金鳳大餐廳

营业中

休息中

金鳳茶餐廳，一間保留有香港80年代特色既舊式扒房。一入門口就聞到好香既黑椒汁味，聞到都已經流晒口水。菜單一早已經印哂係餐紙上面，唔洗再慢慢揭Menu。兩個人點左一份鐵板T骨扒同一份鐵板紐西蘭肉眼扒，加$2仲可以加蒜容。依種傳統扒房都會配一個甜餐包同餐湯，我就點左個羅宋湯，羅宋湯小小辣好開胃，我就鍾意用個餐包浸少少湯嚟食。到個T骨扒送上枱真係嚇一跳，塊扒大過你塊面，好彩冇另外加飯或者意粉，如果唔係一定食唔晒。紐西蘭肉眼扒雖然冇咁大塊，不過肉質好嫩滑，咬落去仲好多汁。依種傳統扒房係香港已經買少見少，雖然質素黎講一定唔係最高級，但係都不坊支持下。

記得以前想不到吃什麼時，往往都會和家人到銅鑼灣吃金鳳，勝在價錢實惠，食物也不錯，今日難得再和家人一起吃這間餐廳，我想也有七至八年了，童年回憶都回來了。今日中午和家人到金鳳吃午餐，時間差不多三點，餐廳外放著一部維修中的扒爐，以為餐廳內部裝修之制，侍應都出來招待我們入內，餐廳仍然保持原有風格，殘殘舊舊。餐牌只有數個餐，我們分別點了鮮茄焗雞扒飯、免翁鑊仔牛柳、炸雞中翼拼珍寶腸。鮮茄焗雞扒飯 - 鮮茄味重，雞扒份量足免翁鑊仔牛柳 - 份量少，味道普通炸雞中翼拼珍寶腸 - 沙律多料，不過不失總評：餐廳客源大不如前，真的要裝修一下才可再吸客源。

平時去開銅鑼灣金雀食港式牛排但自從佢裝修之後 無左個地方男友就建議去金鳳試一試 聽聞價錢更加平一截添！今日係平日連位都唔駛等佢既裝修無金雀咁靚 但多左陣舊式扒房既味道一檯一凳都好似有好多年歷史咁我叫左個招牌牛柳餐 5成熟佢係未上扒之之前其實有個餐包同餐湯餐包微熱 搽番個牛油入去 牛油介乎少少融但又未融哂之間 好正佢既羅宋湯 亦都幾足料 好重蕃茄味我加左生蒜係牛柳上面 加埋燒汁 好香而牛柳5成熟放係鐵板上面 一d都無過熟 切出黎仲有少少血水 牛柳幾林 但略嫌欠左少少牛味而男友點既係5成熟既美國頂級安格斯肉眼排原本佢想點既係美國雪花牛排點知個侍應話安格斯會好食d就說服左佢首先講佢跟個個忌廉湯 麻麻地 好淡 而且無乜料係湯入面而個排 佢食左第一啖就後悔 因為個排勁大陣雪味 一d都唔好食 衰過茶餐廳平時午餐B上面塊薄牛排！PS 跟個餐飲十分細杯 如果要番個正常size既是要加錢的！

金鳳係香港數一數二既懷舊扒房，其實都有普通set lunch既，不過小編還是想試鐵板餐😌有西冷、雜扒、牛仔骨等等，最後選擇左💕招牌牛柳餐💕首先有傳統既忌廉湯同餐包🍞，打左好多芡汁既湯和軟綿綿、熱辣辣既麵包是常識吧🤣主菜來了！上枱前已經淋上黑椒汁，只淨返少少咋咋聲。🥩愛牛柳既原因係鐘意佢既厚身，厚得黎永遠唔會韌，啖啖肉味濃既感覺好正🤤大份到要分享一部分比朋友食🙈薯菜有薯條同椰菜，薯條🍟幼身唔緊要，但係就整到勁硬，唔好食啊😨

今晚放工同個女去金鳳大餐廳鋸扒。叫份黑椒西冷扒加勁多蒜蓉响面簡直好食到唔停得口! 我平時對乸過嘅牛扒好抗拒, 唯獨係呢一間啲味道做得好好尤其係黑椒汁! 亦可以選擇加大堆蒜蓉, 完全蓋過咗梳打乸過嗰陣味! 咁大塊扒加埋餐湯(羅宋湯好足料好好味)仲有餐飲加一服務費都係$120有找! 呢餐食得好滿足好開心! 滿口蒜香咁行出門口以後去親灣仔一定會再幫襯! Definitely will go back for more steaks!!

