金門餐廳 (已結業)

三月中旬．晴 數幾間在香港仔大街附近的茶記，這裡的規模算是最大的了。佔兩家舖位，有自家烘製的麵包，食物種類不少之餘，每朝經過都座無虛席，怎能不試這裡？ 早餐有八款選擇，由A至F，再加AA及BB，都幾特別。想吃雪菜米，就要了加埋煎雙蛋餐包的D餐。 雪菜米粉不錯，過水做得好，爽身又不太稔，不錯。雪菜肉絲則一般，始終這一味要做得好吃，也不易。蛋煎得好，如要將餐包轉多士的，要另加三元，似乎是想叫大家乖乖吃回餐包好了。熱咖啡香濃，很不錯。 埋單21元，如計食物質素，又真的零零舍舍比附近的幾間店子好。

午飯時間, 周圍搵野食, 諗諗下去間出名既茶記食飯都好 一直都有聽過金門係好出名既 特別係d 包添但無理由食晏入黎食包 咁就決定試下佢今日既快餐登登 !! 是日快餐 『黑椒漢堡扒雞扒飯+白湯+凍奶茶』D 野食唔洗2分鐘就到齊了, 快餐真係好鬼死快, 仲好鬼死香添D 黑椒汁 白湯既味道......阿門............(好淡好稀, BUT 可接受)好....試個飯先, 黑椒汁係偏甜的味道, 奇怪地, 居然係好香好好味個雞扒唔細塊 可以覆蓋到大半個飯, 仲要D肉質係幾滑既添另加兩塊漢堡扒 嗯 好重椒味的漢堡埋單32蚊 不錯不錯可惜的是 舊式茶餐廳風格, 一條友食 對面條友又咳又suun鼻涕咁無所謂了 好食又醫飽肚就得啦

金門...o係香港仔係數一數二出名既茶記~難得今日o係呢頭飛髮, 就試一試佢!一進入內, 很有懷舊的味道! 伙計們都是"話頭醒尾", 動作迅速的!與食客談笑風生 (當然中間夾著香港應有的「語言文化」)坐低之後, 見到午餐的menu還不錯. 還有例湯附送! 二話不說, 即點!餐飲當然係凍奶茶啦~!干炒牛河: 炒得好香! 加埋辣椒醬, 簡直係一絕~ 遺憾的是... 牛肉沒有味..例湯: 好重味精... 好弱... 唔想飲凍奶茶: 超超超超超好飲! 可以cover以上所有的不足! 個種好飲,非筆墨所能形容!今次太飽的緣故... 食唔到佢新鮮出爐既精美飽點~ 留待下回分解!

下午六時左右，經過金門餐廳，之前都幫襯過一次覺得d野都唔錯，跟住男朋友話想飲杯奶茶食少少野，初時我話呢個時候入去好似阻住人地做野,始終係食晚飯時間麻，但望入去又好似好多吉枱喎！所以走左入去，坐底叫個侍應落單，想叫個雞批同蛋撻，那個侍應阿叔有點不耐煩地話冇雞批，咁唯有叫2個蛋撻啦，之後我地係想叫多杯熱奶茶，但個阿叔已經好快咁走開，我地叫住佢話要一杯熱奶茶，佢果人冇行返黎不特止，重要隔住六七個腳步距離問我地：【要7杯熱奶茶？】，我已經不滿，我唔知佢係撞嚨定係有心玩我地，我地得果2個人點會話要7杯熱奶茶呀拜託？？跟住我特別提高把聲話：【要1杯熱奶茶！】，當時我已經覺得個阿叔好似好不滿我地呢個食晚飯時間叫下午茶既食物，態度真係好差囉但我想講成間餐廳都係得五分之一食客，唔係忙囉佢地！！最好笑係最後竟然黎左杯凍奶茶，我地同佢講係熱奶茶，個阿叔重死唔認錯，好理直氣壯咁話由先係覆我地係凍奶茶，有冇搞錯呀大佬？？我當時係好肯定好大聲咁講熱奶茶，但佢一d歉意都冇,黑晒面咁講：【咁你究竟想要乜？】我當時真係好嬲好不滿，但唔想再煩，容乜易俾個阿叔加料，我地話算唔換，食完就啦啦聲走人，我覺得呢度唔係翠華，自然就

前一日同事請咗我食一個雞尾飽...令我發現由細食到大嘅金門雞尾飽嘅威力於是我上openrice search下啦..發現原來冇人upload過雞尾飽嘅相所以我就去金門買麵包同波友食..順手影相寫食評...今日撞唔啱出爐時間..還好仲有雞尾飽賣...我買咗四個雞尾飽, 兩個椰絲奶油飽...個飽唔係熱..因為錯過咗出爐時間還好..依然都係咁多餡...d麵包仲係咁鬆軟..有大量嘅椰絲..好香嘅牛油味...雖然無咗剛出爐嘅牛油溶化嘅美味...但係佢嘅餡..足以令人回味無窮仲有佢嘅椰絲奶油包...好多奶油..加埋鬆軟嘅麵包..對極愛奶油嘅我嚟講.."正"由細到大.我都係佢嘅fans...還好佢都冇令我失望...^.^雞尾包$3 椰絲奶油包$4.5

去海洋公園玩左半日後, 有點熱..... 雖則唔餓都要搵點食物填肚由於Lunch hour , 所以幾多客, 本身胃口不多, 只選了雞批及凍咖啡 前者用上雞粒, 火腿, 薯仔作涵, 牛油外皮, 但不算油膩, 味道則一般, 之前聽人講到佢d 批好似好勁咁, 真係乜都要講自己口味同心情會試出唔同味道 咖啡香濃, 不算滑, 但奶不是很多, 合我口味

