金記冰室 (康怡廣場北座)

营业中

休息中

今日與朋友去港鐵太古站康怡廣場。 差不多到中午, 見在金記冰室門外等候的人不多, 即取票等候。 過了不久, 就有位子了。 但畢竟到午市繁忙時間, 我們二人要與其他兩位顧客共用四人卡座, 有點擠迫。午市套餐餐牌 : 無骨海南雞配油飯 : 套餐已包括一碗湯(中式)丶油飯丶一碟無骨海南雞丶薑蓉丶花生和醬汁。 雞肉和雞皮雖然不是十分滑溜, 但海南雞完全無骨,食得安心。 港式雞脾沙律 : 雞脾炸得皮脆, 但雞肉有點乾。 沙侓新鮮。 套餐亦包括湯(中式或西式), 就要了中湯。 熱奶茶 (左) 丶 熱咖啡 (右) : 我喝熱奶茶, 有點茶味, 但不夠滑。

大年初二當然係要同屋企人出去食下早餐，原本打算食半自助餐，點知發現未開門，於是就去咗食茶餐廳仲未到11點半，所以仲有早餐食，叫咗個沙嗲牛肉麵，份量唔太多，牛肉得幾塊，作為一個成年男人係唔夠食嘅，只能夠講係幾有沙嗲味，除此之外真係冇乜特別個多士上面係有牛油嘅，係炕得幾好食，有少少焦黑。至於個炒雙蛋真係好油，啲油多到可以滴出嚟，好唔健康，最後我要用水沖一沖先至食得落口

就嚟過年，仲未辦年貨，所以趁住今日星期日同老婆去康怡廣場度掃貨，搞掂咗賀年禮品後，就落去地下嘅〈金記茶冰室〉度食嘢。呢度地方都算坐得幾舒服，我最鍾意嘅係佢哋嘅餐牌設計，整到好似日曆噉好得意。我點咗一個鮮茄濃汁焗豬扒飯 再加一杯凍鴛鴦，呢個飯鲜茄汁味道好濃郁，啲飯又焗得好啦，豬扒肉質都幾彈牙，正！老婆就叫做一個咖喱魚柳飯，因為佢鍾意食架喱，佢話呢度啲咖喱汁好濃郁好香好好味，羅宋湯又好有牛肉味。

收工時間嘅太古市中心。晚飯時間。唔好諗咁多，有位就坐。金磚風沙炸豆腐好考師傅功架嘅一道菜, 採用滑豆腐 (而非比較硬身嘅豆腐), 炸到每件都金黃香脆, 外層口感脆卜卜, 內層豆腐仍然係滑捋捋, 絕對可以用 “外脆內滑” 黎形容, 超級香口嘅小菜｡滑蛋韭黃炒蝦仁蝦仁炒蛋 - 家庭飯桌上的「常客」，蝦球 Q 彈，蛋嫩滑。配白飯無得輸…金牌乾炒牛河有鑊氣、夠味、乾身不過油，牛肉醃味適中，加埋是拉差辣椒醬，PERFECT MATCH !金粒西多配雪糕即叫即炸，勁好食，但極邪惡。(可惜雪糕賣曬，用棉花糖代替。)晚餐除左套餐外, 亦可以散嗌小菜｡ 小菜款式都幾多, 仲可以加錢跟白飯、餐湯同餐飲｡

商場出現人龍店，一到6:30pm 出現了長龍，平民價的鐵板喔。很多人排必有原因！$70就有鐵板牛扒食，澳洲西冷來喔，我跟朋友亦衝去了。在高級西餐廳享用上乘牛扒，固然是人生一大享受；但談到情懷，港式西餐應的鐵板扒餐依然不能被取締。懷舊西餐廳在港屹立，HAPPY!鐵板（豬、牛和雞）鐵板餐是源於香港的一種特色食品上菜法，是把食品煎或烤熟後才放在加熱了的鐵板上（並非在鐵板上燒烤），使食物在入口前仍能大致保持熱度。鐵板餐源於港式西餐廳，而這店的鐵板也有很令人難以取化的感覺，肉類多而且肉質香也處處飄揚，吸引附近的食客也一同叫它，一同感受香港舊日的朋友之情，那感覺非常好！咖喱牛腩飯牛肋條有五大件，每件手指長，粗約1吋，肉質肥美，既有咬口也不會出現油脂太多的缺失，肉感十足；薯仔薯味濃，帶天然甜味，出奇地好食。特飲邪惡特飲非常棒棒呢！朋友之後也讚，下一回要飲其他懷舊飲料，一起感受香港的地道，談一些平凡感覺。這麼有感覺之小店也～

