金華冰廳

营业中

休息中

金華既下午茶餐系唔會有麵包的~~~所以要試招牌菠蘿油就要單獨買啦~但真系值!!!!幾乎5-6分鐘就由新鮮出爐~~所以每隻都系熱辣辣~~~d皮唔會一食就跌~~皮松化而包身就軟熟~~總之就系好好味~另外仲有叫墨西哥包~~~依個就差d~~~雖然個皮同個包都好食~~尤其個皮~咸咸甜甜甘~但系層皮系同個包完全分離的....只能食完皮再食包~~甘就唔系食墨西哥包啦

每逢行經金華我都會買一個菠蘿包,唔同ge係今日我第一次買到最最最新鮮出爐ge包,因為要我等 其實平時買d包都好熱, 今次再要熱d!但對於包ge質地有新ge感覺,不嬲我都覺得金華菠蘿包比一般面包鋪o個d軟熟而煙un,今日咬開個包,留意到入面有一層ge顏色唔係面包ge白色,初時以為乜有餡ge? 睇真d又覺得好似老婆餅入面ge冬瓜蓉咁!!我覺得就係呢層令到個菠蘿包有煙un口感最衰我冇好ge相機,當時都好想映出黎問下人係乜野黎...其實可能只係因為個菠蘿包心未焗乾...中間有一層濕左ge面團...

今日去太子睇中醫,但醫人前都要醫下個肚先!經過金華冰廳個門口人山人海,咪入去睇下有咩好野食先!因為正值中午所以卡位搭枱坐足4 個人, 正喺我苦惱食咩之際,見到坐對面位先生叫左個菠蘿油,就喺佢用叉篤落個包之際,我就決定一定要叫呢樣,除左呢樣仲叫左碟咖喱豬扒飯同埋熱奶茶(咁好胃口真係唔洗去睇醫生)菠蘿油同我預期中一樣脆,個包好夠份量,好有麵粉香,好有彈性,唔似美x d包,食左好似食左陣風咁!讚咖喱豬扒飯個豬扒好諗同滑,正但個咖喱汁就唔似咖喱,有d辣但無咖喱香!熱奶茶入口好順滑,如果茶味再濃d就更好嘞下次試下多茶少奶先!食飽飽走前都忍不住再買多2 個菠蘿包,返公司比同事試下,有好野緊係要大家食啦!菠蘿油真係強推之選

每小時出爐一次，熱熱的菠蘿包，每小時都有不少人在等。從前我在附近工作的時候，同事都一定會叫我們去買十多個回來，待休息時間去吃。這個包最大的特色是，冷了那個皮都是脆脆的，不會碎掉，即使隔天翻熱也非常好吃。推介美食: 菠蘿油,菠蘿包,蛋撻

相信不用我多介紹, 呢度d菠蘿油包身軟熟, 酥皮鬆化, 牛油香濃, 必食之選再加一杯香濃, 幼滑的奶茶, 一個一午茶, 就是如斯簡單, 滿足~再試呢度d雞批(因為岩岩出爐), 所以熱辣辣, 超香口~食落去個皮都算香脆, 味道都ok, 不過至愛都係菠蘿油

是日因為要去新世紀睇preview, 所以去到平時非必要都唔會踏足嘅旺角(因為本身為香港人). 因為時間充裕, 所以嚟咗哩間友人大力介紹嘅金華食嘢, 本身想食佢至出名嘅菠蘿油同蛋撻, 但因為胃容量有限, 相較之下更想試吓佢個咖哩. 友人食咗咖哩牛腩, 我就食咖哩牛肉. 等咗一陣嘢食就嚟啦, 只見食物一放低友人嘅面色開始唔好, 因為d嘢食睇落唔多得, d咖哩望落去稀到有d過份, 友人叫我試食先, 如果唔好食就即刻埋單走, 好試就試, 用匙羹"畢"咗一d落口, 噢! 真係估佢唔到, 咪睇佢個樣咁, 食落好香咖哩味, 辣味, d牛肉好嫩, 薯仔都好好味, 總括有種不往此行. 有機會再去旺角一定會再嚟食嘢.

