金雀餐廳 (已結業)

食過幾次晚餐, 覺得幾好味.我係叫普通套餐既.羅宋湯好好味, 好多料好多菜. 而且一d都唔辣, 好有蕃茄味.魚柳的汁好香, 夠熱, 仲有好多雜菜, 唔會得d白汁咩都冇.鑊仔牛柳好夠林.甜品係雪糕, 仲有菠蘿粒粒, 好味.另外加左個牛油焗田螺. 好多牛油好香, d田螺好多牛油浸住, 又滑又好味.仲有墊住田螺的薯蓉都充滿牛油, 好正.某一係卡位d椅太舊, 坐到扁晒, 唔舒服.

今晚下著大雨因為女友要到圖書館找資料所以就到了金雀食飯女友點左金雀牛柳 (五成熟)晌其他餐廳食五成熟會出現血淋淋既現象但係晌呢度係見唔到喎我就點左全餐我見全餐樣樣有, 好豐富咁喎白湯 (都 okay 啦)白汁石班 (唔... 有細骨喎)牛柳 (都好淋)甜品 - 雪糕 (都幾好味)飲品例牌, 凍啡小甜, 凍奶茶飲野黎左, 凍奶茶味道唔太甜, 可接受凍啡 唔止少甜, 仲少奶添搞到有 d 苦總括黎講都算 okay 啦

首先，多謝Openrice既$100 Coupon^^"拎完之後，決定食間渴望以久既鋪頭「回饋」一下XD初時仲以為有D難搵想放棄，點知轉個頭就見到了=]叫左個全餐食，btw.......用呢十蚊有既白汁石班真係>.<"皮同肉散修修之餘亦醃得唔好”反而個牛柳（唔係牛扒，係一舊上GAR")肉味唔錯，而且唔難切亦唔難咬”至於個湯嘛，略嫌雞絲老左少少，至於個包。隻牛油好似仲Spotlight過佢。最後既雪糕新地，嗯，一野想起十幾年前，同爸爸到油麻地某鋪頭食西餐既日子。私人情緒起伏到想喊，雖則雪糕好食=]有冰感既雪糕不嬲都係我喜歡既質感。清醒返了。各位可以食佢既裝修同背景，但味道嘛？一般啦。

話說我男朋友遠道從上海黎,本來打算食完牛扒去山頂,後黎因為食得太耐而無去~講番食牛扒既地點,我地因為要集合(我要返工),所以選左我食開既銅鑼灣既金雀,因為就腳d~(本來打算去銀杏館試試但係好似係遠)揀金雀既原因係我食過好幾次,至少三次,我每次都話好味好味行番出去.其實食之前都有睇番金雀呢度既食評,人地話差左我唔係好信...但係我果日(24號)食完之後真係覺得差左~,我地七點鐘叫野,叫2046餐,個羅宋湯我覺得仍然係好味格,但我覺得我男朋友個白湯就真係差d,黎呢度真係都係飲紅湯好~跟住我記得係個蝦沙律,個樣基本上係無變,但我上次食同今次食2046我都唔明點解個面紅色兩點下既沙律醬會個樣怪怪地,好似d糖水起左一層野甘,但基本上個蝦沙律係可以既~後黎個田螺我覺得都ok,田螺d薯蓉就當然係最好味,最好味係有芝士果一dd,因為全部吸晒d味,到目前為止都無問題,到兩個牛扒黎左,我仲好雀躍~我地叫左五成熟,但係食到落口...其實再食多兩口,我就覺得有d霉,暫且唔好話霉先,總之似d肉雪過左位淋左少少,反正就係覺得唔夠挺,軟係一件事,淋淋霉霉係一件事~軟應該唔會淋...係少少即,唔係好多,但即時有d失望

