金記冰室 (已結業)

炸薯條 (6/10) 波浪型薯條坊間少見，要在茶餐廳才找到的風味！不過炸得不算很脆，薯味搭夠咖哩套餐:羅宋湯 (7/10)足料，味濃熱奶茶 (7/10)茶味夠，又香又滑。不落糖也很滿足。咖哩牛腩農夫包 (7/10)咖哩好惹味，不算辣，適合香港人口味！牛腩好淋好入味，包夠脆，唯一美中不足是牛腩份量偏少，而且價錢相對較其他款式貴。

在地鐵附近走累了，看見閃閃的招牌就進去了，算是無意間遇見吧。生意很好，肯定要拼桌的啦。菜單和店內設計都很有意思。火腿通粉無功無過，多士和煎蛋很好吃。 如果是一般午餐的話，比較便捷，選擇也比較多。但是來旅遊的話比較不建議來這裡。

同朋友諗唔到食咩諗住試下冰室，好似好懷舊feel既餐廳😂😂鰻魚汁烏冬，味道普通，如果係手打烏冬會更好但價錢平要求唔到咁多雞脾好入味，熱辣辣整出黎好正最好味既咖喱牛腩包，入面係飯同咖喱牛腩，好濃味既咖喱同好腍既牛腩好好食，好值得試，美中不足係唔辣既同埋份量太大

一去到個門口已經覺得好有香港風味，而入到去既環境好乾淨，好多畫，而且餐單夠哂特別！我地點左幾野食物，當中呢個咖哩牛腩焗農夫包，好特別！包住啲咖哩飯，而且份量好大，足夠2-3人食！啲咖哩汁又好濃郁！啲包面再掂啲咖哩汁一齊食，别有一番風味！鰻魚汁炒胡冬，炒得好夠火喉，而且好多海鮮，一個人食絕對勁滿足！真係好好味！

週末到西環一遊，下午茶來到由筲箕灣搬到西環的金記冰室。店內裝橫不難令人憶起80 90年代的味道！桌上的餐牌也特別設計成懷舊的乒乓球拍，十分有心思。這天叫了一份鮑您好味 和 Q版西多士餐。鮑您好味其實是仿鮑魚絲火腿通粉配煎雙蛋和牛油方包。仿鮑魚絲火腿通粉味道不過不失，牛油方包反而驚喜十足，厚身的牛油方包被烘至全身鬆脆，包面均勻抹上咸牛油，咸牛油的味道比平時濃，而且令口感不過太乾身。西多士 ＋ 炸雞翼，是我在小學＋中學時代的下午茶首選，西多士剛烘出來十分鬆軟，雖然卡路里很多，但還是怎不住一口接一口；至於炸雞翼就略嫌炸得未夠透，但算是夠入味。下午荼餐還配上紅豆冰，椰奶有香濃椰香味，而紅豆原粒大大粒咬下去每粒都很甜，整體甜度亦十分恰當，把它喝真是很滿足

放假想去茶餐廳食個下午茶，見到呢度個comment唔錯，咁就待登揸車去試下啦！去到下午4點幾，所有「包點、西餅」賣光了！有點失望。那試試炸魚薯條啊！等了約十分鐘，即炸既炸魚賣相不錯。但係塊魚好薄，兩邊既炸槳夾埋同塊魚並唔多。佢仲薄過大家樂早餐塊炸魚！同預期中差距什大...很失望。

曾幾何時好鐘意食乾炒牛河，可惜去過好多食店叫過都中伏之後，已經好耐無order一係就牛河唔夠爽, 一係就牛肉唔靚金記的乾炒牛河終於令我重拾信心，牛肉軟腍口感好，又新鮮有牛味，河粉都夠爽滑可口，調味出色。$49，抵比。心思思又叫左個雞翼連沙律。味道不錯，雞翼外脆內軟

放工係對面海同朋友食飯，就黎左金記食~一行入去，就充滿懷舊氣息!掛住望都唔記得影相haha~不過最緊要既係->相機食先例牌動作!足料豬扒飯! 最愛酸酸汁同大排擋有得比既炒河, 好味因為有最重要既鑊氣聽伙記講, 無咩地方有得飲先叫, 無中伏! 仲幾好飲( 記得加少少糖, 因為得蛋味, 加左糖就好味)值得食, 晚餐黎講算平

見到網上呢間茶記個menu幾得意，同埋都幾多食評，今日黎開呢頭就黎試下。Menu係用乒乓波板做成，都幾特別深海吉列魚柳沙律 $46評分：3/5魚柳炸得幾香口，沙律都幾多材料薯仔唔會太林冇晒口感，而且沙律醬都幾多，食落好涼快不過收得呢個價錢魚柳餐份量真係地得驚人黑椒雞扒炒意粉 ($唔記得價錢)評分：2.5/5食落黑椒味都幾香而且雞肉唔會有雪味但廚房師傅炒到好油膩，d洋蔥油到好似岩岩炸過咁，麻麻地。入去冇3分鐘，伙記已經走過黎幾次問諗好食咩野未，係咁吹吹共。節奏要你好快決定，諗多諗都嚴你慢。。。-完-

行經西營盤，見到金記的裝修很特別，就入左去試了這間冰室的擺設和menu很有懷舊feel， menu是由乒乓球拍造的，很有心思。這次嚐試了幾款食物，最欣賞的是豬潤通粉它的湯底清淡，豬潤的火候剛剛好，一咬落去很爽口，再咬有少少融化的感覺，很新鮮。另外值得一試的是咖哩牛脷意粉，牛脷的肉很嫩，咖哩甜甜地，不會太辣，很適合用來送意粉牆身仲有塊牌介紹以前D人的飲食習慣，原來以前無咁富裕的人會飲牛肉汁去補身，試了朋友一啖牛肉汁，幾特別，有的似肉骨茶的味道，但胡椒味無咁重喜歡肉骨茶的人的人可以去試下整體來說，這間餐廳的食物質素真的不錯，而且晚餐都可以做到40-50蚊一碟的價錢，性價比相當高!

