金鳳大餐廳

营业中

休息中

今天和朋友在金鳳大餐廳用餐，點了招牌的鐵板帶子西冷牛扒及芝士肉醬意粉。身為鐵板牛扒的愛好者，我對金鳳大餐廳的評價一直很高。這次造訪，再次印證了它的美味。餐廳的環境雖然簡單，但充滿了港式風情。服務人員態度親切，上菜速度也很快。鐵板帶子西冷牛扒最讓我期待的鐵板帶子西冷牛扒，果然沒有讓我失望。牛扒煎得恰到好處，外層焦香，內裡肉質鮮嫩多汁，搭配濃郁的黑椒汁，每一口都是享受。帶子鮮甜Q彈，份量也相當足夠。芝士肉醬意粉芝士肉醬意粉口感不錯！意粉煮得軟硬適中，口感Q彈。芝士香濃，拉絲效果非常好，每一口都充滿濃郁的奶香味。肉醬的肉質細膩，調味恰到好處，香氣四溢。整體搭配非常完美，讓人回味無窮。芝士肉醬意粉的份量很足，完全可以吃飽。芝士烤得金黃焦脆，和軟嫩的意粉形成了鮮明的對比。肉醬的鹹香和芝士的濃郁完美結合，每一口都是味覺的享受。除了主餐，沙拉的醬料清爽開胃，湯品濃郁暖心。羅宋湯和忌廉湯的味道就正常發揮，沒有太大的驚喜。甜品有芒果味雪糕，口感細緻，為這餐畫下完美的句點。餐廳的環境乾淨整潔，服務人員態度親切，上菜速度也很快。用餐體驗還不錯，是一間適合和朋友聚餐的好地方。整體來說，金鳳大餐廳的餐點品質穩定

今日同朋友去金鳳大餐廳屯門分店食午餐，地址係屯門屯順街1號屯門市廣場1期地下G076-G080號舖。這裏除了排餐亦可配意粉或飯，有沙津，海鮮及特色小食。我地共叫兩份餐我叫咗一個野菌忌廉煙三文魚意粉配餐飲一杯檸檬雪碧及餐湯牛油麵包$102，我朋友就叫咗一份招牌牛排餐配薯莱一杯凍檸茶及餐湯牛油麵包$148。我叫嘅野菌忌廉煙三文魚意粉，忌廉好creamy三文魚新鮮份量亦夠大份。我朋友叫嘅招牌牛排餐八成熟不過略為生咗小小如果再熟d就更可口，總括來講餐廳環境，食物質素及服務都可以直得一試。

話說好耐都冇食過香港舊式嘅鐵板扒，所以今日約咗個friend嚟到金鳳大餐廳食嘢六點去到都已經滿座咁滯唯有攞飛等咗陣入到去嘅時候環境都幾好feel ，真係有舊式扒房嘅感覺不過座位就好過舊式好多啦因為呢排戒食牛嘅關係，所以我就叫咗另一個至愛，羊扒。朋友就嗌咗個西冷牛扒其實食鐵板，除咗好期待個主菜之外，我個人就好鍾意食個包，呢度嘅包都冇令我失望上枱嘅時候係溫暖㗎，而且望落去好軟熟，牛油都係一開就搽得，原始平時快餐店啲雪到實一實嘅牛油，而且擺落去個包度即時溶咗 齋睇都覺得治癒到主菜，我冇諗過我個羊扒咁大碟㗎！朋友個西冷牛扒都唔少嘢😂😭好細心叫我哋攞起餐巾幫我哋淋上黑椒汁，汁呢一刻完全勾起細個同屋企人食鐵板餐嘅回憶🥰嚟講，佢真係好出色，唔係淨係講緊佢個份量，而係佢嘅味夠晒羊味！鍾意食羊嘅朋友，其實可以試吓食佢嘅羊扒朋友就話牛扒三成熟煎得好好好有肉汁嘢飲方便我哋就嗌咗凍檸茶同凍奶茶，正常茶餐廳質素要讚吓嘅係以前食呢啲鐵板餐一定會覺得好鹹，係咁飲水，但係金鳳做得好好嘅，就係佢唔係落好多調味，所以食到肉味之餘亦都唔會令你覺得鹹到要係咁飲水，一個字講晒，.正！

