金鳳大餐廳 (山林道)

营业中

休息中

週五放工,我和太太來到了尖沙咀山林道的金鳳大餐廳,品嚐正宗的港式鐵板扒餐。推門而入,餐廳裝潢充滿了港式風情,木質桌椅、懸掛的燈飾,再加上窗外的綠樹成蔭,彷彿置身於香港街頭的某個茶餐廳。我們迅速找到了一個寬敞舒適的卡座位,開始瀏覽菜單。太太的眼光很快被鴛鴦扒餐(豬扒+雞扒)吸引了,她喜歡嘗試不同的肉類搭配,於是毫不猶豫地點了這道菜~$128元。而我則選擇了一份色香味俱全的野菌牛柳餐(七成熟)~$162。等待上菜的時候,我們點了兩杯飲品。太太選擇了清新的凍檸檬茶,我則偏愛港式咖啡的醇厚口感,點了一杯冰凍版。終於,鐵板上飄來陣陣誘人的香氣,服務生小心翼翼地端上了我們的餐點。太太的豬扒和雞扒煎得恰到好處,肉質鮮嫩多汁,配上酸甜可口的醬料,令人垂涎三尺。而我的牛柳則煎得恰到好處,外焦內嫩,野菇的鮮香融入其中,令這道菜格外美味。

近排好少食西餐，好耐都無鋸扒🥺今次就揀咗間有五十幾年歷史，好多人都會慕名而來嘅平民扒房之王 {金鳳大餐廳}鋸一鋸佢🍴🥩今次去咗尖沙咀山林道嘅分店，星期四夜晚7點幾到，但係餐廳都已有6成full，食到咁上下發現慢慢坐滿晒人🤯真正好生意啊！👍🏻 今次分別叫咗兩個經典扒餐，美式雜扒餐 ($134) & 招牌牛柳餐 ($148) + 茄汁意粉 (跟餐+$15，大食嘅朋友一定要叫，因為真係好大碗🤰🏻)🍝，另外再追加咗蒜蓉 (各+$2)🤩仲有！食港式扒餐當然要配埋一杯雪糕紅豆冰 (跟餐+$18)同埋凍檸茶啦🍋前菜當然有一碗羅宋湯/忌廉湯跟一個餐包🍞🥣雜扒揀咗黑椒汁，入面有豬扒，牛扒，雞翼，香腸同埋火腿。未上台已經聞到陣陣香味，流晒口水🤤 豬扒唔會過熟，易入口💯牛扒勁厚，但唔會太韌👍🏻雞翼，香腸同埋火腿都不過不失，有煎過嘅香味👌🏻想食多幾款扒/肉類嘅朋友一定要試！👏🏻牛柳叫咗7成熟，有兩大塊，肉質都非常嫩滑，一刀輕輕切落去已經分成兩半🥺加上喺熱辣辣嘅鐵板上面再倒埋惹味香濃嘅蒜蓉汁，完全將塊牛柳嘅肉味提升到另一個層次💯另外一定要提嘅係我哋追加咗蒜蓉！！！鍾意食蒜蓉嘅朋友 一定 唔可

已經少左係香港食晚餐， 今次決定留港撐撐， 選間老字號扒房餐廳支持下， 結論係不如不撐。 $200的餐， 望見份量唔差， 羊3隻算多肉腍口， 西冷牛扒就意外地多筋少肉， 配上的薯格， 形容唔到的硬乾， 兩個餐，油多到洗晒餐盆。想公平比較香港內地餐飲， 唔比較價錢， 都可以意見下食物素質， 簡值一句， 再見啦老字號。

今日因為公司太忙嘅關係，冇時間食lunch🥲放工嗰陣時超肚餓，突然好想鋸扒，就同埋同事沖咗入嚟食😂呢間餐廳，我細細個已經開始食，超級好味同抵食👍；餐廳座位充足，同以前細個食嘅時候嘅燈光同氣氛都係一樣，好有情懷🥰因為太肚餓，急不及待即刻望吓個餐牌有咩食😅📝餐牌內有好多扒餐選擇，我地order左以下食物:💁‍♀️牛柳餐-七成熟 $148-牛柳有兩件，厚身，而且好腍，真係咬幾啖就吞得😌💁‍♀️香燒羊扒餐-七成熟 $176- 羊扒有3塊，都算厚身，羊味重，但唔會好臊，啱晒我嗰位超級鍾意食羊嘅同事😂👉兩塊扒上枱之後，服務員會問想要咩汁，有黑椒同蒜蓉汁揀，我哋兩個唔係好食得辣，所以都係揀咗蒜蓉汁😉💁‍♀️跟餐有餐包同埋餐湯：餐湯揀咗忌廉湯；好Creamy，唔似出邊嗰啲咁好水，餐包會叮熱返先上枱，配埋牛油，超級正😋（私心最鍾意食個餐包🤣)💁‍♀️凍檸茶-$0(跟餐免費)💁‍♀️黑牛-跟餐另加$18- 同事話今日咁辛苦自己，飲杯黑牛獎勵吓，我自己就未飲過，原來係會比罐可樂你自己倒，咁就唔怕面頭舊雪糕咁快溶啦😜❤️溫馨提示: 餐廳另收10%服務費餐廳Staff👬人數充足，每位都有禮貌☺️。鋸扒呢間餐廳絕對係首選😁