之前間中會到西營盤的金記食早餐（已結業），居然在太古康怡找到它們新開的分店，所以到來試試是否跟之前的老店一樣。　新店的裝修比較新穎，店外有一幅畫，畫的左邊是賣麵包蛋撻的，右邊是餐廳。星期日下午茶時段，客人不少，要取票等位。等了大約十至十五分鐘可入座了。　點了兩份茶餐。一份是鮮牛肉蛋三文治(配飲品) ($40)雖然味道有點淡，但鮮牛肉和蛋都很嫩滑。另一份是炸雞扒薯條(配飲品) ($42)炸雞扒比較細件，味道一般。薯條是熱和脆的。　雖然都是金記，好像還是以前的老鋪好味D。

金記冰室開新店 駕臨太古康怡頓時成為康怡嘅風頭 非常多人排隊朝聖人雖然多 但好快就可以入坐 值得一讚餐廳裝修以懷舊為主題 充滿六七十年代風味天花板用樽裝汽水盤裝飾 好花心思欖菜肉碎炒四季豆 $58欖菜肉碎好惹味 用黎炒四季豆原本清淡嘅四季豆 都變成下酒佳餚飯都食多碗豉汁煎䱽魚上菜速度奇快 一般煎魚較耐但餐廳做到落單後5至10分鐘就可上枱豉汁香濃 䱽魚表面煎封得好脆配菜加上青椒 爽甜可口蛋白杏仁茶餐廳以懷舊做主題 當然飲品都有特色杏仁茶香 蛋白幼滑 喜歡杏仁嘅朋友不可錯過

某天晚上胃口不太好正好在太古城溜达，看到这家金记冰室还挺多人排队的，果断跑来试试。之前时常光顾铜锣湾的金记冰室，算是香港最喜欢的茶餐厅之一。太古店拿号的时候还以为不用等太久，结果五六个号码等了半小时，有点郁闷。进店的时候感觉装修风格没那么喜欢，跟铜锣湾店的复古风差距蛮大的。点了两份牛肉出前一丁，配三明治鸡蛋，加上时蔬，人均几十块钱搞定了。吃的还是挺舒服的，他们家的汤底不错。上菜速度也还可以吧。服务态度在茶餐厅里算好的，总体而言很不错的一家店。

今日同阿爸阿媽出街，陪佢哋去康怡廣場買完衫買完鞋，肚餓啦，見到呢間金記冰室都幾多人掛緊隊喎，一於試下呢間。等咗唔係好耐，大約5分鐘左右就到我哋。鋪頭入面都幾有港式風味，天花上面放咗幾排維他嘅膠箱，好有集體回憶。冇講咁多，叫嘢食先！我阿媽叫咗個鐵板雜扒，凍檸水；雜扒係有雞扒、豬扒、牛脷。個豬扒好嫩口，唔會太乾。老豆叫咗西冷牛扒，凍奶茶；佢碟鐵板可能特別熱，倒啲黑椒汁落去，即刻炸到成枱都係汁，但係聽到啲『喳喳』聲真係好正啊！塊牛扒仲要幾厚同大塊下，起碼一定大塊過大家樂果啲。我就一定要食飯先飽肚嘅，葡國雞飯，凍奶茶。呢個就一般啦，飯有啲乾，葡汁唔夠多。但係總括黎講佢都係好食嘅。

今日試樓下新開金記冰室 睇下有冇禾最愛之一紅冰嘉x咁正 四十蚊一個早餐 價錢已經輸左 雖然依家快活食豪d都差唔多 但去得快活典想豪牙 多士就金好d但凍左少少 奶茶冇茶味亦冇奶味...炒蛋就一般貨色 應該話自從當快活炒蛋紅左 加d牛奶炒蛋令蛋滑d已經係茶記常態 所以普遍唔會太差 沙牛面黎講 湯底太依賴一丁粉味 冇沙嗲應有花生香 面都係一般一丁面貨色但禾覺有d硬 牛就最大問題 間野豬潤起家 相信係豬牛一齊圾熟 牛肉煮到起沙 似坊間最冇誠意既沙牛罐頭d紙巾質地牛 但金就厚身d 冇咩咬口 如果用滑牛就爽口好多 牛亦上唔到沙嗲味 只有陣陣臭豬潤味...

次次一經過康怡就會見到好多人排隊食呢間冰室，於是今次一於試一試鐵板美式什扒薯菜 (蒜茸汁)$85呢個什扒有(牛扒，雞扒，豬扒，腸仔，煙肉)，看落個鐵板好似比平時出面鋸扒細份，但每種款都有，食落自然份量岩岩好食得晒，個蒜茸汁好香，仲有蒜粒係到，但個鐵板就唔夠熱，落汁都唔會好大煙，但呢個價錢食到咁多款都幾抵食。鐵板西冷牛扒薯菜 (蒜茸汁) 7成$98今次同樣叫左蒜茸汁，牛扒唔算太厚身，但勝在幾入味，好香口，易咬唔會太多筋，叫7成岩岩好，小小熱力令佢再熟返小小添凍檸茶(小甜)$26每次都會叫小甜，但我個人來說就甜左小小啦金記炸雞翼(2隻)$30兩隻雞翼都係全翼黎，上面有小小椒鹽帶返小小咸味，幾脆身好香口金記炸雞脾$33雞脾就比較細隻而且有小小乾身，而且都幾多油添整體來說，以呢類冰室來講價錢都唔算貴，而家環境都幾舒服乾淨，喜歡食茶餐廳類型都可以試試🍽8/10🔎 金記冰室 (太古)太古康山道1-2號康怡廣場北座地下G5-G6號舖

