金翠餐廳

营业中

休息中

金翠餐廳 今日去咗太子揀左一間叫金翠餐廳入場試下，呢間扒房價錢較為平民化，而且套餐選擇都多不聲數；豐儉由人。而環境設計主玩懷舊風，利用霓虹燈、捲闡＆磚牆等方式去呈現舊時香港既面貌～ 💫金翠巨人雜扒餐$188《牛油餐包+羅宋湯》 牛油餐包都幾大舊，另附上盒裝牛油俾你搽，湯底蕃茄味道濃郁色澤上色，都有唔少雜菜系入面。《蟹子雜果沙律》 新鮮用料搭配清爽的沙律醬係菠蘿同桃肉上面加咗好多蟹子，口感豐富清新～ 《主菜》呢個套餐份量非常驚人，先講豬扒同雞扒；前者肉質鮮嫩，口感外脆內軟同彈牙。後者咬落去肉質軟淋有肉汁，唔會有雪藏味。另外配搭埋牛仔骨呢個組合係個加分位，因為坊間嚟講比較少見，牛肉味濃郁帶點香口，脂肪比例平均。仲有司華力腸，煙肉＆煎蛋唔會太咸同過火，調味恰到好處。 《紅豆冰》(免費升級)覺得啲豆煲得好淋🫘，入口即化，奶同豆既比例都恰到好處。💫芝士焗加拿大龍蝦海鮮飯餐$148舖蓋超多濃郁芝士帶點焦香，龍蝦鮮甜肉質彈牙，而配菜仲有鳴門卷，紅蘿蔔，椰菜。 《牛油餐包+忌廉湯》 牛油餐包都幾大舊，另附上盒裝牛油俾你搽。忌廉湯濃郁，都有唔少磨菇系入面～《熱好立克》夠麥芽味，唔會太淡 📍太子彌敦道74

今日同咗朋友嚟呢間懷舊港式扒房一入到嚟見到裝修就覺得好靚，好多霓虹燈我哋都覺得相比其他舊式扒房呢間都幾有香港特色幾有feel我叫咗個紐西蘭肉眼扒肉質軟腍腍，餐廳仲專登加咗一大羹蒜蓉黑椒汁同蒜蓉嘅配合好好味啊！朋友叫咗呢個芝士焗龍蝦海鮮飯龍蝦直接俾咗半邊，好大隻，仲有勁多膏個飯既白汁都好好味，真材實料本身諗住舊式扒房叫一個餐淨係有湯同埋嘢飲點知佢哋仲送埋甜品喎，有驚喜呢個應該係提子味啫喱糖，仲配埋花奶即刻啲童年回憶返晒嚟最後埋單都係$300唔使我哋兩個坐低咗成三個鐘頭傾偈餐廳都冇趕我地走超級抵食呀，推薦！

金翠餐廳裝潢設計充滿懷舊格調，牆上壁畫和擺設令人感到猶如置身六七十年代。餐廳主打港式懷舊鐵板餐和焗飯。所有晚餐都奉送湯、餐包和飲品。忌廉湯口感順滑，餐包係暖，塗上牛油，口感軟熟香甜。香草煎羊鞍扒餐：羊架脂肪瘦肉比例平均，肉質細嫩多汁，帶有骨香，放上少許香草調味，只略煎香，再加上蒜蓉和黑椒汁，已經十分滋味。芝士焗加拿大龍蝦海鮮飯：份量十足，龍蝦配芝士真係好夾，再加上不同海海鮮，味道同口感都一流，飯底用蛋炒過，粒粒分明，伴芝士汁食好惹味！凍檸茶、凍奶茶：夠濃味，甜度適中。甜品係啫喱，質地細滑，入口即化，加些淡奶味道鮮甜，非常開胃。又是一款懷舊食品。

