影片
以上资料只供参考，请与餐厅确认详情
好食实惠，今晚的蛋白蒸蟹超好味有惊喜，蟹壳已经细心压碎，用手都可以把蟹肉完整拿出来吃，鲜味十足，令我这嫌食蟹麻烦的人也食到津津乐道。晚市三宝也是抵食好味，喜欢食菠萝咕噜肉，菠萝新鲜，咕噜肉脆嫩多汁。老板是喜欢美食的人，每次都会分享一下他遇到的美食，今晚也分享了他的特色青岛啤酒，铝罐1公升特别版，一家五口也饮得非常开心。
继续阅读
今日系大环山游泳池游完水隔离有间餐厅，睇落去都好多人食同埋价钱好抵就入去试吓🤩唔食唔知入面环境劲舒服，装修简洁大方，大门仲有只大招财猫可以打卡！😌值得一提嘅系呢度唔单止野食好好味，最重要嘅系服务态度好好，个个侍应都好有礼貌，笑容满面🥰，完全唔会chur住你落单！性价比超高，食得好饱又唔洗洗好多钱💰！第一道系佢哋嘅清蒸石斑鱼🐟！哗！个鱼肉鲜嫩滑溜，入口即溶🤤！完全无腥味，调味岩岩好，简简单单就已经好好味！😋 酱汁仲好入味，捞饭一流🍚！跟住系椒盐濑尿虾🦐！呢个真系必食推介！劲香口，虾肉弹牙爽脆，食落去好过瘾！🥳 个椒盐调味得好好，唔会太咸，啱晒我呢啲钟意食辣嘅人🌶️！最后仲有咗个肉碎生菜煲🥬！呢个煲仔菜好有镬气🔥，肉碎够香，生菜爽甜，两者嘅味道完美融合！🥬🤤 食完仲觉得暖笠笠，好舒服呀！总括嚟讲，呢间餐厅真系好正👍！环境好，服务好，食物又好味😋，价钱又唔贵！下次一定会再同朋友嚟食！🥳
继续阅读
寻晚喺雷霆打完bowling揾地方食晚饭，想食中式既。之前去过一间叫点匠佳肴几好，不过菜式偏辣而且都食过两次，就上openrice揾吓附近有咩其他好试。见到呢间餐厅睇到d相，好似几正咁㖞d野食！见到得一条评论，系正面既，但就话地点难揾⋯⋯ 㩒一㩒google map先。4分钟路程，拐个湾就到㖞😆但见佢叫会所，会唔会只招待会员架😦稳阵起见，我打左个电话去问；接电话既遮遮话唔系呀，欢迎呀😀佢问我几位，我话两个呀，而家过黎，佢话好呀。Good！一于去睇吓咩样！真系唔难揾，不过佢应该属于泳池既一部份，而且唔系地铺，唔起眼，所以会觉得有dd难揾。我哋5分钟都唔使就到左喇。入到去，佢地方唔大，但有d房，另外中间三几张圆枱，同有4格坐4个人都仲好松动既卡位。𠮶时大厅大约6成满，但3个卡位都坐左人，我哋就谂，如果可以坐净返𠮶个卡位就正喇😆有个遮遮行过黎招呼我哋，问我哋系咪头先打黎既，佢话留左位俾我哋呀，就系𠮶个卡位！！！！Wow，冇估到我冇留电话又冇留资料，佢真系咁贴心帮我哋留左位，仲要系当时最靓既位，好窝心🤗我哋都肚饿，拿拿临叫野食！想饮汤，见佢d汤$118左右，但惊得两兜友饮唔晒⋯⋯见到白板写住是日例汤系西洋菜唐排，就问遮遮几钱啦，佢话你哋两个人饮既就$60。咁平😆最后我哋叫左西洋菜汤、半只炸子鸡、脆卜卜椒盐大虾、椒丝腐乳通菜。个汤好快就黎到喇，好热辣辣呀！！因为我钟意食汤渣但佢得汤冇咩渣，第一眼睇落觉得有dd削，但一饮，好味！而且够热真系好紧要。之后虾都到喇，个调味几好。之前食咗好多其他话椒盐既都冇椒盐味，一系就得个咸字😵💫虽然佢唔系好大只，但可以连壳食，都几好味。再黎就个通菜，大大碟，唔会太咸太油，okay！压轴系只鸡。半只都好大碟！皮脆而且唔肥，d肉几软身，而且又系𠮶句，够味得黎唔会过咸（我真系好怕d野食太咸）。佢仲有d腰果伴碟，初时见到就心心眼，但食左一粒，应该唔系自己炸的似系买一樽𠮶d果仁😅我可能要求高左🤣不过都几有心思啦。最后埋单系⋯⋯⋯⋯$424！因为唔收茶钱同加一！超抵！！俾钱时同老板倾左两句，佢问我哋点揾到呢度，我哋俾佢睇openrice啦。佢问我哋咁试完有冇失望呀😆我哋赞紧佢时，房入面有个客出黎问佢借叉电线，佢都好nice，爽快借俾佢。佢叫我哋下次带朋友去，话房间都系唔使茶钱加一，亦冇开瓶切饼𠮶d收费，有一间房仲有karaoke添☺️好啦，见你咁好人野食又几好味，写个食评支持吓啦。唔觉唔觉打左咁多字，原来都好花时间😆🤦🏽♀️呢间绝对有下次。Btw，我哋6点零坐低，之后食到9点走，中间keep住有人黎，估唔到都几多人识揾呢度。下次会记得卜位😬
继续阅读
餐厅位置喺游泳池𠮶边，唔系咁易揾到。不过入面整体环境几好，服务态度都唔错。啲菜式okay，特别系个龙虾伊面，味道几好，份量又足够。总体嚟讲，如果你唔介意揾一阵，都值得一试。
继续阅读