金豪酒家

营业中

休息中

今晚同家人黎左深水埗一間大排檔酒家, 一入去就感受到濃濃嘅港式風情~~餐廳唔算大, 枱凳擺得整齊, 燈光夠光猛, 乾淨企理, 好有地道feel雖然人聲嘈雜, 但反而更有香港大排檔獨有嘅熱鬧氣氛食物種類非常豐富!!!一般既小炒呢道差唔多全部都有餐廳仲做緊優惠~1早鳥優惠7:30pm前埋單88折2.宵夜優惠9:30pm後小炒78折龍躉兩味 $328翡翠炒球斑球炒得恰到好處, 肉質鮮嫩口感~~西芹翠綠爽脆, 芡汁濃稠得嚟唔會漿口清蒸斑頭腩原條斑頭腩蒸到剛熟, 魚肉鮮甜, 肉質嫩滑, 口感滑順！魚油豐富, 鮮味十足~~豉油皇中蝦 $168用秘製豉油皇爆炒, 中蝦炒到金黃~蝦殼脆到可以連殼食, 蝦肉爽彈鮮甜, 非常惹味!!!蘿白清湯腩煲 $198牛腩炆到淋滑入味, 蘿白煮到透明, 索晒湯汁精華~~湯底清澈清甜, 整體味道平衡, 唔會太油膩

好耐冇食港式大排檔喇!!! 最正係呢道食到大排檔風味之餘仲有冷氣呀~~餐廳地方唔算大, 但又唔會坐到好迫, 感覺非常地道有特色!!菜式方面非常豐富~有各種風味小炒, 例如避風塘炒, 煲仔, 金沙炒等等....餐廳仲做緊優惠~1. 早鳥優惠7:30pm前埋單88折2. 宵夜優惠9:30pm後小炒78折金豪和味雞(半隻) $188雞皮金黃油潤, 肉質嫩滑, 雞味濃郁~雞肉完全入味, 連雞胸都唔會鞋口啫啫通菜 $98人氣小炒王!! 職員即席將通菜用砂鍋啫到"滋滋"聲, 熱辣辣香氣撲鼻~~菜莖保持爽脆, 菜葉就索晒蝦醬香氣沙薑豬手 $88豬手控必試!! 豬手炆到淋滑入味, 膠質多到黏嘴唇~~最正係豬皮爽口彈牙, 肉就保持到少少咬口...醬汁辣辣地好開胃

朋友生日就相約到位於深水埗金豪酒家大吃一餐，這裏環境寬敞坐得好舒服，餐廳仲有早鳥優惠7:30pm 前埋單88折，宵夜優惠9:30pm後小炒78折，我們四人就點了幾個小菜。蟹.蟶子海鮮孖寶蒜蓉粉絲蒸蟶子，口感豐富，肉質爽口彈牙，粉絲吸入醬汁，非常入味。蟹肉鮮甜香口，香噴噴嘅蒜蓉味啖啖肉，蟹身有手掌般大。芥辣牛柳粒牛柳粒嫩滑，芥辣醬的辛香味道提升了整道菜的層次，合桃甜甜地香脆可口。金豪和味雞（半隻）雞肉鮮嫩，醬汁香濃，雞皮又香又滑，配白飯一流。魚腐浸白菜魚腐與白菜相搭配，口感清新，湯底清甜，忍唔住飲多兩啖。艷影蝦球色香味俱全，外酥內嫩的炸蝦球，沾上特製醬汁酸酸甜甜脆卜卜，好惹味！

第一次係食到嬲住咁走，一開頭落單就話之後冇得加單，不但食物水準下降，服務態度差，晚市60分鐘未食完就叫人交枱，趕客走🤬🤬🤬最差既體驗，不可一不可再！！！！不要建議朋友去呢間食。

老人家生日帶佢來食飯慶祝。地下位置偏熱，被安排在一張近房間的枱，由於位置問題，同行有些朋友坐得不太舒服，店員很好，知道後，送了款冷食給風們。豬手好食，有咬感，個湯汁好好味，咸咸地帶微辣。沙煲蠔都好食小炒皇一般啦炸蒜瀨尿蝦好味，冇殼可以直接食，炸蒜亦都好香口。其他食物因為唔係我特別喜好嘅食物，所以我覺得一般還好。埋單約一千三百幾，6個大人食，都真心唔算貴。