每小時出爐一次，熱熱的菠蘿包，每小時都有不少人在等。從前我在附近工作的時候，同事都一定會叫我們去買十多個回來，待休息時間去吃。這個包最大的特色是，冷了那個皮都是脆脆的，不會碎掉，即使隔天翻熱也非常好吃。

年頭已談過一次太子的金華冰廳，今次再來，不如嘗試加入家人的看法。某週六與家母同行於此地，既然一場來到，自不然朝聖入內。其實看得出她老人家是有點猶疑的，因為環境實在太過狹窄，總算給我這個做兒子的，半推半就下進入內堂，撞正午市時份，幸好運給我們找到兩個座位，不過與人搭檯自然是免不了。這一頓以下午茶為主，遇正大熱天時下，決定捨熱取冷，先來一杯凍奶茶，想水吧的師傅已座鎮多年，其茶膽沖出來的味道也是濃厚，喝到尾也沒有出現淡身的情況，甜度亦來得適中，雖然上層的碎冰不算太「碎」，總算不是冰廠的大粒出品。遇正此等氣溫下，轉個口味，不失為提神透心涼之選。家母來一杯什果冰，相同的落單時間，卻來得稍遲才出現。看今次的冰堆，明顯比凍奶茶來得細一點，色澤偏紅橙紅色，相信有如雞尾酒般，於糖漿上包含了一些紅色的食用色素緣故。據家母所言，內裡什果甚多，亦尋回一些舊時代喝過的味道，既然名為「冰廳」，雖然未算最好，已是恰如其份的水準。原本只是口渴而已，始終這裡的菠蘿包太有名了，來到不吃上的話，始終有點遺憾。撞正出爐之下，來一個五元一個的菠蘿包，呈上的是陣陣香氣，入口的包身質感軟熟，上層的甜酥皮堅挺而鬆化，不會吃到一碟也是

一家人行花園街行到熱熱地，二話不說走進了冰室。一向喜歡內裏伙記地道的招呼方式，直接、易溝通、親切！已介下午六時還人頭湧湧的等了五分鐘便有卡位了。四人點了：下午茶餐兩隻雞全翼+蛋橽　菠蘿油兩個飲料四杯蛋橽、菠蘿油等了大約十分鐘，新鮮出爐的。可能太新鮮出爐了，菠蘿油的牛油全溶了，少了一口冰牛油的快感，但還不錯有感而發的是，我突然發現佢地的凍飲其實都幾大杯的，還要不是超多冰的那種！今時今日咁既時世，唔用細杯再加超多冰令飲咗兩啖已變水的茶記，真的唔多！突然覺得佢好真材實料，良心餐廳！媽媽埋了單唔記得幾多錢了！謝～

聽聞金華冰廳有弛名菠蘿油，所以一次行經旺角，雖然唔係好餓都同朋友買左一個菠蘿油試下，７蚊個，等左幾分鐘終於食得，個包外表金黃香脆，真係好吸引，食落都十分香口，不過個人覺得奶油既味道有ｄ怪，加上緊有ｄ油膩既關係，所以食左一半度已經好濟，食完簡直飽到再食唔落其他野　所以如果有下次，我唸我簡番普通菠蘿包食已經足夠。

聽聞金華既菠蘿油紅到聞名海外連CNN都有介紹所以今日特登出旺角就係為左試呢間全香港數一數二既菠蘿油入到去環境真係好嘈好迫排隊亦係店內排感覺更迫不過好彩排左5分鐘就有位首先黎既係雞批因為岩岩出爐所以熱辣辣食落去係辣口既個皮都算香脆但雞肉就少左D同埋皮厚左D不過味道係吾錯既~睇openrice D人話呢度既蛋撻都係名物之一但我就覺得麻麻地因為送到黎已經凍左蛋撻吾夠熱已經失去左最佳品嚐既時機加上蛋撻個穌皮太厚蛋漿亦吾夠香滑呢度既菠蘿油果然係名副其實地好食!穌皮鬆脆,包身夠熱, 而牛油有種好特別既檸檬香味所以食落吾太膩見到差吾多每張台上都會有就知佢有幾出名同好味四個字!! 人間極品!!!!另外, 呢度既雞比都好好食!炸到個皮好脆但入面D肉好入味好香!正阿今次食左甘多肥野真係需要去減肥了

