金鳳大餐廳 (中染大廈(8咪半))

营业中

休息中

一向知道金鳳喺食扒既老字號店舖😎😎 今晚難得早放工，同朋友衝去荃灣8咪半分店醫肚😄😄😄平日夜晚都有唔少人幫襯，我地七點零去到都要等咗一陣，不過見到待應都已經好快手嫁喇😆門口又有少少座位可以坐低等位👍🏻值得稱讚👍🏻我地兩個人叫咗一份扒餐和一個焗飯一齊share 🤗不愧為扒房，有好多扒類選擇，我地就喺美式扒餐類別果度揀咗美國牛小排餐，再加多個焗白汁海鮮飯。美國牛小排餐- 牛小排大大塊，可以分為兩份😃 配上薯格特別好味😀😀焗白汁海鮮飯- 好多海鮮呀😀 好正！飯粒又粒粒分明😆美式牛扒類仲有德州頂級西冷扒和安格斯肉眼扒，感覺都好吸引！下次再黎試其他款☺️☺️金鳳大餐廳 (中染大廈(8咪半)) (荃灣)荃灣青山公路 - 荃灣段388號中染大廈(8咪半)地下G01號舖

老婆一向食嘢喺偏素，偶爾食吓肉，不過，佢有體重過輕嘅問題，所以，家下要食番多少少肉，故此，今回佢就請我嚟「金鳳」鋸扒，認真難得，食完趁天氣涼涼哋順便去行吓山，減番啲卡路里。雖然過咗午市嘅最高峰，但都要等一等位，不過都喺三幾分鐘有得入。話時話，「金鳳」粗略估計小弟都應該有超過10年無幫襯過，呢間店都幾大，樓底又高，又有一排落地玻璃大窗，裝修就如懷式嘅豉油西餐廳嘅格局，感覺都幾舒服。牆上嘅霓虹燈數字「1969」，就喺餐廳成立嘅日子，即喺開咗超過半個世紀，主餐牌都有詳細介紹。今時今日，老店已經買少見少，屹立咁多年實在唔容易。值得一提嘅喺，啲地方無用到盡，枱櫈唔似茶記咁排到「密質質」，而且，亦盡量間開啲客人，好似我哋兩公婆同另一對客人，就安排坐晌張6人枱，中間就隔開咗一個位。午市方面，午市套餐嘅選擇唔多，只有4款，其中3款喺西式碟頭，平少少，定價$68-$82，淨番1款就喺招牌嘅鐵板扒餐，賣$138。幾款午市套餐老婆都麻麻地啱食，所以，就喺主餐牌度落手，有好多款鐵板餐供應，可謂各適其適，此外，散點嘢仲有沙律、湯品、小食、海鮮。全部餐都會有牛油餐包、餐湯同飲品、凍飲亦唔需要額外加錢，但就需收加一

🥩🥩餐廳名: 金鳳大餐廳地區: 荃灣評語:美國牛小排餐 HK$198 - 兩塊牛小排係薯塊同菜上面 啖啖肉味道還可以 牛味唔夠濃 質感可以 唔韌 咬得開既T骨牛排餐 HK$168 - 好大塊 個盤都夠擺 滑過牛小排少少 如果想食滑肉就食呢款餐前餐包+餐湯 HK$餐已包 - 包唔夠熱 連暖都未係 湯正常 紅湯好飲啲 白湯太水結論:呢間係港式扒房 肉都係用好多粉醃 味道一般 冇左酥皮湯比較可惜 鐵板既蔬菜都燶哂 整體質素麻麻地環境衛生: 🌕🌕🌗🌑🌑食物味道: 🌕🌕🌗🌑🌑服務態度: 🌕🌕🌕🌗🌑@goldenphoenixhk#金鳳大餐廳#荃灣#牛小扒 #T骨牛扒#香港美食 #香港餐廳 #情侶餐廳 #情侶飲食 #幫你食 #CoupleHelpYouEat #CoupleHelpYouE #HelpYouEat #HongKong #HKFoodie