香港鐵板真係好有🇭🇰香港特色， 八九十年代嘅時候真係一個潮流， 但係今時今日仲食到以前嘅味道真係好🥰感恩❣️細個嘅時候每逢假日屋企人必定帶我去🥩🔪鋸扒， 所以依個都係兒時嘅回憶👧🏻👶🏻今晚終於可以食到啦真係好正啊， 睇住個熱鐵板熱辣辣再加埋🖤黑椒汁， 最鍾意呢度加多兩蚊就有勁多🧄蒜蓉， 重口味嘅我梗係好鍾意啦😆呢度除咗鐵板餐出名之外佢仲有皇牌焗豬扒飯都係冇得頂， 茄汁🍅底又做得好好而且好多🧀芝士添仲拉絲㗎😍飲品方面都有好多懷舊飲品啊連🍦🐮黑牛都有, 我哋就叫咗杯凍檸賓, 因為真係好想飲利賓納👿童年回憶返晒嚟😂😂😂

好耐無去食懷舊鐵板牛扒，原來屯門市廣場都有，個裝修仲新穎時尚啲，對住食肉獸黎講一定會好滿足，啖啖肉！雖然系屯門市廣場，但個門口系對住街，要行出去商場外先搵到。招牌牛柳餐 $1482大塊好厚身既牛柳，叫左7成熟，另外再加左$2生蒜。牛柳切開都仲會見到粉紅色，第一件食既時候因為覺得仲紅，所以會切開放系鐵板熱多陣先食，肉質系ok既，但第二塊切開既時候已經無紅色，食落反而好軟腍，口感好好，所以建議可以放一陣間先切黎食。略嫌覺得蒜蓉汁再加生蒜個味道太過重，蓋過左牛肉既味道，下次我吾額外加蒜都應該好夠味。每月特選晚餐 $190鐵板帶子西冷牛扒2樣我都鐘意食既野放埋一齊，呢份跟薯格，西冷薄身啲所以揀左5成熟，同樣好大塊，帶子有2粒，放左系牛扒上，所以無過熟。西冷既肉同樣幾軟腍。2個跟餐有餐包、餐湯、飲品。而晚餐就會多少少，仲有凱撒沙律同雪糕甜品。

今日媽咪無啦啦話想試下呢啲港式扒餐，於是我就搵到呢間平民扒房🥰扒餐跟咗嘢飲、餐包同埋湯，餐包好鬆軟好香牛油味🫶🏻，超中意羅宋湯！酸酸辣辣好開胃😙🌟牛柳餐 $143牛柳要咗蒜蓉汁，侍應會喺你面前倒汁，仲好細心咁提你用紙巾擋住唔洗彈到～塊鐵板好夠熱，啲汁一落鐵板即係沙沙聲😜，超有feel~牛柳肉質軟嫩，份量大大份！仲有一大堆薯條同伴菜喺底～🌟西冷牛扒餐 $143呢個揀咗黑椒汁，黑椒汁超香超惹味！我哋叫咗七成熟，切開都啱啱好～仲有唔少肉汁✨🌟雪糕紅豆冰 +$18好耐無飲紅豆冰！今次仲要係加埋雪糕喺上面🥰！紅豆煮得好棉密，配埋花奶同雪糕邪惡爆燈！

最近減肥，唔想食太多澱粉，老婆就建議收工之後去鋸扒。金鳳大餐廳成日都好多人響門口排隊，一於就試下距。由於我地都知道成日有人排隊，因此一早就用The GULU 拎飛，建議大家視乎用餐時間早20-30mins左右拎飛，因爲真係好受歡迎。7點半左右到，仲係超級多人，好彩一早拎左飛，等左10幾分鐘就有位。上手客剛剛離開，店員執臺執得都好快，而且都幾乾净。餐具同調味料都齊，有鹽，胡椒粉and 茄汁。我就點左個美式帶子牛柳餐，178蚊已經包曬餐湯，餐包，飲品。個餐包好正，加左咸咸地的牛油，好軟屬，填下我空虛的肚仔真係perfect。之後到個主菜，我就點左5成熟，上到臺，淋上黑椒汁，莎莎聲好治愈，塊鐵板好熱，我都怕塊扒烤熟，即刻起勢甘食。5成熟，D肉汁流曬出黎，表面脆脆地，呢個熟度岩岩好，好味的食物確實會令人覺得幸福。另外距可以加2蚊upgrade個超級蒜蓉底，作爲一個蒜蓉控，我係無可能吾加的！D蒜蓉成碟都係，配埋黑椒汁，辣落塊鐵板度，撒上少少鹽，人世間都無咩食物好食得過距，為我今日辛勤的工作畫上完美的休止符！最後係距果兩粒大帶子，幾鮮甜，有d海水的鹽味，一淡一粒，爽呀！走的時候已經差不多9點，門口

