金飯館貳·零 肉餅·焗飯專門店

营业中

休息中

好耐之前已經係openrice揾到呢間今次終於來左試全自費既大概夜晚8點幾左右來 已經見入面好多人排左一陣就入去不過唯一唔好處係繁忙時候2pair人要坐4人卡位 但無隔板雞扒蛋炒飯雞扒份量好多 就咁睇有2塊而且新鮮整 好juicy香口連埋飯夠女仔2餐食隻太陽蛋煎得好吸引 色香味俱全蜜桃焗豬中意芝士焗完表面個皮既人呢個飯適合你芝士份量適中加埋蜜桃甜甜地調味豬扒唔會太硬加埋炒飯底真係唔錯有機會會再來食如果中意炒飯 焗飯 太陽蛋呢個回頭率好高

今天去了旺角一間叫金飯館貳.零.肉餅.焗飯專門店，好多人排隊，等左一輪，终於入去光顧, 餐廳牆上掛住球衫作佈置，又幾特別😆 蔥油肉餅配蘭王蛋飯 🧆🍳🍚$56 肉餅好足料和厚身，食落十分香口，蘭王蛋十分流心，蛋汁撈钣，再加上滿滿蔥花，可自加豬油和豉油，口感一流😍蜜桃鲜茄焗豬扒飯🐽🍑🍅🍚 $78豬扒份量好多，而且配上香濃嘅芝士、香甜蜜桃和蕃茄加埋焗飯，口感超豐富😋即炸三寶丸(沙嗲汁)🍡$26三寶丸分別係墨魚丸、貢丸和牛丸。墨魚丸有淡淡墨魚香味而且彈牙，貢丸好香豬肉味☺️，牛丸也炸得好香口，而且提供埋沙嗲汁，不錯小食😜整體得分: 4.5/5味道: 4.5/5環境: 4/5抵食: 4.5/5🎇金飯館貳·零 肉餅·焗飯專門店🎈旺角廣華街38號地舖@goldenbowl2.0

見社交平台片拍旺角新2.0店似食物差，有點吸引，故今天經旺角就試吓啦！去到同服務員落單但表示要自行手機下單，但由沒給QR code我們, 服務員這點真要注意！本應这是小事，但餐牌，每個飯及食物絕對正常餐廳價較高，本應要對得住價錢哪就可以，但什麼招牌煱豬都只是正常高少少而已，但價格七八十就绝對可去找到很多更好選擇！而芝士咖哩煱魚就太差！不但舆照片差太遠，而且咸到我兩都一吞不了全部！不只，店內桌上寫了要食好西，就要唔怕等，但等當然唔怕，但好食何來？餐牌寫加6元有熱飲，凍飲就12，但手機就只有免沖凍飲！可能是水吧無人手。ok,樓面人手完全效率低，水都唔提供，差過連所快餐！食物差，環境迫，坐位細細張椅，冷氣唔係處處有擋板，可能我哋唔好彩坐正風口！等久但要快走，加上食物對唔住你哋講要食好就要等，我就話食好一定唔係去你度。沒有下次了！不能信社交平台D片喇。

今日買完桌遊順便去附近搵食先至發現呢間抵食"飯"堂😍佢既飯類選擇好多，質素亦都好出色👍平時去茶樓都會叫蒸飯既我我見到肉餅飯點會錯過😎黑松露墨魚餅飯 ($62)無令我失望。 肉餅混入翠肉瓜粒同墨魚肉，營造出有咬口的感覺，有別於外面食到既肉餅。配上蘭王蛋同秘製醬油，豬油令味道更香更邪惡😈朋友叫左芝士焗肉醬配蘭王蛋飯 ($72), 聽落個名無乜特別但個人認為佢既炒飯式落左好多功夫，加左疑似蝦頭油既炒飯同大量蕃茄洋蔥粒，頂層再鋪上厚厚芝士同肉醬😋 未食完我已經決定下次要再黎食其他野。p.s. 佢既刈包都好吸引，不過個胃已經裝唔落唯有等下次🥺埋單 $134, 2人好食指數：⭐️⭐️⭐️⭐️⭐️性價比：⭐️⭐️⭐️⭐️⭐️

