影片
食记 (148)
初次入嚟西贡食海鲜, 都抱住俾人㓥嘅心态入黎, 行过咗牌坊两间大铺, 问吓老细几钱加工, 2个人60蚊一个加工海鲜！好！就买个斑马濑尿虾加工, 再嗌个二人餐, 以$190一个人头嚟讲, 呢个二人餐绝对底食, 虽然一定冇你地出去自己买嘅咁大只, 但以出去食黎讲一定对得住你地！龙虾爆膏, 蟹仔又系爆膏, 炒蚬份量又多, 全部都系新鲜嘢, 连个海鲜汤系送嘅都有濑尿虾, 见到啲人话服务态度唔好, 但我自己完全唔觉得系咁, 老板又热情, 食食吓都帮我哋换咗两次碟!
继续阅读
2024年11月30日令人作呕噶一日真系救命我地系西贡码头总站落车之后，行到海鲜街，尽头因为这间叫金辉海鲜酒家睇上去性价比好高，因为其他人均都300几，系得尼间190HKD，服务员又好热情，就选择左尼家，不过万万估唔到卫生情况差成咁上左两个菜，龙虾面细细碟，不过一分钱一分货系咁噶，第二个菜系送噶青菜:我就笔左一壳，吓死你！竟然有一张用过噶止血贴！我顶，有无咁离谱我朋友饮左一啖汤，作呕左一日请看以下实拍图，真系好核突
继续阅读
呢日系平日，放假唔使返工就陪阿妈嚟西贡行吓，嚟到西贡都想去食吓海鲜，但系又唔想食太贵，附近有几间海鲜餐厅都有做套餐，套餐嚟讲其实唔系太贵，每人百几二百左右啦，间唔中嚟西贡食一次都OK嘅。行到条街比较入嘅位置，就见到呢一间，冇乜人食，不过其实间间都系差唔多，唔算太多人食海鲜。呢一间个店员好落力咁介绍有咩食，我哋见个套餐价钱都唔系太贵，就试吓。佢介绍我哋𠮶个套餐，并唔系喺门口栋喺度𠮶啲牌，而系另一张宣传单张，冇影低到，不过我哋走嘅时候问佢系唔系得平日先有呢个餐，佢话唔系得平日，假期都有呢个套餐，但系就唔知点解冇摆出嚟，佢派传单先会有。可以拣坐室内冷气位定系室外睇海景位，见今日唔系太热，我哋就拣咗坐喺出面。套餐每人$190，全包，埋单就系呢个价钱，唔洗再加咩茶芥加一，拣4个𩠌，另外送汤同灼菜。我哋拣咗龙虾伊面底、清蒸海上鲜、椒盐炸墨鱼、生炒骨。另外啲选择，印象中仲有鲍鱼、蚬、扇贝等等，不过因为阿妈唔食贝类海鲜，所以呢啲全部都冇叫。龙虾伊面底龙虾唔系好大只，但就用本地龙虾，肉质都算鲜嫩弹牙。伊面个芝士冇乜味，比较淡。清蒸海上鲜就系蒸鱼，有两款鱼可以拣，呢款系比较少听，店员介绍话几好食又冇乜骨就试吓，但唔记得咗条鱼叫乜名。清蒸配啲豉油已经唔错。椒盐炸墨鱼呢个似乎最好食，椒盐炸惹味，而且墨鱼都几大块，弹牙爽口，炸粉又唔会太厚。生炒骨就正常普通，旧旧都有骨冇净肉，有几旧都几肥。送嘅汤，有啲豆腐同白菜仔，个汤就偏咸。送嘅灼白菜仔，都ok。每人$190都ok唔系太贵，4个𩠌嚟讲平均$100一个𩠌，出面酒楼计埋茶芥加一其实都差唔多。
继续阅读
食物质素系不错的，价钱亦都合理，但系侍应服务态度超差！问佢攞收据报税，佢只比一张手写单，我话要有写明item𠮶一张，佢话冇，之后我话你呢张应该要有过底纸，佢话冇过底；只系叫我自己用手机拍照影相，相机拍照影相怎能报税呢？扰攘一轮之后都系要我让步，之后仲要俾条侍应话我系乞儿！ 绝对绝对冇下次嘅帮衬！ 30分钟开始返
继续阅读
重要事情讲三次，真系唔新鲜唔新鲜唔新鲜话说见到佢哋喺海边切咗好多广告牌，我哋𠮶日行过就觉得可以去试吓，因为里面有一个系海胆炒饭系其他舖头比较少见嘅，但系入咗去食第一啖就知道啲𩠌都唔新鲜，鱼蟹虾都系，大家千祈唔好去食。其实都好少喺上面落负评，因为觉得而家香港呢个环境大家做食肆生意都系唔容易，但系点知我哋返到屋企之后就屙咗三次，仲要喺呢度写评论先至可以话俾大家知佢真实嘅质素系有几差，如果唔系请大家千祈唔好入去呢间舖头食饭
继续阅读