本地老字號，相信好多香港人都聽過呢間平民扒房。難得有分店開喺大西北，決定和好友去試下。美國德州頂級西冷餐 $198 （+$2）牛油餐包好鬆軟，搭配同樣歷史悠久品牌的牛油，更具風味。羅宋湯非常足料，不錯。牛扒大塊，叫五成熟，切開中心呈粉紅色，控制得不錯。比較特別的在醬汁上可額外加蒜蓉，蒜蓉的咸香的確令牛扒更具風味，好味😋。金鳳皇牌焗豬扒飯 $82非常有驚喜😍大大塊芝士鋪面，帶點微焦，香氣十足。醬汁濃稠適中，茄汁味酸甜味恰到好處，不會偏甜，值得一讚👍🏻。豬扒有兩大塊，肥瘦適中。下面是香噴噴的蛋炒飯，所有配料合在一起，全都恰如其分，整體來說，非常岀色好味😋.餐廳有著濃濃港式風情，有興趣的朋友可以去體驗一下。

今日去咗屯門巿廣場行街，然後同朋友想食晚餐，見到門口好多人排隊，而且見到裝修唔錯，空間夠大，應該好受歡迎，食物水準好高，所以我哋就入去試吓呢間餐廳，果然不出我所料，真係超級推介，非常有心思，非常抵食嘅一間鋸扒餐廳，首先呢一間餐廳超級多選擇，有安格斯牛扒，有帶子牛扒，仲有香煎雞扒餐，豬扒，全部都係高水準，仲要奉送餐湯，餐包，餐飲，真係好豐富，好好食呀，仲有非常經典嘅餐包，都係即叫即整非常新鮮，個餐包仲戀戀地，而且塗上好多牛油，真係個錢財不得了，仲有個餐湯可以有羅宋湯或者忌廉湯選擇，羅宋湯嘅蔬菜非常足料，而且味道非常濃郁，新鮮，好吸引，好好食，而且佢哋嘅牛扒嘅份量都有手掌心咁大，而且份量十足，要兩塊，所以每一啖都好似去咗天堂嘅享受，仲有侍應都會好細心為客人嘅扒餐，上面淋上我哋鍾意嘅汁，例如有黑椒汁，仲有蒜蓉汁，真係好香噴噴啦

6人枱坐5個人原本就是好合理既事情，但個侍應入嚟想我哋坐逼少少坐張四人枱，其中一個坐主席位咁啦～比佢做多枱兩人客，原本都覺得好啦，依家食肆好難做，就大家將就將就啦！點知我哋坐好左，我哋叫左兩個扒餐同兩個飯餐..枱面已經冇位…但伙記就咁隊兩個鐵板係枱面 ，唔理夠唔夠位就放係度🤬差啲又整瀉啲水又冇位「据扒」…我哋幾個就要拎住隻碟先食到野！仲要冇禮貌到一個點…未食晒野就收晒啲餐具…大家都係出嚟食餐飯啫…冇唸過要優質服務，但都唔好要人比錢買難受😡