是否老牌扒房就不理好歹thumbs up? 可否停一停, 諗一諗?餐包是硬的, 涼的, 魚扒炸得乾涸, 肉質不香也不滑, 是無獻汁的, 不過有沙律醬, 雖非卡夫行貨, 但是一種白色略甜油膏狀的調味料。配菜一絕, 薯片是發潮發透了的, 廣東話說"益左"。要知道薯片作為配菜則不用做mash potato, 慳皮之作。也不要旨望有cooked assortment of veg 作伴碟, 有的是一片青瓜及一片蕃茄, 有多少誠意?茄牛意粉更是快餐店水準之下, 醬汁味道非常曖昧, 有點像過期油酥味道, 嚥不下去, 最後要送茄汁混和汁。come on啦, 整件事不外是港式紅加港式白。時值weekday晚餐, 不是失準的借口, 可是想想, 蘇施黃加王家, 打跛腳唔駛休, 一直做first-timers 生意, 做到企堂阿伯們榮休還頂得住。以名氣而言, 他們可以給我吃泥膠, 我該感恩吃到的是食物。說說其他。由於環境不太偌大所以service是足夠的, 奶茶好喝, 洗手間有風扇。等於一個女孩其貌不揚, 我唯有說, 蝦, 你d指甲几靚喎, 你個袋襯得你好後生。令我納悶的是: 蘇施黃搞乜呀? 信心直插呀!

其實佢真係好茶餐廳~~環境o既話,細細地窄窄地舊舊地囉~聽講牛扒勁得,但lunch time去唔想食咁多$$住,特價餐($45)係1)焗海鮮飯2)雞扒飯/意粉3)煎蛋牛飯(...一睇其實好茶餐廳,灰...)味道其實唔錯,我覺得都幾真材實料唔會好味精~重點係食o個陣會試得出味道同食開o既茶餐廳有分別~飯會煙un d, d汁唔味精,食完都唔覺得口乾同滯~ 尤其係紅白湯,雖然未必係最好飲,但你應該唔會想飲剩~o個日有2樣野味道好特別:i)雞扒-- 有無試過食雞扒塊皮好似燒乳豬o個塊咁呢~ 我食o個日煎成咁,勁正ii)奶茶-- 我一向奶茶唔落糖,一飲落去...哇, x!咸o既???? 同事話杯野可能"加料"喎~ 之後落好多糖都蓋唔住陣咸味... 有無朋友試過佢依度無加糖奶茶係咩味.... >口<""""重有重有,佢地好好服務咩?當日叫佢換布,點菜,點餐茶每次fing完手,d waiter應完一聲後每次都隔5-10min先理我地,,,,(唯獨埋單超快~)到最後,我地無再打算黎依度鋸扒,因為食完後再翻佢地個menu,d套餐維成都成百蚊一個人,d野食仲唔係好吸引(即茶餐feel,,,

到過這餐廳幾次了, 食過鐵板餐, 午餐. 今晚試了特餐. 都有得揀黑椒牛柳, 只是不是鐵板上. $78 有餐湯, 主菜, 甜品, 咖啡或茶. 羅宋湯很有水準, 好味. 黑椒牛柳味道都不錯, 肉質不會像其他港式西餐般醃得無哂牛味. 甜品可以揀雪糕或啫里. 餐廳環境不錯, 店員都很有禮貌. 下次會試下2046 或花樣年華二人套餐, 個名好得意呢.

周圍食野食到嚟金雀,好想試吓佢地個西冷牛扒係唔係真係咁好食!佢個西冷牛扒要成百蚊,個汁做得唔錯,牛扒因為用碟上唔係鐵板,所以無咁熱,肉質帶點靭,不過幾好味,紅湯係水準之作!佢地可以話係貴價既花園餐廳,不過我覺得物有所值,比金鳳更佳!

噚晚路經老銅, 因為唔熟呢頭有心乜好野食, 但又見人頭湧湧, 所以週圍盲舂舂去搵地方醫肚!經過金雀餐廳, 記得阿so都讚過, 價錢又花園餐廳價, 咪入去試囉! 點不知就賴野啦, 餐具唔乾淨, 張舖佐幾粒媒炭屎, 餐飽唔熱, 換過都係唔熱! 自推為"牛柳之家", 叫一客試試, 極失望, 塊野面積細過我掌心, 唔係鐵板上, 唔夠熱, 咬落牛柳極之鞋口, 趙好多o下都唔爛! 衰過大家樂! 加埋d雜豆同幾條薯條! 雖然塊牛柳咁細, 但係真係難食到碑, 居然食剩一半! 真係搵笨! 服務又唔掂, 居然仲貼住話係旅遊發展局推介優質餐廳! 我!!...........................差到不得了! 唔明有乜咁好食, 奉勸各位唔好再去! 都係去番"花園餐廳"穩陣!

