金陵會潮宮

又係同屋企人去飲茶系列，今次試呢間環境舒適食物以為係正正常常，點知有一個點心有驚喜，未講之前，話説我剛睇人哋幾個食評，我見茶壺🫖底係有個銀色容性熱住啲茶，當日係無，唔怪之得啲茶成日都keep住唔太熱😑再講講食物🥘點心一般係中上水平，有3個點心想評下1)西寧炸蝦卷 - 個皮係有啲實，唔鬆化，呢個咁多款嚟講比較失色2)時菜牛肉球 - 手功野，唔大粒，但質地係好有咬口，牛肉味濃，同其他酒樓完全唔同，好食，味道口感有驚喜，推！3) XO醬炒腸粉 - 味係唔錯而且夠熱，不過感覺係經過微波爐加熱果隻熱，所以腸粉比較乾身整體食物質素係唔錯嘅，環境地點都好，不過下次應該唔會飲茶，會試晚飯，我見Menu有啲餸幾吸引🤩…查看更多

訂了12人貴賓房，問阿姐點解點唔到歌，佢話要掃碼。我地話掃左，佢話咁唔知喎！起菜又成日唔同位，唱左兩首歌居然叫我朋友細聲啲（真心唔大聲，仲唱得幾好聽），好無奈。問佢罐可樂係枝裝定罐裝，就串77咁答「一罐倒一杯囉，個罐仲喺出面，駛唔駛拎入黎俾你睇？！」換碟就將隻碟放喺個客部電話上面！食物方面，頭盤係帶子，帶子好薄身，仲要「拿」過，一放入口就俾陣味嚇親。個鹵水拼盤唔入味，表面有一層「死咸味」，但裡面冇味。嗰炸蠔入面勁韌，外面唔鬆唔脆，漿糊咁既炸粉。個龍蝦錯晒！出面有陣咸味，入面就炸到乜野鮮味都冇晒，失敗至極！一致認為最好食係前菜咸酸菜。唔識煮就唔好煮，要煮就要對得住啲食物囉。…查看更多

跟友人的一次午餐，來到這家潮州菜館一嚐。才走進餐廳，光潔明亮的裝潢擺設已經予人格調高雅的感覺，氣派不凡。店方以潮式鹹酸菜和炸花生作為餐前小食，炸花生當然酥脆，不過我們都甚為喜歡那碟鹹酸菜，鹹酸之中透出淡淡甜點，令我們都食不停口！點心炸蝦卷、鴛鴦水晶包跟豉油皇炒腸粉皆是水準之作。小人尤其喜歡豉油皇炒腸粉，腸粉油潤不黏，條條皆被豉油包裹著！鹹菜豬肚湯裡豬肚肥厚無異味，洗得乾淨，爽中帶滑。落差之處乃鹹菜的味道未能盡情釋放，致使湯的味道過淡。鵝片、豬耳、豬大腸、墨魚片和雞蛋組成了這碟滷水拼盤，每樣都滷得入味，友人特別鍾愛墨魚片，爽而有嚼勁。潮式魚蛋粉雖然只有魚蛋兩粒、魚片兩片，但都是巨大化的，以一個宮殿化的盅盛上，好不豪華！還有特別的是湯裡有柴魚，竟然提升到湯的鮮美，有新意！果然食物跟其格調相符，同樣極具氣派。…查看更多

book咗枱慶祝生日,request咗房但係冇畀.除咗最一開始帶位嘅侍應服務態度比較好之外全程都一路聽到啲員工喺度話自己有幾忙,呻工作環境好差.唔知係經理定係侍應把聲又大,唔明白點解啲客人要全程喺度聽佢哋嘅怨言.嗌親嗰個話落單都係叫等一等.食物一般冇必要嘅話唔推薦,浪費左個環境…查看更多