今日份工last day，lunch時同事同我在香港仔富臨farewell，我跟手在這裡買了一打雞批和一打蛋撻作回禮......雞批上次吃過，水準而上，批皮甜而不膩，餡料不算太鹹，吃完很有飽足感~~今次再試蛋撻，見樓下不少食家擊節讚賞，期望甚高之下一吃....嘩！蛋漿超甜，甜得有點離譜，較一般中式糖水譜的"dun"蛋還要甜，而且我吃的時候撻身還是暖的，那凍吃豈不.........當場想棄撻而逃，最後硬食......至於撻皮，我是曲奇皮擁護者，這裡的是酥皮，不是我杯茶亦沒研究，不作評論......同場見到不少麵包，賣相不俗，下次經過會一試。

每天上班前也會到金門吃早餐. 我的all time favourite 是腿蛋包加咖啡, 很恰到好處的配搭. 金門麵包出名好吃, 如女士門願意豁出去一次的話, 要試試雞尾包和蛋撻. 金門是歷史悠久的餐聽, 在香港仔而是寥寥無幾. 在金門, 吃的不但是食物, 更是吃那兒的人情味. 伙計們都像一家人, 當你光顧多幾次, 他們已會待你像一份子, 說說笑笑的, 彈性也大, 隨意轉換餐單搭配亦可. 這, 在連瑣式店舖充斥的城市裡, 是不可多得的一個好地方

金門的25元迷你下午茶餐可選揚州炒飯、咖哩斑腩飯、肉絲炒麵、干炒豬扒烏東等等，再加餐茶。雖是迷你餐，但份量也有平常碟頭飯的一大半。因爲已經吃過咖哩斑腩飯和肉絲炒麵，所以這次試了他們的干炒豬扒烏東。烏東軟硬適中，豬扒夠腍，連埋洋蔥豉油，爆炒得幾香。不過，若果能夠再炒得乾身一點，口感和味道會更好。相比之下，還是覺得肉絲炒麵較好食。

之前覺食物得都ok, 但今次食物同衛生都失望....朝早9點去食早餐A, 送上一碟煎到黑蚊蚊但無哩光澤o既雙蛋, 是但o拉, 一咬落去發覺係凍o既... 即刻o累番落碟, 叫伙計.伙計阿姐收o左碟蛋, 都有講番句sorry, 但好戲還在後頭, 半分鐘後另一個男伙計拋下一碟更加黑蚊蚊o既雙蛋, 我都未o黎得切反應個哥仔已經頭也不回走o左, 一看之下至發覺係之前同一碟蛋, 個廚房"原碟" 連埋我o累出o黎o個舊蛋一齊煎番熱俾我(明顯係煎唔係叮), 當然雙蛋己經熟o西, 實的的... 我可以簡o既都唔再去.

平時都食開佢的紙包旦糕, 尤其時是每逢生病的時候. 但今朝買個當早餐吃, 覺得今日那個質地較濕, 唔夠鬆, 而且無咩味, 唔夠旦香味. p.s.但我今日無生病, 胃口正常, 沒有口淡淡喎!

再到金門，也試了他們的肉絲炒麵。雖然是午餐，但份量和用料卻是異常豐富。炒麵四週是脆的，中心仍軟，炒功一流。銀芽、韭黃和肉絲剛好覆蓋了整個麵餅，而且芡汁濃稠適中，又不會過油，炒麵吸收了當中的精華，美味非常！

臨離開時，遇到剛剛出爐的蛋撻上架，買了一個試試。蛋撻餅皮鬆化，蛋漿香甜燙口，索價是街坊價錢$2.5，非常抵食。

今天在金門吃了一個質和量都不錯的午餐：餐湯：青紅蘿蔔湯，雖然簡單，但足料，很是清甜潤喉。飯麵：是日餐牌可選肉絲炒麵、豆腐班腩飯、咖哩班塊飯等等要了個咖哩。碟頭非常可觀，兩人一份也可以OK。咖哩汁是港式咖哩粉加椰奶等等。班塊雖是雪藏類別，但混了咖哩汁，加上薯仔洋蔥，卻是非常入味。看鄰座叫的肉絲炒麵，賣相亦相當不錯，銀芽肉絲炒麵毫不吝嗇，有機會的話，會去試試。餐飲：照例的熱奶茶。餐茶不過不失，奶稍微多了一點，但可以接受。這個午餐只是$28，味道又不錯，認真經濟實惠。

女朋友住南區，佢話細細個已經成日去金門食野，難得入到黎香港仔，於是去試下~聽佢講間野開左幾廿年，但係我入到去個格局其實都唔係太舊，甘又點得黎幾廿年呀?原來間野07年暑假裝修過黎，d呀叔都話坐得舒服左~一般港式茶記，有得食牛雜，有得炒粉麵，不過金門仲有得食新鮮出爐既麵包蛋撻tim，因為佢地有做埋麵包店，係間鋪隔黎就係~亦都可以坐入去食包，其實都唔錯~我食左個下午茶，炒蛋方包，一碟麥皮，一杯野飲，20蚊，價錢都算大眾化~碟麥皮清清淡淡，有d似醫院canteen個d，唔似平時係大家樂甜死人個d，入口唔算太滑，間唔中食下d清淡野其實都不錯~