我好少寫食評，所以無圖。今日係旺角很左好耐無意中發現金飯館意外地高人氣。二話不說就入去坐底食。上菜速度正常，唔算慢。環境：裝修幾唔錯，旺角嚟講算地方闊落味道：一間餐廳最重要嘅味道，金飯館的確沒有令我失望。黑松露墨魚肉餅真係色香味俱全。另外點左個沙嗲牛肉雙蛋炒飯，賣相更吸引。但係味道都係肉飯好。每枱都有支小茅台同醬汁，店員表示真的可以在下幾滴茅台到餸菜上。而枱面的茅台當然只是個空樽，但是還能聞到濃濃的醬香味最後就係服務，可以話係金飯館最大的敗筆。旺角人多，要搭枱要等大家都可以理解。但係坐底點左餐之後，店員為左提高返桌率，要求食客多次移動就太過份了。唔介意同其他人搭枱，並不等於唔介意食食下野要轉去另一張枱去方便未入座的客人。埋單之後員工再次想理論，我真係唔知重有咩好理論，全世界咁多間餐廳，就係金飯館先會叫個客食食下野放底碗筷，搬個客去另一張枱。希望餐廳老闆睇到呢個Comment，唔好再為難客人啦。從來入左坐叫左野都無客人會想再郁，咁樣同趕客無分別

經過呢間在旺角的金飯館貳·零 肉餅·焗飯專門店，見有我哋想食嘅食物，便進入開餐囉。雞軟骨肉餅飯蘭王蛋飯，隻蛋煎得好靚，充滿蛋香，雞軟骨有咬口，肉餅調味比較咸，撈埋飯食就剛剛好。蜜桃焗豬扒飯, 豬扒肥瘦適中，很易咬開，醬汁用新鮮番茄🍅製成，蜜桃代替了其他餐廳用的菠蘿🍍，蜜桃🍑的甜味能中和番茄的酸味，飯粒分明。芝士滑蛋鰻魚刈包，鰻魚肥美可口，配埋滑蛋、芝士🧀️無得輸，咬落去刈包好軟淋，層次感豐富。

之前喺牛頭角食過金飯館1.0，今次見旺角開左分店係2.0，菜式都有少少唔同，有刈包、焗飯、肉餅等新菜式，仲多左枝茅台🤣就嚟試吓先😋見到餐牌寫住必食兩個字就叫嚟試吓😍🌟蔥油肉餅飯 $56🌟肉餅煎至外脆內嫩，加左蔥油味道好香濃，旁邊仲有個蘭王蛋，係即叫即煎，好靚，同啲飯撈埋一齊，正👍🏻唯一美中不足既係個飯熱啲就更好了😳🌟蜜桃鮮茄焗豬扒飯 $78🌟呢個炒飯底既焗豬扒飯，個炒飯好好食，係粒粒分別，好少有餐廳可以做到呢個效果，豬扒係有炸過再去焗，食既時候仲係少脆既口感😋

今晚朋友話帶車車食好西, 嚟到位置旺角嘅金飯館, 雖然時間尚早, 但都已經全場爆滿, 上網一睇原來E間餐廳係分店嚟, 主打肉餅同焗飯, 當然要試一試! 而車車最期待嘅就係有茅台嘅新招牌菜✨️堂炙醬香肉餅飯配蘭王蛋飯✨️, 完全係車車沖住嚟嘅原因!✨️堂炙醬香肉餅飯配蘭王蛋飯首先店員會倒一細杯茅台酒係肉餅上再點火,茅台酒香滿滿, 加埋豬油同秘製豉油再將蘭王蛋刺穿, 蛋汁緩緩流下, 肉餅口感柔軟, 鮮味十足, 完全冇諗過茅台係可以同肉餅做fd✨️黑松露墨魚餅飯將墨魚同翠玉瓜混入肉餅之中, 令食起上嚟口感增加, 而上面係香噴噴嘅黑松露醬, 配埋煎到燶邊嘅蘭王蛋, 無得輸!✨️蝦頭油炒飯櫻花蝦差唔多鋪滿哂成個飯, 勁香蝦味, 飯粒炒得幾乾身好有鑊氣, 入面滿滿嘅配料食落口感更豐富, 由於用左蝦頭油去炒個飯, 所以味道會更濃郁, 份量方面都好大碟, 非常抵食✨️蜜桃鮮茄焗豬扒飯飯底係炒飯, 同樣炒得幾乾身, 做到粒粒分明,搭配口感鬆軟啖啖肉嘅豬扒, 鮮蕃茄打成嘅醬汁同蜜桃, 清新得嚟好開胃!✨️沙嗲牛肉雙燶邊蘭王蛋飯沙嗲味極為濃郁, 每片牛肉都沾滿醬汁, 口感嫩嫩的, 配埋雙燶邊蘭王蛋, 會唔會太邪惡呀!

