金祥排骨麵

营业中

休息中

-{黃店💛極高質排骨麵🙆‍♀️}排左半個鐘 專程入黎西環試依間高質排骨麵😍又係長期人龍店🥰好多人推薦 都bookmark左好耐😜🤤菜膽雲吞排骨麵🤤 ($45)依個價錢係好抵！認真加10蚊我都覺得值😍😍😍上海幼麵好彈牙 嗌左少麵都勁多😂雲吞3顆都好大 入面小小薑味 但小白菜同豬肉都好多🥰而主角排骨有豪大大嘅身影 係多肉汁同脆皮左嘅版本😋👖褲評: 9/10入面有啲幾有特色嘅燈 下次可以食埋粗炒🤣但見倒隔離枱嗰碟真係好大碟 總之 好抵食😍😙😜超級推介💛性價比: 9.5/10服務: 8/10環境: 7.8/10🚩金祥排骨麵🚩地址:西環西營盤德輔道西316號地下C舖 #fuudjai #fuudjai黃店 #fuudjai中菜 #fuudjai西環

菜膽排骨麵40蚊， 喺港島竟然仲有啲咁平靚正嘅嘢食。上菜之前仲以為得 兩三條排骨，估唔到都有六七條、喺另外一個碟上。啲菜好甜好軟，排骨好香、咬落去好脆但又唔會得啲炸粉味。呢到仲有好多選擇，西環抵食之選！

其實我真係好鍾意食金祥嘅排骨麵，每隔一排就會忍唔住特登搭車過嚟食。每次我都係叫菜膽雲吞排骨麵。菜膽會係白菜膽，通常會有三條。雲吞係菜肉雲吞，皮薄餡靚，有三大件，真係好大件嘅。排骨通常係一大塊切開做6份，炸得外脆內軟，仲充滿肉汁嘅。我通常會點少少豆瓣醬食，非常惹味。叫咗面之後，呢度加飲品係半價，我每一次都一定係要杯凍嘅菊花茶，原價$12 ，加配就係$6。佢嘅菊花茶係有少少甘苦味，唔會好甜，飲得出係自家製，好正㗎。

呢間係大名鼎鼎嘅金祥排骨麵啦每次去開香港大學附近我都一定會行落去食嘅鋪仔細細但係老店家真係老店家每次食都唔會失望排骨好食唔再講係連個拉麵都好好食㗎～去開港島西一定唔好錯過呀

今日在西營盤一帶行蒞來去，大概三點零肚餓，路過見噉嘅時間都有人食，就入去食啦。原來佢招牌排骨即係炸豬排，即係上海菜叫法。人一餓就眼闊，叫咗一碗有排骨，有雲吞，有牛腩嘅幼麵，以為樣得少少噉啦，結果飽到暈。講返食物，湯我覺得無咩特別，幼麵比我食過嘅上海舖為粗而口感一般，雲吞好大隻但味道普通，牛腩幾夠腍但唔係跟腩汁清清地唔啱我口味。致於主角塊豬扒(a.k.a. 排骨)係真係幾好食喎！塊排骨新鮮熱辣上台，另外碟上，唔怕被啲湯浸到腍坺坺，炸面有啲微厚而唔硬，帶少少調味，肉質軟硬適中，我諗我下次幾開呢頭會再食淨排骨加淨雲吞。可惜，畢竟係間老舖，地方環境非常之一般。

Best deep fried pork rib in town for a great price! the pork chop was crispy and incredibly well seasoned and paired nicely with the noodles! the broth for the soup is so light and balances well with the fried porkshop. I also recommend the crispy fried wontons and fried tofu as well! love how the fried food was not at all greasy as well! the boss is also super nice and knows his regulars well!

位於港大Main Campus附近的金祥排骨麵, 對曾經在港大讀書的我, 一點也不陌生, 光顧它對我來說就是找回讀書時的青蔥歲月, 特別是不在Main Campus讀書的我, 非常珍惜可以到Main Campus上Boarding Course的時間. 多年不見, 它依然保持當日的裝橫, 如見到老朋友般親切.它最出名的是排骨水餃麵, 排骨肉質嫩滑而我且肉汁豐富, 沒有有油膉味也沒有豬羶味, 只是兩邊的外皮炸得未夠香脆, 打了少少折扣. 雲吞內裡的菜肉餡足料, 外型大大粒而且皮夠薄身, 單吃也是絕對合格的水平. 大大件排骨還有四粒大大粒雲吞, 加上菜膽和上海幼麵, 四十多元甚為超值. 腐皮鯪魚肉卷炸出來的外表爽脆, 比排骨更有驚喜, 原內裡囗感一咬軟綿綿再咬彈牙的鯪魚肉, 相映成趣.