朋友聚會，今次去左係深水埗既金豪酒家食！佢都幾多人食，有信心保証！龍躉兩味夠晒新鮮，清蒸斑頭腩嫩滑得嚟又冇腥味，啱晒鍾意食原汁原味嘅人 🐟。翡翠炒球色香味俱全，火候啱啱好！艷影蝦球大大隻而且爽口彈牙🦐。頭抽霸王雞半隻夠晒啖啖肉，雞肉入味，油而不膩 🐔。砂煲芥蘭啫爽肉煲仔味濃，有鑊氣又唔過鹹 🥘。侍應會喺你面前用砂煲炒，視覺效果一流！芥辣牛柳粒食落好舒服，唔會好辣，牛柳粒又唔會太老！整體嚟講，味道穩陣，火候掌握得好，份量又唔算吝嗇。下次再去試其他嘢食。

約咗幾位friend一齊去深水埗食晚飯，專登揀咗金豪酒家。聽講佢啲小炒夠鑊氣🔥，海鮮又新鮮🦐，環境親切舒服🪑，加上開到深夜，好啱成班人傾下食下，感覺好warm好街坊。🐟 龍躉兩味 以蒸同炒兩種方式處理，味道層次分明，表現相當出色。 🥢 清蒸斑頭腩 魚腩油脂豐厚，肉質滑嫩，蒸得啱啱好。薑蔥豉油比例恰到好處，突顯鮮味，入口即溶，清香不膩。 🥬 翡翠炒球 用大塊龍躉魚片爆炒，肉質爽滑彈牙，配上爽脆西芹，夠火喉，清新又香口，好搶口。 🍗 頭抽霸王雞 雞皮微脆，肉嫩入味，頭抽鹹香滲透每吓肉，啱晒鍾意港式惹味。 🧊 艷影蝦球 蝦肉紮實，醬汁甜鹹平衡，冇遮蓋蝦味，夠晒鮮甜。 🍲 砂煲芥蘭啫爽肉 熱辣辣上枱啫啫聲十足🔥，肉香撲鼻，芥蘭爽口，好撈飯。 🌶️ 芥辣牛柳粒 牛柳外脆內嫩，芥辣醬夠勁唔嗆喉，口感刺激又醒胃。成晚食得開心又盡興，菜式有火喉有驚喜。店員落力✅，環境乾淨舒適💛，令人feel到溫暖又親切。金豪真係好適合同朋友聚餐，再嚟一定唔出奇！

從電視節目看到介紹的菜式不錯，故特意一試。因星期六，晚上六時入座八時結帳。服務態度雖不錯，但食物的味道真的沒有什麼特別，所說的招牌菜，如椒鹽賴尿蝦肉、椒鹽鮮魷、缽酒蠔從味道到賣相也很一般，椒鹽賴尿蝦肉及椒鹽鮮魷完全不野味，炸粉也厚，鮮魷淡而無味。惟一值得讚賞的是雞湯翅，點了四至五人份，翅量夠，湯底亦鮮甜。但店舖冷氣不足，邊吃邊流汗。整體來說，名過其實，且價錢不算便宜，五餸一湯翅，結帳要差不多二千元，勝價比低。感覺不良好，不會再光顧了。

又係時候同班friend聚餐食飯吹下水今次就揀左食中菜 果然冇失望❤️🔹龍躉兩味- 清蒸斑頭腩：魚肉鮮甜 蒸得啱啱好淋咗少少豉油同蔥絲 連木耳都索晒味- 翡翠炒球：龍躉球炒西芹 鑊氣十足 魚肉爽彈 蔬菜又脆口🔹頭抽霸王雞雞皮滑溜 肉質嫩滑 浸咗頭抽嘅香味 鹹甜適中大量薑蔥加分 好惹味🔹艷影蝦球蝦球大大粒 炸得外脆內爽個醬汁酸酸甜甜 食落好開胃🔹砂煲芥蘭啫爽肉芥蘭炒得翠綠爽脆 豬頸肉又彈牙啫煲上枱仲「滋滋」聲🔹芥辣牛柳粒牛柳粒咬落多汁 個芥辣醬勁過癮辣得嚟又唔會搶咗牛肉味 每道菜都幾有鑊氣 食材新鮮全晚都好滿座 值得一試👍🏻