星期一放工，同男朋友行到愉景新城，見到喱間傳統扒房餐廳，由於兩個人都好肚餓，就二話不說入去餐廳，一人叫咗一份扒餐。估唔到星期一入座率都好高，要等一兩張枱！男朋友點了一份鐵板雜扒餐，其中包括火腿、香腸、雞翼、牛扒和豬扒。而我就叫了一份七分熟的野菌牛柳鐵板。點完餐唔夠2分鐘，侍應就送上餐湯餐包！餐包係暖，牛油係凍，急不及待將個牛油夾喺餐包入邊！達到有冰火交融嘅效果！首先，叫得雜扒餐當然有好多種類嘅食物！每款都經過獨特既烹調方式，牛扒豬扒都牛扒同豬扒都保持原汁原味，肉質鮮嫩多汁。鐵板淋上黑椒汁，香氣十足。總言之呢份雜扒餐份量好豐盛，完全足夠一個大男人食！接下來，我既七分熟野菌牛柳鐵板都吾錯！牛柳保持了嫩滑多汁。七分熟的牛柳正好達到了肉質最佳既moment，而大量野菌增強咬口！同出名嘅扒房有得比！此外，餐廳既服務都值得一讚，服務員熱情友好，亦樂意解答我們既問題，環境都好整潔舒適，營造出一種老牌餐廳嘅味道！

金鳳大餐廳 荃灣青山公路388號中染大廈(8咪半)地下G01號舖大大間 樓底夠高 黃暖色光每月精選套餐 有頭盤有湯有包 有Italy ice cream一口價$178忌廉湯 頭盤——蟹籽雜果沙律鐵板黑椒汁帶子西冷牛扒🥩意大利配方雪糕牛扒質地細嫩 帶濃郁牛香 微辣和濃郁的黑椒汁帶子鮮嫩可口 口感滑軟 据扒一流白湯味道正常 餐包熱辣辣今次食7 成熟 下次食牛柳試下5成先 鐵板香煎豬扒蒜蓉汁配薯菜$120厚厚豬扒兩大塊 薯條浸蒜蓉汁再你鐵板上煎左陣焦香熱騰騰 肉質口感都唔錯 肥肉唔多另外$122有荷蘭豬扒

今日在荃灣食晚餐，揀左之前食過既金鳳，在中染大廈既地下果層呢間裝修好新，又大間，坐得舒服晚飯時段好多人等位，我們應該用App拎飛，咁就唔駛在門口等，不過都係等左10分鐘就入得去坐。點了個特選扒餐，帶子西冷牛扒，好似係每月特選晚餐，$178帶子西冷牛扒6成熟，呢個熟成剛好，朋友揀黑椒汁。頭盤有蟹籽雜果沙律🥗餐湯要紅湯係羅宋湯位置唔太夠，野食太多，放到成枱滿哂😆😆另外一個叫了香煎雞扒餐呢度有2片大雞扒，加左$2蒜蓉，好香，呢個係淋汁前既相，我就配洋蔥汁，雞扒都好厚身。今餐仲叫咗一個白飯，拎黎送扒一齊食餐飲凍咖啡、凍奶茶，唔講真係唔知邊杯打邊杯野飲最後個特選晚餐仲配個甜品，喺意大利配方雪糕，食落是朱古力口味。今晚食了三百幾蚊，好飽好豐盛。

今日去荃灣選購傢具，突然好想食据扒，一直我都係食開莎樂美，點知一落到樓下，見到呢間餐廳排隊，又係食据扒，值得一試門口裝修新淨，內裡有新式西餐嘅感覺，入面環境都幾大，沒有平時餐廳嘅擠迫感，座得好舒適招牌牛柳餐据扒一定食牛，等咗一陣牛扒就跟鐵板上可保持溫度，再淋埋我最愛嘅黑椒汁，再加我最愛的蒜蓉，簡直係完美配搭，肉質好淋唔會韌，沒有斤，非常惹味。T骨牛扒餐真心超大份，同個鐵板一樣大，都係配上黑椒汁，肉質鮮嫩多汁，好淋身易咬 隨餐有湯有餐包有飲品，仲有薯格附上總結三個人食二個餐都好足夠，環境好舒適又大，值得再光顧