️國內餐廳就是走高級會所形式，滿有氣派又堂皇～適合宴客或商務活動🍽。今次想介紹就係位於灣仔中菜廳 (潮洲菜），走新派、高格調且富麗宮廷風，吃膩一般潮菜餐館，可以來一試，而且最近有推廣優惠【臻品鮑魚套餐】買一送一😍！咁抵～呢日lunch 當然捉埋老bestie 一齊來吃喔～前菜3小碟滿有驚喜❤️，最愛 (特式凍馬友，腩位肉質鮮甜帶有黃油香）；滷水拼盤 (入味嫩滑；燉湯濃郁滋補帶有藥材香）；臻品鮑魚 (非一般口感 要來試試）；金湯石榴 (賣相精緻 內有帶子）；最後吃個甜品 (椰香紫米露 又甜又潤）。最後埋單$1,200 就吃到潮宮式體驗🥢🤗。【臻品鮑魚套餐】 $888 for 2🔸3小碟 (蒜香牛仔粒 普寧炸豆腐 特式凍馬友）🔸滷水鵝肉拼盤🔸滋補藥膳燉竹絲雞燉湯🔸潮宮臻品十五頭乾鮑魚🔸金湯石榴帶子🔸雲腿扒大芥菜🔸潮式肉湯麵線🔸精美甜品 (椰香紫米露）..×××[金陵會潮宮 -Jinling Hui Chao Palace]××ש灣仔灣仔道109號壹嘉1-2樓..…查看更多

今日下午去食高端優質潮州菜，以前金陵會在中環做淮揚菜，現在灣仔重開做潮州菜，仍然走中高檔路線，佈置非常華麗，入口在地下，一樓做散客，都有私人房，貴賓會員上2樓。月頭剛出糧大家心情好，點了午市尊貴2人套餐，每人$688，物有所值！潮宮脆雞卷 凍馬友 萵筍絲前菜有三款，相當精緻，如 tasting menu，平日點的餸菜每樣一件。潮宮脆雞卷很香口，凍馬友肥美，萵筍絲爽口。滷水鵝肝拼鵝片滷水汁清香，鵝肝都幾粉嫩。白汁忌廉蟹肉燕窩羹女生大愛，有燕窩養顏，混合西方意念，白汁忌廉湯與燕窩羹混合，幾有創意，效果都好好，飲落有高湯味幾好味，蟹肉又夠多。鮑汁扣原隻15頭乾鮑真開心有鮑魚食，就係睇中你，15頭鮑魚都唔細隻，都幾糖心，絕對是食得過！高湯帶子燴菜飯食埋個菜飯，有成隻帶子啊！高端真的不一樣，用高湯燴飯，濕濕地唔同炒飯的感覺，好好食。甜品是喳喳，甜度適中，很有口感。…查看更多

今日老友請食lunch，知我喜歡食潮州菜，就帶我去呢度食。呢間潮州菜館，裝潢盡顯氣派，仲以為係去咗會所添！我哋要了午市尊貴2人套餐：⭐️麻辣萵筍絲 * 潮宮脆雞卷 * 凍馬友⭐️滷水鵝肝拼鵝片⭐️白汁忌廉蟹肉燕窩羹⭐️鮑汁扣原隻15頭乾鮑⭐️高湯帶子燴菜飯⭐️甜品 - 紫米露白汁忌廉蟹肉燕窩羹係較為特別的一道菜式，融合中西烹製的方法，燕窩俾想像多，蟹肉鮮甜，飲完都feel到好滋潤!整體用料上乘，員工服務態度很好，坐位舒適，留給我一個好印象！…查看更多