工作忙到午餐時間都過了，餓了大半天，打算食餐好慰勞一下自己，在屯市尋尋覓覓，遠見有不少人在餐廳門外排隊，很少見下午茶時間出現這樣的光景，相信是引領我午餐的明燈，於是來會一會它。一進入餐廳，時尚的格局，卻擁有50多年的經營歷史，是一間港式風味的扒房。餐牌上羅列出不同的經典扒餐和午市套餐，餓到要死，於是點了扒餐來試試它的水準。牛柳餐，奉送餐湯、餐包、餐飲。餐包 - 經典款式，餐包暖暖的，塗上滿滿牛油，簡直開啟了我食慾的引擎。餐湯 - 羅宋湯，蔬菜十足，酸味適中，味道濃郁。牛柳 - 以傳統鐵板上，有薯條蔬菜墊底，侍應還貼心地給予紙巾，因為他要為客人的扒餐淋上醬汁，（我點了黑椒汁），果種喳喳聲和一擁而上的香氣，已經令滿足了視覺的享受。當我一切開牛柳，中間剛好5成熟，肉質軟嫩，很輕易就咬開，老人家都岩食。牛柳的大小有手掌心大，一節手指厚，一份兩塊，份量十足，每啖都是滿滿的享受。特別想講上菜速度迅速，午餐可以有足夠時間享用。屯門從此又多了間性價比很高的扒屋。

今日同朋友去咗食金鳳，耐冇食就掛住佢啲扒餐一早六點幾就嚟到，唔使排隊，外面裏面嘅裝飾都幾靚我哋叫咗一個美式雜扒餐，同埋一個蘑菇西冷牛扒餐餐入面就包咗一個湯一杯嘢飲同埋一個餐包，羅宋湯都幾好飲美式雜扒餐入面有豬扒牛扒雞翼火腿香腸，好似巨無霸一樣，而且佢每樣都有一塊，而且都係好厚好足料，對我朋友呢啲食肉獸嚟講好吸引，仲加錢叫咗杯雜果賓治蘑菇西冷牛扒，我就叫咗五成熟，啱啱好，下面仲有啲薯菜😗食到好滿足食咗兩個扒餐，每人大概百零蚊左右，我覺得性價比都唔錯

今日嚟到屯門，朋友話想鋸扒，即刻諗起金鳳。以往都嚟過一兩次，次次都要等位，仲係相當多人嗰隻。所以今日特登早啲嚟， 六點零鐘嚟到唔使等位，可以直入。餐廳裝修方面唔係行懷舊路線，同朋友坐咗喺卡位，感覺張枱有啲細。我哋都叫咗特選晚餐，有湯、沙律、鐵板帶子西冷牛扒。牛扒十分大塊，味道亦不錯，沙律及湯都有水準，最後還有雪糕做甜品。以呢個價錢嚟講，算係中規中矩，勝在屯門冇其他特別出色的西餐廳，所以解釋咗點解咁多人排隊。

好耐冇出街食飯，就喺附近搵咗間近近地嘅食鋸扒嘅食。好多人排隊，我哋都等咗30分鐘左右。我哋叫咗兩個餐1個set 餐，有埋甜品同埋沙律嘅每月晚餐$190忌廉湯，都比較潔身濃味有蟹棒沙律，沙律都夠凍，芝麻醬夠多👍🏻鐵板帶子西冷牛扒，帶子好鮮甜，內鮮嫩。牛扒熟度啱啱好，唔會靭，黑椒汁比較唔辣。朱古力雪糕，好濃朱古力味，鍾意食朱古力既就岩哂。呢一個係野菌牛柳餐$162，呢個絕對超級好食。牛柳比較嫩，入口有好重牛味，好大份，今次叫咗洋蔥汁味。洋蔥汁唔鹹，配埋薯菜啱啱好👍🏻👍🏻唔怪得知呢間嘢咁多人排隊，價錢同性價比都OK👍🏻

好耐冇鋸扒，今次一於嚟屯門食呢間傳統扒房。平日夜晚黎到都好多人排隊，非常受歡迎。餐廳都係採用返傳統扒房嘅裝修，座位都算舒適，晚餐大部分都包牛油餐包，餐湯同飲品，餐湯可以選擇羅宋湯或忌廉湯，飲品凍飲都唔使另外加錢👍🏼招牌牛柳餐上到枱店員會另外過嚟淋醬汁，好細心咁叫我哋用紙巾擋一擋，叫咗5成熟，有2塊牛柳，厚度適中，底下係薯條同甘筍，牛柳肉質十分淋嫩，一啲筋位都冇貴族牛扒餐(美國牛肩肉)一樣係5成熟，另外加咗蒜蓉，一大塊熟度剛好，都算厚，底下係薯格同甘筍，肉質淋嫩帶少少咬口，肉味比較重，帶少少筋位