金豪酒家

营业中

休息中

肚餓難耐的我們先嘗試了「好味醬烤骨」，一上桌就香氣撲鼻，誘人的焦糖色澤讓人垂涎欲滴。入口時，烤骨鮮嫩多汁，肉質完美，每一口都讓人欲罷不能。加上醬汁的獨特配方，甜中帶點微辣，與烤骨的鮮味融合，令人回味無窮。這道菜猶如一首美妙的樂章，在口中緩緩展開，讓人陶醉其中。接著，我們品嚐了「避風塘瀨尿蝦肉」，菜式的名字令人好奇不已。一上桌，瀨尿蝦肉的外觀金黃酥脆，瀰漫著蒜香和辣椒的香氣。咬下一口，蝦肉鮮嫩多汁，脆脆的外皮完美地包裹著蝦肉，帶來不同的口感享受。這道菜充滿了廣東風味，辣而不失香，簡直是一絕！

今晚途經深水埗，順便食埋晚飯先回家。在OpenRice看見這間餐廳很多讃好，於是決定試試。幸運的今晚不用等位就可以入座。入座前侍應說8時前我們需交回桌子。晚上6:30左右入座，入座後看完餐牌我們很快便叫了3款飯餸，大約7時左右最後的一味餸送到，當我們大約7:10將碟子上的所有飯餸分到各人的小碗內享用，侍應A已經9秒9收碟，接著侍應B巳開口問我們這張桌子是否巳經完成用餐，但當時我仍在咀嚼食物中，啤酒杯還是滿滿的，孩子的碗中仍有一碗滿滿的炒飯，這是什麼情況！！明白做生意困難，每間餐廳也希望做多點生意。我們並非要求五星級服務，但是也不可以要求客人一放下筷子便要馬上離桌吧。最後，我們也沒有興致在這餐廳繼續享用晚餐，埋單離開時，侍應還急着收拾桌子，將杯熱茶倒瀉在我的孩子上，半邊褲子濕了⋯⋯幸好茶不太熱孩子沒事！把我嚇到差點暈倒！評語：💡這間餐廳只適合喜愛吃快餐的客人享用💡

今日朋友兩個嚟到呢間餐廳餐廳，已經好多年前已經一直經營，而且我朋友以前說在學校踢波過嚟吃他的炒小菜他們的炒小菜，所以和朋友來試試，入到去感覺好懷舊是一些中式的餐館，我和朋友坐低後，我們就點了幾個餸，首先點了一個咕嚕排骨味道，非常好味，不會太甜，而且外面非常鬆脆喏炸出來非常好吃，而且一點了一個薑蔥魚卜煲，份量少了一點，但是好香，但是我覺得葱比較少，我們也點了一個椒鹽九肚魚非常好吃，麵粉也不會太多價錢非常合理如果和朋友吃個飯聚餐的話，這個是不錯的選擇。

現在很多香港餐廳很早已關門，這晚11點多在深水埗附近想食宵夜，立即想起大排檔或金豪。經過一輪抉擇，終於選擇… 金豪。因為相比大排檔，地方環境乾淨一點，而且心裏面想着它的名物… 金豪雞煲翅😂是也。雖然只是翅裙邊，但雞湯濃厚，滿滿一碗非常滿足。另外脆皮BB乳鴿，皮薄香脆，用手食最正。事頭婆炒麵，即豉油王炒麵，宵夜必選。通菜炒牛肉，牛肉略嫌失色。整體而言，宵夜時段不用到大排檔都能吃到大排檔質素，火候十足。

呢一間出名都要預先訂位有啲主打菜都係要提早預訂避風塘賴尿蝦肉，提前訂非常好食，賴尿蝦味好濃，而且不用拆骨的確係很大的賣點開邊蝦籠仔飯覺得呢個飯簡直係100分因為炒得好香恐龍，而且開邊蝦味十足蝦米入晒入啲飯入面雞煲湯翅100分嘅雞煲湯翅價錢一啲都唔貴麻辣凍花甲 ，提前訂反而呢個我就覺得洞悉同埋加麻辣會嘥咗佢麻辣遮蓋左花甲嘅鮮味總括嚟講呢間都係有下次嘅食店，而且性價比都高小菜都10分好昧一班朋友圍食十分好

深水埗長大，餐廳林林總總，一直太多選擇，一直下不了決定，今次妹妹提議試食。家人為弟弟生日飯敍，選擇的都以家人口味優先，食物材料新鮮，味道不太油不太肥膩；唯一店員需要穿梭2間店鋪，打開門又坐近門口，比較熱。事頭婆炒麵：夠鑊氣夠，麵乾身又香口，唔覺油膩。椒鹽鮮魷：漿粉薄，鮮魷好爽口。評語乃根據個人經驗、觀感及口味得出，食物質素以進食當日為準。

真係唔會令人失望。食親都等一個鐘先起菜。重要一碟一碟上，咩胃口都無哂。枱枱都係到催出餸，無咁大個就唔好帶咁大頂帽啦。又要係隔離開多間，廚房就得一個。幾好食都無用。歡迎鐘意等既朋友隨便黎，唔知以為食緊omakase.