喺愉景新城附近做完嘢見到喺中染有分店,就入去食埋先返屋企今日係星期一,但係餐廳都幾多人，都要等一陣先至入得到， 好彩門口都有啲凳，可以撳咗飛之後就坐低等位門口已經睇定，諗住叫一個是日晚餐+一個牛柳餐餐湯羅宋湯係超級好飲， 而且夠辣，非常濃味之前每一次都係用鐵板上，朋友就話想試下碟上嘅分別所以叫咗一個係鐵板上，一個就碟上帶子西冷扒上面嗰兩粒帶子香口彈牙好食牛肉唔算拿得好勁， 西冷扒份量足夠牛柳餐冇諗到牛柳係超厚切非常抵食， 因為厚切肉汁完全鎖住整體試咗鐵板上同碟上嘅分別鐵板上因為薯條喺個底嗰度，所以會令到薯條浸曬所有汁，薯條浸咗好多汁如果碟上就可以將啲汁放埋一邊，薯條就可以保持脆身同埋唔使食咁多汁是日晚餐仲跟咗沙律同埋甜品整體覺得荃灣這間分店坐得比較寬敞感覺非常舒適

近排轉咗新工，夜晚就響荃灣呢度週圍揾食。今晚想食牛扒，咁就不如食老字號牛扒啦!時間尚早，餐廳都唔算話好多人，等咗一陣間就有位，坐位ok，都坐得舒服，我就叫咗個港式西冷牛扒套餐，有湯有餐包有飲品，全包宴。加$2元可以有蒜蓉更加好味道!再配埋黑椒或蒜蓉汁2選1，見到都口水流呀!好快先上餐湯(有羅宋或忌廉湯)及餐飽…湯夠熱，飽仲暖好夾!等咗一陣牛扒就跟鐵板上可保持溫度，再淋埋我最愛嘅黑椒汁，再配上蒜蓉簡直係完美配搭!牛扒我點七成熟，肉質好淋唔會韌。配菜仲有薯條跟翠玉瓜，牛扒份量都唔少!今餐很豐富又滿足，再叫柸凍檸茶可以幫助消化。

一如以往高質素鐵板扒餐閑來無事，朋友見小弟喺屋企冇嘢做，捉咗小弟去宜家傢俬位於荃灣嘅分店。由下晝一點幾開始行，行行企企，周圍坐下望吓望吓啲傢俬，到買完嘢出返嚟嘅時候，一望手機上嘅時間顯示，竟然不知不覺間已經接近晚上六時。本身冇咁晏的話可能都會光顧一下宜家傢俬的小食店，食返隻熱狗飲番杯汽水。不過此時此刻，小弟個肚已經餓到就嚟扁咗，係時候要大吃一餐，補充番失去嘅能量。見到商場水牌有個熟悉嘅招牌，二話不說即刻沖落去。美國德州頂級西冷餐（$192）/已包含餐包、餐湯及餐飲金鳯扒餐一向都係佢哋嘅王牌，西冷牛扒出品當然難唔到佢哋，即是小弟叫左七成熟都依然嫩口，油脂比例恰到好處。配上餐廳出品既自家製醬汁份外惹味。值得一提嘅係配菜同樣出色，由香脆可口既薯格，爽口既粟米，以至食落口感新鮮既沙律菜，無一馬虎味道9/10賣相8.5/10咖喱牛腩飯（$80）/另可用優惠價$25升級套餐（包含餐包、餐湯及餐飲）幫襯過餐廳咁多次，小弟都係第一次試咖喱牛腩飯（托朋友愛食牛腩既福）。唔試還好，一試難忘，尤其咖喱特別出色味道8/10賣相8.5/10餐廳名稱：金鳳大餐廳（中染大廈（8咪半））餐廳地址：荃灣青山公路388號

放工間唔中都會黎食下午茶~除咗牛扒同焗飯，都好鍾意食佢啲包~🔹公司三文治🔹 超大份，好鬼厚~坦白講，唔係間間茶餐廳都有得食~有厚厚嘅蛋，火腿，煙肉，番茄呢啲基本野，仲有牛肉同雞肉，好足料~去邊到揾~🔹脆炸魚柳包配沙律🔹 無諗過真係成塊大魚柳夾喺入面，以為係麥當當四方形嗰種~所以好脆，好滑，配埋個包好好口感~沙律係my favourite, 傳統茶餐廳薯仔沙律~成日幫襯嘅原因都係性價比高，午餐同下午茶性價比好高~啲野食永遠都食唔哂~但都係要嗌~😂🙈