今日就同朋友去左太子既金翠餐廳餐廳環境好有特色, 以懷舊香港做主題晚市有飯/意粉/輕型餐選擇, 奉送牛油餐包, 羅宋湯/是日忌廉湯, 羅宋湯入邊好多蔬菜, 味道辣辣地, 飲落開胃, 牛油餐包咬落好軟熟, 塗上牛油更正芝士焗加拿大龍蝦海鮮飯原隻開邊龍蝦係面頭, 蝦肉彈牙, 海鮮係炒飯底, 仲有多款海鮮配料, 包括魷魚，蟹柳等，芝士味香濃, 口感豐富原條龍脷柳鐵板餐鐵板好夠熱, 面頭淋上濃郁既洋蔥醬汁，即刻噠噠聲, 魚肉好大塊, 啖啖肉, 肉質嫩滑, 底層放咗薯菜最後仲有啫喱做甜品, 面頭加左花奶, 簡直係童年回憶

🧭金翠餐廳•太子🍴太子彌敦道749號地舖早排見社交媒體網站不停有人介紹下 當然黎潮聖一下香港懷舊扒房，懷念以前既風味當日叫左2個鐵扒餐招牌牛柳⭐️⭐️⭐️⭐️叫左5成熟，好淋幾易切既。而且牛味都偏重，個人幾鐘意。西冷牛扒⭐️⭐️⭐️⭐️都係同樣5成熟，而且份量感覺較大份。佢個扒都大過個鐵板咁🤣佢夜晚都有set既 多左沙律同甜品。但因為我哋去到已經差唔多尾枱，所以佢都好好免費咁送左2個啫喱俾我地。呢間推薦已經食厭左出面其他扒房，都不妨一試既扒房。而且個環境都充滿住啲霓虹燈，感覺幾好feel的

鋸開有條癮近排朋友帶咗我去啲舊式餐廳鋸扒嗰浸細細個去沙x美既風味返晒嚟😍然後就去搵吓啲鋸扒好去處金魚婆成日行去金魚街成日都會經過一間裝潢獨特嘅港式餐廳 原來佢正正就係食鋸扒有一日買完魚之後就走咗入去🤣🤣一入到去你會有一種俾佢嘅裝潢吸引到想喺每一個小角落尋寶睇吓有冇啲舊式香港回憶 📸一行二人，叫咗兩個餐眼闊肚窄又貪心嘅人 次次去鋸扒餐廳基本上都會叫佢嘅雜扒 主打一個乜都有唔使煩😝呢度有個金翠巨人雜扒餐$188入邊有豬扒雞扒牛仔骨司華力腸煙肉煎蛋，呢個餐仲免費可以升級做紅豆冰同埋包餐包餐湯蟹籽先過沙律甜品飲品，一次過滿足晒你嘅願望😚先打頭陣嘅係佢哋嘅餐包，熱辣辣好軟熟餐湯可以揀紅湯或者白湯，用埋啱先嘅餐包點住一齊食，唔係Hea你喎，掂架喎！醬汁可以揀黑椒汁同蒜蓉汁可以揀鐵板或者跟碟上，侍應會親自過嚟淋汁，嗰種熱辣辣吱吱喳喳不得了！雜扒嘅質素唔錯，牛仔骨唔會太肥有d肉地，豬扒既厚度有驚喜，雞扒惹味香脆，淨係視覺都會被滿足！配菜有啲蔬菜同薯條，煎蛋煙肉司華力腸，好豐富！另外我哋叫咗個晚餐套餐，芝士焗龍蝦海鮮飯，誠意滿滿嘅芝士焗飯講緊係半隻爆膏波士頓龍蝦放落去，其他海鮮配料份量亦十足，炒底焗飯，

見之前有人介紹過，今晚試左魚柳，豬扒，雞扒鐵板。份量多嘅，薯菜就偏少，味道普通，豬扒唔夠入味；雞扒好難切，燈光偏暗，我唔肯定熟晒未，因為切唔開，我就唔敢再試，食了2啖，就算；魚柳相對地最好味。整體味道正常，主要唔夠入味。價錢正常，呢類型港式扒餐呢個價唔係特平唔係特貴，所以唔算係性價比高。試一次就夠。叻外一份叫牛柳，都係叫正常，唔算好特出。食物都熱嘅，但唔知點解hold得唔耐。之前去過其他，鐵板熱力係可以hold到最少食到一半都仲好熱。呢度差左啲。服務員服務ok 嘅，正常。

