金飯館

营业中

休息中

在網上很多人都稱讚這間餐廳其炒飯好食，所以今日專誠去試一下。我們叫招牌左椒鹽豬扒炒飯加咖啡及店舖推介的脆皮牛腩飯。可以試下。不過因為炒飯比較油腻，試下就無防。性价比不高。

寒冬除了可以打邊爐外, 吃一碟暖笠笠的炒飯也相當不錯, 又是九東炒飯最強的金飯館, 今次點的是美極安格斯牛柳粒飯, 外表看起來還以為很少牛柳粒, 原來全都潛藏在飯裡, 牛柳粒表現如上次一樣, 外脆內稔而且脂肉層次分明, 少少焦香和豐富肉汁令炒飯更香. 美極平均沾在飯粒上, 味道平均而不死鹹, 再加上荷包蘭王蛋及其濃重蛋汁, 依然相當滿足.小食點了沙嗲, 而非咖喱味的三寶, 有豬皮, 魷魚及牛柏葉, 三者和傳統車仔麵店分別就是口感夠爽, 而且沒有雪味. 沙嗲香中帶花生味, 後勁的辣味恰到好處, 沒有過膩過多的椰汁. 將魷魚包著柏葉來吃, 更是另有一番風味.

由於上次夜晚嚟食過真係太正，見今日做冬，想搵d 好食嘅野食下，唔好下下食快餐，同同事決定係有限嘅lunch hour 都搭車衝嚟食，點知今次居然有d 失望。去到果然已經8，9成有人坐，本身兩個都勁驚要等好耐，未到之前已經睇定食咩，一坐底就即叫，務求慳返d 時間，畢竟佢即叫即整，加上上次晚飯都知真係要d 時間等。仍然決定食返上次個兩個飯，係，我地係冇新意🤣，分別係秘製沙嗲牛肉雙燶邊蘭王蛋飯 $78 同埋即叫即炸椒鹽豬扒飯 $78，同事再叫咗杯手攬檸檬水 加$8。叫咗冇耐好快個沙嗲牛肉飯已經到，有d 出乎意料地快，兩隻蘭王蛋都係燶邊，同事都係話正，炒飯都係粒粒分明，但d 沙嗲牛肉個味我地都覺得爭咗dd，同埋d 牛有d韌，同夜晚個次有d 唔同，不過佢都仲係好食過出面唔少餐廳。隔多咗陣個椒鹽豬扒飯都到埋，完全快過上次好多，炒飯都係粒粒分明，但今次d 豬扒真係好失望，係淋晒，完全食得出唔係即整，今日真係唔掂呀個椒鹽豬扒飯。🥲🥲🥲侍應就見同夜晚好似有d 唔同，好奇朝早同夜晚廚師一唔一樣🥲

今次已經係第二次來到此店.我記得上一次同埋今次點餐都是一模一樣.點餐如下：1. 脆皮牛腩飯要 （沙嗲汁）➕凍咖啡.2. 椒鹽豬扒飯 ➕凍咖啡.上次覺得啲炒飯是凍的.希望今次有改善.本人較喜歡吃熱飯！大嘅等咗十分鐘.第一樣上枱是脆皮牛腩飯.牛腩睇落有點乾.好彩有碗沙嗲汁.把牛腩帶回幾多美味提升.可惜啲炒飯都係凍啲.失望！第二樣是椒鹽豬扒飯.上枱聞到豬扒及椒鹽配料好香.賣相好吸引.豬扒超好味.這個我是超喜愛嘅菜式！話說回頭啲炒飯都係凍的.我懷疑店家一早就已經把飯炒好.然後把炒飯上碟.再加埋新煮嘅菜式加入凍咗嘅炒飯面.形成上熱下凍.店家如果再沒有改善的話.相信顧客便會漸漸減少流失！還有我覺得呢度嘅凍咖啡幾好飲.咖啡味濃香滑.不會因冰粒溶解.溝淡咖啡味道.值得一讚！