都有好多年冇嚟呢度食野，入去重臨舊地食下野&懷緬下。 坐低睇下餐牌，冇人理。。跟住唯有呼叫"唔該".... 有把大陸婆聲音叫"你食咩叫就得㗎喇，得我一個人做架咋"( 好晦氣的) 明明見到佢坐喺度打牙骹，極度冇禮貌。 我落完嘢食仲要叫我"快D"嗌埋嘢飲啦!？， 唔畀你諗要即刻落單？，咩料吖？？ 都未食嘢已經好似要嚟受氣咁，好差囉!!! 都算喇。。 咁就下佢 我哋嗌埋餐飲， 點不知D嘢食都食完啦 先見到位樓面原來都系佢行入去沖野飲嘅。。其實我體諒一人工作， 你又要追人快落單，但原來都唔係落單？？，係有人追先入去沖野飲。。 沖完嘢飲仲要離遠呼叫啲客自己行去吧頭拎，有冇搞錯吖!! 感覺好差😤

第一次知道呢間餐廳係因為屋企人介紹食過之後已經變左銅鑼灣必食既晚餐 因為又平又飽肚 又大份 男女都一定會飽一入去係好舊式既豉油西餐既格局 去親我都係嗌佢地既招牌牛柳餐 $116跟餐會有餐包 湯 同野飲個人覺得佢地既紅湯🌟🌟🌟係一流絶頂好飲 超級濃稠唔會似水咁 勁足料次次都好多菜起入面而個扒上左枱後先有人淋汁 有燒汁同黑椒汁揀扒既份量極大 西冷有時會成塊面咁大但牛柳好嫩口 岩晒我呢啲唔鐘意咬野又想鋸扒既人 個人習慣叫5成 仲會有小小紅 同好少既血水 如果唔食得生叫6/7成比較好中意食蒜既人可以加一大pat生蒜起上面 屋企人極度讚好 不過我就麻麻但整體真係性價比好高而已有質素既餐廳

老字號一百蚊有找，有湯有野飲，叫左五成熟，岩岩好！夠林好好味呀！😍重點係要加生蒜蓉！整個美味正到直線飆升啊😚😚😚缺點就係間鋪實在太細，成間鋪充滿住牛扒炸炸聲既煙，坐嘅位置好迫，枱與枱之間可以話係完全連行嘅位都唔夠😂不過我唔食服務既！繼續比高分！

男朋友係港島人，佢講左好多次帶我黎食舊金鳳食扒餐，今次終於真係食到🤣。如果單憑店外既樣，應該係吸引唔到我入去食🤣。因為間舖開左好多年，所以店內既裝修都已經好舊。加上燈光比較暗，睇落好似有啲污糟咁🙈。我同男朋友一人嗌左一個餐，我食招牌牛柳餐，佢食串燒牛柳餐，仲嗌多左個香煎日本廣島蠔。每個餐都有跟餐包、紅／白湯，同埋一杯野飲。野飲既size係茶記水杯既size🤣，飲三四啖就無曬個種，如果有需要就可以嗌加大+$5。侍應上菜既時候會問埋你要燒汁定黑椒汁，啲汁一淋入去「渣」一聲，仲要超香🤤。舊金鳳既扒餐份量真係好足，夠你食飽有突。餐包、湯同野飲都係正常，無咩特別。而牛扒真係超大份，啖啖肉，而且仲幾嫩👍🏻。除左舊牛扒之外，仲有菜同薯條做配菜。而個個香煎廣島蠔，menu寫五隻，不過唔知點解我地個碟有七隻😂，但味道就一般，唔推薦。