我去到見到門口好多人等位.以前食過一次,唔係話難食,但絕對唔係好食.只為飽肚.聽朋友講,原本阿蘇介紹過.但個人認為無介紹嘅必要.除了2046係到取過景之外.朋友食嘅晚餐,T骨排好薄,免翁牛排免翁汁好難食，我嘅鐵板黑椒西冷牛排就最搵陣.點知最出事係我.個晚瞓到半夜,個肚好痛,第二朝瀉到飛起,個肚又痛.去睇醫生,佢話我腸胃炎.

放學唱k 東東嘆tea 團團友meeting, 五人都想試食steak. 好彩珠兒醒目, 訂木台先. o個晚我地去到, 出面勁多人等, 我地book jor 木台, reserve 俾我地就係我地, 唔會無端端有人等就俾人地. 落order 個waiter 都叫做答到我地問題la.. 佢地都好老實, 每個扒餐唔包飯ge 加$6-8 有飯/炒飯/炒意粉. 我有d 心思思想叫個飯, 個waiter 話, 你食下先la. 唔夠先叫... 果然.... 份量真係有返咁上下. 我食量算中間la, 都有7-8 成飽... 個扒我揀紐西蘭肉眼扒, 可能第一次入steak house 食, 都唔識佢叫唔叫好食, 不過肉眼扒真係好腍lor. 同埋都好有牛味ge~ ;) 成餐要讚ge 係service, 個個waiter 真係睇得出佢地好有熱誠去serve 客!!! (不過好彩serve 親我地ge 都係阿叔, 因為餐廳入面有一兩位女waiter, 但係唔知點解我覺得佢地會無d waiter serve 得咁好.... 好彩成晚無女waiter 走埋o黎jack~ XP) 要彈ge 係d 木台布ar...

聚會之夜。大概又是蘇絲黃效應，8點時門外排了長長的人龍，幸而早已訂位。5個人，要了西冷扒餐、雜扒餐...而我就要黑椒牛柳餐。叫餐時，朋友們不斷詢問侍應叔叔，他們都極為樂意和詳細地回答。一讚也。包、湯先上，包是很普通的那一款。我的羅宋湯並不特別，可說是比很多地方也比不上，但卻是滾熱辣，飲完滿身暖暖的。二讚也。黑椒牛柳來到，一嚐，嫩滑淋，只是黑椒汁過濃，有點嗆鼻。我地飲飽食過後談天說地，即使門外仍有不少人等候，侍應叔叔們絕不會有意/無意地催促我們離去。三讚也。

今日試左個全餐.我要左焗豬扒飯.我覺得都唔算太差.不過不失.個羅宋湯就普通d.同出面d餐廳既羅宋湯差不多.唔係特別好味.一般啦.個魚食左都幾好味呀. ok wow ~~ 最後有個ice-cream新地+ 飲品.已$85 我覺得都算合理.甘既價錢. 我覺得唔可以要求太高.只要食物係新鮮.清潔.都食得過呀~~~~

我都系睇完阿SO 介紹叫左個Friend 一齊去試下.叫左全餐同叫多一杯coffee. 但d野都系凍ge, 除左coffee 同餐茶囉....咁ge 價錢畀d 凍湯,凍魚,凍雞扒...我同個friend都話無下次啦....

因為睇左蘇絲黃的節目, 我同朋友係1月13日去呢間餐聽食晚飯。叫左一個焗豬扖飯及大蝦沙律, 味道非常之一般。同蘇絲黃係節目度形容非常之大分別。個焗飯呢…就飯還飯, ‘食送’還’食送’, 而且又多飯焦, 都唔知呢個係唔係個飯既特色。而個沙律呢…落成差唔多半支既沙律醬係面, 醬色又同平時見開既唔同。食個陣, 要盡量撥開d醬先食。但最弊係, 我同我個friend第二日都又痾又嘔, 都有腸胃炎要睇醫生。大家有膽量挑戰就去試下啦！