦湯拉麵 （$198）呢個係期間限定拉麵，龍蝦湯味道好濃郁，調味剛好，口感綿密，配料亦非常豐富，有開邊龍蝦尾、滑溜溏心蛋、叉燒、紫菜等。龍蝦尾輕輕煎過帶點焦脆，好香口，叉燒大大片幾軟滑，至於拉麵係比較粗身，所以幾掛湯。極濃雞白湯拉麵 （$138）店長推介嘅拉麵，湯底好濃郁雞味，而且好香，口感好濃厚，每啖都係骨膠原咁，配料嘅炸牛蒡亦好出色，味道甜甜地非常酥脆，配搭雞肉及叉燒，好滿足呀！整體拉麵質素唔錯，湯底好味，個人幾喜歡龍蝦湯，好味到成碗飲哂。😋店員好友善，會主動加茶。另外餐廳仲有得外賣自取，下次可以買其他款式試下先！😊

好耐都冇食過拉麵，今日行過旺角，經過呢間幾新淨，裝修又企理嘅拉麵店，一於入去試吓先！呢間拉麵嘅拉麵款式都幾多，招牌嘅雞白湯、黑蒜油、連沾麵都有！不過最吸引我嘅係竟然有北海道蟹湯拉麵，同埋今期限定嘅龍蝦湯拉麵！龍蝦湯拉麵- 一上枱已經聞到一陣勁濃嘅龍蝦味🤩湯底超濃郁，飲得出係煲咗好耐嘅龍蝦湯👍🏻拉麵軟硬適中，而且份量十足，個碗勁深，一定夠飽😆個人非常鍾意個龍蝦湯底，忍唔住飲晒成碗湯👍🏻👍🏻👍🏻雞白湯拉麵-另一碗就試咗佢嘅招牌雞白湯拉麵，都幾唔錯。雞白湯冇龍蝦湯咁濃，但係多咗份雞湯嘅清甜，適合啲冇咁重口味嘅人士👍🏻配料都十分之有誠意，有叉燒，雞肉，炸牛蒡等，同個湯底十分之夾👍🏻👍🏻麵質同樣軟硬適中，輕鬆食哂🤣小食- 另外仲叫咗一份鹽燒雞翼，同味醂魚乾試吓，味道都非常好，食完麵未夠飽都可以一試😛

交通便利, 一入店比了張大枱, 座得舒服又鬆動, 首次登記會員有可樂或溏心蛋送, 拉麵軟硬適中, 叉燒只得一塊, 雞肉乾身都幾鞋, 雞胸肉關係, 醬油湯底普通, 略嫌份量偏小, 餃子炸得太乾身, 服務尚算幾好.

旺角高質的日式拉麵店✨💓🦥是次的限定拉麵是龍蝦！✨✨✨✨👍🏻👍🏻👍🏻《龍蝦湯拉麵》$198賣相非常吸引的龍蝦湯拉麵，有份量的整條龍蝦尾，啖啖肉，稍為經過處理的龍蝦，香口惹味！而湯汁也有很香濃的龍蝦味，非常濃郁！此外，更有大塊的叉燒，半肥瘦適中，大滿足！《極濃雞白湯拉麵》$138湯底是用原隻雞烹煮，當你飲一口湯時，你會發現其湯底有著濃厚雞白湯味，是米白色帶帶泡沫的湯底，其精華充滿著濃厚的骨膠原，口感creamy，雞香味很誘人，很惹味！值得推薦！而脆脆放在表面的是牛蒡，一放上枱，已被那脆卜卜的牛蒡吸引著，令整碗拉麵更加美麗，浸一浸湯底來吃牛蒡，那口感很神奇，脆加軟的感覺！此外，那半肥瘦叉燒、兩塊嫩滑的雞肉、橙黃色的半熟蛋，也很用心，很好吃！

未去到日本，喺香港食住拉麵先。金鶴拉麵我哋有時都會幫襯，依家開咗旺角分店就更加方便。佢有唔同嘅期間限定湯底，最近係極濃龍蝦湯，仲可以要隻龍蝦尾！我就試咗佢呢個湯，湯底比較杰身，每一條拉麵都沾到湯，味道濃郁鮮味，非常推介！呢度嘅糖心蛋好好食，撈埋龍蝦湯更加正。朋友食咗黑蒜醬油拉麵，佢話蒜味都幾突出，配埋雞肉同叉燒，豐富又好味！我鍾意呢度嘅拉麵質地，軟硬適中。呢度小食選擇都多，我哋點咗照燒免治雞肉，$48有兩串，性價比都唔錯。