是日要去新世紀開會,途經金華,又未食早餐,梗係整返個菠蘿油先啦~~一向對呢度嘅菠蘿油情有獨鍾,試想像下熱辣辣嘅菠蘿包上再放上一塊牛油,簡直一絕!!!!老實講,$7個菠蘿油其實唔算平,但好食就係事實~~雖然呢度除咗菠蘿油外其他嘢真係好一般,但有菠蘿油一樣,都夠殺啦~

經過呢度好多次，但都無打算入去試，原因只有一個：勁多人！今日好朋友仔話好想試下呢度既嘢食，畢竟起身食第一餐，由於四圍都無哂早餐，呢度都仲可以食菠蘿油，於是決定一試~1pm到達，實在人多到水洩不通，真係估唔到旺到咁既地步！ 不過翻檯既速度都幾快 (可能因為佢地叫客人行入舖等，食完都唔好意思慢坐)，大約5分鐘就坐到一邊卡位~最快到既竟然係例湯同要煮既豬扒飯！ 例湯 - 無乜特別，不過起碼夠熱同都唔少料~洋葱豬扒飯 - 估唔到豬扒咁林，又煎到香口，而洋葱汁好香，撈埋飯食一流~ 呢個推介 菠蘿油同雞批一齊到~菠蘿油 - 新鮮出爐，熱辣辣，塊牛油溶左係個包入面，咬落口皮好鬆脆，好香！ 牛油係anchor既鮮牛油，好香，配埋新鮮出爐既菠蘿包，實在係人間美食！這個必食推介 雞批 - 其實個皮做得好鬆化，好香，好可惜太厚，薄返一半會好好多；至於個餡個人唔鍾意食白汁，所以唔會再食多次~不過呢度最大問題係服務同環境，超嘈、勁逼既環境配上侍應既大聲疾呼，實在有點辛苦~ 再加上侍應太忙，態度實在唔好~

行魚街路過進入金華冰廳，真的可說是車水馬龍～絡繹不絕～裡面真的太擁擠（畢竟旺角可說是全世界人口密度最高的地區嘛）這堆入來，幾多位啊？草草的就勉強安排了位置，安排不到嗎？就安排他們在餐廳中間企（這是有入沒出營商手法）有時卡位都未坐暖，就有好幾個搭枱的人來坐～飯就要草草吃完了，快快地走，絕對盡顯出香港生活顛沛的一面～吃了快餐中的金華豬扒飯～那些咖喱汁與其他正宗咖喱不同，很特別，反而豬扒就單單一塊，鼓油鹽調味過的煎豬扒～三把兩撥都食完了～食飯其間不斷有侍應舉起一盆二盆的新鮮出爐包～點了個墨西哥包～吃落～美味極了～脆皮面很入味～很濃郁～包身外脆內軟，洽度好處～所以這餐廳前面小部份用來分銷麵包呢～！我覺得～這餐廳鋪面太細，客人來到只為食，食完又不方便坐坐，涼涼，篤篤電話～那些快餐其實可以加添配菜，那怕是生菜菜心薯仔蘿蔔都好，因為整個飯沒菜，真的很肉食呢～

呢間野菠蘿包聞名終於有機會試試我冇乜胃口so只食菠蘿包bf就食satay 牛肉通 加奶茶個包真係新鮮出爐但一入口就覺得皮雖然脆但呢點一般包店絕對做到(當個包係岩岩出爐時)但呢間個皮太甜覺得佢一味死甜冇乜特別失望仲有間野好多大陸人環境認真麻麻~bf個通粉就ok d囉 但冇康年咁好食