影片
生菜牛六宝幼面（$66）因为见到有猪杂，所以叫唔到牛腩、牛杂各一，见到餐牌有牛六宝，包含牛腩、牛筋、金钱肚、沙瓜、牛肠、牛膀，样样有啲，咁就啱嘞。牛腩有2旧，劲失望，又瘦又嚡又韧，讲衰啲仲差过煲汤瘦肉；牛筋有2条，好腍好软身，反而少咗口感；金钱肚有4片，爽口弹牙；沙瓜有2旧，有咬口（真系好鬼似猪肚）；牛肠有两款，竹肠粉肠各2旧，竹肠有肥膏，但无咩牛脂甘香味，粉肠唔太粉；牛膀有1片，普通，正常粉。另外仲有两块生菜。汤底都算清，味道唔太浓亦唔太咸。面条好少碱水味，咬落尚算弹牙。潮汕新鲜什锦猪杂幼面（$46）先讲汤底，清爽，好足芫茜芹菜味，少咸带有生滚过猪杂嘅味道。猪杂有猪润、猪粉肠、肉片、猪心、猪肚、札肉片。猪润软嫩、粉肠唔苦、肉片软身好滑、猪心爽口无腥味、猪肚有咬口、札肉一般，另外仲有一旧猪腰（有少少尿压味）同埋一啲猪肉碎。冻柠茶（+$8）冻柠茶得三片柠檬，冰多，茶少。最后讲吓啲潮州辣椒油，见到佢话自家制，仲有得一罂罂卖，但即场食落，唔辣兼且唔香，无咩特别。另外枱面仲有罂咸冬菜，都几咸。真心讲，有啲失望，牛腩完全唔得，牛杂无亮点唔算出色，猪杂一般般。比较好嘅系坐得几舒服，楼底高，空间感足，装修亦几骨子。PS：有八达通。
继续阅读
佢最近嘅鲜牛肉粥转成用肥牛，以前真系新鲜牛肉，又淋又好味，而家嘅肥牛又肥又韧，咬都难咬。点知打去问个侍应仲话而家呢款先至系新鲜牛肉，兼且贵过之前，以前𠮶只反而系雪藏㖞..鬼信佢咩，以后唔再食！
继续阅读
今日经过屯门虹桥，忽然想起我一向钟意嘅潮州粉面，于是决定去附近𠮶间24小时营业嘅金铭粉面餐厅。虽然平时半夜嚟过几次，但白天嚟呢度倒系第一次。我叫咗一碗云吞牛腩河粉同一杯冻奶茶🥤。首先讲讲呢碗河粉，味道保持住金铭一贯嘅良好水准👍。不过，今日嘅汤底似乎稍微有啲唔够热，令整体口感稍有影响。呢碗面意外咁配咗通菜，呢样喺平时嘅粉面店中好少见。至于冻奶茶，茶味算浓郁，都唔错。金铭系一间方便又有水准嘅餐厅，要求唔太高嘅话，真系值得再嚟！😁
继续阅读
红桥金铭帮衬左超过廿年每逢肚饿，收工，半夜三更都会吃它原因楼面醒，快靓正自从搬左铺一日比日差有时楼面口交五次有3次落错单连鱼旦米都等十分钟算吧。失望尽头永不回头一路好走
继续阅读
买肉碎汤饭冇肉碎！ 不论堂食或外卖，都出现无俾肉碎嘅情况。之前一直都有帮衬开，都有食过肉碎泡饭，之后一次堂食，叫咗碗鲮鱼球肉碎泡饭同蚝仔肉碎泡饭，都发现里面冇肉碎，同店员反映三之后佢即刻去厨房攞返一碗肉碎俾返我哋，话师傅忘记咗放。今次外卖返屋企食，一打开入边只有四粒鲮鱼球同泡饭，即刻打电话去铺头反映，店方话下次去会补返一份肉碎俾我㖞🥲🥲奉劝大家下次买外卖要自己检查清楚先。如果唔系买鱼蛋粉，冇鱼蛋 ，咁就弊啦
继续阅读