我好鍾意呢d港式扒餐冇咁多芝士奶既野食又冇生out  out既沙律菜有暖笠笠既紅湯同牛油餐包呢間鋪d裝修玩舊香港風味，勁多霓虹光管座位都好寬落，係懷舊但唔係殘舊😂 都乾淨整齊佢地menu超級多唔同牛扒揀有少量羊，豬同雞，仲有d焗飯意粉我同男朋友第一次嚟試，咁梗係揀牛啦我要牛仔骨($140)，男朋友要個唔知咩牛($2xx) 待應話佢地而家有個肉眼做promo ($238)同男朋友揀果個牛價錢差唔多但做緊promo 個肉眼靚d唔洗加汁都好食咁男朋友就試下個餐包正常貨但個湯太濃味，我覺得甜左d廚房今日重手左🤣我個牛仔骨都幾大份，有2大塊，少少厚肉職員問我要黑椒定蒜溶汁我揀左黑椒，不過都後悔要左汁因為牛仔骨本身肉味夠再加黑椒汁就濃味左少少同埋個底d薯條好快冧晒男朋友個肉眼都幾大塊，得一塊切左少少唔加汁嚟食塊扒原味已經好食，幾正略加少少salt pepper 就好好味唔洗點黑椒汁了最後食到埋尾，待應突然走埋嚟話有啫喱仔食加埋花奶，係個套餐包埋甜品我都N咁多年冇再食過啫喱仔真係童年回憶返晒嚟r

午餐: 大澳蝦醬牛肉飯, 全日餐, 總括都唔錯.大澳蝦醬牛肉飯: 蝦醬恰到好處, 不會太咸, 我揀左羅宋湯, 餐包都改善了點, 微暖, 如果能熱辣辣就好了.全日餐, 份量足, 又好味, 煙肉, 腸仔, 薯餅, 仲有隻煎蛋, 好好味.無論晚餐据扒, 午餐, 都是唔錯的.價錢又實惠.

相約舊朋友出來傾談，當然一起共享美食，她住在太子，地點好就腳，於是她帶我來到懷舊鐵板茶餐廳「金翠餐廳」，開心歡聚一下，放縱享受美食。餐廳裡面五光十色的霓紅燈，價錢相宜，全日免加一。牛油餐包餐包軟熟，細滑芳香，瞬息之間便食了。羅宋湯扒餐跟紅或白湯，我們選了熱辣辣的羅宋湯。蟹籽雜果沙律蟹籽雜果沙律，彈牙爽口，入口美味。金翠巨人什扒餐什扒餐大份量，包括有豬扒、雞扒、牛仔骨、司華力腸、煙肉、煎蛋，口感層次豐富。金翠三重奏 （雞豬魚）雞扒厚身爽口，豬扒彈牙，魚柳嫰滑，各款都美味。果汁啫喱果汁啫喱可以加花奶，質感軟綿。紅豆冰免費升級紅豆冰，奶味香濃。金翠餐廳（太子）地點：太子彌敦道749號地舖

本人在星期六下午1:30在金翠門口行過，門口有職員說先生食飯入嚟，我就按門口職員安排走入去餐廳後就說二位，之後有個櫃面同事出來對我說”先生你未人齊，唔該同我出返去。 ” 我感覺非常侮辱，一句不說就走出餐廳。我決定這＇世也不去這家金翠食飯。 如果大家是支持餐廳行為，大家就多些去幫襯。好啊

✨金翠餐廳（太子）要出太子果頭 近近地見到呢間餐廳都幾多人食就食翻個下午茶✨香草雞扒配煙肉🥓煎蛋、茄汁豆、薯餅、厚多士（半份）超多野食咩都有啲咁🤣好豐富雞扒食落肉質嫩滑 ～ ✨牛扒配煙肉🥓煎蛋、茄汁豆、薯餅、厚多士（半份）同上面一樣 純粹係變左牛扒 🥩都大件 ✨部隊辛辣麵男朋友話睇落好正咁就叫埋～ 入面有餐肉同芝士等✨蒜蓉雞扒配薯條呢個係是日午餐餐牌黎 超巨形既雞扒 因為食過佢嘅雞扒覺得好好食 就叫埋佢🤣份量好大 食完即刻飽曬😂

