影片
今日百般不愿地同同事出黎旺角送样办俾客又同佢地present一大堆，由朝讲到晏，饭都无得食。好彩老细都识做，俾我地早放。放是就一齐系附近食埋野先散水，但见过晒LUNCH时间就食个下午茶算了。旺角黎讲都算抵食，虽然呢间卖点系鸡蛋仔但我地都觉唔系太想食，所以普通啲点返一两样就够了。奶茶虽然未沟匀就上枱，但见佢有啲云石图案当下都觉几靓的。茶香奶滑，是一杯好饮的冻奶茶。炸鸡脾配薯条。薯条系波浪形𠮶种茶餐厅常见的，炸得脆口可以接受。鸡脾虽然唔算好大只，但完全辟走晒雪藏味，同埋五香粉同盐味都腌到入去，鸡皮仲脆卜卜。同事点左西多士配炸猪扒。猪扒都炸得几好面包糠好足，包盖得完全所以食落好酥脆。猪扒用左咖喱酱去腌但唔辣反而几香。可惜系西多士油腻左啲，同埋得半块。虽然下午茶黎讲呢餐都几高热量，但计返午餐同价钱都算差不多了。
继续阅读
格仔饼喺旺角油麻地街头真系隔几个位就有一挡，但系真系好食既真系唔多，有d饼底太薄，有d花生浆太稀无味，有d直头糖都无。喺油麻地地铁站隔离呢间就系我觉得少数觉得唔错。首先系少数咁足料，未食之前都感受到佢份诚意，同埋系即叫即整，食格仔饼热辣辣都系紧要。用料包括好少好少会有既椰丝，真系我唔系几揾到旺角有边间有椰丝。其实试过系会觉得个味同饼底好夹，变相唔需要落太多砂糖，会健康d, 当然砂糖系唔可以缺少既。饼底就外面好脆，入边就'烟烟unun", 外脆内软既格仔饼饼底其实已经几难揾。花生浆又唔会太稀，花生味浓，份量岩岩好。虽然$16好似街边档偏贵，但其实试过都会觉得值。所以诚意推介
继续阅读
近年鸡蛋仔大行其道，特别备受年轻人追捧。鸡蛋仔款式不断进化，常有新口味诞生，连罗宋汤味和椒盐蛋味都有。这间位于油麻地c出口旁的鸡蛋仔，是我的心水推介。它其实是一间茶餐厅，门口连著小食的摊档。鸡蛋仔绝对是新鲜现做，所以买鸡蛋仔需耐心等候。今次点了朱古力味鸡蛋仔，鸡蛋仔外层无比地脆，内层有点点的松软，水准一流。朱古力味较淡，如果浓点会更好。鸡蛋仔哥哥非常友善，满面笑容地安慰著耐心等候的食客。他不慌不忙，尽心制作最好的鸡蛋仔给客人。在他的身上，看得到敬业乐业。
继续阅读
系地铁站已经见到有人拎住一串串, 个个笑到见牙唔见眼, 一睇就知好好味, 点少得我出地铁站就见到, 即刻要一串墨丸一串鸡肉, 盛惠$22墨丸鸡肉都烧得热热, 外皮都烧得少少脆, 加上唔偷工减料, $11串确系抵食, 而佢个沙爹汁直头无得输, 成香味俱全
继续阅读
未踏出油麻地港铁站,阵阵鸡蛋仔香已飘进鼻子,令本来有点饿的更想吃东西,随著香气找到这家门口有港式小食的茶餐厅,除了鸡蛋仔、格仔饼外,还有受欢迎小吃如咖喱鱼蛋、大香肠和牛杂,那我都要一底格仔饼顶顶肚。格仔饼有热和不热,不热者是早已做好放在架上的,热的就是即时烧制的,同样价钱当然要即制的,等了好几分钟, 一份热乎乎的格仔饼到手了。从渗著油的纸袋来看,酱汁也相当不吝啬呀。格仔饼出炉后没有以风扇吹冻,全底也是热乎乎又软软的,软得黏著纸袋的合二为一,其实这才是我喜欢的版本。黏黏软软的饼身很有牛奶蛋香,甜甜的味道来自重手的练奶、牛油及砂糖, 加上花生酱更为美味,ko 一底后充满力量的上课去。 第二个上课日,本打算走远一点看看小阮子还有没有酥皮蛋挞,可是那拦门雨令人不想多走几步,为求方便再次在这里排鸡蛋仔; 鸡蛋仔同样有热和不热,但换了另一个形容词是脆一点和软一点,我当然选择软一点啦。等候时间似乎比平时的短,很快的时间鸡蛋仔到手了,保持新鲜热辣的温度但蛋奶香味却不如上次格仔饼般浓, 每个鸡蛋仔算是充实,没有出现一半只有壳另一半充实的模样, 软软的像蛋糕仔般,但边位却像薄脆,因而又弄伤了上颚,痛!! 鸡蛋仔没有像格仔饼般另加糖奶,原来本身甜味很轻的!吃著吃著觉得开始有点苦苦的,原来中间部份的底部是焦焦的,其实已不是第一底有此现象,也许炉火较猛所以蛋仔很容易变焦,所以等候时间也较短,师傅不如考虑用"慢工出细货"的方法吧,不然损耗比成品还多,得不偿失耶。
继续阅读