同事強烈推介牛頭角呢間餐廳比我，話我食過一定讚。我又即管試下...入到餐廳已經聞到勁香，見每張枱嘅隔板都印上「即叫即炸．椒鹽豬扒飯」wow......真正嘅"色香味俱全"果然係招牌菜🥰豬扒肥美肉嫩，完全唔鞋，仲好厚肉。金黃嘅炒飯底，靚嘅炒飯，一定係粒粒米飯都鬆散的👍🏻大大碟，足料夠份量。面層仲舖滿炸香蒜．蔥花同辣椒。真心好食加多杯「手攪檸檬茶🍹」超滿足餐廳乾淨衛生，下次都會再嚟試其他款式😋

炒飯專門店😳⁉️好耐無嚟觀塘呢頭，見到呢間新開就試試佢🔎環境都算光猛企理💨❃ 即叫即炸椒鹽豬扒飯 $78 （凍飲另加$8）新鮮炸起嘅豬扒金黃色好有份量🤩每舊都好大塊，咬落好厚身，醃得入味而且冧滑～表面撈咗啲辣椒同XO醬，食落咸香十足😛炒飯底呈金黃色，做到粒粒分明，但對我嚟講就有少少乾身🤔❃ 美極安格斯炒飯 $68呢個唔係好推介，炒得偏油，有鑊氣但味道唔算好香口好特別，牛肉粒亦都係普通，最後無食曬🧐

金飯館最出名都係蛋炒飯下雨天不想買餸走咗去食個晚餐便算了椒鹽豬扒炒飯都係一個招牌菜，所以都係必點的佢嘅蛋飯真的炒得很乾爽，最緊要配埋椒鹽撈埋一齊食，味道會提升的，豬扒亦很大塊，有厚感，份量亦很多足夠兩人食用另外就係咖喱牛肉雙燶邊蘭王蛋飯個名稱很有氣勢仲要係雙蛋來的，蛋王很紅色很香另外小食要左蜜糖芝麻雞翼，同朋友研究點解可以做到咁脆口而且掩得很入味，很好味😋一邊食嘢一邊聽到很多外賣，很多人都好支持呢間小店的確食物嘅質素係不錯的

之前有朋友介紹我食呢間新開既餐廳，今晚一食，果然好味！1.秘制炒牛肉雙燶邊蘭王蛋飯$78雖然係金飯碗係一間快餐廳，但竟然用蘭王蛋，深深感受到呢間係一間有質素要求既餐廳！煎蛋既燶邊好出色，係脆到有聲既！蛋黃亦非常流心！牛肉好香。炒飯非常乾身、有鑊氣！好難得！😋😋2.即叫即炸椒鹽豬扒飯$78椒鹽豬扒肉質粉嫩易咬，炸皮夠薄，炒飯一樣乾身出色👍🏻👍🏻🤣3.蜜汁雞翼五隻$48熱辣辣！非常蜜汁！皮脆肉嫩！😋😋師傅好有工架，會再Encore!

牛頭角有間炒飯專門店，次次經過都見到佢入面坐滿人，今次經過終於都有機會試下佢咩料子。秘制沙嗲牛肉雙噥邊蘭王蛋飯蘭王蛋好食就出哂名，估唔到呢間鋪頭竟然用蘭王蛋做炒飯，真係好少見。一上碟果下就見到個蛋黃非常紅，蛋味十足，半生熟既程度岩岩好，見住佢蛋汁流落d飯度真係流哂口水。椒鹽豬扒飯椒鹽豬扒飯係呢間鋪頭既招牌菜，即叫即炸，仲要每日限量供應，所以都要d時間等下，不過不失所望，份量真係無欺場，豬排既數量比起平時既多好多，塊塊都好大，豬排都好淋身，好易入口，椒鹽都好香好好食一啖豬排一啖飯真係夠哂邪惡。