6點幾拎飛間店都大同多位，等左15分鐘就有位點餐時，幫我地點餐既侍應對答內容好簡短飲咩呀？幾成熟？態度係hea講，想快d完果種feel（文字係有d難形容果種對答態度）心諗可能係個別侍應態度係咁？但後來發現整體員工都係咁無咩禮貌的對答之後飲湯，飲左一半湯發現有隻黑色小蟲，有腳有翼同左個紅色衫侍應講佢行開左，轉頭比個碗叫我放過去之後走左轉頭有個黑衫侍應行埋黎話，烏蠅仔呀，換個個紅湯比你就拎走個湯我當下反應係：哦，好佢地一句唔好意思，對唔住都無好似慣左係咁裝修同舊式金鳳不一一樣服務質素同食物品質係咁邊有人會想再幫襯

今日好有興致想食据扒，之前細個一直都係食開荃灣莎樂美，但上網check check發覺呢間既質素已經大不如前，咁就諗不如就試下第2間，個日係荃灣地鐵站附近，朋友知道係8米半既金鳳餐廳有得据扒，就不如一試，行過去都好近，入到去，原來裡面比我想像中大，完全唔駛等位，据扒當然係食牛啦我就配左個黑椒汁，再配薯條，湯就叫左羅餸湯，我一直都係一個超鍾意飲紅湯多過白湯既人，唔知有冇朋友都係呢，佢啲份量唔算話太多我係岩岩夠食

#fafafoodblog荃灣 #fafafoodblog西餐晚餐包餐飲 同餐湯 紅湯好足料好多蕃茄 同牛肉 帶 d辣 而白湯好香忌廉香味 好滑 幾正🍴大蝦牛扒餐173 蚊蝦肉係大頭蝦 好多膏 口感彈牙 蝦味夠🦐 牛扒厚身夠肥美 大大件 配黑椒汁唔錯 仲有薯條同脆肉瓜做配菜 正🥔🍴西冷扒餐🐂西冷扒比較有口感煙 un牛味濃 5 成熟剛好 蒜蓉汁好香濃入味 有大件薯格同脆肉瓜做配菜#牛扒 #西冷扒 #蝦肉 #白湯 #紅湯 #餐包Score 平均分< 7.8/10>Taste 味道：👍🏻👍🏻👍🏻👍🏻Present 外觀：👍🏻👍🏻👍🏻Decor&Hygiene 環境衞生：👍🏻👍🏻👍🏻👍🏻Value for $ 性價比：👍🏻👍🏻👍🏻👍🏻Service 服務：👍🏻👍🏻👍🏻👍🏻~~~~~~~~~~~~~#金鳳大餐廳荃灣青山公路388 號中染大廈(8 咪半) 地下g01 鋪~~~~~~~~~~~~#fafafoodblog #為食花太郎 #fafafoodblog荃灣 =====================

見好耐都未食過扒餐，今晚經過中染，見金鳳有唔同嘅扒餐選擇，美式港式都有，而且可以手機拎位，係app拎位下次就可以唔洗等！美式扒餐個餐已經包埋餐湯同餐包，羅宋湯味道濃郁，而且有好多雜菜，而餐包烘到微熱，配埋牛油食就一流！跟住就到重頭戲，汁方面可以揀黑椒或者蒜蓉汁，黑椒嘅味道會比較濃郁，啱晒重口味嘅人，美式扒餐入面有牛扒，豬扒，火腿，薯菜，強烈建議一定要加蒜蓉，香味同味道層次真係會提升好多！！鐵板淋上汁後滋滋聲，好有火候，牛扒肉味濃郁，口感軟腍，豬扒完全唔會硬👍炸薯條配埋黑椒汁，好好味！而朋友就叫咗個帶子卡邦尼意粉，帶子煎得金黃，但唔會過熟，加錢仲可以變set, 有湯，餐包同埋飲品～