雖然聖誕節已過，但入門見到聖誕樹🎄，同埋唐樓加霓虹燈裝飾，突然有種時光倒流的感覺⏳，好懷舊。🍴帶子牛扒鐵板：好多食客點鐵板都加蒜蓉，貪生蒜🧄辛辣刺激，令味道冇咁單調。帶子同7成熟牛扒都幾tenders易咬。🍴煎羊膝腿：✨推薦✨羊腿少少羶，肉質好似牛𦟌帶少少筋👍🏻，份量唔少好滿足。🍴羅宋湯+餐包：羅宋湯用好多蔬菜煮，所以味道甜，餐包有翻熱軟綿綿。🍴紅豆冰：紅豆好淋👍🏻，奶味淡。🍧花奶啫喱：✨推薦✨簡單而美味，童年回憶一下子返番黎🥹。味道：🔅🔅🔅🔅分量：🔅🔅🔅🔅速度：🔅🔅🔅（5🔅為滿分）

去開太子臨近晚餐時份 見到一間充滿香港情懷嘅冰室睇睇參考有懷舊港式西餐鐵板每一份鐵板餐都附送埋餐湯，同埋牛油餐包咖啡或茶 真係性價比高最愛牛油餐包好鬆軟再搽啲牛油好滋味揀嘅羅宋湯香濃，又多雜菜又夠熱 叫左三款小食紫菜魷魚鬚 單骨炸雞翼 日式炸蝦香香脆脆 特別喜歡紫菜魷魚鬚帶子西冷牛扒 好靚一整大件西冷黎到店員淋一啲克椒汁非常配合西冷 味道更上一層樓帶子鮮甜蘇格蘭肉眼扒店員先會問要唔要蒜容平時十分喜歡多蒜容加上肉眼扒 更加滋味肉眼扒油香四溢 口感十足配上懷舊曲曲薯條 正呀飲品叫左粒粒紅豆冰凍檸茶。傳統冰室的味道👍🏻更附送甜品。花奶啫喱 兒時的回憶

呢間位於太子嘅🪆金翠餐廳🪆係一間超傳統懷舊式鋸扒餐廳，佢哋嘅嘢食都係港式地道菜😆，仲係鐵板上嫁👍🏻，係香港既味道，裏面嘅裝修都係帶有香港特色嘅霓虹燈😍，舊式廣告招牌等，我哋梗係叫下佢哋嘅傳統鐵板餐啦，佢哋嘅款式都有幾多選擇，仲有龍蝦鐵板添，另外都會有晚市套餐優惠👍🏻🐑香草煎羊鞍 $173 :基本上佢哋嘅鐵板都係會跟餐，跟餐嘅話餐湯，餐包同埋熱飲，餐湯嘅就梗係有經典嘅羅宋湯或者忌廉湯啦，而我哋嗌呢一款羊跟薯菜，羊鞍有三大件，食落有羊味又唔蘇😋，脂肪唔算太多，都算均勻，食起上嚟口感剛好唔靭，另外薯菜方面佢都係傳統嘅扭紋粗薯條，每個餐都可以有醬汁揀，包括係燒汁或者黑椒汁😆🐮蘇格蘭肉眼牛扒 $132 :另外呢一份係七成熟嘅肉眼扒，熟度啱啱好，牛扒最緊要係唔韌，脂肪比例平均🤤，同埋佢都有牛味，雪藏味食唔到，已經係唔錯，另外加咗生蒜，食落都幾惹味👍🏻🐷西班牙黑豚豬鞍扒 $158 :最後就試埋佢哋嘅黑豚豬，反而我覺得呢份豬鞍有驚喜😍，佢嘅肉質爽口，一啲都唔韌，同埋都幾大份，肉又夠多，佢哋嘅餐絕對夠飽👍🏻，呢份嘅薯菜裏面變咗薯角同埋粟米，粟米唔係伴碟咁簡單，食落都幾甜，唔錯🤤🥗酥炸軟殼蟹沙律 $128