今日去搵觀塘美食見到呢間foodie大推嘅碟頭飯又去試下裝修係比較新式茶餐廳主要食炒飯所以吉祥物都係一隻金黃飯粒都幾可愛😂揀左每日限量嘅即叫即炸椒鹽豬扒飯同秘製沙嗲牛肉雙燶邊蘭王蛋飯！食物上菜速度快啱晒喜歡快靚正嘅香港人！好好彩兩款都有招牌炒飯底椒鹽豬扒飯勁大堆頭炸蒜辣椒少不了避風塘口味豬扒切左件但保持厚度完全唔鞋口有辣椒但惹味多過辣熱辣辣食，勁好送飯！沙嗲牛肉雙燶邊蘭王蛋飯蘭王蛋勁吸睛！個蛋黃勁深色，勁濃蛋味沙嗲牛香甜唔辣有花生香味牛肉淋滑又係好好送飯炒飯底本身乾爽無油粒粒金黃食落有蛋香就咁食都好味蜜汁雞翼熱辣辣勁新鮮有蜜香雞翼香脆！呢度比觀塘大部分茶餐廳高質價錢唔差太多快靚正下次午餐都食快餐都可以一試！

是日路經牛頭角，見到開左唔少新餐廳，金飯店就最eye catching。店員熱情款待，等野食嘅時候，聽到廚房傳來嘅炒鑊聲，一聽就知夠鑊氣。等左一陣，食物熱辣辣送到面前，絕對係即叫即整。🐷 即炸椒鹽豬扒飯送上枱嘅時候嘩左一聲，好大碟，成座山咁高。舖滿晒椒鹽、蒜同辣椒，勁香🤤豬扒份量多同厚身。係炒飯底，鑊氣十足又香口，雖然鋪滿好多椒鹽同辣椒片🌶️睇落好辣，但食落並不辣👍🏻🥘 秘製沙嗲牛肉雙燶邊蘭王蛋飯牛肉重牛肉味，唔會過份醃製，沙嗲汁味道濃郁。隻蛋煎到脆邊，用筷子篤落去係脆身。餐廳係用蘭王蛋，源自日本，蛋黃會比一般蛋香濃。飯底係炒飯底，粒粒分明，呢三樣嘢配搭岩我口味😋🐔 椒鹽雞翼舖滿椒鹽嘅雞翼，識落不會太油膩就外脆肉嫩🤤

收工喺附近食個茶記，今次同家姐揀咗呢間金飯館，佢哋嘅燶邊蘭王蛋同豬扒都好出名㗎😋秘製炒牛肉雙燶邊蘭王蛋飯 - 沙嗲汁首先想講兩個飯都超級大份量，女仔要記得叫少飯，真係會食唔晒㗎！牛肉好軟腍好好味，加埋沙嗲汁簡直係絕配🤤 飯底係超香嘅蛋炒飯，好味到唔鍾意食飯嘅我都食咗好多🤤 隻蛋更加出色呀，超香超流心，又靚又好味！即叫即炸椒鹽豬扒飯呢個又係冇得唔試嘅椒鹽豬扒飯！即叫即炒好脆皮！椒鹽鹹味適中，唔會太重口味，辣味就可以多啲😈😈 重點係啲椒鹽撈埋落個飯度食又更正啊🤤椒鹽雞翼 5隻雞翼都係即叫即炸，脆皮之餘鎖住肉汁，讚！