喺附近返工。又想食扒。必定會嗌金鳳。唔想食咁多澱粉質佢有扒餐+薯菜岩哂減緊肥既我。諗唔到食咩一定會叫佢食lunch人流唔算好多。因為呢間餐廳既扒出名大大份，因為唔太餓就揀左是日午餐試下，，凍飲都唔需要另加錢又幾好喎。雖然外賣自取，但係都好快揀左個洋蔥豬牛扒餐配薯菜，羅宋湯同凍檸茶。落單後，湯味唔算好濃，酸酸地都幾開胃配埋餐包仔，豬扒食落都算淋，牛扒幾有牛味有少少韌，凍飲都好大杯。午市扒餐係抵食，下次可以試埋鐵板扒。

下午同一班朋友仔係尖沙咀食咗一個大份下午茶， 呢個懷舊餐廳的下午茶真心抵食。份量大，味道足，賣相仲吸引奶茶同羅素湯勁好飲， 不設加1。見到隔離枱叫左炸雞脾+ 半份西多士（ 等於其他餐廳嘅全份）都流晒口水。🤤

連食兩日，叫左招牌牛柳餐7成熟，一上到黎已經驚艷左我，份餐兩大塊牛柳，肉很厚，仲食落去又軟又煙韌，口感非常之好，加上招牌黑椒汁淋落去，好惹味好好食係出面貴雙倍價錢都無食到咁好質素，物美價廉，真係唔好睇尼間店外表平平無奇但係有佢出色既地方，係你要行入去溢牛扒餐先會體驗到，同埋d服務非常好，我坐外面位，佢地問我會唔會坐入面好d，話好多人行過驚會撞親我，我走個時，佢地又同我講Byebye唔該曬，我唔明白點解會有差評，可能d人無溢牛扒餐，只係去溢下午茶，尼間係牛扒餐廳唔係下午茶餐廳 ，溢下午茶咁係唔一定好食⋯⋯

放工好肚餓突然好想食扒，就諗起呢間細細個阿爺帶我嚟食嘅扒房🥹估唔到間餐廳咁耐，人流都仲係咁多，不過都等咗一陣就入到去👍見到餐牌啲肉已經流晒口水，諗咗冇耐就叫咗頂級西冷牛扒餐配帶子同埋美國安格斯肉眼扒餐。揀左紅湯，好欣賞佢入邊加左好多菜😂兩個餐包上枱仲係熱辣辣既，中間加啲牛油再浸落羅宋湯入邊，無得頂🤤沙律就正正常常呢塊安格斯夠灑厚，兩塊扒都叫咗五成熟，生熟度岩岩好，依塊咬落去比較有層次口感因為夠厚，完全唔韌肉眼扒比我想像中薄，一開頭以為會唔夠食，點之最後飽到要係餐廳坐多半個鐘先走得😂勁大塊，個人中意呢塊多啲原因佢牛味會重啲，雖然薄啲但無令佢既半成熟失準。回憶啊，食食下好掛住公公🥹呢間扒房除咗扒好食，仲食出人情味👍

完全不推介！沒有任何優點，餐包一般，例湯十分之難飲，全部菜式質素低下，牛扒質素更為極差，連某些大型連鎖餐廳的快餐牛扒都不如。以後不會再來，建議大家不要來嘗試。極度失望。

每次食金鳳都係食佢哋嘅普通午餐，一直以來都好想試吓佢哋嘅鐵板牛扒今日五六點喺佐敦做完嘢，終於有機會了！今次我就叫咗肉眼扒餐，本身都有諗過食西冷嘅，不過食開肉眼後尾見到隔離塊西冷好似好味啲同埋靚啲哈哈，唯有下次食啦塊肉眼扒都OK嘅，係側邊有一兩舊有啲韌啫可以揀黑椒汁或者蒜蓉汁我今次就揀咗蒜蓉汁個餐$208 ，會額外收+1茶記嚟講都唔平㗎！個餐包括忌廉湯或者羅宋湯，一個餐包，一杯餐飲，係咁多我就揀咗忌廉湯，其實一睇就知道非常一般啦總結呢度嘅食物係茶記質素，西餐廳價錢不過服務人員嘅態度良好，坐都舒服嘅，裝修幾懷舊幾靚