🍛🍛🍛早排去試過午餐都唔錯，今次再去食晚餐，原來全日都同一款餐牌，價錢都一樣，夜晚又幾抵食，但感覺比第一次差黑松露墨魚肉餅飯($62)同行foodie提出肉餅應該係蒸，所以肉餅黎到既時候，提出一個更合適既名字，叫「漢堡扒」煎得好香脆，有翠玉瓜同墨魚，翠玉瓜加左落去有刻意佔空間之嫌，令到肉餅睇落好大件另一foodie認為似炸多過煎，翠玉瓜吸油，所以食完好膩好油👎🏻👎🏻👎🏻原條鰻魚糖心蛋炒飯($88)炒飯唔錯，鰻魚都算好有份量，加埋煎蛋，都叫做攞哂分，對得住個價錢，反而比肉餅飯更好味順帶一提，餐廳有個短頭髮職員呀姐好嘈，以為自己好好客，其實佢發出既都係噪音👎🏻👎🏻👎🏻另外安排坐位混亂，圓枱既size令到客人唔知搭唔搭枱好平日晚上7:30左右，圓枱無人坐，但都要求單獨既客人在卡位搭枱，而該客人都面有難色

之前喺牛頭角見到呢間已經想食 但係未有機會而家開咗喺旺角就梗係要去食下啦 我哋早咗少少到所以唔使排隊 但一到七點開始人龍就冇停過蔥油肉餅配蘭王蛋飯見到個燶蘭王蛋真係好吸引😍個肉餅係好出色 咬落去好有口感 唔會話淋pat pat 啲材料好豐富 香菇味濃又juicy👍🏻必點推薦芝士焗肉醬配蘭王蛋飯最怕食焗飯啲飯會濕立立 佢個飯底炒到粒粒金黃色 乾身好味 再配埋啲肉醬同蘭王蛋汁味道倍增瑞士汁雞翼雞翼好入味 皮滑肉嫩 香甜惹味另外佢仲有個醬香肉餅 餐牌寫住話店員會淋啲茅台上去再點火 不過當晚未見到 應該會好精彩 有機會再嚟食先

行開旺角，見到有間餐廳用咗自己嘅招牌菜式做餐廳名，相當有特色，就決定同友人一齊入去試吓佢地嘅招牌菜：生煎肉餅飯 + 焗飯😋！🌟 奧爾良雞軟骨肉餅 $62肉餅即叫即煎，一上枱已聞到好香，仲要熱辣辣，仲有煙出！肉餅好厚身，面頭有蔥油+香蒜粒，再配埋蘭王蛋，賣相好吸引，而且真係香氣十足！肉餅食落口感好鬆軟，但肉質唔會散開，肉質裏面仲有滿滿嘅雞軟骨，食落好脆口，豬肉同雞軟骨嘅份量分佈均勻，整體口感好爽口，味道鮮香。最後，將蔥油、蒜粒、蘭王蛋蛋漿，以及豬油同餐廳秘製豉油同飯撈勻一齊食，真係油香四溢，超級滋味，好滿足，忍唔住食完一啖又一啖！🌟 蜜桃鮮茄焗豬扒飯 $78菠蘿鮮茄豬扒飯就聽得多，蜜桃真係比較少見！而餐廳就係焗飯加入咗香甜嘅蜜桃，令鮮茄嘅酸味能夠中和，食落甜甜酸酸好開胃！而豬扒真係好足料，好大塊，肉質新鮮，食落好嫩滑，豬扒面上仲有一層濃濃嘅芝士蓋頂，好邪惡，但好好食！最後要提一提焗飯嘅炒飯，炒飯加咗蛋一齊炒，炒得好香好金黃之餘，仲粒粒分明，好好食，撈上蕃茄蜜桃芝士醬汁一齊食，夠晒惹味。

金飯館貳 •零 肉餅• 焗飯專門店黑松露墨魚肉餅飯呢個肉餅飯真係店舖嘅一道特色菜😋🥰結合了黑松露、墨魚和肉餅的美味😙😙😙佢哋用左新鮮豬後腿肉同腩肉😍😍仲有黑松露😇😚真係有濃濃既香味同口感😍蜜桃焗豬扒飯依個焗豬扒飯味道令人驚喜😍豬扒經過烤制後😁肉質保持鮮嫩多汁🤫散發出微微 炭烤香氣😁😁蜜桃甜味與豬肉的鹹香完美結合😆形成獨特甜鹹對比😁簡直回味無窮！而焗烤的米飯吸收左豬扒同蜜桃的香氣😆有一種濃郁的口感和香味😁😆瑞士雞翼雞翼外皮酥脆🥰肉質鮮嫩多汁😁😁簡直係每一口都令人驚艷😆瑞士雞翼烹飪技巧令 肉質保持左柔軟度☺️依個係值得讚嘅😋同時外皮的酥脆質感為整體增添了層次感😆😆整體來講餐廳性價比高☺️抵食又大份😆大分到一個人都食唔晒😋😋而且又好食🥹🥹🥹📍 金飯館貳·零 肉餅·焗飯專門店 (旺角)旺角廣華街38號地舖❤️‍🔥價錢：8/10❤️‍🔥味道：8.5/10❤️‍🔥服務：8/10#hkfoodie #hkfood #黑松露 #肉餅飯 #蜜桃豬扒飯 #旺角美食 #焗飯專門店 #美食旺角 #旺角好去處 #廣華街美食

