影片
用咗openrice 咁多年，第一次写食评就系要闹爆人话说下午路过见佢有蒸鱼饭，晚饭就去叫咗份外卖龙趸蒸饭，两个点心，一个“炖”汤返屋企食。返到屋企一打开盒饭，全部都系骨同皮，挑哂全部都唔够一两鱼肉比阿仔做晚餐。龙趸皮都唔系话唔食得，但系佢连最基本嘅刨鳞都唔刨，每一口都搅到成口鳞，点食呀？我唔系叫蒸鱼骨饭㖞！连埋个盒仲要收人成旧水两个点心，一般的贵，冇嘢好讲个所谓的“炖”汤，同普通茶记例汤冇分别，但系收你4草，啱唔啱饮就见仁见智如果你见到我本人，以上每一句都必定加入广东话的精髓。成餐饭两旧几水买个经验，“冇下次”
继续阅读
夜麻麻唔知食乜好，搜寻之下见到呢间笼仔饭餐厅收凌晨12点，好肚饿一于入去食啦！女服务员好热情，一定要开茶位，我点咗滑蛋牛肉笼仔饭，等咗大概15分钟终于上菜啦！好大笼，好大旧牛肉饼和太阳蛋，好食！😋食完仲有甜品桂花糕送！正啊！🤩
继续阅读
妈妈在中山食过陈村粉，在香港比较少地方有得食。 今日带她来金门回味一下，我地叫佐“龙趸陈村粉”和“煎芋丝饼” ， 2样都好好食。 店员帮我地陈村粉的鼓油另上，喜欢放多少就放多少，好细心。我地比较喜欢放好少鼓油，因为这样先食到鱼的自然味道。陈村粉好滑，好食。煎芋丝饼，芋头丝脆脆的，煎的香但不油，好色。还有煎酿虎皮椒， 蒸酿鱼肚都想食，但今日两样嘢食已经好饱，唯有下次再来食啦。不时有熟客到店，听说开佐好耐，应该出品不错先可以做咁耐。我地下次再来！你呢？经过路过入去试试。：>
继续阅读
黎呢度嘅主要原因系因为屋企老人家话之前喺附近经过 见到有间蒸饭 所以今次再过嚟元朗 想黎试一试 本身一入门口 已经见到店面感觉有啲污糟 地板多污渍 见到店员用毛巾抹过嘅枱面系肥淋淋 即时观感已经唔系几好 但因为费事老人家再周围走揾嘢食 所以都系选择坐低 安置左两位老人家之后 我离开左间店去接另一位家人 翻到铺头 知道两位老人家已经自行落左自己份量嘅菜式 因为佢哋食得少 所以只系叫左一笼厨师推介嘅梅菜扣肉饭 同求其叫多碟菜 而佢哋应该都系只系见到墙上大大只字贴住 所以先叫 同埋佢哋因为太老 睇唔到清楚菜单 系用口头方式告知店员去落单 过左大概10分钟之后 我同另一位家人翻到间店 开始落我哋想食嘅𩠌 我哋叫左六小碟 春风得意肠 班兰千层糕 同椰皇炖鲜奶 店员过左两分钟之后同我哋表示无哂椰皇炖鲜奶 问我转唔转热双皮奶 我心谂 可以卖晒 咁应该质素都唔差 点知一上到枱 哗 皮都无层 普通奶冻咁 算啦 可能味道OK 一食落口 面头只系稍暖嘅温度 底层系冻嘅 仲要系好大阵大陆假奶味 系有阵似铁锈又唔知点形容嘅味道 呢个时候已经距离两位老人家大概有半个钟嘅时间 老人家见到我后来先上岸已经有些少不满 但考虑到个饭可能要多少少时间 所以决定等多阵 后尾我叫嘢都黎得七七八八 先至去催个饭 但原来店员跟本无落单 同厨房拿拿临沟通完之后 竟然同翻我哋讲 话佢哋太忙 唔写纸落单嘅话佢哋跟唔到 但讲翻其实佢间店都系10张枱左右 如果只系两样嘢都做唔到口头落单 系咪可以即时告知客人要求写纸落单 或者系先用纸仔写低 转头再落其实都无问题？ 而且就算我哋第二批用纸落嘅单 都系要逐样同厨房跟翻 先至准确 先至知道 有咁嘅服务 可想而知食物嘅质素都系差到贴地 我真系好费解点解今时今日香港会有咁嘅餐厅 我自己都做过饮食业 知道个中既辛苦 但今次嘅体验真系差到极点 令我真系无办法无留低评价 希望如果好想食蒸饭嘅人三思 如果店家见到嘅话 都希望可以作为参考 共建和谐美好嘅香港 谢谢
继续阅读
元朗最难食并没有之一， 千万不要中伏！！！叫咗外卖 ，- 叉烧肠， 粉张厚馅料是唔得少量肉碎，感觉成日团粉入口. 龙趸陈村粉， 全部喺鱼头鱼尾鱼骨部位一啖肉都冇， 而且就算用蒜蓉蒸咗都系有好大鱼腥味， 陈村粉厚到199一啲汁都过。。。 真系食过吏上最难食并没有之一!桂花糕, 应该唔会中伏但完全冇桂花清香味, 结论系叫左2XX 外卖， 食咗啲空气落肚全部嘢食咗几啖 难食到食唔落, 从来未试过元朗原来有咁差嘅食肆。 千祈千祈唔好中伏！！！
继续阅读