金陵會潮宮灣仔道109號壹嘉12樓餐廳環境非常有氣派，裝修有有格調，坐得舒適，環境配套服務一流，2樓仲有包廂，食飯包廂房仲非常大，樓底夠高，最適合三五知己傾偈食飯，慢慢坐，會再去幫襯話梅聖女果，外層的話梅有一種清新的酸味，與內部的甜美形成對比。話梅的鹹味讓水果增添了風味，口感脆嫩，咬下去時汁液豐富，清爽，口味獨特凍馬友魚是肉質細膩，帶有自然的鮮甜味，魚肉質地柔嫩，口感滑順，容易咀嚼潮宮五香卷肉質細腻，口感鮮嫩多汁，外層的卷皮炸至金黃酥脆滷水鵝肉拼盤有鵝片，墨魚，豬耳，鵝肉經過滷水處理，吸收了香味，味道鮮美，滷水的調味使得鵝肉帶有鹹香，口感豐富，肉質柔嫩，咀嚼起來非常順口，墨魚肉質鮮嫩，帶有濃郁墨魚香，墨魚口感滑嫩，豬耳嚼勁十足，豬耳肉質彈牙，口感非常有嚼勁鮑參翅肚羹有乾瑤柱，海參，花膠等食材，鮮味交融，味道濃郁而鮮美。質地柔滑，入口即化，有海鮮香甜，鹹味適中，入口圓潤年糕豆醬煮鯧魚片，鯧魚片的鮮味與豆醬的鹹香味道與年糕的微甜相得益彰，口感更加豐富，年糕的柔韌口感與魚片的滑嫩質地形成對比咖喱石榴雞外型很像一個小錢包，表層炸到金黃色卜卜脆，中間雞肉嫩滑多汁，加上咖喱汁一齊食，非常好味家鄉煎蠔烙，即叫即煎香氣濃郁，香味四溢，令人食指大動，蠔肉鮮嫩多汁，口感滑順，外層的皮煎至金黃酥脆，與內部的嫩蠔口感很夾…查看更多

今次去咗一間高級潮州菜餐廳，試咗佢哋嘅臻品鮑魚套餐，做緊買一送一，$888兩位。一坐低就有滷水鵝肉拼盤，鵝肉嫩滑，滷蛋入味，豬耳爽脆，大腸香濃，豆腐吸晒滷水汁，樣樣都滷得啱啱好。蒜香牛仔粒煎得啱啱好，外焦內嫩，蒜香味好濃郁，食落好惹味！普寧炸豆腐外脆內軟，豆味香濃，配埋特式凍馬友，魚肉鮮甜，食落好開胃！之後滋補藥膳燉竹絲雞湯，湯底濃郁，藥膳味香，竹絲雞肉嫩滑，飲落好滋補，成個人暖笠笠！潮宮臻品十五頭乾鮑魚，鮑魚口感特別。金湯石榴帶子，賣相精緻！雲腿扒大芥菜，芥菜爽脆，雲腿鹹香！麵線煮得啱啱好，吸晒湯汁，食落好滿足！最後食返個甜品紫米露，紫米煮得軟糯，甜度啱啱好。…查看更多

有別於一般潮州菜館,裝修別緻,放置有高級木雕與國畫,感覺高級.既有濃厚中國風亦帶新潮感,環境舒服好坐.午市除潮式小菜選擇外,亦有多款豐富多彩的商務套餐供應🔸潮州煎蠔仔酪($198)煎得黃黃金金賣相吸引,蠔仔份量多亦肥美飽滿🔸午市2人商務套餐($398/兩位起）▫️普寧豆腐▫️麻辣萵筍▫️凍馬友普寧豆腐外皮香脆而內裡硬挺.萵筍微辣開胃,凍馬友鮮味精緻▫️滷水鵝肉拼盤有鵝肉、鵝大腸、雞蛋、豆腐及豬耳等.鹵水香料咸度適中,整盤份量完全足二人有餘▫️鮑參柱肚羹把海蔘,花膠切成片狀,加上大量瑤柱,濃稠滿膠質▫️年糕豆醬煮鯧魚片鯧魚肉厚味香,無骨啖啖肉.既湯汁清甜,年糕軟糯▫️咖哩石榴雞賣相吸引,外形酷似開花的石榴.外表炸至脆口,內裡放滿咖喱汁煮成的雞肉粒▫️家鄉菜飯▫️精美甜品…查看更多

