3
3
7
港铁朗屏站 B2 出口, 步行约5分钟 继续阅读
营业时间
星期一至日
12:00 - 23:30
座位数目
34
其他资料
电视播放
以上资料只供参考,请与餐厅确认详情
食记 (13)
食物质素差,员工态度更差!情人节个日谂住同男朋友静静地食个饭,所以留左系元朗。听朋友讲话佢系北韩人开,见几特别就谂住带男友去试下。一去到好彩有人走,唔洗等就入得。叫左d串烧,石锅饭,韩国菜饼,韩式炒年糕,泡菜炒五花腩。嘿,真系嬲,首先黎左个石锅饭,同男朋友开心share, share完仲有一大半放左系度,谂住一阵再食。点知个肥妹仔侍应走黎问系咪收得-_-"想收左佢,傻架?食左都冇10分钟!后来d串烧黎左,咁我就好顺手一路烧,一路「审」d 粉系d串烧上,点知佢话我搞到佢间铺好大烟-_-搞到有人投诉,但重点系佢铺头系以BBQ作卖点,但系无抽风系统,亦都冇提我唔可以直接「审」d粉落去。好啦,开始有人等位啦,佢就想赶走我地,ok我明白,我都唔想阻人做生意,但我地叫左d食物都未食完,仲有一大碟韩国菜饼,韩式炒年糕,泡菜炒五花腩!佢我系咁望住我地,好似俾紧压力我地咁,咩事!?食物质素真系唔好提,好普通。唯一想讲系果个韩国菜饼,厚到无伦,韩国食过同见过都冇厚! 味道仲衰过酒楼d咸薄撑!系佢地呢2母女(我怀疑)ge服务态度,眼神催赶下,以及系咁样ge食物质素,我地真系无福消受!好差ge用膳经历!永远都唔再去! 继续阅读
(以上食记乃用户个人意见 , 并不代表OpenRice之观点。)
等级1 2014-12-11
364 浏览
同朋友一齐去食晏,上网睇啲相以为会几好食,点知又难食又唔够正宗个韩式炸鸡一开头食落去几香,但愈食愈难食,啲鸡好粗糙又唔够脆,啲酱又一般,只系普通韩式辣酱混啲切碎既蒜头再淋啲芝麻上去,份量ok既,价钱$38,但因唔太好食我同朋友都食剩5-6嚿。另外到个石头锅饭,睇个样真系呃得吓人,但其实冇乜酱,要自己另外再加啲酱先有啲味,啲鸡肉又系粗糙,泡菜拌完比个锅烧到冇乜味,因为实在太热既关系,食到好慢,啲饭已经比个锅整到又干又焦又浆,总之就系好难食,食到一半已经冇食,不过份量都多,价钱$38。总结:环境唔靓,装修太求其,个feel一啲都唔似系韩国餐厅呢间野唔会再食,无下次,真系好伏 继续阅读
(以上食记乃用户个人意见 , 并不代表OpenRice之观点。)
等级1 2014-07-26
498 浏览
之前经过元朗见到呢间韩式菜,特地找天来试,结果失望而回。本来开呢个acc系为左save下有乜餐厅好食,但都忍唔住写番一篇黎讲下。服务:我地两个人今日系晚上七点来食晚餐。一去到就已经俾waitress态度好差咁问几人,烧唔烧烤,之后就行开左,过左阵先话派张飞我地等。决定点乜菜之后,我叫左几次waiter都冇人理,或者应完就算,𠮶位应该系前几个食评所讲嘅女仔。点完餐,明明个套餐有饮野,就要问系咪有先话有,唔系就当冇左件事。最后点完餐,我地叫四样野,只系黎左三样,个饭漏左单,不明白为啥用机落单都可以落漏。食物:我们食了三样,包括:泡菜猪肉面面用的是像乌东的样子,不是辛辣面。最大问题是泡菜汤底又酸又辣,不是香港人可以顶得顺的程度,味道呛得人系咁饮水同食其他菜都冇胃口泡菜年糕也是泡菜的问题,而且味道更浓,食余大半碟鸡肉炒云耳惟一味道正常又食得完嘅一碟总结第一次食个饭系等上菜嘅时间快过食,同时食完会有种"食系食到八分饱但点解要俾d咁嘅野填饱个肚"嘅感觉。 继续阅读
(以上食记乃用户个人意见 , 并不代表OpenRice之观点。)
等级2 2014-03-30
575 浏览
今日念住去食紫菜饭但估唔到职员话啲饭卖晒, 焗住要食面-叫左个泡菜抄面。超淡囗,好彩泡茶有味。 仲有叫左个既磨薯饼-即整够热,但都系无乜味。串烧-试左羊,牛,猪腩肉,鸡,啲肉太细粒,要9元一串,我觉得唔抵食。而且都系果句-无乜味 系个炭炉特别啲之外无其他吸引之处 继续阅读
(以上食记乃用户个人意见 , 并不代表OpenRice之观点。)
等级2 2014-02-20
864 浏览
  为补祝朋友生日,我地一行五人到了寿星女提议既金顺玉食串烧,我地六点到达,虽然无book位但有位,所以可以立即入坐,环境似家庭式小店,店内电视播放kpop,对于中左韩毒既我当然最满意系依样啦 店内无免费提供8小碟,所以我地叫左泡菜同紫菜包饭套餐,套餐包汽水,紫菜包饭既味道不像我在尖沙咀韩国街所买,面仲要有沙律酱,对于唔钟意沙律酱既我实在不能接受。相比之下,个人认为金巴利道所买的更好食。海鲜煎饼粉味有点重,但沾上舖内既韩式辣酱之后问题不大。韩式炒粉丝系我觉得最好,不会好重油分,面有红萝卜丝、木耳、鸡肉条,对于蔬菜狂既我当然食唔停口。  石头锅饭我唔建议叫,因为饭未加辣酱拌时已有啲湿,加左酱更加,味道亦属普通货式。仲有另外叫左个牛肉汤乌冬,好普通,相都无影!  该舖卖点系自转串烧,无需自行反面,方便!! 个人认为平价串烧无话好唔好味,五个女生叫左30串,不过不失,唯一缺点系每串太少,一串猪颈肉只有手指咁幼,薄左小小,但系8蚊9蚊一串差唔多啦~ 饮品除左刚才包埋个杯汽水外,其余4人都叫左芦荟饮品,各人都认为甜得滞,要加番清水才ok  整体黎讲不过不失,都可以止下想食韩食既瘾,最贴心系店员会留意够唔够炭,定时帮我地加炭,就算之后多人等位都无系咁赶我地 继续阅读
(以上食记乃用户个人意见 , 并不代表OpenRice之观点。)