公司飯試左依間小菜館 一大班人嗌餸食飯 係幾正！依間都幾好食 好夠鑊氣 😋 價錢較親民 ❇️ 海鮮類芝士龍蝦伊麵｜芝士香濃, 龍蝦鮮甜彈牙！避風塘瀨尿蝦肉｜超貼心已經去左殼 啖啖肉炸得外脆內juicy!蒜蓉粉絲蒸蟶子｜蟶子鮮甜 粉絲超入味煎龍躉扒煲｜龍躉肉質鮮嫩 火喉一流！❇️ 肉類頭抽霸王雞｜頭抽醬汁香甜 雞肉嫩滑鮑魚鵝掌｜鮑魚好夠淋！鵝掌夠晒爽口花膠雞湯｜好清甜 花膠份量好足！清湯腩｜腩肉軟嫩爛熟, 湯汁清甜唔油膩椒鹽豆腐｜即炸熱辣辣 外皮超夠脆 夠薄

深水埗老至好酒家，巧耐之前食過一次。避風塘瀨尿蝦：手拆瀨尿蝦，聞說經常賣哂。蝦肉爽口彈牙、配著濃濃的蒜味，送酒一流。琥珀合桃：佐酒小食😋沙薑豬手：豬手爽脆，精華係d香蔥辣椒、巧巧味。魚蓉米網卷：米網巧脆配上淋 pat pat 的魚蓉，還可以吧！雞煲：味道夠但d雞碎濕濕。芥末牛柳粒：牛柳粒嫩，若芥末辣d更刺激。小炒皇：吾得啦，茅魚仔、腰果，魷魚好似分開炒咁。

訂既8:30，等到9:00先入到座。算落單，要A呀無A喎，咁B呀，無B喎，要乜無乜，可笑到連白飯都話無，唔知講乜好。第一個餸，成9:30先到，十分鐘先上一個餸，慢到一個點。要cut單盛就係咁話整緊。食到一肚火

光顧咗十幾年，今日去食飯，平時都有自帶紅酒去飲嘅，今日竟然要收50蚊開費，嬲咗，以後都唔會再嚟，十幾年嘅熟客就咁無咗了，唔係畀唔起嗰幾十蚊，而係店員開咗酒，寫落單先知，好似有啲那個囉

平時好少嚟深水埗，朋友介紹呢一間大排檔小菜，所有嘢都好好食，又唔油又唔多味精，　非常值得推介。椒鹽賴尿蝦係最好食，辣得好過癮，一定會再嚟，性價比超高，個場好有氣氛！

今晚約咗幾個朋友到深水埗食飯揀咗呢間朋友介紹的酒家，大約6點幾到就直接入去拎位，店員話我哋冇訂枱要去隔離舖友人剛才先係隔離舖過來，話果邊店安排我哋坐呢間最後安排咗角落位，但另一店員又要我哋再調枱感覺安排上較混亂，同兩舖之間冇溝通睇過餐牌後，店員都主動推薦多款海鮮同熱門菜式大家各自揀到心水就落單，好快就上菜-沙薑豬手外皮爽滑，肉質軟嫩肥腴，配埋香蔥辣椒好惹味芥末牛柳粒食落肉味濃郁，肉質細膩，配芥末醬好清爽椒鹽鮮魷外皮炸得金黃酥脆，魷魚清口鮮美又軟韌避風塘瀨尿蝦蒜味勁香～蝦肉爽口滑韌，食落鑊氣十足而津津有味整體食物幾好味，只係服務同安排上有不足價錢相宜，收加一同茶錢下次再來嘅話訂枱可能會好啲～

話說朋友係英國返黎成年無見一定有排傾 友人推介左呢間金豪酒家 最好既係有獨立房 一早book定 等左5-10分鐘左右說會有專人帶你去間房 都可以坐到起碼12-15個人 👍🏻大家都未黎過 就樣樣都叫d大力推介 椒鹽賴尿蝦 係幫你拆晒殼 啖啖肉好味到停唔到口 🤩🤩🤩溫馨提示 ✨ 如果有想食嘅海鮮 一定要叫佢留定 如果唔係有機會去到賣晒

訂左6:30/7 位，可能因為星期日嘅關係，差不多七、八成坐滿。炸子雞，皮脆肉仍然有汁，幾好食。沙薑豬手，豬手系爽嘅，個汁有大量蒜蓉、紅椒粒，好惹味。咕嚕肉，皮脆內軟，洋蔥、青椒就好多，但肉粒份量比較少。椒鹽鮮魷，個粉厚左啲。啫啫芥蘭爽肉，有獲氣，爽肉香口，但份量偏細。清湯蘿白牛腩，湯頭好甜，牛腩好淋，吾錯。上湯蜆肉豆苗，蜆肉得三、四粒，豆苗夾兩夾已經冇乜。事頭婆炒麵，冇乜獲氣同埋比較濕，一般。另加兩罐汽水及開瓶費，埋單$1415，餸菜味道不錯，但份量偏細。