尋晚去左西環既金記冰室個度食，原來呢間冰室係196X年開既，歷史悠久，見到有啲好有特色既飲品，唔係好敢叫，於是叫個一杯凍唂咕黎試：味道都唔錯，有啲似美綠，有啲朱古力香味，加上少少苦味；個職員同我講原來唂咕其實係落左整Tiramisu舖係面既粉整成既！又學到嘢啦！不得不先介紹一下個Menu，好得意，係由真既乒乓球拍整成架，係咪好有特色呢？同朋友一齊食既好處就係可以試多幾樣嘢食啦！首先食左個雞扒烏冬，啲雞扒好滑，烏冬好彈牙，最好味係個醬料調得好好，唔會好咸又好香口。第二道食左咖喱牛俐意粉，有驚喜！牛俐好爽口，而啲咖喱一啲都唔辣，甜甜地好易入口，撈落啲意粉度食味道剛剛好！仲有食左碟瑞士炒牛河，味道同乾炒牛河無乜分別，但好有鑊氣，都算係有水準之作。三碟菜都好評，而且四五十蚊就食到一碟，好抵食！唯一要彈既地方就係呢一餐好多醬汁，加上係炒嘢，都偏油膩，對於想keep fit 既人就唔係太好啦 ！

經朋友推薦 我同朋友決定到西營盤一試金記冰室。 從外面睇，覺得佢既裝修新淨，但字體和外表都保留舊香港既懷舊味道。 進入冰室裡面，發覺兩邊牆上都系舊漁港時的香港牆紙，而且地磗和牆磗都系五六年代圖案既舊街磗，令內裡甚具懷舊氣息。 餐廳menu形狀系一個乒乓球板，令人覺得幾新奇有趣。menu有十幾頁，都幾多選擇。 最後，選擇了 瑞士炒牛河 咖哩牛腩撈公仔面 豬潤通粉 番茄局豬扒飯等等 瑞士炒牛河 有正宗大排檔獲氣 賣相和干炒牛河無異 但多了一絲瑞士汁既美味 美味又特別 咖啡牛腩撈公仔面 濃濃地 但食落不覺得油膩 不咸不甜 幾美味 撈公仔好好食豬潤通粉 豬潤好滑 口感甚佳番茄局豬扒飯 ok 好食過大家樂一哥豬扒飯 但又無太大驚喜但以價錢去睇 四十多蚊一個餐 有如此味道 性價地甚高 非常抵食 絕對值得推薦

2年前食個一次豬潤麵，覺得好食有港式茶餐廳味道，今日再去叫咗豬潤麵＋下午茶餐西多士+鷄亦，非常失望D豬潤麵又淋又腥，個湯等如水一樣冇味⋯西多士得塊包冇醬又油淋淋，隻鷄亦仲要"叔"咗⋯⋯乜胃口都冇哂，D呀姐仲要係度鬧交😰，永遠都唔會再去

今日同朋友去左西營盤食飯，當大家都諗緊食咩既時候，我就提議左呢間冰室，話一直想試佢既炒麵。天氣太熱關係，一定要叫返杯凍飲，就一於紅豆冰少冰。冰粒不算太多，紅豆份量適中，不太甜，感覺沒有那麼邪惡。之後叫了咖哩牛腩撈公仔麵，公仔麵好爽口，唔腍。其實我唔太鍾意食太腍既麵，所以覺得好正，再加上咖哩汁，不太辣，又香，牛腩又腍，肥瘦適中，幾樣因素合成，其實好美味。當然唔少得我最期待既雞扒炒公仔麵。一放上枱已經聞到香噴噴，有獲氣，不油膩，芽菜爽口，混合埋麵一齊食，口感更豐富。雞扒煎到有脆皮感覺，實在太好。朋友最後都話我介紹唔錯。計我話，最難得係可以同知己聚下舊，講下心事，吐下苦水啦，再加埋可以有美味既一餐，真是一個美滿的一個晚上。

試食有D名氣的金記冰室一入去已經有個好有禮貌的伙計叔叔帶位入到去,個餐牌係一個ping pong波拍做o既,幾有心思打開menu,好多樣野都好想食wor本身最喜歡食咖哩,見有個咖哩農夫包好吸引,不過價錢頗貴要7x結果決叫撈公仔麵公仔麵唔算多,男仕當午餐可能會差d咖哩幾香,唔算辣,好岩我口味雞扒正常, 公仔麵煮得夠淋但唔會太過份整體都幾好奶茶夠滑不過奶味偏重可以再好d下次會再黎試下其他野