下午5點前到達這間麵店，有大約10個人喺度排緊隊。嗰陣時諗會唔會食唔到呢(店舖6點鐘關門啊)，好彩等咗10幾分鐘後就有得坐低。餐牌有炒麵或飯揀，不過我哋始終對上海湯麵興趣大啲😝兩隻餓鬼喺嗰日叫咗好多嘢食👇🏻▫️菜膽排骨雲吞麵 (HKD45)▫️牛腩排骨雲吞麵 (HKD50)▫️酥炸雲吞 (HKD17)▫️炸鯪魚肉腐皮卷 (HKD20)上菜速度快，排骨跟麵分開上，唔怕啲湯將炸排骨浸到腍晒。碗麵送上枱時仲熱辣辣㗎 (唔係講笑，我食完碗麵嘅時候啲湯仲冒緊煙)。好多人話排骨係必食嘅，我覺得都講得啱。一大件排骨切開一塊塊，外面炸到好酥脆，肉質好腍。雲吞大大粒，一隻湯匙羹勉強載得住。$45一碗麵仲要咁多料，味道唔差食得過呀。我哋對兩碟炸物都好滿意。酥炸雲吞咬開時彈到啲脆脆周圍都係😂鯪魚肉夠彈牙，同其他食物一樣即叫即整。呢間價廉物美，用心去做嘅小店值得大家去支持。

金祥排骨菜膽排骨麵價錢💲: $40好味程度😋: 3.8/5服務🍴: 4.2/5 (人情味)環境🗾: 3.3/5性價比🥢: 4.8/5回頭率😚: 3.8/5 (去開可以一試)-新一年一如既往介紹平民美食🥰呢間就係有hku名物的金祥排骨麵🥳 佢地真係好多人食，一至五午飯市間都要排隊，因為間鋪唔大，絕對係小店！-我就叫左碗菜膽排骨麵。排骨正常size，大楖有6條到。不過成塊都比較瘦，所以食落有小小乾，冇油脂感🧐 粉漿厚薄正常，都炸得酥脆既。咬落的排骨有小小薑汁酒味，抵讚😚 口感係咬得開係淋既，但就乾左啲🤫-菜膽係三舊白菜仔，煮得超軟超甜😆 麵係幼身上海麵，唔會太軟，都ok。最好食係面頭有啲炸蒜，所以成碗勁香😌 以$40到來講係港島區食個晏，真係幾抵。但唔係超超超好食，過去來食下就無妨啦😬 如果住hall就一定會成日食haha

💛成日都有朋友話搵良心小店好難搵到中菜類別，早排我地就特意走咗去西環，搵呢間傳統上海菜老店--金祥排骨麵👍🏻鋪面唔算大，同一般麵店差唔多，門口條隊基本都人龍不絕，想試嘅朋友可能要早少少到排隊啦😝話到明叫金祥排骨麵，又點可以唔叫呢? 我地就叫左個➡️"菜膽雲吞排骨麵" 試下佢到底有幾好食😝排骨係另上，外皮炸到金黃非常脆口，但又唔會太油膩，咬落仲有肉汁，不過有點過熟，肉質有少少乾身，配湯麵食會較好。但呢個價錢，味道絕對收貨值得一試👍🏻👍🏻雲吞都好足料隻隻大大粒，加埋炸蒜一齊食就夠哂惹味😚😚另外我地仲叫咗➡️"菜膽雞球牛肉麵"，雞球係用炸嘅，雞味同肉汁仲保留到，相當唔錯，而牛肉其實係滷水牛𦟌，牛肉非常嫩，滷水味都好出，相當有驚喜😋😋除左主食，我地仲叫左兩樣小食"鯪魚肉腐皮卷"同"香炸豆腐" (全部都係炸野出名，我地都唔想咁邪惡架🤣🤣)➡️鯪魚肉腐皮卷係腐片包住真材實料既鯪魚再炸成，雖然係小食，但份量都幾多，味道都唔錯，非常香脆，鯪魚都好彈牙，抵食!!➡️香炸豆腐，外皮金黃色，入面豆腐仲好嫩滑，都唔錯架😆總括黎講傳統老店非常抵食，食物性價比非常好，仲有老店果種滿滿人情味，值得再黎encore😁

今天去西環買臘腸冬菇，順便去金祥吃排骨麵。店小，侍應老闆有禮貌。菜胆雲吞排骨麵很高興炸排骨是另上的，排骨上桌十分漂亮，但排骨炸得不夠身，底不脆有油粉粉的。上海雲吞菜肉平均可以。麵一般，湯清淡沒味精。冬菇牛腩麵牛腩一般，但大陸原木冬菇大大隻菇味濃郁，做得爽滑。鯪魚肉腐皮卷買相可人，看到已感覺到脆脆口感十足，魚肉煙韌腐皮脆。下次幫襯一定 encore.