走進深水埗的**金豪酒家**，彷彿時光倒流至八、九十年代的香港茶樓。褪色的紅地氈、圓桌玻璃轉盤、推著點心車的阿姨，處處洋溢著老派粵式酒樓的市井氣息。這裡沒有精緻的擺盤，卻以實打實的傳統手藝，留住了一班老街坊的胃。 首推**清蒸班頭腩**，每日新鮮到貨的石斑魚腩，簡單以豉油、薑蔥清蒸。魚肉雪白嫩滑，魚脂豐腴甘香，蒸煮時間拿捏得恰到好處，筷子一夾便見蒜瓣肉。最驚喜是底下的蒸魚豉油，鮮甜中帶點魚油的香氣，用來撈飯簡直一絕，老饕至愛。 **鮮花蛤蒸水蛋**是隱藏菜單上的寶藏。水蛋嫩滑得近乎吹彈可破，花蛤飽滿無沙，鮮蝦爽脆彈牙，三種鮮味在蒸製過程中互相交融。舀一匙入口，蛋香裹著海鮮的甜，層次分明卻又渾然一體，簡單中見真章。 鎮店之寶**金豪和味雞**更是必試。選用走地雞，皮色金黃透亮，雞皮與肉之間凝著一層晶瑩的雞凍。雞肉嫩滑不柴，雞味濃郁，蘸上秘製薑蔥蓉，辛香更襯托出雞肉的鮮甜。最難得是連雞胸部位都入味非常，足見師傅浸雞的功力。 坐在卡位裡，聽著四周茶客的閒話家常，品嚐著數十年不變的傳統滋味，這份老香港的情懷，或許比美食本身更令人回味。

和朋友們相約在深水埗吃飯，因為我們都喜歡地道的中菜，今晚選了金豪酒家，在區內人氣很高，晚上人流非常多，幾乎全場坐滿，值得一提的是店家設有早鳥優惠，於7:30pm前埋單可享88折，9:30pm後小炒78折，相當吸引。海鮮魚＋蟶子孖寶$468我們今晚點的海鮮魚是龍躉，龍躉肉質厚實細嫩滑溜，蒸得剛好，蟶子新鮮度非常高，肉質鮮甜，配上蒜蓉粉絲及蔥更香口。金豪和味雞（半隻）$188雞肉滑嫩，味道不過鹹，每件都入味，食落口感扎實。半隻份量適中，價錢合理，足夠3-4個人分享。砂煲芥蘭啫爽肉 $98店員即席炒香這道菜，芥蘭及爽肉啫得夠香，入口有啖啖鹹香；芥蘭保留脆口，火喉控制得好。白灼鮮牛頸肉$198牛頸肉切得厚薄適中，灼到剛熟，保留嫩滑口感，底下鋪有芽菜，吸收肉汁後更惹味。是款簡單但食材講究的菜式。原籠蒸糯米蝦$188糯米蒸得香軟，吸收了蝦與荷葉的清香，令人吃不停口；蝦肉開邊較易吃，肉質彈牙，感覺新鮮，與糯米融合得自然。

，呢間位於深水埗嘅本地中菜館絕對要bookmark！餐廳環境走「街坊親民」路線，岩晒一班朋友嘆晚飯。l🔹 *沙巴躉 + 蟶子孖寶$468爽滑厚肉嘅沙巴躉入口鮮甜，魚脂甘香，啖啖有肉🔹 蟶子聖子啖啖彈牙，鮮味濃郁，蒸得啱啱好，完全無腥味，口感滑溜，咬落仲有汁，超正！🔹 *金豪和味雞（半隻）*滑嫩雞肉配上香濃和味醬，皮脆肉嫩，啖啖肉汁，雞味濃郁得嚟又唔油膩，好味。🔹 *砂煲芥蘭爽肉*砂煲上枱香氣四溢，芥蘭爽脆無渣，配埋厚切爽肉，肉味香濃但唔韌，係口感同味道都唔會妥協嘅完美配搭。🔹 *白灼鮮牛頸肉*牛頸肉切得薄而均勻，白灼至七成熟，肉味濃而唔羶，滑身帶少少筋，口感層次好豐富。🔹 *原籠蒸糯米蝦*糯米煙韌唔硬，吸收哂蝦隻鮮香精華，蝦肉爽彈，一啖落肚有晒鮮、香、糯三重感覺