灣仔都算幾多好嘢食，中午就試咗潮州菜，餐廳有好多套餐選擇，價錢合理，個裝潢仲好有氣派。前菜有麻辣萵筍絲，非常爽口，充滿麻辣香。凍馬友係餐廳拿手菜，設成一件件好精緻，入口肉質細緻，充滿油香，加埋普寧豆醬料，正！炸芋絲捲，帶五香粉味道，外皮香脆不油膩，口感鬆軟。滷水拼盤，有墨魚鵝片大腸豬耳滷水蛋及豆腐，上枱精緻，滷水香味濃郁，充滿肉香而不死鹹。鮑參柱肚羹，湯底非常濃稠，用上雞湯金華火腿長時間熬製出嚟嘅高湯，用料豐富，鮑片花膠海參魚翅，非常之名貴又順滑。年糕豆醬煮鯧魚片，高湯鮮味十足，帶點鹹香又清甜，加上年糕口感煙靭，魚片入口紮實有口感。咖哩石榴雞，傳統潮州菜換咗新式廚法，外皮炸過，中間再加咗啲咖喱，所以好惹味，非常有特色！家鄉菜飯飯炒得香口，飯粒粒分明有米香。甜品有紫米露。套餐每$398，用料豐富又名貴，而且煮法充滿特色！餐廳仲會生產自家品牌的茅台，睇得出佢哋對食物嘅用心！…查看更多

灣仔道口樓上有間唔錯嘅潮州菜，類似會所模式，但亦都有大廳，而且唔需要入會。裝修好精緻摩登，有不同size嘅包廂，問過侍應包廂低消平均每人大約$1000，請客食飯應該合適今次兩個人就食咗佢嘅午市套餐，前菜有三款：話梅聖女果，即係涼拌萵筍絲，爽口清甜凍馬友，小小一片，但濃縮咗魚味，油分又豐富，點埋豆醬食超好味潮宮五香卷，應該係用豬奶油包住芋頭碎肉碎再加咗五香粉一齊炸，炸得好鬆脆好惹味滷水鵝肉拼盤，分別有鵝片，豬耳，墨魚，豬大腸，滷水蛋同豆腐份量唔算多，但每樣都滷得入味。口感各有不同，因應食材會滷唔同嘅時間，亦都食到食材本身應有嘅口感同味道，滷水汁有淡淡藥材香亦都唔會過鹹鮑參柱肚羹，超級足料真係有齊鮑參翅肚，每樣都切到咁上下size令口感一致，而湯底應該係用老雞金華火腿熬咗好耐，整個湯又杰身又濃味，非常飽肚好食年糕豆醬煮鯧魚片，鯧魚厚切吸收咗豆醬嘅鹹香味，再加埋塘芹芫荽大蔥嘅清香味令到魚更清甜，而年糕就吸收咗魚嘅鮮味同樣好食咖喱石榴雞，一般嘅潮州石榴球都係用蒸嘅方法，今次改咗用炸，餡料配上雞肉碎，汁方面就改咗用咖喱再加上淡淡嘅沙嗲香，整個餸非常惹味，係唔錯嘅新嘗試套餐以外朋友想試吓佢嘅煎蠔餅，蠔餅煎到非常薄，口感煙靭蠔仔味濃，點少少魚露食夠哂滋味家鄉菜飯原來係菜粒炒飯，炒得夠鑊氣夠乾身，幾飽都食咗成碗最後仲有甜品，今日係紫米露。送嘅甜品都做得用心，整體用餐體驗唔錯…查看更多