呢類港式冰室既扒房去開都係午市去食lunch，估唔到晚市都掂！👍🏻呢間金鳯大餐廳位於山林道，接近佐敦同尖沙咀交界，熱鬧得黎又帶點清靜，而呢條街都可以稱得上食肆街！今次揀佐呢間港式餐廳主要係想食茶餐廳風味😂黎到扒房當然要鋸扒！辛苦佐一日既工作，叫佐個比較質素高既貴族牛扒套餐（黎自美國牛肩肉）仲有蕃茄焗芝士肉醬意粉😋店員問玻璃碟上定焗板上，當然揀焗板，其中一個鋸扒既儀式感就係攤開餐巾擋住然後店員為鐵板淋汁既’沙沙’聲😂😂 食物質素都不錯！牛肩肉扒非常爽口彈牙，5成熟岩岩好👍🏻配上薯格同菜，份量足夠。另外焗意粉評價都高，個汁雖然比較淡，但係配上焗意粉又剛剛好，加上起絲既芝士，色香味俱全！😋

好耐冇行山林道，想睇吓有咩食，今次揀咗港式老字號扒房-金鳳💕，食飯時間都多人排隊，等咗大概20分鐘，位置尚算寬敞😃青椒鴛鴦扒（豬柳拼牛扒仔）😎午餐有跟餐湯、餐包同餐飲羅宋湯：都幾濃郁，充滿雜菜😍餐包：食落去都微熱🙂青椒鴛鴦扒🥩：今次揀咗配意粉，佢哋嘅意粉係茄汁底意粉，質地軟硬度啱啱好👍🏻，豬扒薄切，肉質尚可，牛扒仔比較細舊，口感一般🙂凍華田：有華田味，唔似出邊茶餐廳飲落去似奶水😍

好耐都冇去鋸扒，喺尖沙咀行行吓街，見到金鳳排晒隊就知道穩陣幸好等候時間唔算好耐，大約等咗5至8分鐘就安排到座位。一坐低職員好體貼放低兩杯水俾我哋，仲同我哋講慢慢睇吓食乜，唔會催你落單趕做下一枱最後叫咗一個貴族牛扒同埋頂級西冷，分別都係三成熟鐵板上，我個人比較喜歡貴族牛扒，因為相對比較腍，同埋多肉汁，而西冷就牛味比較重啲，可以因應個人喜好而選擇。總括而言，個人非常滿意，唯獨是剛好牛柳售罄，期待下一次再來嘗試

💯牛味超濃的中式扒房@金鳯大餐廳=====$142 牛柳餐配一湯一包=====(牛柳每100g只有324卡, 高蛋白質)❤️兩塊巴掌大的牛柳用熱騰騰的鐵板上，黑椒汁一澆，白煙四竄，要用紙巾才擋得住跳脫的汁液，但也因為如此，牛柳表面有少少脆口，五成熟的肉質鮮嫩，沒有血水，牛味亦夠濃厚，以這個價錢來說性價比不錯。❤️羅宋湯是茶記的水準，但餐包上碟時仍暖暖的，牛油是半融的狀態，搽上餐包吃剛剛好======================P.S. 當晚環顧四週，全場賓客幾乎都是點鐵板燒的扒，如果八點才來大概要等一等才可入座。#香港必食#香港扒房 #佐敦美食 

琴晚放工做gym前，諗住做下食肉獸食多啲protein，於是喺gym附近搵到呢間港式扒房試試佢！門面同裝修風格都好懷舊～有好多唔同款式嘅扒餐選擇，價錢都係$140-$220之間呢個range左右首先前菜部分，餐包軟熟暖笠笠，我個人就好中意餐包搽完牛油再浸個紅湯嚟食😝飲品都大大杯，凍檸茶甜味同澀味平衡得幾好🐑香燒羊扒餐同店員講我要3成熟，店員話：「你唔怕羶味先好叫咁生喎」我聽到之後，更加堅定要叫3成熟😆出嚟個效果冇令我失望！首先以呢個價錢，有3舊咁厚身嘅羊架已經好surprised, 之後切落去個下都好驚喜！個羊架厚得嚟但非常軟熟，一開始望落好似好生，但其實用鐵板上食食下就會再熟多少少，所以係啱啱好👍🏻口感好嫩滑但同時保有咬口，羊羶味超重‼️好滿足☺️🥩貴族牛扒餐呢個係美國牛肩扒，牛肉味非常香濃。我地都係叫左3成熟，落完個蒜蓉汁”ja”下個扒之後個熟度就差唔多～肉質軟滑，口感厚實，肉味濃👍🏻呢個餐仲係配薯格添架！-總結：呢餐兩個人大約食左$400左右，以呢個質素同份量嘅牛扒同羊架，我覺得非常值得😋大家行過山林道都可以試試佢！