想食吓D鑊氣小炒，天氣太熱又唔想去大排檔坐得唔舒服，深水埗呢間《金豪酒家》絕對滿足到你要求👍🏻！蟹.蟶子海鮮孖寶 $638避風塘炒蟹～原隻上枱超大隻，超多炸蒜又脆又香口🦀肉質鮮甜夠入味✨✨必食😋！蒜蓉粉絲蒸蟶子～蟶子新鮮爽口，蒸嘅時間控制得剛剛好，粉絲亦吸收哂蟶子嘅甜味👍🏻👍🏻！芥辣牛柳粒 $118炒得特別有鑊氣連合挑都香口，加入埋芥末醬調味，非常惹味！金豪和味雞 $188半份已經足夠四人食用，咸香味濃👍🏻！艷影蝦球 $128一碟有九隻，建議即食🍤外層酥脆，如果醬汁再酸甜D，感覺會更好味！魚腐浸小白菜$98白菜爽口🥬湯底清甜，配搭以上惹味小菜，不錯！

不經不覺2025又過去半年合作半年嘅同事又要轉duty大哥請大家食大排檔聚一聚不過天氣咁熱去大排檔又有點辛苦地膽同事就介紹去金豪酒家冷氣開放小炒夠鑊氣金豪酒家張張大圓枱好適合多人晚飯食物選擇夠多仲有唔少海鮮選擇正！我地叫左招牌嘅避風塘瀨尿蝦肉呢個食得好方便瀨尿蝦極鮮甜即使用濃味爆蒜去炒都仍然可以食到鮮甜海鮮味濃湯翅勁足料雞湯濃郁入口全是翅群👍👍👍和味雞雞味濃郁雞肉結實滑嫩啫啫通菜用生窩即炒香氣四溢龍躉兩味炒球夠鑊氣清蒸夠鮮美金豪酒家氣氛地道侍應服務周到及時雖然環境不及連鎖酒樓論食物及服務一定更勝一籌仲有早鳥優惠同宵夜優惠7:30pm前埋單88折9:30pm後小炒78折更抵食！

金豪酒家喺深水埗真係出晒名小菜夠鑊氣氣氛地道啱晒一大班friendgathering食飯今日平日去到都full house假日真係要book定枱侍應全場不停穿梭成個氣氛勁熱鬧講真依家咁旺場嘅酒家唔多喇！🔸金豪和味雞（半隻）雞皮微鹹肉質嫩滑入味得嚟又唔死鹹雞有雞味簡單直接🔸中包翅仲以為佢會以窩仔上不過上到枱碗碗都勁足料！湯底係鮮濃雞湯味，超正！充滿誠意🔸啫啫通菜侍應阿姐上枱快炒通菜鑊氣十足入口爽脆蝦醬味超下飯🔸龍躉兩味一半炒球，一半清蒸先食清蒸斑頭腩火候控制得準魚腩位滑得黎帶點膠質食到停唔到口翡翠指係翠綠西芹龍躉球火喉啱啱好脆嫩鮮甜夠鑊氣成碟色香味俱全避風塘瀨尿蝦肉呢個真係今晚主角酥香蒜粒同辣椒爆香瀨尿蝦肉已拆殼嘅瀨尿蝦食得好方便食得出瀨尿蝦真新鮮👍好鮮味💯💯💯✅ 7:30pm前埋單有早鳥88折，我哋啱啱好撞正，埋單慳唔少！✅ 9:30pm後小炒仲有78折，宵夜必衝！成晚氣氛夠熱鬧餸菜上菜快份量足好啱一家大細聚餐