抵食！ $112 大大份扒餐，舊式扒餐既味道，仲可以加多幾蚊加大杯，好抵食呀！有好多唔同種既扒可以揀，仲加多蒜容，加上黑椒汁，勁惹味。如果下次黎開灣仔，絕對推薦過黎食，最唔好既就係唔近地鐵站，要行五至十分鐘先到。

今日行過突然想据扒但又太熱 懶得再行同搵就入左去喇~好 “懷舊” 的一間餐廳 😶我叫左 >>美國雪花肥牛<< 124$個羅宋湯 我覺得辣左啲 不過都還好嘅。以呢個價錢黎講個扒都吾算吾錯丫,, 生熟都控制得幾好 😁軟淋淋咁 😆不過叫餐飲時,佢問我洗吾洗加大 我都覺得怪怪的…平時喺第二度食吾加大都飲吾灑所以都冇要加大lu~點知道佢嚟到 我就明白點解佢咁問呀…因為真係好細杯😂不過整體黎講都幾掋食嘅環境 服務 就唔好有咩期望啦😊

今晚放工諗唔到食咩，就去左据扒。去銅鑼灣嘅金鳳大餐廳，貪佢大件夾抵食。女仔黎講，我都算叫做鍾意食扒。點完野食，等左一陣就上餐湯同餐包。金鳳嘅羅宋湯係咁多間食扒嘅最好飲，夠濃又帶點辣👍好啦，之後上扒，我地點左什扒同西冷。上完扒就有人行埋黎問我地要燒汁定黑椒汁。西冷好大塊(冇影相)，什扒有牛扒，豬扒，火腿同腸仔。份量好大，我食到一半都飽左。本身仲諗住唔夠食，可能要加飯呢間鐵板好夠熱，食到後面都仲熱緊，平時啲鐵板食一陣就冇咁熱👍扒餐跟埋野飲，野飲仲可以加大

今次第二次黎食喇！第一次黎食就試左什扒，今次諗左好耐，決定試下其他野！快速上網爬一爬文，決定order招牌牛柳😋跟餐的餐湯同餐包都係正常野，唔會有咩特別好食/唔好食鐵板上枱時侍應會問你要燒汁定黑椒汁，我揀左燒汁！記住打開張餐巾好好保護自己呀😂今次仲加左$3額外加新鮮蒜蓉，一上枱就已經聞到好香既蒜味，件牛柳厚切到唔識形容，好軟腍，好juicy，加埋啲蒜蓉，正！收呢個價錢，比咁大舊肉你，加埋啲買少見少既懷舊風味，算係無咩可以挑剔👍🏻

Very classic local restaurant that serves western dishes such as steak with a side of rice, spaghetti or fries. Most of the menu items are choices similar to this with a cycle of the three meats with different sauces.The steak was relatively good considering the low price point and the soup was hot and thick. If you are looking for a regular western styled restaurant and don't want to spend an arm and a leg every visit, this is pretty good.

今日想懷舊一吓去食零裝修號老字號選擇得一張紙揀，但牛種類太多唔識選擇餐湯叫左一紅一白試,羅宋湯好濃厚好多料,甜酸度適中有小小杰身飲落冇味精感覺,忌廉雞湯比較稀同淡味,飲唔到雞湯忌廉又唔感似飲緊溝左小小生粉嘅水咁,餐包好硬好乾唔新鮮黑椒西冷牛扒-我揀7成可能過熟肉質實同硬,西冷冇左條油邊冇左油甘香味,牛肉味唔夠黑椒汁教得唔錯什扒餐-牛扒好食過西冷夠鬆軟有肉味,豬扒死實冇肉汁,火腿厚厚好大塊,腸仔都唔掂肉質梅梅地總結-老舖零裝修但估唔到年青人服務都唔錯做野快靚正,味道可以但扒質數麻麻地,比較下花園反而好小小