📍金飯館📮牛頭角牛頭角道323號地下J號舖.🙎🏽‍♂️係牛頭角見完客已經夜, 決定近近地係附近搵野食, 經過見呢間食碟頭飯既餐廳坐滿晒人好似幾唔錯, 就即管試下呢間金飯館既水準啦.即叫即炸椒鹽豬扒飯 HKD78坐低左之後, 周圍望下隔離啲人食緊咩, 見到差唔多每一台客人都有點呢個飯, 相信係餐廳嘅生招牌😌唔洗10分鐘, 新鮮炸起既豬扒飯就ready上枱🥢炒飯底呈現金黃色, 粒粒分明, 充滿鑊氣, 豬扒份量驚人, 有成5-6 大舊, 岩哂大胃王🤭上面仲鋪左好多炒到好香既料頭, 令個飯更香更惹味秘製沙嗲牛肉雙燶邊蘭王蛋飯 HKD78沙嗲牛麵就食得多, 沙嗲牛飯真係第一次見🧐除左香噴噴既沙嗲牛之外, 呢個飯仲加左兩隻用日本蘭王蛋整出黎既荷包蛋, 香濃既蛋汁加濃郁既沙嗲汁, 撈埋落個炒飯底食先至係成碟飯精粹, 根本唔需要太多餸已經足夠KO哂成碟飯🤤蜜汁雞翼 5隻 HKD48呢度既雞翼可以稱得上係king size, 大大隻好厚肉, 即叫即炸, 外皮查滿晒蜜糖🍯.餐廳價錢經濟, 食物高質, 相信係牛頭角街坊既飯堂😙唯一提醒大家碟頭飯既份量都幾驚人, 就連出名大食既🙎🏽‍♂️都係好給力先食得哂一碟飯,

第三次幫襯這家炒飯專门了。做得回頭客，上兩次經驗一定不差，是事實。分別試了其椒鹽豬扒勉，及招牌蝦頭油炒飯，俱非常滿意。今午信心滿滿的渡江，從此“角”北角，到彼“角”牛頭角，試其脆皮牛腩炒飯，據說捧場客亦眾。誰知炒底依舊，餸料全非。。。今天變了“三伏天”，伏伏伏。。。脆皮偏厚点但仍香脆可口，附上一大碟沙爹汁，雖然沙爹味稍薄，但仍可接受。炒飯亦是一如既往的出色。惟獨是那七片牛腩，乾得很嚇人，文字不好形容它的乾度，照片可以吧!沙爹汁此時已發揮其功能，希望救得幾多得幾多，但牛腩片的零濕度，返魂乏術矣。对面小哥哥叫鱼片飯，賣相極佳。看他吃相，便知是佳作。此店大部分出品應該仍值得捧場的，下午一時的人龍可引證此點。祇是，要不要點這碟乾腩炒飯，自己判斷好了。

金飯館 (牛頭角)••••••••••••••••••••••••••••••✄( •8• )✄( •8• )✄( •8• )✄( •8• )••••••••••••••••••••••••••••••♥️餐點：•蜜汁雞翼（5隻）•即叫即炸椒鹽豬扒飯•秘制沙爹牛肉雙燶邊蘭王蛋飯•凍檸茶••••••••••••••••••••••••••••••♥️食評：🧐超旺嘅餐廳，相信大家入去就係為咗食佢嘅招牌菜即叫即炸椒鹽豬扒飯！基本上每枱都有叫呢個飯🤣等我都試吓睇吓咩質素先！即叫即炸椒鹽豬扒飯，份量非常之多，豬扒每塊都大大塊，有成4、5塊疊到成座山咁🤣真係唔係誇張，覺得兩個人食一碟飯都夠啦！豬扒炸得幾香，唔會韌，幾好食，加上大料配料，炸蒜蔥辣椒等，好惹味。飯係炒飯底，粒粒分明之餘一啲都唔油，真係唔錯。秘制沙爹牛肉雙燶邊蘭王蛋飯都幾唔錯，沙爹牛肉唔係平時係茶餐廳嗰種罐頭沙爹牛肉，呢到嘅沙爹更重花生同香料味，另外不得不讚嘅係佢嘅煎蛋！煎蛋好好食🤣好有水準，煎蛋煎到燶邊好脆，蛋嘅味道好濃，果然係蘭王蛋，真係食到有好明顯分別，顏色都比一般蛋橙好多，好味。最後仲有蜜汁雞翼，個人都好推介，蜜味好重，雞翼外層好脆