開業都一段時間，總是見到人山人海， 所以見到聖誕節一早無咁多人排隊，就捉左靚仔食嗰懷舊早餐原來都好忙， 我地攞左飛，嗰電腦叫埋都無人安排入坐， 要我地問電腦叫左號碼啦！職員才恍然大悟， 我地被安排在近窗口的卡位，可以看到叮叮行過裡面設計有心思， 用汽水盆做天花，餐單都做得好有誠意，特別在每一張底部寫上冰室用語，同懷舊食品，好多現在都無得食啦！早餐款式多，最後我地選左魚扒餐配阿華田同豬扒餐配檸檬茶（OT）魚扒一上，嘩!好長，都唔太薄，麵包一般，唔太脆，還要幫您搽埋牛油可惜豬扒一上， 唉…又細又乾，天淵之別見侍應生們如蜜蜂般走上走落，在哪狹窄的枱巷中穿梭，攞著食物，見到都驚唯有再可以讚的事情只是嗰飲品杯是訂做，飲到一半， 出現“多謝你飲我”，勁搞鬼

我係港島人，住咗鰂魚涌成20年，自從有吉之島即係而家Aeon之後，食肆通常都係連鎖快餐食，食來食去都係嗰啲，冇乜新意。最近見到康怡廣場有間新鋪頭裝修，冇面寫住金記餐廳，嘩發達啦太古區終於有好嘅茶餐廳啦。開張冇幾耐，我就先到為食啦，新餐廳人流超多，等咗半個鐘至有位，咁先證明呢區幾旺啊，點解咁耐都未有一間好啲嘅茶餐廳嘅。記得金記係之前筲箕灣嗰度有第一間，最出名係焗豬扒飯，而家新老闆佢秉承左金記精神，越做越旺越開越多分店，選址喺太古康怡廣場，值得投資，呢區啲人好捨得食。餐廳裝修得幾有特色，有香港懷舊風情，餐牌選擇好多，中西合璧，我叫咗牛扒鐵板餐加羅宋湯，朋友叫咗焗豬扒飯配熱杏霜。是晚人好多，不得不讚侍應們反應好快，亦好有禮貌，金牌豬扒飯果然冇令我失望，好食個大X樂好多，豬扒厚切炒飯底茄汁濃郁，大大份，食唔晒仲打包添。而我就食牛扒鐵板餐，好耐冇食個港式鐵板，呢度港式鐵板又唔差喎，牛柳熱辣辣，肉質鮮美，再配埋個港式羅宋湯，perfect！希望金記食品質素一直保持着，越做越旺！　

同事話太古開左間茶記, 價錢實惠又好味,  原來咁就腳, 仲話海南雞飯幾好味添~  一出太古地鐵站就係喇.  不過人流都幾多, 好彩等一陣就有位了咁我地就點一個海南雞飯套餐, 黎到賣相同照片一樣啊~ 哈哈, 食落都唔錯, 去左骨既雞, 連埋一碗中湯油飯我另外就點左XO醬炒西蘭花牛肉, 好惹味啊~ 見到佢有蛋白杏仁茶, 好吸引咁呀, 太太話好多蛋白, 幾好味 (跟餐叫係半價)另一杯我叫左老陳皮柑桔蜜, 好有驚喜好好味, 非常潤喉!  入面真係有一粒柑桔架太古終於有一間性價比比較高既茶記, 值得推介!

由筲箕灣大排檔演變至今日嘅新式冰室, 金記對食客嘅吸引力可謂有增無減。呢度嘅餐飲選擇多, 價錢大眾化, 難怪開業兩個月, 人氣依然十足！金牌乾炒牛河$70炒河油份重似乎係必然, 但呢度嘅乾炒牛河炒得乾爽, 油量恰到好處, 食到底都唔會油淋淋。 牛肉片質地軟嫩, 肉量不少, 韭黃落多一點一定更加美味。鐵板西冷牛扒薯菜 蒜蓉汁$108 牛扒冇骨, 肉質柔軟, 牛味不算太濃, 波浪紋薯條建議盡快食完, 因為淋上醬汁後很易變軟。嫩滑蛋白杏仁茶 跟餐$15滑一滑嘅蛋白杏仁茶, 唔係度度都有得飲㗎, 每次嚟到都一定要點返杯！