朋友生日，見佢係潮州人，簡左間潮州餐廳慶祝佢生日。上到去，需然坐大廳，但每台都半間房咁，好有私人空間。待應都好有潮州風格，好熱情，同食客有講有笑。蔥油海蜇海蜇脆口，清爽，作為開胃菜就最岩。潮宮五香卷 外皮係香脆腐皮，包住芋頭絲，肉碎，好香口，芋頭好粉好香芋頭味。一件唔係好夠。 梅羔骨唔講唔知原來呢味係潮州菜，甜中帶微酸，炸過既腩排，微微脆口，唔油膩。好好既開胃菜。滷水鵝肉拼盤拼盤有滷蛋，豬耳，大腸，豆腐，同埋主角鵝肉。蛋入味，豬耳軟骨爽脆，大腸夠淋入味，鵝肉鬆化唔痴牙，肉香帶微微滷水香，唔會太咸。滋補藥膳燉竹絲雞湯好足料既燉湯，凍凍地飲個熱湯，成個人暖哂，竹絲雞已經燉度輕輕夾已經脫骨。啖湯非常甜。豆醬香煎鯧魚片好厚既魚片，應該叫魚扒先岩，有豆醬香，唔會過咸，鯧魚肉本身偏厚實，所以入口好似食緊一塊扒咁，好厚實啖啖肉，魚皮煎到好脆再吸哂d豆醬汁，魚既鮮味出哂黎。鮑汁扣原隻15頭乾鮑餐廳好有心，會即時係大廳用個沙鍋煮汁煮飽魚，上台果下隻鮑魚仲好熱辣辣，放底筷子，轉用刀叉慢慢品嚐。雲腿扒大芥菜芥菜本身帶苦味，但配上雲腿重味食財，入口苦味減少，多左幾分咸香。乾煎伊麵初初見餐牌寫伊麵，心諗第一次食煎伊麵，唔知係點咖呢！? 上台果下見到真身，原來係糖醋麵，需然怕肥，但都食左2片，一邊脆 加醋加糖，無懈可擊。精美甜品 以為係簡單美點雙輝果類，原來係不盅燉糖水，好多材料紅棗，柿乾，雪耳，蓮子，西米。就算好飽都成盅食哂。滋潤清甜。…查看更多

閨密話要齊齊整整做個冬呀🤭 帶我地食好野，只留一句 「收工灣仔等！」😎 嘩嘩嘩！好華麗呀，仲預備埋套餐呀，感覺幸福無比呀❤️尊貴鮑魚4位套餐「蔥油海蜇」 是有咬口的一種，蔥油味🙂如再多啲仲正呀👍🏻「潮宮五香卷」這個超正呀！就像腐皮卷外脆，內裡是芋頭，豬肉，好香口呀❤️「梅羔骨」五層肉，入口即溶🤭「滷水鵝肉拼盤」潮州菜，當然要食滷水拼盤，今次這個配上鵝肉😎 肉質入哂滷水味，正呀！「滋補藥膳燉竹絲雞湯」 一打開蓋已聞到香味，重重的藥膽讓我感到好保呀🙂 而且用上竹絲雞，正呀！「豆醬香煎鯧魚片」煎出來好滑呀☺️而且好軟棉棉「鮑汁扣原隻15頭乾鮑」好豪華感覺☺️一切落是軟心，有糖心的味道「雲腿扒大芥菜」芥菜是有甘味，喜歡的便會喜歡🙂「乾煎伊麵」 潮州菜必有的乾煎黃金麵，外脆內軟，重點要加醋同沙糖❤️…查看更多

公司年尾做冬去咗灣仔一間相當有格調嘅潮州菜館食晚餐，由地下搭專𨋢已經有特別的擺設。到一樓入口處明亮、寬敞而且配搭粉綠色的裝潢，令人覺得非常舒服，感受到高貴而不俗套。坐低左無耐就上咗茶、花生同鹹酸菜，好欣賞個潮州鹹酸菜，甜甜地唔會鹹好爽口，真係食唔停口。今晚叫左-尊貴鮑魚四人餐：前菜：蔥油海蜇、潮宮五香卷、梅羔骨，一小碟十分精緻，五香卷外層是炸腐皮內裡以素菜為主，香芋頭味。而梅羔骨甜甜地，雖然半肥半肉，但唔覺膩。滷水鵝肉拼盤 - 有鵝肉、蛋、豆腐、豬耳、豬大腸。鵝肉味香、柔軟，豬耳有膠原口感又有咬口，正👍🏻藥膳燉竹絲雞湯 - 濃郁的當歸、紅棗藥材味，飲完暖笠笠。豆醬香煎鱈魚片 - 有家鄉味，魚片好滑。鮑汁扣原隻15頭鮑 - 鮑魚軟心咬落去又帶有少少粘牙，中間重有鮑魚的鮮味。雲腿扒大芥菜 - 芡汁偏甜，中和芥菜的苦。乾煎伊麵 - 就係糖醋兩面黃，外面香口、內層就軟身，配糖醋食，酸酸甜甜😋桂圓紅棗燉雪耳 - 夠滋潤，甜度又啱啱好，鍾意有d咬口的粒粒，贊😍…查看更多