話說早前去開西環，未夠七點半打算去 #華爾登麵包餅店 又入吓貨，點知去到先發覺已落閘收檔😭萬分失落下，點都要搵間黃店幫襯吓，就去咗附近嘅 #金祥排骨麵 連隊咗兩份脆脆🤣，重點係之後返屋企仲要食晚飯😹金祥喺西環係出名老舖，經濟實惠，好幾年前已食過，佢嘅炸排骨真係酥而不膩，香脆肉嫰；至於紫茶腐皮卷我原以為係類似京式素鵝咁，入面有啲木耳芽菜呀之類外脆內軟款，但原來係自己一廂情願，佢都係徹頭徹尾內外都咁卜卜脆，食起上嚟有少少韌，不過蘸黑醋食就剛剛好，我估蘸一蘸麵湯應該仲正😋 ，另外見佢餐牌上嘅雲吞同其他脆脆都好吸引，有機會要試勻晒佢🤪員工態度良好，不時同客人寒暄問好，其中老闆上炸排骨時仲親切叮囑我趁熱食，及可以蘸黑醋或者辣椒醬。見佢收銀位置有米豬連認證，而金祥本身個面書post都黃到金，另外要讚吓佢防疫做得幾好，兩個唔識嘅人一枱，佢會俾個好穩陣嘅隔板間開，每枱亦放有搓手液，係令人食得開心又放心嘅人情味黃店🥰

推介：⭐️⭐️⭐️⭐️❌無加一———————————西營盤食店價錢唔平，難得有間老店可以$40有找就食到一餐，仲要係好食🤩🤩🤩 不過就鋪位比較細，少位，想食就早啲去唔洗排隊———————————排骨粗炒麵 $50呢度出名炸排骨，果然名不虛傳，外脆內軟，啲肉好滑唔鞋。炸嘅皮都唔會好油同好硬。味道鹹味剛剛好👍🏻 至於粗炒就齋啲味，唔夠鹹，加返辣椒醬會好啲.雲吞排骨麵 $43雲吞皮薄餡靚👍🏻 麵軟硬適中，湯底就清湯冇咩味———————————整體來講，炸排骨必食😋 老店超抵食必試👍🏻

今日同 P san 仲有屋企人嚟到西環, 到醫肚時間, 就揀咗喱間金祥排骨麵試吓。 可能係 lunch time, 去到要喺店外排隊, 等咗大概 10 分鐘指定動作後, 就由店員安排入座。  一場嚟到, 當然要試佢嘅精選推介菜膽雲吞排骨麵啦! 食物一上枱, 排骨似我哋一般食嘅豬扒, 但係無骨的, 雖然係雙併, 但份量都幾多吓, 有一整塊排骨, 連菜膽雲吞都有四隻, 仲要唔細隻。 味道方面, 排骨外皮酥脆, 肉雖然唔係嫩滑, 但都有少少肉汁, 而且無用梳打粉拿過, 有些少豬肉本身嘅味道, 醃得恰到好處, 唔會太鹹而無咗啲豬味; 菜膽雲吞方面, 皮薄, 而餡料亦非常足, 肉同菜比例均衡, 肉唔會好肥而且有肉味, 再配埋菜有少少爽口, 真係非常美味, 但個湯係比較淡味, 咁樣反而唔會令雲吞同豬扒嘅肉味被蓋過; 麵方面亦好爽口, 唔會煮到林晒, 口感一流。而排骨粗炒麵, 店家都係配同湯麵一樣嘅排骨, 而粗炒就唔係我嘅 favorite, 所以覺得無乜特別, 但味道不錯。跟住喱個炸鯪魚肉腐皮卷係一個唔錯嘅小食, 只係 $20 三個人每人都可以食到 2 - 3 件, 有鯪魚味, 又有少少陳皮味,

呢間餐廳永遠都有一條小人龍，想食就記住早啲去喇。當日晏就都等咗三四個字，對上班族黎講，lunch hour都幾寶貴，但都咁多人等，原來真係好抵食。菜膽雲吞排骨麵 ($45)我就轉咗米線，個湯底偏淡咗小小。不過排骨同雲吞都好食。雲吞好大粒，咬落去啖啖肉，好好食。排骨就另上既，冇骨嫁係，不過當日食就覺得偏乾咗小小，冇乜肉汁，我就加咗枱面提供既豆瓣醬，點完我覺得更好食。不過午餐黎講以$45呢個價錢食到咁足料既麵其實都真係性價比高，好抵食。