金飯館2.0價錢💲: $62/ $83/ $26好味程度😋: 4/5服務🍴: 3/5環境🗾: 3.3/5性價比🥢: 3.7/5回頭率😚: 3.7/5-偶爾想食下港式茶記，知道呢間係牛頭角都幾出名食炒飯、沙爹牛等的呢排係廣華街都開左分店。平日夜晚去成條街最好生意的就係佢，好多男人幫親🤣但可惜當日打完風，安排有d混亂，好多野都食唔到。姐姐的態度都可以好d😳佢地的飯分量好足，男仔一定中意！-✅金沙鹹蛋黃肉餅飯。肉餅飯係白飯底，但每張檯都會有一枝豉油膏或豬油，超級邪惡。白飯底唔會太濕，食到一粒粒的👍🏻肉餅有些少肥肉的比例，唔會感覺好肥膩，但有肉的甘香。肉餅外層煎得幾香，入面包住一隻大大的鹹蛋黃！鹹蛋黃好梅香，比我平時食的更鹹，成個味道好出😍仲有一隻煎得好靚的燶邊蛋！用左蘭王蛋，感覺即刻高級d!同埋蛋香特別濃，用d蛋汁來撈飯🤪-✅蝦頭油炒飯。呢個炒飯非常多料，幾乎啖啖都有！蝦🦐ok，蠔仔係大size，肚位好肥美，唔腥😬成碟飯好多櫻花蝦，超級香！帶小小來自蝦頭油的蝦膏味，加葱同蛋係冇行輸🤤 仲要夠鑊氣同乾爽！如果可以更熱就更好啦。-🆗即炸三寶丸(沙嗲汁)。三寶丸分別係墨魚丸、貢丸同埋牛丸。墨魚丸用

今次嚟到關注組大推嘅金飯館食飯，下午2點半，以為會少啲人點知都係爆哂，要搭枱~我哋揀咗一個流沙鹹蛋黃肉餅飯、蝦頭油炒飯同埋沙嗲牛肉腸粉肉餅即叫即煎，都等咗一陣，上枱冇令我失望好香口，勁厚身~加埋燶邊嘅流心蘭王蛋🤤 想再邪惡啲，可以再加埋每枱枱面都有嘅自家製豉油同埋豬油🤗🤗 重口味之最~ 碗飯份量都幾多，見到啲評論話一人份量，一個女仔絕對食唔晒啲飯🥹蝦頭油炒飯上枱俾佢嚇親，堆到座山咁高🤣 好多櫻花蝦仲有蝦仁同埋蠔仔，所以啲飯炒得好香，粒粒分明勁有鑊氣！炒飯份量都好多，目測其他枱啲炒飯都好似食淨少少，真係驚你食唔飽咁🤣 呢個炒飯食落一啲都唔會覺得好油膩，真係令人一啖接一啖🤤沙嗲牛肉都係呢度必試，揀咗呢個腸粉食。蛋炒腸粉非常香口，再加埋佢哋嘅沙嗲牛肉真係一流！沙嗲好香花生味，好濃郁，下次可以直接嚟試佢嘅沙嗲牛肉麵🤣一路食出面繼續係排長龍，但係啲嘢都係即叫即整，所以都等得比較耐，同埋環境都係茶餐廳咁，比較逼夾，但呢個價錢同份量真係好抵食！

下午茶黎食個tea，入到去都係一貫茶餐廳作風明明有位都要迫你搭枱，坐左陣都無人比餐牌， 到我問餐牌佢就話scan QR code，但我無QR code order 完個 沙爹牛肉蛋飯，等左我半個鐘，另外個燒賣等左我7個字， 中間追過兩次都係話人多要等多陣， 炸嘢要等耐少少， 等唔緊要如果你明知要等咁耐落單時就應該同我講聲，打工仔放飯時間有限 食物質素方面絕對唔差都感覺到有心機做， 但食嘅時候侍應不停你一句我一句， 呢張枱追咩，嗰張枱追咩，又話呢張單錯嗰張單錯，其實好困擾，整體上食物質素合格，但都係個句，堂食要食埋個環境同服務，但呢2方面我會比唔合格， 認真希望佢哋好好檢討，唔好浪費咗本身個食物質素。